ديوانية --<-@ {{ One Day We Will Be Slim}}

[LadY BuG 80]

كيوتن انا جتني الدورة شرفت البارح وماادري شنو اكل لازم اهتم بنفسي وراي عرس شسوي انتي شنو تاكلين ؟؟؟؟؟؟؟ماابي ازيد وزن وموعارفه شلون؟؟؟؟؟؟؟؟؟؟؟؟؟؟

هلا صبربر شخبارك حبي

انا ما عندي هشغلات و حب ارشاد و هسوالف تدرين مو متوفره هنا

الا القرفه

اشرب قرفه كل ما فضيت ,,, و ما اكل شي بارد لا عصاير لا مهلبيه ولا جلو ,,,, كله دافي و شربه و شغلات تدفي ,,

مو ضروري اذا ما سوينا رجيم نزيد ... خذي راحه 3 ايام و ارجعي تقشف ,,

انا مستمره دايت ما يهمني جتني ولا لا ,, بس اشرب القرفه عشان انظف و احس براحه

الحين على الهواء مباشره جمبي مق القرفه و ازنجبيل و شاي اخضر كلهم سوا و استمتع ​

 

[أم عامر]

السلام عليكم

سوووووري على الانقطاااع

بس مو بيدي كااان

حماتي اخت زوجي جت من السفر وقاعده عندي

فمحتاسه فطور وتنظيف والبيت واللزي منه

والحمد لله الوزن ثاااابت وموراضي ينزل

كتون جنج تدرين لي جم يوم على بالي التمر واللبن بس راح ادخل الشوربه معاه


اليوم راح نروح نخطب لأخوي واخوي بالشني ومعتمد على رايي بالبنت

ربي يتمم على خير ونخلص من حنته يبي يتزوج ومدوخنا وهذا عمره 21 سنه

وهذا اول اخو يتزوج عندنا وهذا اخوي جا على 4 بنات

بس عندنا غيره 2 اصغر منه

ربي يتمم عليه يارب

كتون لاتخافين انا مخلصه وراح اقابلكم بس خل اخلص من الضغووط اللي علي

دامج عزوبيه الحين ارجع اقرق معاج

 

[BiiShOoO]

شخبااركم بنااات

 

[Zain_ALZain]

هاي بنات شلونكم شخباركم

اليوم كليت عالفطور تفاحه خضرا قصصتها وكليتها

امي كانت مسويه الي يسوونه حق الوالده الي دياي محشى حشو وعيش احمر شكله كان يهبل ومغري

كليت تفاحتي بسلام وقمت وعالساعه 9 كليت 3 قفاش عيش عن خاطري وقطعه كاكاو

عالسحور كليت 3 حبات بيتزا صغار كبر مغطاة الجبن مع 3 قفاش يريش وقفشتين روب والحمدلله

واليوم لعبت 20 دقيقه عالاوربت تراك عالساعه 9 ونص وان شاء الله باجر ازيد

بقولكم شي فرحني امس 15 رمضان كانت حفلة القرقيعان وطبعا كاشخه لبس وميك اب واهم شي كنت لابسه حزام

الي اول كنت اعيب عالي يلبسونه واقول لا يمكن البسه امس لبسته واول ما دخلت ولا تشوفني بنت بنت عمتي

جان تفتح حلجها قالت امبي منو هذي جان اختي تضحك قالتلها شفيج هذي فلانه جان تقول لا مو من صجكم

جان تحضني حييل قالت امبي صايره نصج انتي مسويه رجيم حيل ضعفانه انا حدي استانست جان ادخل الصاله

وحسيت كل الانظار علي حدي استحيت وكل ما سلمت على وحده تقولي صايره ضعيفه وتهبلين حدي استانست

الحمدلله رب العالمين

 

[Zain_ALZain]

اهلين بيشو شلونج يا قلبي

 

[Lady <3 A]

.

.

.

مرحبا بنات شلونكم شخباركم

وحشتووووووووووووني

:eh_s(7):

هالأسبوع بديت التريننغ بالبنك

نووووووووووومي معتفس حده وما انام مثل الناس

انام العصر ساعتين واداوم الصبح مواصله هلكت تعبت 3 ايام على هالحاله واليوم الحمدلله نمت لي 3 ساعات قبل الدوام

ولأني انام العصر بس ما اروح الممشى

احس فترة الاسبوعين الي مشيت فيها برمضان رتبت جسمي حيل الحمدلله مع اني امشي مسافه بسيطة كيلو ونص وما تاخذ مني غير 10 دقايق واحسن اوقات المشي قبل الفطور الجسم يحرق الدهون بسرعه .. النتيجه حلوه وابي استمر :eh_s(9):

مستانسه رفيجاتي يقولون لي ضعفتي وايد والحمدلله النتيجه بينت

نفسيتي تعبت من قلة النوم وفوق هذا الدوره اليوم اليوم الـ 11 ولين الحين ما وقفت مع اني كنت اشرب قرفة بشكل يومي تقريباً وبالعاده ما اشرب الا اول يومين .. تعتقدون ممكن تكون السبب فتأخيرها لي الحين ؟ ولا من المشي ؟

وشنو اسوي عشان توقف تعبت :eh_s(16):

بالنسبه للدايت الحمدلله ما احرم نفسي ولا اكل بزياده

ونظامي اكل بروتين ع الفطور والسحور بس طبعاً السحور اخف واكل سويت والحمدلله وزني ثابت هذا الي ابيه اهم شي ما يزيد

ومن امس كنسلت السحور بس شربت حليب لأني هالفتره الي داومت فيها اتسحر وعقب احاول انام يصيرلي حارج وماقدر انام واتعب حيل والحمدلله اليوم تمام ووزني نزل 600 جرام عن امس لأني بس فطرت شوربة عدس واكلت شوية مكسرات ع الساعه 12 وشربت حليب الساعه 1

وخبر حلو باجر عندي اوف ان شاء الله :eh_s(9): وناسه ​

 

[Lady <3 A]

ام عمور .. الله يتمم لاخوج على خير ان شاء الله ويوفقه يارب

بيشو .. سلامتج ماتشوفين شر ان شاء الله حتى انا ماخذه برد وبلاعيمي تعورني :/

والله يعينج ع اللوعه وتعب الحمال ويهون عليج يارب

صبوره .. انا اشوف انج ماتعودين نفسج يومياً ع التمر بس عشان وزنج ينزل مادري هل هالشي صحيح ولا لا .. اسأل مجرب احسن

زيون .. ما شاء الله تبارك الرحمن .. استمري وان شاء الله يارب تنزلين اكثر وتبهرينهم

كتون .. وحشتني سوالفج

ولولو مكانها خالي والله لها وحشه ان شاء الله تكون بخير

وباقي البنات ان شاء الله يدشون يطمنونا عنهم

 

[Lady <3 A]

سلااااااااااااااااااااااام

شخباركم ياحلويييييييييييييييييييييييييييييييييييييييييييين

قسما عظما الي ما تحترم نفسها و تظبط امورها لا اتوطا في كرشتها لين اخليها تلزق بظهرها غصب ,,,, مصختوهااااا

مابي اسمع خربطت ,, المشكله انتوا يالعصاقل ( بنات الستينات) ما تلتزمون و ما باقي لكم الا كم كيلو بلكثير 5

نبي رجااااااااااااااااااااااااااااااااااااااااااااااااااااااااااااااااااااااااااااااااااااااااااال

مين بنت ابوها الي تبدا معاي تمر و لبن من بكره

3 ايام فقط مسموح تاكلين عند اسحور وجبه خفيفه بس مو رز و مقالي ,, مثلا 2 توست دايت و شريحه جبنه لايت و حليب خالي ادسم او شاي محلي صناعي



الفطور تمر و لبن و العشا تمر و لبن

انا بكره راح ابتدي يلله ملزلزه زيون ليدي مين بعد ودها ؟؟

ما مليتوا من هلجرامات الي تنزل بلأسابيع و ترجع بيوم !!

انا ما اقدر التزم تمر و لبن حاف صراحه يلعب بأعصابي و مع اصيام ادري لو امسكنا و جعت بضرب نفسي بلجزمه القديمه :eh_s(14): و راح اندم اني على تمر و لبن

بس اذا ادخل وجبه صغنونه ما امل ,, م نزوله قوي لاني جربت هطريقه انه ادخل وجبه ولا سلطه و قطعت لحم او دجاج بدون شحم :eh_s(15):
​

كتون استمري في التهديدات ههههههههههههههههههههههه ما ينفع معانا الا جذي

والله انا ودي اسوي رجيم التمر واللبن بس للأسف ماحب التمر :eh_s(16):

وافكر اثبت وزني ع الـ 57 :eh_s(22): شو رايج كتون ؟

وصلت لمرحلة الاقتناع التام لووول قفصي الصدري وضلوعي تبين بس عليها جلد ههههههههههههه وماعندي مانع لو انزل للـ 55

كتون اسعفيني بتمارين تشد الزنود بليز :eh_s(11):​

 

[Lady <3 A]

بنات الي عندها فرصه تمشي حتى لو ربع ساعه قبل الفطور لا تفوتها والله النتيجه حلوووووه برمضان

 

[Lady <3 A]

بزبز ايوا ايوا ايوا مبروووووووووووووك حبيبتي عقبال الخمسين ربحتي التحدي بس نطري نطري بدش معاج بقوة هالاسبوع يا ويلج يا سواد ليلج :eh_s(4): :rgewrg:
:bbbiu: <<<<<<<تفكر شالي وهقها ودشت تحدي

الله يبارك فيج عطوفه يالله عؤبالك ان شاء الله :eh_s(9):

شدي حيلج ترا بسبقج لووووووووول​

 

[BiiShOoO]

اهلين بزبز و زيونه

انا تمام الحمدالله و الله يكون بالعون


ام عامر الله يوفق اخوج و يكتب له الي فيه الخير


تفطرت تمره و لبن عقب كليت حوالي ١٠ حبات ملفوف صغار و صدر دياي و قفشه و نص حمص و قلاص فيمتو


عقب الفطور حليت بموزة و الحين قاعده اشرب ماي

 

[BiiShOoO]

اهلين بزبز و زيونه

انا تمام الحمدالله و الله يكون بالعون


ام عامر الله يوفق اخوج و يكتب له الي فيه الخير


تفطرت تمره و لبن عقب كليت حوالي 10 حبات ملفوف صغار و صدر دياي و قفشه و نص حمص و قلاص فيمتو


عقب الفطور حليت بموزة و الحين قاعده اشرب ماي

 

[ما يهزك ريح]

موفقين اخواتي

 

[أم عامر]

السلام عليكم

ابشركم تمت خطبت اخوي واهل البنت وافقوا

الحمد لله

والحمد لله اموري تمام التمام :eh_s(15):

وينكم نايمين لولو ليش هالقطه


يلا شدو حيلكم

 

[Lady <3 A]

بيشو . . عوافي ع ألبك

ام عمور . . الف الف الف مبرووووووك والله يتمم لاخوج على خير ان شاء الله ويوفقه يارب

 

[Lady <3 A]

يومي

فطرت على ماي وشوربة عدس

بعد الفطور بساعتين اكلت حبة بقلاوة + كوب شاي

و ع الساعه 12 اكلت حلويات من كل شي قفشة وأقل .. كنافة وحلاوة الجبن ومدلوءه ومعمول و .. يممممممممممي

وسحوري شاورما لحم بدون خبز

الحين شربت ميغا دايت وبشرب ماي والحمدلله ع النعمه

 

[BiiShOoO]

السلاام شلوونكم


ام عامر الف مبرروك خطبة اخووج و الله يهنيهم يا رب


بزبز

الله يعافيج يا رب

 

[Lady <3 A]

وعليكم السلام هلا بيشو

انا منيحا الحمدلله انتي شلونج ؟

.

وين الناس . . مافي حدا اليووم ويك اند الكل مشغول !

.

يومي :

فطوري

شوربة مشروم + صدر دياي مشوي

وبعد الفطور بساعه شربت شاي

الساعه 12 تقريباً اكلت قفشة كنافة وحبة حلاوة الجبن وقفشة مدلووءه وشربت كوب حليب

وسحوري روب

اليوم ما شربت غير نص لتر ماي :/

والحمدلله ع النعمه

 

[اليكسا]

بوووووو



شلوونكم بنات ؟. عسآآآآكم بخير ..

مبآرك الشهر عليكم اجمعين ..,

والله ماشاء الله عليكم .. مستمرين بالدآيت حتى برمضان .. اهنيكم على الهمة العآلية وان شاء الله دووم

:eh_s(7):

----

ادري اني خآشة عرض .. بس عجبني موضوعك ياكوتن .. ماشاء الله دايم مواضعيك مميزة ..

فبقولكم قصتي مع الدايت ..

كان ياما كان في قديم الزمان

كان وزني 90 كيلو غرام .. يوم شفت الرقم على الميزان جتني غلقة :eh_s(2):

يعني 10 كيلو واصك ال 100 !! وانا توني 19 سنة !!

وبعد محاولات يائسة من اكثر من ريجيم كله مافي فايدة انحف كيلو كيلويين وارجع دبل !

طحت على ريجيم دشتي هنا بالمنتدى .. وعجبني وحسيته سهل ! وجربته ومشيت عليه

كان وزني 90

صار 70

هذا من فضل ربي اكيد ومن بعدة الريجيم السنع ومن بعده الأخوات هنا وعلى راسهم كوتن اكيد .. :eh_s(17):

بصراحة مااكذب عليكم ! جسمي عنيد .. والريجيم بالمرحلة الاولى صارم .. اي غلط ممكن يثبت الوزن اسبوع كامل او يزيدك كيلو ..

فالمدة اللي استغرقتها بنزول 20 كيلو

9 شهور واسبوعين حتى هذه اللحظة !

ادري كثير :eh_s(4):

بس الحمدلله على كل حآل

ملاحظة : انا للحين بدايت دشتي " بالمرحلة الثانية " ..


بالتوفيق للجميع :eh_s(17):

 

[اليكسا]

بنات

انا حابة بعد مااخلص دايت دشتي

اسوي هذا الدايت

http://www.q8yat.com/t4374.html

شرايكم ؟؟؟؟؟