ديوانيـة --> بجريآت <-- : تعالوا نفضفض ونسولف !

[مرت الغلا]

انا بين بالاسبوع ١٥ الحمدلله
الله يهون علينا كل يوم اييني مغص اقول ولاده لووول

 

[# غنوجة بيبي #]

الله يهون عليج مرت الغلا


انا وراي درب طوييييل


فتره قصيره و ادش المرحله الثانيه ان شاءالله






بنات المرحله الثانيه من الحمل تبتدي الاسبوع 13 ولا 14؟؟

 

[مذهلة2013]

غنوجه ١٣ اسبووع و ٣ ايام

 

[مذهلة2013]

الاشهر&#55357;&#56438;
الاول: من اول يوم في الدورة.

الشهر الثاني: 4 اسابيع و4 ايام تدخلين الثاني

الشهر الثالث: 9 اسابيع تمام تدخلين الثالث

الشهر الرابع: 13 اسبوع و3 ايام تدخلين الرابع

الشهر الخامس: 17 اسبوع و6 ايام تدخلين الخامس

الشهر السادس: 22 اسبوع و2 يوم تدخلين السادس

الشهر السابع: 26 اسبوع و5 ايام تدخلين السابع

الشهر الثامن: 31 اسبوع و1 يوم تدخلين الثامن

الشهر التاسع: 35 اسبوع و4 ايام تدخلين التاسع

 

[مرت الغلا]

عالجميع غنوجه بيبي توكم ماشفتوا شي قبل عبالي بس اعدي السابع ارتاح ههههه طلع التعب كله بهالفتره

 

[# غنوجة بيبي #]

مذهله مشكوره حبيبتي


واي مرت الغلا عاد ناويه اجهز بنص الشهر السابع بس خرعتيني لووول

 

[# غنوجة بيبي #]

الدكتوره معطيتني موعد بعد شهر لمعرفة النوع

و راح اكون بالاسبوع 15

ودي اعرف قبلها تنصحوني اروح حق اشرف بالسلام بالاسبوع13؟؟


لاني متشوقه اعرف

 

[# غنوجة بيبي #]

بنات شنو عنايتكم بالحمل
يعني متى تبتدون تدهنون بطنكم ؟؟؟عشان ما تطلع الخطوط؟

و شنو الكريمات و الزيوت اللي تستخدمونها؟؟
ابي وحده خبره تعلمني لاني خوافه ههه اخاف اضر الجنين

و سمعت ان زيت الزيتون زين و ان البيبي اويل زين

بس ابي شي مضمون 100% ان ما يضر و زين لخطوط الحمل

و من اي شهر نستخدمه؟؟

 

[كيميائيه]

غنوجه
يمدحون اشرف بالسلام
ومستشفي لندن
سونارهم واضح ويعطونج الجنس مضبوط

وعنايتي
صراحه شعري اهملته
بس جسمي استخدم زبده ككاو
وبعد السباحه وجسمي مبلل اتدهن بزيت زيتون وبيبي اويل

 

[# غنوجة بيبي #]

كيميائيه بيبي اويل اللي غطاته ورديه؟؟

لانه عندي

اذا ما يفرق بستخدمه


بس شنو حسيتي فايدته؟؟

و جم مره تستخدمينه باليوم؟؟

و من اي شهر بديتي تستخدمينه؟؟

 

[كيميائيه]

غنوجه
يمدحون اشرف بالسلام
ومستشفي لندن
سونارهم واضح ويعطونج الجنس مضبوط

وعنايتي
صراحه شعري اهملته
بس جسمي استخدم زبده ككاو
وبعد السباحه وجسمي مبلل اتدهن بزيت زيتون وبيبي اويل

 

[قرمووشه]

كيميائيه نفسي

انا بس اتسبح وعقب احط على جسمي كللله فازلين زبده الكاكاو وبسسسس

والحمدلله وايد مرتااحةة عليه ينعم حيل ومايدبق

 

[قرة عيونه]

انا استعمل بيبي اويل بعد ماتسبح ع طول ع جسمي كله

وزبدة الشيا من بدي شوب احطها ع بطني قبل لا انام

 

[Baby_Blue]

بنات بقولكم عن رحلتي بالحمال الي ليلحين ماخلصت .. ان شاء الله نولد بالسلامه و نفرح بعيالنا حلاتهم
سمعت نبض البيبي بالاسبوع السادس اسم الله عليه بس بين معاي بالسونار ان في انفصاو جزئي بالمشيمه فبلشت بالمثبتات و لي الشهر الرابع كان ينزل علي دم ب على فترات متقطعه
عرفت ان عندي صبي بالاسبوع ال١٣
بنص الرابع فجأة نزل علي دم بني ثقيل الله لا يحط احد بهالموقف .. طلعة المشيمه نازله و الحمدلله بعدها باسبوع ردت حق مكانها الطبيعي
طبعا من اول حمالي لي السادس انا ممنوعه من الحركه الزايده و المجهود كنت كله منسدحه
من دشيت السادس قمت اشتري شوي شوي اشياء حق البيبي .. بالشهر السادس كان يحوشني عوار ظهر مع الحركه
تسيت اقوول اني حسيت بحركة البيبي بالاسبوع ال١٩
بالسابع كنت احس بلوعه بس بالنسبه حقي السابع مر بسرعه .. الحين انا بنص الثامن و من دشيت الثامن بلش الثقل و التعب الصجي و بطني كله متيبس
بس سبحان الله الايام تمشي بسرعه و احلى شعور لمه تحسون بحركة البيبي و انصحكم تسوون 4d
الله يسهل علينا و نولد بالسلامه

 

[# غنوجة بيبي #]

الله يتمم عليج يابيبي بلوو

و ان شاءالله اقل من شهر و تفرحين فيه بحضنج

فعلا كان حملج متعب بس الحمدلله كل هذا منسي بعد الولاده

ولما تشوفين ولد بالطبيعه بتنسين كل شي ان شاءالله


بس شنو ال4d ؟

 

[# غنوجة بيبي #]

قرة عيونه


زبدة الشيا مو مضره للحامل ؟سألتي عنها؟لان اتوقع فيها كحول

 

[مرت الغلا]

لا زبده الشيا مو مضره انا استخدمها ترطب حيل واحس احسن من الزيت وبيبي اويل

ال٤ دي سونار ملون ويبين تفاصيل ويه البيبي جنه صوره سبحان الله واغلب الناس اعيالهم ينولدون بنفس الفيس حلو يونس مدته تقريبا ٢٥ دقيقه تشوفين فيه حركاته وتفاصيل ويهه وجسمه ويعطونج سي دي وصور له يكون من الاسبوع ٢٥ وفوق يسوونه

 

[# غنوجة بيبي #]

مرت الغلا حسيتي مع زبدة الشيا ماكو خطوط ؟؟

و من اي شهر بلشتي فيها؟؟

 

[قرة عيونه]

بيبي بلو الله يعينج ويسهل عليج صج مريتي بظروف صعبه بس الحمدلله الله ستر

وان شاء الله يقومج بالسلامه وتقر عيونج بشوفته

غنوجة صح كلا مرت الغلا زبدة الشيا ماتضر بالعكس الكل يمدح فيها هي احسن شي حق الخطوط

انا من حملت شريتها واحط منها بس من دخلت الخامس حسيت بطني فجاه كبر فقمت احرص اني احطها يومياً

وترا حتى بعد الولاده زينه انا حتى وانا بنت كنت استعملها يهبل ترطيبها

 

[قرمووشه]

من وين شاريتها زبده الشيا قرة عيونةة

ولو صورتها يكون افطل

شكرن مقدماا