رابطة "دودات الكتب " .. حياكم

[Little_Queen]

روووووووووووح


امممممممممممم


شنو ودج تقرين ؟؟ شنو مودج هاليومين ؟؟؟


انا مثلا مودي ياي على الفلسفة و التصوف !!!!!!!!! و لا تسألوني ليش ! انا بروحي بروحي قلبت مره وحده ابي اقرا وايد عن الفلسفة و عن الصوفية !!!!!


ابي اقرا عن جلال الدين الرومي ! و نصير الدين الطوسي


مادري ليش هابين علي هبه هاليوووووومييييييين




" كله منك يا صرخوه !!!!!! " .....


و صرخوه لمن لا يعرفه ..

هو زميل معنا في رابطة الادباء .. اسمه محمد صرخوه .. بو زينب لازم اتكلم بذرابة سبحان الله ما يندرى يقرا ردي يوم من الايام مو زين اتكلم مو بذرابة

طبعا محمد صرخوه اخونا العووود في منتدى المبدعين " مو عود وايد يعني بس اكبر عضو في العصابة ... 26 سنه يعني مو وايد " ..

و ماشاء الله عليه لا اله الا الله يشرفني فعلا يكون لي اخ بهذه الثقافة الغزيرة

فيلسووووف يا جماعه والله قارئ نهم

في الفلسفة و الفكررررر و علم النفففففففس و التاريخ >>>>> موسوعة بكافة التخصصات الادبية ماشالله عليه

و قبل كل ذلك هو شااااااااااااااعر مبدع و موهووووب

و عاشق للأساطير القديمة

و كتاباته اغلبها على هذا النسق .. يدخل الاساطير التاريخيه مع الفلسفة مع اللغة العربية اشياااء غريبة والله

يخلي الواحد غصب يرد البيت يبحث عن اسطورة الامازونيات .. و عن زيوس و عن افروديت و جلجامش و غيره و غيره و غيره !

منو هذيله .. شقصتهم ..

فمادري الظاهر الاخ صرخوه اصابني بعدوى فلسفية غريبة النوع ..




- بو زينب ! اذا كنت تقرأني يوما ... فأحب ان اقول لحضرتكم ... " ترى ما فهمت شي من كتاب " اللوغوس " الي عطيتني اياه ! "


و اذا اي احد يعرفه يوصله هالكلمتين رجاء ..



جني لجيتكم مو ؟؟


لا بس والله من ضمن السوالف مادري شياب الطاري جان أببببع الي بقلبي



نرجع لموضوووووووووووووعنا الاساسي


روووووووووح ...... ليش ما تجربين تقرأين بلغة مغايرة ؟؟؟ انجليزي مثلا ؟

 

[سلايل*عبس]

هااااااااااااااااااااااااااي دودات اشلونكم وشخباااااااااااااااااركم توحشتكم كتير كتير كووووووووووووووووولوووووووووووووكوووووووم
حبيبة امها مشكوره يالغاليه ولاعدمتج دايم ماتنسيني بسميج الدوده الي لاتكل ولاتمل
لتل وجوجو والله خووووووووووووش لقاء لقاؤكم عيشتونه وياكم اللقاء وبالنسبه للدعوه حسافه ماشفتها عاد انا فيني فيني روحه للصالون عندكم جان مريتكم شوي وتوووفرررررجت على الاكشن الختيييييير اللي مسوينه

بنااااااااااااااااااااااااااااااات حكمتي الجديده بالحياااااااااااااااااااااااة لاتطوفكم
















فرفش ونعنش وعن الوناااااااااااااااااااااااااااااااااااااااااسه فتشششششششش

اوووووووووووشراااااااااااااااااااايكم فيه حلو من كثر الفراغه اخترعته ههههههههههههههههههههههههههههههههه

 

[نماين]

يا حلو سلايل يا ناس ايش هالحكمة هذي الفراغة او النسااات او النفسية الي ابدعت هالحكمة الحلوووة

المهم شخبار النفسية اللحين ؟ ان شاءالله في تقدم يارب بشري

فرفش ونعنش وعن الوناااااااااااااااااااااااااااااااااااااااااسه فتشششششششش

ولتوووووووووووول شسالفة شهالاسماء الصعبة الطوسي والرومي و........الخ

 

[Bq]

هلا بنات أشلونكم ؟؟
هلا رونه الحمد الله تمام يو ؟؟؟ أنشاء الله تمام <<<<الأخت طقت سوالف
سلايل لا لا الحككمه حده عجييييبه شلنا بالكدر والله ترى بشاركج بالحكمه لووول

نماين انا حطيت عن الكتاب من زمان راح اكتب لج أياه مره ثانيه الأن دروت الرد مال الكتاب بس مالقيته

أهو كتاب أنجليزي مترجمينه بالعربي وحقق نجاح وااايد كبير وسامعه أن غير تفكير وحيات الناس ((بعضهم)) و الكاتب بريا تراسي أهو 12 فصل أنا بالفصل الثاني واااايد حلوووو ومفيد الصراحه استفدت منه يتكلم أنه لازم تحلمين احلام كبيره وتقدرين تحقيقنها حتى طريقة تفكيرج يغيرها في وااااايد أشياء حلوووه على ما أعتقد انه في كتاب قبله منزل

هذا موقع www.braintracy.com ودشي على coaching

صوره مو راضيه تتحمل بعد شوي بحطها ((بحاول))

 

[.]

هايات بنات

شخباركم

جوجو خوووووووووش صور وثانكس عالصورة يا فنانة

يصير تدزون دعوة لمدرستنا ؟ عشان اضمن لك الجية بأذن الله

دمعة كلمنيا عن هالكتاب اهو من اي نوع ؟ عنوانه مغري

رونة شخبارك اليوم ؟ شيكي عالمدونة كتبت تعليق على رواية حميدي ( قاعدة اجرب يضبط التعليق او لا )

هلا نماين..

الحمدالله الله يسلمج..

انتي شلونج..

اي شفته ماقصرتي انا 24 اجيك ع المدونه اتوقع ملت مني خخخ..

مشكوره ع التعليق..

 

[.]

السلام..

شلونكم بنات..

دمعه الحمدالله بخير دامج بخير

هذي احلى حكمه شكثر بنعيش عشان نتكدر ماتسوى اساسا الياس و الاحباط و الاكتئاب ياثرون ع صحتنا ..

مرسوو سلايل شخباره البيبي الله يتمم عليج يارب..

 

[حبيبه امها]

صباااااااااااااااااح الخييييييييييير على الحلوين

ادري الوقت وايد مبجر بس لاني نمت نومة مالها معني
من 9 بليل لي 2ونص الفير ... شكو قايمة قبل الديج ؟؟؟!!!!

منبطة جبدي من نفسي حاولت ارد انام ماكو فايدة وادري بصدع الضحى

عاد قلت استغل الوقت ... وادش على حبيباتي الدودات واقرق عليهم


رونة
شلونج حبيبتي ؟؟؟ لا ماتشوفين شر يا الغالية انا ما ادري عن هالمعلومة انج تعبتي ما قريتها ... توني ثبت لما كتبت نماين ... الف لاباس عليج وديربالج على نفسج ... وتعالي يا حلوة انتي الحين مو بفترة بطالة ؟؟؟ روحي الطبيب سوي تحاليل .. يمكن في اغذية معينة لازم تاكلينها للفيتامينات وجذية ... وطمنينا عليج يا الغالية

وترا كتبت تعليق عن روايد حمدالحمد زمن البوح - التحولات .. شوفية ..


نماين

هلا ابلة شلونج ؟؟؟ افتقدناج ... الله يعطيج العافية ... والحمدالله انه شغلج طلع بشكل حلو وماضاع التعب .. وتستاهل ناظرتكم الله يباركلكم فيها

سلايل عبس
هلاااااااااااااا وغلااااااااااا ...شلونج ؟؟؟ لا ما شاء الله ... ربي يتمم ان شاء الله النفسية احسن ربي يدومها عليج
اي وكثري من هالحكم االي تونس ...:ggdw:

فعلا يا بنات لما تفكرون ليش الحزن والتحلطم ترا الانسان ما يعيش الا مرة وحدة واليوم الي يروح ما يرد فحسافة نضيعه بضيقة خلق ... والحمدالله احنا بخير ونعمة الله يتمم علينا

((لا تعاسة اكبر من التذمر ... السعادة القصوى في السعادة ... بعد كلش مو بايقتها من من روواية حبيب لتوووووووووووول
حمد الحمد ...))

نبيج سلايل على طول جذية وطمنينا عليج وعلي البيبي .. جينة مرة قلتي عندج بنوتة ؟؟؟ ا انا مو مضيعه المهم قوليلنا شخباركم كلكم :eh_s(6):

دمعه غلا

هلا والله شلونج ؟ شوقتينا على الكتاب شكله حلو ... اذا تقدرين كتبي من الافكار الي كاتب عنها اذا قدرتي يعني لا تكلفين على نفسج

جوجو

الله يعطيكم العافيه على المسرحية وزين سويتوا بتعيدون العرض


لتووووووووووووول

احس قرائاتج هالايام حلوة وغير .. مع اني ما عرفت اغلب الي قلتيهم ... بس هم زين استمري ​

بس خلاص يا جماعه ادري قرقت عليكم وايد... خل اروح اتزهب لدوامي سي يو يا حلوين

 

[.]

السلام عليكم..

هلا حبيبه امها ..

الحمدالله االله يسلمج ..

الشر ماييج يارب..

انتي اشلونج و بشرينا عن الوالده شخبارها ان شاءالله بخير..

اي توني شفته قبل لا ادش هني واستانست مشكوره..

اذا فاضيه ابي رايج بمخلص رواية خذها لا اريدها..

لا مو بطاليه

انا عنصر فعال بالمجتمع خخخ..

باجي البنات ازيكم..

امس قريت اجندة مراهقة رفعت ضغطي بنزل ملخص بمحتويات الخاصه هالمره مابي احط شي مبهم ماتسوى احد يشتريها..

واليوم المفروض اقرا عبث بس دايخه مو نايمه..

 

[Bq]

حبيبة امها أنشاء الله راح احط عن قريب

و أخيرا رحت الرابطه شريت الروايه الي كلكم شريتوها لووول زمن البوح وتحولات بساحس انه ما خذيت راحتي ( ماشفت الكتب )عدل الأن مستعيله و كان في ندوه

 

[بمبة المفترسة]

صبااح الخيرات والليراات
كيفكم منيحين
صراحة جوجو خووش مسرحية وشي حلوو انه بمدارسنا هالشغلااات
وحلوة تغطيتج لتل كووين ولو انها متأخرة وضحكتيني مووت
خاصة عماد حمدي مواعد فاتن حمامة لووووووووووول فطستيني ضحك قاعدة اتخيل شكلج شايلة البوكيه وضايعة بين هالاوادم
مت من الضحك وتدورين تصلحين كاتبة سيناريو وحوار

 

[Bq]

حبيبة أمها هاذي الأفكار

1- غير تفكيرك
2- غير حياتك
3- أحلم أحلام كبرى
4- قرر أن تحقق الثراء
5- امسك بزمام حياتك
6- التزم بالتفوق
7-ضع الناس في مقام الأول
8-فكر كما يجدر بعبقرى
9- أطلف قوالك العقلية
10-اشحن تفكيرك
11- اصنع مستقبلك الخاص
وأخيرا عش حياتك عظيمة

هاذي الصوره

[/url][/IMG]

سوري<<< لا مصري فيني تملق خخ الصوره مو واضحه الأنها بتلفوني

 

[Little_Queen]

لوووووووووووول دمعة


ابدعتي



بمبة المفترسة ..... والله الصورة الي تخيليتها اهي بالظبط الي صارت داشة و بايدي ورد .. و اتلفت ... و ادور وحده ماعرف اصلا شلون شكلها


حسافة انا جان قلت حق جوجو : بحطلج ورده حمره على زرار الجاكيت )))) - مع العلم اني ماكنت لابسه جاكيت - لووول


رونة ... شلونج شخبارج شمسوية


دممممممممممممعة .. متى رحتي الرابطة ؟ شلون تروحين ما تقوليلي ؟؟؟ انا اليوم و أمس كنت هنااااااك ... الحين اكو مؤتمر بعيد عنج


حياج الله .. وقوليلنا شرايج بالرابطة و بمكتبتنا الصغيرونة المتواضعه ؟؟؟



و إقري الرواية و قوليلي رايج







بكمل بعدين حدي دايخة


احبكم حدي

 

[Bq]

أكيد راح أقرى الروايه والله لو مو وقت أمتحانات راح أخليها بالعطله أنا قريت أول الصفحات الرواااايه رووووعه
اي لمن رحت كان في مؤمر ما بصرت عدل الأني كنت مستعيله وكنت مستحيه كان فيه واايد رياييل << ياخجوله يا انتي عاد صج كان مافي إلا حرمتين ماي 3 بس وناااسه عجيبه رابطه

بالنسه بلتمليق عندي واايد إذا عطيتج راح أصك راسج من التملق <<< لابلاغه نحويه خخ<< بدينا

تسلمين حبيبتي حتى انا أحبج

 

[حبيبه امها]

السلام عليكم..

هلا حبيبه امها ..

الحمدالله االله يسلمج ..

الشر ماييج يارب..

انتي اشلونج و بشرينا عن الوالده شخبارها ان شاءالله بخير..

اي توني شفته قبل لا ادش هني واستانست مشكوره..

اذا فاضيه ابي رايج بمخلص رواية خذها لا اريدها..

لا مو بطاليه

انا عنصر فعال بالمجتمع خخخ..

باجي البنات ازيكم..

امس قريت اجندة مراهقة رفعت ضغطي بنزل ملخص بمحتويات الخاصه هالمره مابي احط شي مبهم ماتسوى احد يشتريها..

واليوم المفروض اقرا عبث بس دايخه مو نايمه..

هلا رورو ... شلونج حبيبتي ؟؟؟ انا بخير الحمدالله ... والوالدة ربي لك الحمد اشوة وقاعد تتحسن ان شاء الله مشكورة وايد على سؤالج :tek:

ولا يهمج ان شاء الله اعلق بس وين ؟؟
ههههههههههه حبيبتي سوري انا مو قصدي بطالية بطالية انا حسبالي توج متخرجة وبانتظار الوظيفة ... مو ذاك اليوم تكلمتوا عن حفلة التخرج توني اتذكر انه الحفلة على دور السنة ... عادي انا قعدت بعد الجامعه سنة يالله توظفت فكنت اطلق عليها لقب فترة بطالة
اتوقع موظفة الحين صح ؟؟ المهم موظفة لا ... حاولي تسوين تحاليل وتتطمنين وطمنينا على صحتج ​

 

[حبيبه امها]

حبيبة أمها هاذي الأفكار

1- غير تفكيرك
2- غير حياتك
3- أحلم أحلام كبرى
4- قرر أن تحقق الثراء
5- امسك بزمام حياتك
6- التزم بالتفوق
7-ضع الناس في مقام الأول
8-فكر كما يجدر بعبقرى
9- أطلف قوالك العقلية
10-اشحن تفكيرك
11- اصنع مستقبلك الخاص
وأخيرا عش حياتك عظيمة

هاذي الصوره

[/url][/IMG]

سوري<<< لا مصري فيني تملق خخ الصوره مو واضحه الأنها بتلفوني

هلا دمعة
مشكورة حبيبتي :tek:
وايد حلوة الافكار ...بكتبهم عندي ​

 

[حبيبه امها]

باجي الدودات شلونكم ؟؟؟


توني خلصت رواية ويبقى الامل - لعلياء الكاظمي - وهي اول رواية كاتبتها
ما ادري ومع احترامي لها عندي بعض الانتقادات وايد مشابهه لاخر رواية كاتبتها ورود ملونة
نفس الاحداث نفس الابطال ... بالروايتين ... رجل غني ( ما ادري ليش كلة اغنيا ؟؟!!!ذكرتني بفجر السعيد ) وعندة بنات ولد واحد ولكل شخص قصة وحب...
اسموحولي انا مو مع الكم لمجرد الكم .. افضل الكاتب بكل كتاب له افكار يديدة وقصة يديدة ... اذا ما قدر ينطر .. ما يخرب على نفسة بكثرة العدد على المضمون

اعذروني على الكلمة حسيت بملل شديد نفس العبارات نفس الوصف .. الابطال نفس الاعمار احس الشخصيات اهي اهي ...بس معقولة رواية قبل 3 سنوات ورواية الحين ونفس الاسلوب ماكو تطور ؟؟

مع اني ذكرت من قبل الي عجبني انه اسلوبها راقي ... بس ما احس في فكر محدد رواية واحداث فقط ماطلعت باي استفادة ...
انا هذا رايي الشخصي ... بس لاني تحسفت عليها انها لها موهبة حلوة ومو قاعدة تستفيد منها عدل جان زين تقدر تطور من نفسها اكثر لانه اول وتالي اهي من بنات ديرتنا واكيد راح انكون فخورين فيها ​

 

[حبيبه امها]

لتووووووووووووووووول


قاعدة اقرا عن حبيبج ... جيفارا طلع اغشر من اهو صغير ثوري
وطبعا ورث هالشي من اهل ابوة لانه هم كانوا عنيدين وثوريين
بالاضافة انه امة وابوة وايد اصقلوا شخصيته انه علموة شلون يعبر عن ارائة وشلون يوجهونة وينصحونة لكن اهو صاحب القرار
وايد اشياء اذا اتحبين اقولج اكثر والا تحبين انتي تقرينة من الكتاب افضل ؟؟​

 

[Little_Queen]

لاااااا سولفي سولفي يا حبيبه امها

حطيلي معلومات أكثر اكثر اكثر بليييييييييييييييز

 

[Little_Queen]

اليوم شفت روووح كويتية في ندوة مخلد العازمي كانت قاعده تسوي تغطية

 

[.]

السلام..

ازيكو..

الحمدالله بخير الله يسلمج يارب لتول وت ابوت يو؟؟


هلا حبيبه..


الحمدالله بخير دامكم بخير..

الله يشفيه يارب الشفاء التام..

خخ لا عادي بس انا توظفت بسرعه لاسف عقب تقريبا 4 اشهر تخرجت نص 6 نزل اسمي باول مادري نص 10..

اي ان شاءالله..

اهي موجوده بالبلوق فوق ظلي ..

علياء جنها ذامتها جوجو..

عيب اللي عندنا مايطورون نفسهم و يحرك نفسهم بمجال محدد مع انه في وايد قضايا لازم نافشها..

اخر قرائتي خخ لفلاش..

اخت رفيجتي يابت لي 5 اعداد منهم خلصت واحد ..

و2 بلشت فيهم

1 لعبت مع اختي المسابقات اللي فيه ..

وال الثاني قريت اوله بالدوام..