رئيسااات الاقسام ..مساعده لو سمحتو بليييييييز.

[أبلة مس]

ابله مس


مشكوووووووووووووووووووووره ما اتخيلين شلون استفدنا منج وانتي ما تدرين


الله يوفقج وييسر امورج مثل ما يسرتي امورنا يا الغلا

كلنا لبعض حبيبتي .. :tek: .. و موفقة دوم إن شاءالله

 

[أبلة مس]

ابله مس طرشي لي بعد
رفيقتي ما اتعرف شي برئاسه القسم((رياضيات))

حبيبتي .. آنا راح أطرش لج طريقة وضع الخطط ... أما أي شي يخص الرياضيات اسمحيلي .. اختج الله يسلمج ميـــــــــــح بالرياضيات :0bee2e8d89:

موفقين إن شاءالله

 

[أبلة مس]

شـــــــــــــــــــــــــــــــــــــــــــــكر خـــــــــــــــــــــــــــــــــــــــــــاصــــــــــــــــــــــــــــــــــ


لابله مس


بصراحه انتى انسانه كريمه و ما شفت وحده متعاونه مثلج بهالتفاني

عسى الله يوفقج و يعز شانج يارب

تسلمين حبيبتي ..

أخجلتيني بصراحة .. بس ترا في وايد ناس بيننا متعاونين و ما يقصرون .. و يستاهلون كل خير شرواج

و يارب يوفقج دوم بإذن الله و لا يخيب ظنج أبد في أحد

​

 

[أبلة مس]

مشكووووووووووره ابله مس ويعطيج العافيه وان شاءالله نتبادل ونستفيد

مـــــــــــا شــــــــــاءاللـــــــــــــــه عليج .. و مشكورة واااااااااااااايد و ما قصرتي ...

عطيتيني أفكار وايد بهالخطة ... :tek:
​

 

[أبلة مس]

يلااااااا بنات همتكم ....


نبي أرقام هالمحلات اللي يسوون سجلات ذربة ... و عناوينهم ..
​

 

[هوى الدار]

بنات انا مسويه سجلاتي بحولي بمكتبه الابداع اعتقد هذا اسمها ويراويج عينات انتي تختارين يعني ما تحتارين بالالوان او نوع الطباعه

وبقولكم نصيحه بالسجلات لما تسوينها لا تحطين اسم المدرسه لانج مو اكيد تكونين فيها طول مده رئاستج للقسم ممكن تنقلين ما تعجبج المدرسه او اي ظرف بس حطو شعار الوزاره ووزاره التربيه تحتها بعدين اسم السجل وللانجليزي نفسي حطي اسم السجل بالعربي والانجليزي وتحت اسمج رئيسه القسم

 

[هوى الدار]

الخطه الاسبوعيه جدول فيه ايام الاسبوع والحصص السبعه وتكتبين انتي تملينه بخط اليد او تطبعين اسبوع باسبوعه

انا مسويه فورمه الجدول فاضي بالبدايه اسم المدرسه والمنطقه التعليميه بعدين

خطه العمل الاسبوعيه لرئيسه قسم اللغه الانجليزيه تحتها الاسبوع من ........ الى ........ تحطين تواريخ الايام وتحت تملين المربعات بكل شي تسويه اذا اجتماع اسبوعي للقسم او اجتماع اداري حضورج للابلات حضور اجتماعات خارجيه حضور دروس نموذجيه مناقشه معلمات بعد حضور حصصهم مراجعه امتحانات جلوس مكان المديره المساعده باختصار حاولي تملين الخطه وحاولي تلتزمين فيها كثر الأمكان

 

[أبلة مس]

ماشاءالله مبدعة يا هوى الدار ... وينج من زماااااااان _03BA:

جم خبرتج يا هوى الدار ؟؟؟ خلينا نستفيد .. بعدين ترا آنا توني أول سنة رئاسة قسم .. يعني مو ذاك الزود خبرة بس تعلمت وااايد من رئيسات أقسام قبلي كانوا ماسكينا .. الله يذكرهم بالخير ما قصروا معاي

 

[هوى الدار]

هلا ابله مس

انا خبرتي سنه وحده رئاسه قسم رسمي وكنت سنتين قائمه باعمال والحمدلله تعلمت

واي استفسار انا حاضره

وانتي بعد ابله مس ماشالله عليج فاهمه وشاطره

 

[الفنانه79]

بعد قلبي هوى الدار

تكفين نبي خبرتج

شنو انسوي اول السنه ؟؟

متى انزور المدرسات ؟؟

وغيره من الاموووووور الفنيه للقسم

 

[هوى الدار]

الفنانه
هلا فيج يا قلبي

اول السنه شوفي ناظرتج يمكن يكون لها راي بالسجلات او تبي طريقه معينه لان في ناظرات يتشرطون وفي ناظرات لا
وشوفي جدول قسمج راح يكون موزع خالص من العام وسالي موجهج او موجهتج عن سجل التوجيه الفني شنو الفورمه المعتمده علشان لا تصورين وتسحبين تالي ينقط بالزباله ترى كل موجه غير عن الثاني

تعرفي على ابلاتج وعرفيهم بنفسج وتعرفي على رئيسات الاقسام الي معاج لانج راح تستفيدين منهم ومن خبرتهم وحتى ممكن من سجلاتهم والفورمات مالتهم انتي بس تغيرين بالبيانات

الزياره لا تستعجلين على ابلاتج نطري شوى خاصه انه بيكون برمضان
ممكن تزورين بس يكون استطلاعي وقولي للابله الي تحضرينلها انا بس زايرتلج زياره استطلاعيه مو تقييميه خل ياخذون نفسهم ويرتبون امورهم وبعد رمضان والعيد ابدي زوريهم رسمي تقييمي مع سجلج انتي سجل الزيارات وسجلي الزياره بتفاصيلها وكتبي المميزات والسلبيات ووقعي على دفتر تحضيرها وناقشيها تالي مدحي ايجابياتها وبينيلها السلبيات وعطيها الحلول والبدائل

وخلي علاقتج مع الاداره زينه اذا عصاج شي رجعي للناظره بما انج اول سنه رئيسه قسم وتوج راح تنصحج وتساعدج وان شاءالله تكون خوش وحده اهي والوكيلات

واي استفسار امري

 

[هوى الدار]

وينكم ليما الحين نايمين

 

[أبلة مس]

ما شاءالله عليج ياهوى الدار .. ودي أحضنج _03BA:​

 

[هوى الدار]

هلا ابله مس تعالي حبيبتي حضنيني لا تستحين خخخخخخخخخ

اي استفسار انا حاضره وان شاءالله نفيد بعضنا

 

[ماكوشغل]

ماشاءالله عليكم كفيتم ووفيتم عساكم على القوووة

 

[هوى الدار]

صج بنات اي نشاط يسويه قسمج صوريه اعتمدي على ابله شاطره حرجه عندج وقوليلها اي برنامج اذاعي او درس داخلي او ورشه عمل او اي نشاط انتي تصورينه حتى لو بالموبايل مو شرط كاميرا ديجيتال ونزليه اول باول على كمبيوترج لا يتراكم عليج مع تعليق بسيط عن نوع النشاط وتاريخه والقائمين عليه وطبعا ممكن اخر الكورس تسوين اصدار انجازات القسم اما مطبوع او سي دي حسب طلب التوجيه وتعطين ناظرتج وموجهج والموجه الاول نسخه هالشي يبين شغلج ونشاطج وانشطه القسم الداخليه ويكون في صالحج وممكن يدزولج عليه شهاده شكر من التوجيه نفس ما سويت العام ودزولي شهاده شكر حيل استانست الناظره عليها واستانست بعد على السي دي والاصدار ترى مرات مهما سويتي طول السنه من جهد وشغل مني ومناك ما يبين غير لما تبرزين انتي شغلج فحاولي دايما انتي تبرزين شغلج بنفسج للناظره والموجه
وسلامتكم

 

[أبلة مس]

ما قصرتي حبيبتي ..

أنا بسألج عن شغلة وايد مهمة و ممكن أمر فيها ..

آنا حاطة الرغبةفي مدرسة معينة و إن شاءالله أتعين فيها .. بس المشكلة إن فيه معلمة أعرفها زين انتقلت هناك .. هالمعلمة الله يسلمج كان عليها وااايد شكاوي من الإدارة و أولياء الأمور .. بأول السنة .. تعطي عطاء مو طبيعي .. بس تكتشفين شهر ورا شهر إن فيه أشياء غلط قاعد تعطيها البنات .. و تبدأ هي بالغياب و ضياع الحصص على سوالف مع البنات و جذي .. و من النوع اللي تاخذ طبية و إجازات و طبيات على طول ..

هذي شلون أغير من شخصيتها لصالحي و صالح العمل ؟ شلون أغير من أسلوبها في التعامل و التدريس ؟ ..

و إذا ما تغيرت .. و ظلت كما هي ؟ .. أنا شنو عندي صلاحية عشان ما أخلي المشكلة تتفاقم و تأثر عالبنات ؟؟

أدري دوختج .. بس إن شاءالله صدرج وسيع و ما تقصرين

 

[هوى الدار]

ابله مس دايما خلج حقانيه

في ناس علبالها اذا انا بينت اني شاطره وخذو الانطباع الاول اني شاطره خلاص بعدين بيحبوني ويعذروني اذا تكاسلت او نزل مستواي وغبت

انتي باجتماعات الاوليه بينيلهم ان التقييم مو بس بايدج في ناظره وفي موجه معاج يقيمون وان الغياب او التكاسل كله ينكتب اول باول مهما كانت المدرسه شاطره لكن تغيب بكثره ماراح تاخذ الامتياز وان المدرسه كثيره المشاكل والغياب ممكن الاداره تاخذ عنها فكره وتحاسبها وكل شي يطلع بالتقرير

يعني باول اجتماعاتج خلي كلامج عام بس انتي بينج وبين نفسج عارفه الكلام موجه لمنو وبنفس الوقت تذكرين غيرها او توضحين هالشي للجدد

واذا ابله مشاكلها واجد مع القسم ومعاج نصيحه خلي الناظره على علم بمشاكلها وخليها معاج بالصوره لان ممكن هالمدرسه تشتكي عليج او تنقل صوره عنج بالغلط ولانهم عارفينها ومو عارفينج ممكن تنظلمين

انا ما اقولج نشري غسيل قسمج بالاداره لا ابدا وانا شخصيا ولا عمري سويتها ولا عمري تكلمت عن ابله عند الناظره الا باشياء فنيه طبعا وقت التقييم لان رئيسه القسم الشاطره الي تحتوي قسمها وتحل المشاكل داخليا ومحد يحس ان في مشاكل

لكن في ناس تظطرج انج تتكلمين لانها مو بس تخرب عليج وتشيش عليج لا تخرب حتى المدرسات غيرها خاصه الصغار والجدد لانها تبيهم نفسها مو احسن منها

فانتي حاولي يالحسنى بالبدايه حتى لو اظطريتي تتكلمين معاها بانفراد وبيني الي مو عاجبج اذا رضت ورضخت كان بها انتهى الامر اذا لا خلي الاداره والتوجيه معاج بالصوره

وموفقه

 

[هوى الدار]

وبالنسبه للامور الفنيه اذا شفتيها تعطي للبنات معلومات غلط انتي صلحيلها وكثفي عليها الزيارات خل تحس انج متابعتها والسلبيات بينيها لها وقوليلها ان شاءالله الزياره الجايه ما اشوف هالسلبيات او هالاخطاء وحضريلها اذا تفادت كان بها اذا كررت الاغلاط والسلبيات وشفتي مستوى البنات مش ولابد ثبتي هالشي بتقرير زيارتج وخليها تقرا وتوقع يمكن تنقرص وتتعدل وطبعا اذا لا حظتي ان هالشي يتكرر مع ابلات غير سوى اجتماع القسم عن هالمشكله طبعا بدون ذكر اسماء الابلات وبيني الصح من الجوانب الفنيه وهمن ان مو معقوله ندرس البنات اشياء غلط او الفاظ غلط ( الانجليزي ) خاصه المدرسات الوافدات مرات يكون لفظهم للكلمات غلط فخلي اجتماع للقسم عن هالمشكله وتناقشو فيه وخليهم يوقعون عليه بالعلم

انتي جذى سويتي الي عليج وكملي المتابعه واذا تكرر الحال نفس ما قلتلج خلي الناظره والموجه بالصوره لانه مو معقوله ندرس البنات اشياء غلط وانتي كرئيسه قسم هذى امانه برقبتح ومسؤوليتج

وعسى الله يقدرنا ونكون قد المسؤوليه

 

[جــــوري]

أخواتي العزيزات : مثل ما استفدت منكم أحب أفيدكم عن سجل الزيارات بالنسبة لتخصص اللغه العربيه لأن هذا

هو تخصصي وكل وحده تغير حسب تخصصها ........ الفورما مالت سجل الزيارات شلون صايره ؟؟؟؟؟؟؟

أول شئ : على يمين الصفحه نكتب وزارة التربيه . منطقة .............مدرسة ....................على يسار الصف

الصفحة : اسم المعلمة ............اليوم اوالتاريخ ..................الفصل والحصة .........................عنوان

الدرس ..............................رقم الزيارة ...........................
بعدين نسوي جدول في الآتي : الاعداد والتحضير/ شخصية المعلمة / قدرةالمعلمة على قيادة الفصل / التحدث

باللغة العربية المبسطة / الألتزام بخطة المادة /تحقيق الأهداف السلوكية / إجادة صياغة الأهداف السلوكية /

مراجعة المهارات السابقه / التركيز على مهارة الدرس / استخدام الكتاب المدرسي / المتابعه الكتابيه للتلميذات

أثناء الحصه / استخدام الوسائل والتقنيات / تطابق الإعداد الذهني و الكتابي تنظيم السبوره / متابعة الأعمال

التحريريه / علاقة المعلمه التلميذات / استخدام كراسة المتابعه التحريريه / تقويم التلميذات / توزيع زمن الحصه

بعدين يخلص الجدول ونكتب ملا حظات -----------------------------------------------------------------
بعدين توقيع المعلمه على اليمين ورئيسة القسم على اليسار { أتمنى عزيزاتي انكم استفدتم }