{ ذئــاب لا تعــرف الــرحـــمــة ..!!

[الزين كله فيها]

مشكوره حبيبتي على البارت و ناطرينج باللي ياي يعطيكم العافيه

 

[Bnt AL-86an]

رد : { ذئــاب لا تعــرف الــرحـــمــة ..!!

يعطيكم العافية
ناطرين البارت الياي​

 

[فتاة الكئابه]

يعطيكم العايه ناطرين البارت

 

[سارووونه22]

الروايه عجيييبه توني ادري انج نزلتي روايه امبيه صج كادي كسرت خاطري

 

[toutiiii <3]

رد : { ذئــاب لا تعــرف الــرحـــمــة ..!!

Kmlllllllllllllllwww

Nbii Partttt

 

[admant_7abk]

ناطرينكم
=)

 

[zizo0ou-x3]

yslmoo
waiting elyay
shw8tene wde a3rf shswalha

 

[maruko0o]

waiting

 

[rayona]

الـــبـــــــارت الــتـــاســــــــــــــعــ ..


اكرهك وبعز كرهي احس إني احبك اكثر ..


بأحد الملاهي ..

كان سيف ماخذ بنته بيلعبها شوي .. و يرفه عنها بدال قعدة البيت ..

شــــوي ولا يسمع وحده ..

--- : كادي يمه تعالي وين بتروحيين ..

سيف لفت انتباهه هالاسم .. و لف يدور منو يقول كادي ..

شاف بنيه صغيره اسمها كادي و امها كانت تناديها .. ابتسم للبنت الصغيره و ظل يخزها ..

سيف " آآآخ يا حلوو هالاسم .. شسوي ؟؟ على كثر الجروح اللي قدمتيها لي الا اني ليلحين احبج !! ياليت اقدر انساج وارتاح من هالعذاب !! يارب ساعدني يارب انساها عشان اقدر اكمل حياتي مرتاح


ورجـــعـــت فيه الذكريات لذاك اليوم ..

عـــــــل بــحـــــــر ..

سيف : زين حياتي انتي شتحبين اكثر شي البنات ولا الصبيان ..
كادي : ما فهمت ..!
سيف : يابووووووووووي تعال فهم .. كادي شغلي مخج الحين لا تزوجنا انشاءالله ..
كادي بطريقه عبيطه حطت ايدها على قلبها : واي يممه يمه الله يسمع منك ..
سيف : هههههههههه مينونه زين سمعي خل اكمل
كادي : كمل ..
سيف : تزوجنا شي طبيعي ابي عيال انا
كادي : لا يمه اخاف على جسمي انا مابي يهال
سيف : مالي شغل فيج عاد انا ..
كادي : مابي مابي سيف .. اخاف
سيف بضحكه خباثه : خخخخخخخخ تخافين هـــا .. خل نتزوج بس و انسييج الخووف حبيبتي .. زين خل اكمل يرحم امج ..
كادي : ههههههههههههههههههههههههه كمل ..
سيف : زين و تزوجنا و يبنا عيال شنو تحبين يكون عندنا بنات ولا صبيان
كادي : مادري آي شي ما تفرق عندي
سيف : انا ابي بنااات و كلهم بسميهم اسم واحد
كادي : شنو آي اسم ..
سيف : اسم حبيبتي و حياتي و دنيتي كلها
كادي خزته معصبه : منو حبيبتك و حياتك .. هاا كنت تحب من قبل .. زين ليش ما قلتلي انك تعرف وحده قبلي و تحبها عادي بتقبل الوضع بس الحين اسمحلي ..
قاطعها سيف : هيييييييييييييييييييييييييييوووو .. يا بابا شفيج انتي .. خليني اكمل كل شي تحليلينا على كيفيج
كادي : بعد شنو مافي غير هالتحليل
سيف : لا في غيره .. حياتي و دنيتي .. انتي
كادي : هاا!!
سيف : ويعاه شنو ها
كادي : يعني بتسمي بنتنا كادي !!
سيف : ايه
كادي : ينييت شي !!
سيف : لا والله وراسج اتكلم جد
كادي : هههههههههههههههه عشان الكل يضحك عليَ صح
سيف : شكو كيفي .. من كثر ما احبج و احب اسمج بسمي بنتي على اسمج كادي و بترس البيت كادياااتت جمع كادي يعني
كادي ميته من الضحك على عبطه
سيف : شفيج تضحكيين ترى من صجي اتكلم .. مابي ابي اسمج دووم على لساني انطقه ما يغيب عني لحظه ..
كادي : يااااااااااااااا بعد عمري ..
سيف : ضحكي ضحكي
كادي تستعبط : ايي بضحك هههههههههههه
سيف ابتسم : تدرين اني احب ضحكتج!! محد يطلعني من عز ضيقي غير ضحكتج اووه شكثر احبها ربي لا يحرمني لا منج ولا من ضحكتج اللي اعشقها
كادي : بعد قلبي والله ولا يحرمني منك يارب

--

رجع لأرض الواقع ..

سيف : الله حرمني منها ومن ضحكتها ومنها كلها .. بس ما حرم قلبي من هالحب اللي مو مكتوب انه يكتمل وابتسم بحسره و ندم آآآآآآخ على ذيج الايام يا حلووها يا ليتها لو ترجع .. و كمل يلعب بنته


----------------------------------------





بــــغـــــرفه الاعتــرافـــات .. بالغرفه اللي طلعت كل ماضيها فيها واللي مستمره بسردها لذكرياتها لدكتورتها اللي تسمعها بكل اهتمام ..

كــادي : مثل ما قلتلج من يوم ما امي زفته صرت لا اكلمه ولا يكلمني .. بس ما نسيته كملت بحبي له وبنيت احلام واحلام بس للاسف هالواقع ما حقق لي هالاحلام وكانت حياتي مجرد كابوس ..

كادي : علقني فيه ... حبيته .. حبني .. لا ما اقدر اقول حبني اقدر اقول اوهمني بحبه لي .. او يمكن كان حبه لي حب مراهقه و عــدا !!
د.منى : ماني فاهمه شلون حبج بعدين يوهمج بحبه !!
كادي : الحين بتفهمين .. صح اني احبه و همن كان اهوا يحبني .. بس الي خلاني اقول انه اوهمني بحبه .. لـــمـــن ..

وغاصت في بحر ذكرياتها الآلــيــمــه ..

اذكر يومها كنا رايحين المخيم نخيم ..

نرجــع لــذاك اليــوم ..


ووقتها كنت قاعده متملله ماكو شي اسويه و الصراحه تعودت من صغري مااقعد مع بنات العايله اكثر شي ضــاري!! اهوا الي كنت اقعد معاه ..

فلمن كبرت و ابتعدت عنه خلاص ما قمت اقعد معاهم الا شوي .. و الصراحه سوالفهم ما تعجبني همهم هذي سوت و هذي قالت و انتي شلبستي و الماركات والمكياج .. و هذا كله ما يهمني ..

فوخرت عنهم وقتها .. و قررت اطلع اتمشى بروحي ..

و كان وقتها بــــــرد .. كنت متثلجه من البرد ..

لاحظت اكو واحد راكب بانشي و مجبل صوبي ..

بلحظه تخيلته ضاري و استانست .. كنت مشتاقتله ودي اشوفه من زمان ما شفته و قعدت معاه و كنت بستغل الفرصه محد موجود يمي و بكلمه ..!!

بـــس لمن قرب هالشخص يمي انصدمت انه

مـــو ضـــاري ..

كان ولد اخوه الكبيـر .. علـــي !!
صج ضاق خلقي بس بنفس الوقت استانست قلت استغل الفرصه و اعرف اخبار حبيبي !!


علي مر يمها بالبانشي : كادي اردفج ؟
كادي ابتسمت : حده ايي !!! وركبت وراه ولفت ايدها على ظهره
علي :ها امشي ؟
كادي : ايي
علي دااس وكادي تصرخ من الونااسه
كادي :الجو باارد بس حده ونااسه!!
علي : هههههههه افا عليج بس
كادي : عليوي قولي عن العايله شصار ؟ من زمان ما ييت اليمعه ..
علي : شتحبين تعرفين ؟
كادي : مادري اي شي!!
علي : اممم ود حاطه عينها على عمي ضاري
كادي سمعت اسمه ودقات قلبها تزيد : ود ؟ بنت مشاعل بنت عمتي !؟
علي : ايي !!
كادي: اممم ما اتوقع انه ضاري يعطيها ويه
علي بنيه صافيه واهو مايدري عن كادي وضاري : ايي حده عمي يحب وحده وماعطى ويه حق وحده حلوه غيرها عشان الحين بيعطي هالـ ود !
كادي : يحب !؟
علي : ايي !!!!
كادي : امم احس انه مو لايق علييه يحب و رومانسي اصلا ما احسه حنون .. ( كل الكلام من ورى قلبها عشان علي لا يحس)
كادي بقلبها " محد حس بحنانه غيري انا اللي عشت 14 سنه معاه وبأحضانه وحسيت بحبه لي وحنانه
علي: لا من صجج هذي ميت عليها اقولج اول يوم كنت اقوله بكلم اللي تكلمها يرضى! مليون وحده كلم وكلهم بس جذي يستعبط عليهم وانا احاجيهم استظرف دمي واعطيه الا هذي من غيرته ما يخليني اعرف اسمها حتى
كادي : امم لهدرجه ضاري قريب منك
علي : يمكن انا اصغر منج بسنه وحسبالج اني صغير الا اني بسوالف البنات كبير وفوق ما تتصورين وبهالمواضيع انا وعمي نكون قراب حيل
كادي : هههههههههههههه حلوه هذي
علي : اعجبج وغمز لها
كادي : مالت عليك بس ما اتوقع انه ضاري يحب صج يمكن يتغشمر معاك
علي: لا يبه يحبها صج !! انا اعرف عمي و وااضح عليه بعدين انتي شيهمج فيه ها !
كادي : هههههههههههه احب اعرف السوالف ماتعرفني يعني !!
علي : لا يبه حافظج
كادي بصوت مخنوق : زين ردني انا استبردت
علي : توالناس
كادي : ادفى شوي وبعدها اركب معاك مره ثانيه
علي : زيين وردها

طلعت من دوامه ذكرياتها ..

هالذكرى لها اثر كبير والدليل انه نزلت جم دمعه بس مسحتهم بسرعه

كادي : يومها هديت علي و دشيت الخيمه قعدت بروحي ابجي .. دموعي كانت دموع ندم و حسره على ايامي مع هالشخص .. حبيته تعلقت فيه صار اهوا حياتي كلها كنت عميه ما اشوف غيره اهوا .. كانوا يلحقوني واايد بس محد تارس عيني غيره .. انصدمت لمن قالي يحب وحده و يموت عليها .. صح ضايقني بكلامه بدون لا يدري علي اعده اخوي واكثر وعلى انه كلامه ضايقني وانه قالي حجي انا ماكنت ابي اسمعه الا اني حبيته اكثر لأنه وعاني على هالشي مادري شلون كنت غبيه ومتوقعه انه ما راح ينساني ..بجيت يوم حبيته و بجيت يوم كرهته مادري يا ضاري متى بتجف دموعي و ما ابجي عليك !! محد وفالي بهالدنيا غير دموعي ..

 

[rayona]

يسلمو ع الباارت قلب

جني بديت افهم شووووووووووووي

نااطرينكم

الله يسلمج عمري

اشواا بديتوا تفهمون و انشاءالله بتفهمين اكثر اذا تابعتي البارتات اليايه

 

[rayona]

رد: رد : رد: { ذئــاب لا تعــرف الــرحـــمــة ..!!

Waaay mskena kady kmlaw ;* entw 2 76aw partain belyom :$

hla b3ad glbii ...

eeh wallah mskina .,

7yate e7na ga3den en7awel 3la gad ma ngdr enfa'9i nfsna o en7e6 lkom part eli tkon fa'9ya oo tgdr etnazel etnazel part .. 3rftay ..

oo mshkora 7abebte 3l motab3a

 

[rayona]

شكرا على الروايه
الله يوفقج
كملي انا متابعه لكل رواياتج

هلا بعد قلبي

العفووو حياتتي

و يوفق الجميع .. حياج حبيبتي منورة القصه

 

[rayona]

مشكوره حبيبتي على البارت و ناطرينج باللي ياي يعطيكم العافيه

العفوووووووو حياتي ..

و حياج بعد عمري منورة الروايه ..

نزلت بارت انشاءالله يعجبج :eh_s(7):

 

[rayona]

رد: رد : { ذئــاب لا تعــرف الــرحـــمــة ..!!

يعطيكم العافية
ناطرين البارت الياي​

هلااااااااا والله حبيبتي ..

الله يعافيج حبيبتي

نزلت البارت التاسع انشاءالله يعجبج ​

 

[rayona]

الروايه عجيييبه توني ادري انج نزلتي روايه امبيه صج كادي كسرت خاطري

هلا حبيبتي ..

نورت الروايه بوجودج

و بتكسر خاطرج اكثر بالبارتات اليايه

 

[rayona]

رد: رد : { ذئــاب لا تعــرف الــرحـــمــة ..!!

Kmlllllllllllllllwww

Nbii Partttt

زييييييييييييييييييييييييين حبيبتي توني كملت و سوري عل تأخير

 

[rayona]

waiting

هلا حبيبتي ..

توني نزلت بارت 9 .. قراءه مممتعه

 

[rayona]

yslmoo
waiting elyay
shw8tene wde a3rf shswalha

هلا والله ..

الله يسلمج حبيبتي ..

 

[rayona]

ناطرينكم
=)

أهلا وسهلاً

تسلمين عمري عل متابعه ..

 

[mss.86oo6a]

رد : { ذئــاب لا تعــرف الــرحـــمــة ..!!

الباااارت عجيييييييييييييييب
بس بعرف سيييييييف منوووووووو ؟؟؟؟؟ مسكينن يمووت بكادي
عااااااااااااااااااشوووو
waiting