ديوانيـة --> بجريآت <-- : تعالوا نفضفض ونسولف !

[أمورته]

غنوجه اللهم.امين ولج بالمثل فديتج
موعد ولادتي باذن الله 7 اكتوبر ربي يسر الامور لنا ولكم

 

[# غنوجة بيبي #]

حياكم بنات

 

[سـٌگر معـقـود]

اب اب بجريااات

اخباركم اللي دخلوو التاسع الله يهوون عليكم وتبشرون بولادتكمم والقصصه اهم شي عشان نفيد وتستفييد

واللي يجهزون بنات من متى نبلش نجهز ؟ اي شهر ويطول التجهيز جم خذيتو وقت وانتوو تجهزوون

 

[نور الضي]

حلو التجهيز
وناسه ودي اخذ راحتي وانا اتسوق

 

[قرة عيونه]

قائمة بجريات 2014 باذن الله


1-2 قرمووشه & عاشقة هواك ( 22 / 3)

3- قرة عيونه (28 / 3)

4- (live life (31 / 3*

5- ( fo0oshy ( 3 / 4

6- (23/4) مآيكبرني نك

7- (lawyara (28 / 4

8- ( 15/5) ليالي العاشقينه

9- (hod'hod (26 /5*

10- رفيعة الشآآن ( 27 / 5 )

11- # غنوجة بيبي # (4 / 6)

12- ( Zynah-Q8 ( 14 / 6

13- شربات لوز ( 24 / 6 )

14- سور المدينه (28 / 6)

15- ( 4 / 7) om_sanad

16- (bnt-usa (7 / 15

17- مذهلة2013 (16 / 7)

18- (al_sheikha (29 / 7

19- تدخلين القلب ( 20 / 7 )

20- نور الضي (6 / 8 )

21- سكر معقود ( 8 / 8 )

22- آشوآآآق ( 2 / 9 )

23- طموحه بزياده ( 4 / 9 )

24- الأوركيد~ ( 17 / 9 )

25- لوولوو_88 ( 29 / 9 )

26- أمورته ( 7 / 10 )


♥♥♥♥♥♥♥♥♥♥♥♥

حيااااااكم الله امورته وطموحه وزينه

الف مبروك الحمل وعسى الله يثبته لكم

نورتوا اللسته

ماشاء الله عددنا وصل ٢٦ الله يزيد ويبارك

 

[قرة عيونه]

سكر للحين محد من البجريات دش التاسع الدور ع عاشقه وقرموشه وللحينهم بالثامن

وانا وراهم باسبوع يعني للحينه ريضين وشكله التجمع بيوقف ولادات فتره لوووول

الله يسهل على الكل يارب وان شاء الله نولد بالوقت المناسب

والتجهيز احسن شيء جهزي بالخامس صج تكونين بنشاط وحيويه وتقدرين تتسوقين ع راحتج

اغراض البيبي خلصتهم بالخامس والسادس بس كنت اجهزله ع خفيف عشان جذي طولت

اما تجهيزي للحين للاسف ماجهزت غير الدراريع والارواب الستان شريتهم ع اخر السابع

وودي الحين اروح اكمل تجهيزي واسكر كل الجنط ماحب اشيل هم شي

غنوجه نفسي انا تجيني كوابيس بس مو بالليل اذا راح زوجي الدوام ع الصبح

يمكن لان بالليل كله نشغل قران واذا راح ارد انام ع طول فاحلم كوابيس

بقول دعائج هدهد وان شاء الله بميزات حسناتج

بنات صج الثامن غثيث احس بطني قاعده تكبر وحركة البيبي ساعات اتعب ماقمت اقدر اتحرك كل يوم اثقل زياده عن اليوم اللي قبله الله يعين بالتاسع شلون :/

 

[ZynaH-Q8]

ماتشوفين شر قرة والثقل والتعب كلا شي طبيعي واحتسبي الاجر

انا بدش السادس او دشيته على حسب موعد الدوره ..وماجهزت شي حقي وحق االبيبي

مع ان الحماس موجود بس احس تو الناس

 

[الأوركيد~]

صبح صبح عالامهات الحلوين بالخير

الله يهون عالكل يا رب

و ول كم للبجريات اليداد

بنوتات

انا موعدي كان 25 يناير

و قالت لي الدكتورة حسب السونار اني بالاسبوع 6 و 3 ايام

و امس 8 فبراير بموعدي عقب السونار قالت اني بالأسبوع ال7 و يومين اظن

الحمدلله طمنتني كلشي اوكي ما شالله

بس مستغربة من الحسبة

و لما سالتها قالت عادي ما تفرق

:eh_s(1):

 

[الأوركيد~]

اسمحوا لي بنيات بس بعد عندي سؤال

انا بين الاسبوعين ال7 او الثامن

و ما احس بالنبض او انه في جنين ببطني

مع انه الحمدلله

بالموعد سمعتني اياه ماشالله

بس ام ريلي من 3 اسابيع يمكن و هي تقوللي المفروض تحسين به

شكيت بعمري

:bbbiu:

بهالفتره بنات تحسون به او نبضه

:eh_s(10):

!

 

[قرة عيونه]

مايجيج الشر حبيبتي زينه

نصيحه جهزي من الحين لان من السابع بيبلش الثقل ع الخفيف

فخلصي شغلك بالسادس والسابع ومن الثامن ريحي او بلشي شطبي اللي ناقصج وسكري الجنط

والتاسع لا تسوين شيء مايمديج اصلاً

الاوركيد انا بعد دليم تفرق حسبة الدوره عن حسبة السونار والدكتوره خصوصاً اول الاسابيع

بس كل مايمر الوقت تحسين ان الحسبات قاعد تتقارب فلا تحاتين

اما عن النبض اكيد ماتسمعينه ولا تحسين فيه تو الناس بس اهم شيء سمعتيه بالسونار وتطمنتي عليه

اصلا انا الحين بالثامن ماسمع النبض !!

بس من اخر الرابع تبدين تحسين بحركه قبلها طبيعي ماتحسين بشيء

وماعليج من كلام خالتج ار الناس انا شكثر سمعت شغلات وطلعت غلط مو شرط كل وحده تكون كوبي من الثانيه الاعراض تفرق بين كل حامل

 

[مذهلة2013]

النبض مستحيل تسمعينه او تحسين فيه

طول فتره الحمل واذا شاكه باي شيء

كلمي دكتورتج بالموعد

انا كل شي احطه بنوت و اقوله حق دكتوري ويقولي

بالتفصيل اذا صح ولالا

 

[قرة عيونه]

مذهله شخباااااارج لج وحشه من زمان مادخلتي التجمع

 

[الأوركيد~]

قرة

مشكورة حبيبتي

انا هذا اللي أعرفه

الحركة تحسين فيها عقب

و النبض بالسونار

بس ام ريلي الله يصلحها

شككوني و ريلي مصدق كل مرة يحط راسه عبطني عساس يسمع النبض

و أقوله ما يبين

الله يعين


مذهله

بموعدي كل شي كان تمام الحمدلله

و سمعت النبض ما شالله

بس عكلام ام زوجي

اني المفروض احس به و بالنبض

:eh_s(1):

الله يعيننا يا رب

و شكرااا بنات عالرد

 

[نور الضي]

اوركيد
انا دشيت الرابع وما احس بشي
بس امي كله تسال ها تحسين بحركته
لان اذا حسيتي فيه مبجر ولد واذا متاخر بنت

 

[أمورته]

ماشاءالله الله يسهل عليناااا كلناااا يارب ونولد بالسلامه

انا اصلا ماسمعتني دكتورتي نبض البيبي عطتني موعد بعد عشر اياااام


وريلي وامه مو راضين اراجع الا من شهر الرابع
يقول كاه حريم اول احملو وولدو ومارجعو كل شهر


يمكن اذا الله سهل ع اسبووع ال13 اراجع

 

[أمورته]

الاوركيد اصلا ماينسمع الا من سونار تسمعج الدكتوره
الله يهديهم لج

 

[HoD'HoD]

عدل كلام مذهلة مستحيل تحسون بالنبض لي التاسع

يمكن قصدهم الحركة ممكن بالاشهر الاخيرة اذا احط حط اذنه على بطنج يسمع الحركة مو النبض

نور الضي
ماله شغل انا حسيت بالحركة مبجر بس فيني بنت

امورته
نصيحة لا تسمعين كلامهم لازم تروحين تتطمنين على النبض اهم شي ترى لي الشهر الرابع وااااااايد
مابي اخرعج بس انا اول حملي قالولي لا تراجعين لي الثالث وماسمعت كلامهم رحت ولا الجنين ميت في بطني وواقف نبضه وحملي الثاني والثالث نفس الشي يوقف النبض وانا مادري بالمراجعة يبين
وهم مرت حماي جذي نصحتها تروح اول ما حملت بس مارضت وتخيلي ثلاث شهور تتوحم وترجيع واخر شي راحت تچيك ولا عندها جيس الحمل بدون جنين

الله يثبت حملج يااااااارب ويجعله حمل سليم معافى بس لازم الوحدة تراجع اول بأول حريم قبل غير واحنا غير ومثل مايقولون الحرص واجب

 

[أمورته]

هدهد بروح اراجع ويه امي شكلي لان هو.يسمع كلام.امه بعد شسوي
الله يستجيب لج ولج بالمثل ي غااليه

 

[# غنوجة بيبي #]

السلاااام

شلونكم بنات مع البرد و العطله؟!

انا بالمزارع مع اهلي

الجو عجيب ما شاءالله

 

[# غنوجة بيبي #]

امورته لازم مثبتات و تتطمنين عالبيبي

حرام ما يصير كل هذا على حساب صحتج

الله يعينج