ديوانيــة المنتــدى .. سوالف و وناسه .. حياكم الله

[al7reyaa]

مسك
انا مو ذاك الزود بالحلو
المالح والسلطات اعجبج
بس حلو مممممم لالا اكسر الخاطر

 

[al-3azeza]

هلا وغلا اشلونكم بنات


احلى الجياكر اشلونج

الحريه تكفين ابي دراعه كشخه وين المغاتير هذا |||

امس اختي ورتني دراعه اتينن مخيطتها بالعربيد اب 35

 

[مسك 3]

سبحان الله كل وحده لها فن بشي الحريا
تدرون اني ما رحت الا لأمي ويدتي
وبطلع اشاعه على عمري اني في البحرين عندي امتحان(بسم الله الرحمن الرحيم)

 

[al7reyaa]

هلا والله ام حمني
المغاتير بالفروانيه جبال الحمرا مول اسم المحل السعفه البرونزيه
انا شاريه منه حق القرقيعان وحق امس
اعجبت امي وخواتي ومرت خالي

 

[al7reyaa]

مسك
انا امس بس رحت حق امي لقيت مرت خالي وبنات خالي

وعقب رحت بيت خال ريلي العود الحمد لله كل خواله وخالاته وحريم خواله والذريه متيمعين يعني لا تفترين

يدتي تقعد ثاني يوم عاد اليوم فراره عدله
انشالله

واذا على فن الطباخ ترى والله ونااااااسه
اسوي خرابيط وشي على شي ويصير زين
وينوكل
خربطي اي شي حطي عليه كريمه حمرا مره مع كتشب ومره مع جبن ومره مع قيمر
ويطلع خووووووش طبق

 

[مسك 3]

اي صح الحريا الطبخ حلو وألحى اذا عندج أحد يلبق عقب
أم حمني شلونج حبيبتي
ترى العدد وصل 2 من كل نوع

 

[أحلى الجياكر]

هلا بنات
الحريه ..شلونج ..أمس الحمدلله مر على خير ما عورنى راسى و هذا كنت أحاتيه ..أمس فطورنا ربيان بقسماط ...و تشريبه حق أبونا ...و مقليات مشكله عجيبة ما شاء الله ...و الحمدلله

مسك ..هلا فيج ..شلونج مع رمضان

أم حمنى ...شغلتو النافورة ؟؟؟؟

 

[al-3azeza]

بعد عمري انزين اسعاره غويليه ولغ زينه لان داشه جمعيه اكسرت ظهري

 

[أحلى الجياكر]

الحريه ..أمس شريت كل مقادير العيش البنفسجى أخيرا ..الأج بى الفروتى عيزت و أنا أدوره
يبيلى يوم أتفنن جدام هالريل

 

[أحلى الجياكر]

أمس خذيت لى مع السحور حبتين بندول إكسترا !!!هالحجى الساعة 4 الفير ..والله العظيم تميت مصحصحة لي الساعة 4 العصر !!!!!!! بس أبى أنام ..جسمى تعبان بس راسى مصحصح !! لفيت قطايف شكبرهم قطع جنهم طراقات !!! عاد ما عندى يوز ..تهقون شحطيت ؟؟؟؟ عنده جبنه لذيذة إسمها حلايب ..حشيتهم فيه ...و الله طلع لذيذ ...

 

[al-3azeza]

احلى الجياكر بتفطر عندج اليوم يمي يمي شكل فطورج عيب وبيني وبينج بقب من اللي عندي والله امس اقول حق امي بتفطر عندكم ماني متفطره ابيتهم ... امي مسكينه اتقولي ليش مو عاجبج اكلهم واا بالعه الموس وساكته اقولها لا بس يحطون الاكل مره وحده فامشي وادب انتو اتحطونه على دفعات فما اكل وايد


النافوره والله والله والله انا بين لقمه ولقمه ادعيلج ينوووووووووووووو عليها استخفوا هاج تستاهلين مطخه مواااااااااااااااااااااااه

 

[al-3azeza]

شنو سالفه العيش البنفسجي ابي اسويه

انا لاني متفننه ولا شي حقهم بتفنن حق اهلي ... كل ماتفنن حتى كلمه ماشاءالله والا الله تنقال والمصيبه هالعوبه اقوله ليش مو ماكل من السلطه يقول عبالي الخدامه قاصتها مع العلم مجابلني وانا اقصصها اسليحط وانا قايمه من نومي علشان اقصصها عل اساس ياكل منها اليوم بخلي الخدامه اتقصصها وافتك

 

[al7reyaa]

انا فطوري مع حمولتي فمن جذي لازم انزل شي

 

[أحلى الجياكر]

أم حمنى ...حياج الله حبيبتى ..البيت بيتج
أشوا ..إشتغلت والله قاعدة أحاتى ...سويتى مثل ما قلت لج ؟؟ لقيمات و بلح الشام ,,,بس مو متروس شيرة ....عليكم بألف عافية والله ونستينى ...
إنزين ..إذا حمولتج يحطون الاكل على قولتج دفعه وحدة ....إنتى قدعى بتمر و ماى ...و شربى شوربة و روحى صلى المغرب ...و ردى كملى معاهم ....إحنا نسوى جذيه ... أصلن أخف على المعدة ..

 

[أحلى الجياكر]

أم حمنى ..أنا أقولج طريقته ...العيش البنفسجى ....

الحريا ..أحلى شى ..حمسة مشروم و بطاط وكريمة .....

 

[al-3azeza]

هذا عذر حبيبتي الضيم من هالحموله ورب الكعبه صج امنت بان الطيب هالدنيا مو شي


قولولي طريقه العيش البنفسجي

 

[أحلى الجياكر]

أم حمنى ..هذا من قل السنع ..أو من باب الغيرة ..الشكوى لله ..بخل بالكلام...
أنا حمولتى جذيه كانو ...ليمن قمت أسوى نفسهم ..و ما قمت أختب و لآ أطبخ ...و إذا سألونى عن رايى فى أكلهم ..أعفس ويهى و أقول " ماسخ شوى و لا بارد "..نفس طريقتهم معاى و ما قمت أحتر

 

[al7reyaa]

العيش البنفسجي تبون طريقته اللي بالنت واللي انا اسويها ؟.؟

 

[مسك 3]

واي اهو سؤل سخيف بس شيظرهم اذا مدحوا وشجعوا ليش احنا نمشي ونرفع اللي عندنا وناكل لو كان أي شي وتسلم الأيادي ونمدح جدام ريلها

 

[أحلى الجياكر]

ملفوف بنفسجى تقطعينه طوال و تحطينه يطبخ على النار عدل مدل لين ينظى و و تالى شخليه و كتى الماى على العيش .
ذاك الصوب عندج بصل شرايح و جزر شرايح و فلفل أخضر و دجاج شرايح ..
نحمس البصل و شوى زنجبيل و ثوم و بهارات _ماجى -كزبرة بودرة ) و نحمسه عدل و نحط فوقه Hp فروتى و Hp العادى و كتشب و قيمر يصير جنه مرق ....
قيمر كامل
3 قفاش Hp فروتى
2 قفشة العادى
2 قفشه كتشب 3 جلاسات ماى

لا يصير طين .....خليه يصير خويضة


مع الشكر للشيف ....الحريه ...على الطبق