ديوانيـة --> بجريآت <-- : تعالوا نفضفض ونسولف !

[الأوركيد~]

مشكورين بنات
الله يطمن قلبكم خواتي
انزين شلونةعن الاسابيع
من اسبوعين بين بالسونار 6 و شي اسابيع
و انس بالسونار 7 اسابيع و شي
لما سالت الدكتورة قالت عادي جم يوم ما تفرق اذا تغير
بس الفرق اسبوع

يعني لازم 8 اسابيع
قط صارت معاكم خواتي؟

 

[الأوركيد~]

غنوجة الله يهنييج
و تتونسين بالعافية يا رب
و الله البرد ذابحني
وجني دياية تحت الفراش و الدفايات من جييت من الدوام
بالزور اقوم للصلاه استغفر الله

 

[HoD'HoD]

امورته آمين والله يطمنج على جنينج وزين تسوين روحي مع امج تطمني على وضعج مراجعة النبض مهمة لا سمح الله تحتاجين مثبت او اسبرين على الاقل تلحقين تاخذين

غنوجة
عليج بالعافية عاد صج الجو اينن بس ديري بالج من الحركة الزايدة قعدي مكانج وخلج اميرة لا تحوسين

 

[HoD'HoD]

الاوركيد

حسبة السونار بهالاشهر الاولى تصير على حجم جيس الجنين يبين انتي بأي اسبوع

احتمال والعلم عند الله الجيس ماكبر وايد هالاسبوعين بس لا تحاتين عادي هالشي دام النبض سمعتيه وطبيعي

هالشي يصير مع بنات وايد ومع الاشهر يكبر ويوصل حجم طبيعي بس انتي حافظي على اكل صحي والفوليك اسيد وامورج بتكون بخير ان شاءالله

 

[الأوركيد~]

الحمدلله هدهد
انا خفت

اعذريني بس سؤال
بالموعد الاول قالت ولادتي ان شالله 17-9
معناته احين بياخر او شلون؟

 

[أمورته]

اخذت مثبتات وفيتامن وفوليك اسيد بس مره وحده بطني عورني ورحت وعرفت اني حامل وسوت الدكتوره سونار

 

[أمورته]

هدهد فديتج الله يثبت مافي بطونا كلنا ي رب


غنوجه عليج بالعافيه حياتي دير بالج البرد


الاوركيد الله يطمن قلبج

 

[# غنوجة بيبي #]

الله يعافيج يا رب


و يثبت لج مافي رحمج يا رب

 

[# غنوجة بيبي #]

هد هد الله يعافيج

كله قاعده منبطحه ماكو شغل ههههه

 

[أمورته]

ي عمري غنوجه ويخليج حيااااتي
عسى الله يونسج دوم وتفرحين

 

[lawyara]

الله يسهل علينا يا رب
انا دشيت السابع واحس بلش معاي الثقل عدل

 

[HoD'HoD]

الاوركيد
انا عن نفسي ما امشي على حسبة السونار لانها تنحسب على حجم الجنين يعني عادي كل مراجعة تختلف الحسبة
عشان جذي انا امشي على موعد دورتي اضبط

الله يسهل علينا جميعاً ويقر عيوننا بشوفت اجنتنا بخير وعافية ياااارب

 

[لوولوو_88]

سلام بنات شخباركم ؟؟

اوركيده انا موعدي اليوم سونار سويت داخلي رحت على أساس انا بالأسبوع السادس ولا اطلع بالأسبوع الرابع تخيلي .. شفت الجيس ولا شفت البيبي .. ربي اطمن قلبي بس الحين لازم اروح بعد شهر او اسبوعين اذا ما فيني صبر .. انا على أساس آخر 9 أولد شكلي بولد نص 10 .. ما عندي مشكله اصبر بس اطمن اشوفه و اسمع نبضه عشان ارتاح ..

طبيعي الحسبة تختلف على حسب التبويض متى صار بالضبط و متى ثبت الحمل بالرحم ..

يا رب و ما خاب من قال يا رب ♡ والله يا بنات تعبت من التفكير و المحاتاة خصوصا قبل النوم ادعي و استغفر بس هالخوف ذابحني ما صدقت أوصل الاسبوع السادس عشان ارتاح بس ربي ما أراد ليلحين اني اطمن .. الحمدلله على الصحة و العافيه

سامحوني عل القرقه افضفض

 

[الأوركيد~]

صبح صبح عالامهات الحلوين بالخير

Lawyara

الله يهون عليج
و يقر عينج
هانت الحمدلله
ما باقي لج شيء
الله ييسر لج ما بقى يا رب

هدهد

مشكورة يا قلبي
الله يطمن قلبج بالخير
شكلي بسوي نفسج و بمشي عموعد الدورة
بس مشكلة ابي اعرف موعد الولاده
و اي تاريخ ادخل شهر جديد
موعدي الياي ب3 بسالها ان شالله
و الله يهون لج اختي
:eh_s(17):

لولو

لا توسوسين
وكلي أمرج لربج
و ان شالله تدشين تطمنينا و تبشرينا
:eh_s(17):

 

[HoD'HoD]

لولو
الله يطمن قلبج حبيبتي لا تفكرين وايد وان شاءالله ربي يثبت حملج وتسمعين النبض كل شي يبيله صبر

الاوركيد
حسبي موعد الولادة على موعد دورتج مبدئياً ان شاءالله مع الاشهر الياية الجنين يكبر وتعرفين موعد الولادة الاضبط وترى ماراح تختلف الحسبة الا اسبوع يمكن

 

[أمورته]

السلام عليييكم


شلونكم بنات
هدهد ولويرر وغنوجه والباجي ان.شاءالله مرتاحيييين


بسالكم عن التجهيز للبيبي جم تقريبا اشتري له البس هذا الكامل ?


لولو الله يطمن قلبج حاولي لا تفكرين بالموضوع والي الله كاتبه بيصير وكل شي خيره اختي

 

[lawyara]

الاوركيد ، حيااتي أجمعيين يا رب :*

أمورته ،، بخير الله يسلمج ♡
من ناحية تجهيزي خذيت بس 4 نيو بورن ،، الكل نصحني ما اكثر منهم لانه بسرعه بيكبر البيبي
وخذيت من 0-3 واايد صراحه كودت يختج يشوقوون الملابس تقريبا خذيت 23 وبعد البيبي يبدل اكثر من مره

بس حق المستشفى اخذي 5 اطقم معاج او 6 لانه وايد يبدلون له

 

[أمورته]

لويرا عليج بالعافيه حياتي
يزاج الله خير ي عمري

 

[HoD'HoD]

هلا والله امورته

بالنسبة لي باخذ ٣ نيوبورن بس حق المستشفى
وباخذ ٦ من ٠-٣ وهم ٦ من ٣-٦

لان باخذ نفسهم بس مو الكامل اللي تكون الريل مكشوفة ٦ وبجامات قطعتين ٦

ماراح اكثر وايد معنه حدهم يشوقون ماقدر اقاومهم بس ادري بتييلي هدايا والبيبي هالفترة كله مهاد حسافة يكبر ومايلبسهم

بكثر من ٦-٣ تالي بعد الاربعين بس مبدئيا باخذ ٦

 

[ZynaH-Q8]

صراحه زين شفت ان مايصير اكثر من النيوو بورن ا
انا بطبعي اشتري وما ادري عن نفسي

زين بنات فترة الاربعين كلها بتكون ملابس البيبي من 0-6

او اخذ من 3-6

اي وبعد شغله ثانيه انا مفكره اشتري للبنوته للعيد من اللحين
طبعا عيد رمضان اذاا الله كتب وانا وﻻدتي بتكون شهر 6ان شاء الله
يعني جم اخذ مقاس ﻻن بإذن الله اكون طالعه الاربعين