ديوانية --<-@ {{ One Day We Will Be Slim}}

[صبرت ومل الصبر]

هاي حبابي انا اليوم تفطرت
قلاصين ماي


و7تمرات وحليب خالي الدسم


بعد التراويح رحت لعمتي وشربت قهوة عربيه بدون سكر

و7تمرات



والحين جانا عشا من جيرانا اشتهيته واكلت بس لحم مشوي عنده تمايم الله يجعله مولود السعد عليهم اللهم امين

 

[BiiShOoO]

السلاام عليكم

عوافي ما كليتوا

اليوم فطوري

2 كباب صغار و شويه حمص و 3 قفاش فتة و نص خبزة ايرانيه و قلاص فيمتو و قلاص لبن

 

[شوكولاته&فانيلا]

السلام عليكم اشلونكم بنات بالعافية عليكم اكلكم

عطوفه كتون صبوره بزبز لولو ام عامر لزلز بيشو منورين حبيباتي

بروت ضيون مزمز وكل الغايبين وحشتونا وايد

انا اليوم تمام

فطوري 3 حبات رطب+ماي وقهوة

عقب الصلاة اكلت 4 فطاير تقديم صغار((ثنتين زعتر ووحده تونه ووحده بيتزا)) وبس الحمد لله هذا فطوري

عالتسع اكلت نتفه حلو قطعه كبر الاربع اصابع

عالـ 12 اكلت كوب كاسترد

والسحور ان شاء الله صدر دياي بآكله جذيه بدون خبز + خوخه وبس الحمد لله على النعمة​

 

[نونة حبيبها]

مرحبا بنات اخباركم
اليوم افطرت رز بالباشميل ماما عاملتها مع شوية كورما دجاج من تحت دياتي لوووووووووووووول
ويمكن 3 حبات اصابع الدجاج ووحدة توست محشية باللحم وكاس فيمتو
بعد الفطور اخذت صحن صغير ساقو
طلعت مع زوجي وولدي اخذت توفي هوت درينك مع حبتين تشوكلت
لولو فديتك حبيبتي تامرين امر مو بس صينية بطاطس
كوتن..المشكلة امي تكسر خاطري ارجع من الدوام اخذ لي قيلولة ماصحى الا ع صلاة المغرب
وامي تحوس بالمطبخ
فلازم استحي على وجهي واسويلي طبق
ويوم الخميس اكون انا الي مجهزة السفرة ..فلازم اذوووق
طبخات كويتيات ماعليها كلام يممي

 

[Lady <3 A]

مرحبا :eh_s(17): شلونكم بنات

هاي بنات شلونكم وشلون الرجيم

امس مابي اتكلم عنه لاني مخربطه

بس اليوم من التعب حايشتني حساسيه ابلاعيمي ونشله

فطرت قلاص ماي مو بارد ولا حار نص ونص وكليت حبة سبرنج رول + طاسه شوربه + قفشتين هريس

بعدين رحت صليت ولما رجعت حسيت اني شبعانه جان اقعد بعيد عن السفره امي قالت قومي اكلي قتلها لا شبعانه

بعدها بربع ساعه اشتهيت جاي مع خبز رقاق اسمر طبعا مو وايد لا بالبياله وبس

قبل شوي كليت حلو الكاسات اختي يايبته من الخباز كليت وحده وبس الحمدلله رب العالمين

ان شاء الله عالسحور ما اخربط واكل بس رقي

سلامتج زيون ما تشوفين شر ان شاء الله

عيل لو كنتي تلبسين خيمة وتحول المقاس الى ميديوم شنو الشعور بعرف

:eh_s(22):
ما شاء الله عليج لولو . . الله يتمم عليج بصحه وعافيه يارب

سيم سيم

هذا اللي قاعد يصير معاي بالضبط

:rerrerek:
وناسه عيل بصوم على طول لوول

يلا عاد عن الدلع والمياصة تخربط مابي مفهووووووووم

:eh_s(16):
زفيني لولو والله ماخذه راحتي بالأكل اهئ

بنات الجفاف ذابحني حدة ماني قادرة اشرب ماي شسوي

لولو خلي غرشة الماي يمج وكل ساعه حاولي تشربين منها لين تخلصينها

اليوم قعدت اصلي الظهر بالصالة وعقبها تميت على سجادتي اقرا قرآن ومعدة ظهري حق غرفتي طلع ريلي عباله بنتي يقولي تخيلي اطب عليج من وراج شتسوين قلت له حرام عليك اتكسر ترا الحين ماااااااااافيني شدة بالمرة ترا دير بالك اخر السنة بصير اضعف منك يضحك يقولي ماعندج سالفة بالمرة خلاص وقفي وقفي قلت له خلاص ابي اكثر منك بعشرة كيلو
ريلي طوله 168 ووزن بالخمسينات عصصصصصصصصصصصصصصصصصصصصصصصصصصصصصصصصصصصصصصصصصصصل

:eh_s(9)::eh_s(9):

مرحبااا...:eh_s(17):
عجبتني الديوانيه و ودي ادش معاكم انا وزني 79 و طولي 170
ودي انزل 5 كيلو للعيد احس اني متنانه عقب السفره كله اكل اكل
بس مشكلتي ماكو اراده بنات شسوي ابي تشجيع بلييييييز:eh_s(9):
صج اتوقعون في وقت اضعف قبل العيد:bbbiu:

حياج الله . . ويالله شدي الهمه ويانا :eh_s(9):

مو تحسين يوم كان صغير عليكي انه نتيفه و حلمك تدشين فيه و لمن تضعفين و تلبسينه ,, تقولين كان اصغر من كذا ,, كنت اشوفه صغيييييييييير ,,, الحين ما اشوفه صغير مثل زمان يوم كنت اتمنا البسه ,,, ما ادري فهمتي قصدي ولا لا ,, بس انا دايم يصير معاي كذا ​

اي كتون احس بهالشعور :eh_s(9): اول ما بديت معاكم اخذت مقاسات جسمي بالـ inch واليوم قست تقريباً من كل شي - 2.5 inches :eh_s(9):

السلاام عليكم

عوافي ما كليتوا

اليوم فطوري

2 كباب صغار و شويه حمص و 3 قفاش فتة و نص خبزة ايرانيه و قلاص فيمتو و قلاص لبن

صحتين وهنا بيشو . . وحشتينا واايد :eh_s(17):
بالعافيه عليج وهالله هالله بالأكل الصحي
​

 

[Lady <3 A]

بنات انا اول يومين ثلاث كنت ملتزمه واخر يومين رديت ابلع واكل من اي صنف كنت ماسكه نفسي عن المقالي والأكل الدسم شسوي حتى الحلويات ما قاومها والله مابي اكتب شمسويه اخر يومين

ابي شي يسد شهيتي

 

[Lady <3 A]

السلام عليكم اشلونكم بنات بالعافية عليكم اكلكم

عطوفه كتون صبوره بزبز لولو ام عامر لزلز بيشو منورين حبيباتي

بروت ضيون مزمز وكل الغايبين وحشتونا وايد

انا اليوم تمام

فطوري 3 حبات رطب+ماي وقهوة

عقب الصلاة اكلت 4 فطاير تقديم صغار((ثنتين زعتر ووحده تونه ووحده بيتزا)) وبس الحمد لله هذا فطوري

عالتسع اكلت نتفه حلو قطعه كبر الاربع اصابع

عالـ 12 اكلت كوب كاسترد

والسحور ان شاء الله صدر دياي بآكله جذيه بدون خبز + خوخه وبس الحمد لله على النعمة​

النور نورج حبيبتي شوشو
وعليج بألف عافيه :eh_s(7):
​

 

[BiiShOoO]

النور نورج شوشو

بزبز حبيبتي حتى انا ولهت عليكم و ان شاء الله راح اكتب يومياتي كل يوم

اكلي تمر و لبن و عقب قومي صلي عشان بسرعه تشبعين

 

[Lady <3 A]

النور نورج شوشو

بزبز حبيبتي حتى انا ولهت عليكم و ان شاء الله راح اكتب يومياتي كل يوم

اكلي تمر و لبن و عقب قومي صلي عشان بسرعه تشبعين

ان شاء الله :eh_s(7):

.

بيشو انا ما اكل تمر للأسف مشكلتي مو بالفطور اشرب شوربه واشبع
المشكله بين الفطور والسحور تلفزيووون واكل ​

 

[Zain_ALZain]

هااااااااااااااااااااااااااي سامحوني بس كليت الي بخاطري كليت

مجبوس دياي

كان شكله يشهي :/





























ههههههههههههههههههههههههههه قصيت عليكم

الصراحه اليوم كان فيني اصرار اكثر من اي يوم فات

رحت الممشى ومشيت كيلوين يمكن نص ساعه

بعدها رديت البيت

جان افطر على قلاصين ماي + قلاص لبن اكتيفيا + 3 تمرات + شريحتين رقي

بعدها رحت سبحت وصليت

والحين كليت سلطة شمندر وخيار وناتشوز وبس الحمدلله

السحور كان10 قفاش يمكن ( نخي ) كنت حدي يوعانه

بس من باجر بسوي رجيم التمر واللبن او الحليب

الحين بشرب جاي الرجيم من العويد

 

[LadY BuG 80]

سوري حبيباتي نسسسسسسسسيت الاوزان ولله ذاكرتي ذاكرة قطوا بسرعه انسى هلأيام

تدرون من اصيام و قلت انوم

مشكوره لولو على اتذكير :eh_s(7):

المهم هاذي اوزانكم ... خلاص الكل صاير رشيق ,, و مكسلين على اخر كم كيلو ... اظاهر هلأخر كم كيلو بتنزلونم بسنه :rgewrg:

لا لا جد مشا الله اوزانكم تشرح الألب الحزين


بسم الله نبداء ​

((((( ليدي )))))



الوزن السابق

59.100

الوزن الحالي

58.300

الوزن المفقود

800 جرام :ggdw:


لولو ((( ام عيال ))))


الوزن السابق

80

الوزن الحالي

79.300

الوزن المفقود

700 جرام :ggdw:


كوكو ( كوين اف سادنس )



الوزن السابق

51.300

الوزن الحالي

51

الوزن المفقود

300 جرام



بسكوته ( ام عامر )



الوزن السابق

70

الوزن الحالي

70

الوزن المفقود

0 :eh_s(7):




ملزلزه


الوزن السابق

60

الوزن الحالي

60

الوزن المفقود

0 :eh_s(7):



كتونه ( كوتن كاندي)

الوزن السابق

سيم سيم

الوزن الحالي

سيم سيم


الوزن المفقود

خلاص بابا


​

 

[Zain_ALZain]

سوري انا نسيت الميزان باجر باذن الله اشوفه واحطه لكم

 

[Melazlaza]

هياااااااا وناسة كلنا ما زدنا الحمدلله ان شالله نضعف بالاسابيع القادمة
للزين حياج حبيبتي

شوشو شلونج
باجي البنات عوافي مااكلتوا


انا تسحرت سلطة روب بالخيار وجم قفشة برياني خضار لذيييييييذ وبس الحمدلله عالنعمة اي صح وشربت زعتر

 

[Melazlaza]

صج بنات مبرووووووك النزول ومنها للاعلى ليدي يا ملكة ولولو عفية عليج والله وكوكو مبروووووك حبيبتي

 

[Melazlaza]

كتون انا اصلا كل شي ميني عندي لو تشوفين المهلبية اسويها بطاسة حدها صغيرة ودايما كل شي احبه صغير بس تخمتي كان سببها الفطاير واي الله لايعيدها يازين السلطة والشوربة

 

[للزين هيبا]

فديييييييييييييييييييييييييييييييتكم كلكم احبكم لاني لي الحين ماسكه نفسي
و يسلمووو كتون و ام عيال و زوزو و الكل الكل والله لا يفرقنا و انشجع بعض فديتكم؛)

 

[للزين هيبا]

هلا ولله لزلز ( هاذا ادلع ) ​

مو انتي الي كنتي حاطه صورت ميسا المغربي ؟؟؟ ولا غيرها ​

كنتت اتابع ردودك و تعجبني في قسم الحياه ازوجيه على ما اضن :eh_s(17):​

نورتينا ياختيييي و فالك ارشاقه :eh_s(8):​

كتوووووون لا حبيبتي مو انا :eh_s(7):
انا توني يديده بس من زمان ادش و اشوف و اطلع بس توني صرت عضوه:ggdw:
هياااااااااااااااااااااااااااااااااااااااااااااا:ggdw::ggdw: وراااح استمر الى الابد بأذن الله لان بصرااااحه عجبني جوكم فديتكم والله يخلينا لبعض:yaaaaaarb:

 

[om l3yal]

كتوووون
انا وزني كان ٨٠.٨ وصار ٧٩.٣ يعني ابوزن المفقود ١.٥ مالي شغل انا الفايزة

 

[:: نـــورهـ ::]

مرحبا كوتون شحالج

تذكريني ولا نسيتيني

آنا نوره كنت معاج بتجمع دشتي لووول

ترى من فتحتي هالتجمع وانا يومياً يومياً متابعتج :eh_s(22):

يختي تعطيني دفعه معنويه كبيييييييره ماتتخيلين شلون

تحسسيني في آمل اضعف

بالنسبه حق وزني الحقير تخيلي زآيدة من 68 لين 72.5 في اسبوعين بس :eh_s(11):

سافرت وعفست الدنيا ماخليت شي بخاطري كلت الخضر واليابس اعوذ بالله

لآزم ارجع انزل هال4 كيلوو وفوقهم بعد 4

ابي اوصل 65 في العيد

من هلّ رمضان امشي يومياً قبل الفطور ساعه

وبين الفطور والسحور ما اكل شي ابددددداً
اللهم كوب صغير شاي حليب

وسحوري سندويج بيضة مسلوقة بسلآيس اسمر + عصير برتقال فرش

مشكلتي الفطور

مجبوس , هريس , ثريد , معجنات وسمبوسة , باستا

هذي الاصناف اليومية على سفرتنا وماقدر افطر في بيتي بروحي ام زوجي تزعل

فقررت من اليوم اسوي شورية وسلطة يومياً اوديها معاي

آكل 3 تمرات ولبن
واقوم اصلي
وارجع اشرب شوربة
وآكل سلطة
ومايخالف اذا اكل فطيرة صغيرة او حبة سمبوسة
وخلآص الحمدالله

وامسك حلجي لين السحور
وسحوري سندويج وعصير نفس كل يوم

شرايج !!
آنصحيني كوتون حدّي مكتئبة :eh_s(16):

اذا مانزلت لل68 عالاقل فستان العيد مب داخل فيني
فصلته يوم كان وزني 68
لا ومن زود الثقه مضوقه سانتي من كل القياسات يعني بضعف يعني :krkrkr:



صبرت ومل صبري
مبرووووووووووووك حياتي فدييييتج
يا احلى عروسه في الدنيا
شدّي حيلج واضعفي ترى الرياييل مايحبون المتان يحبون عارضات الازياء عمى بعينهم
انا ريلي غربلني اضعفي اضعفي
ويوم وصلت ال70 قالي بس ستوب جذيه حلوو
قلت له مالك شغل انا اضعف عشان نفسي ومتى ماحسيت ان جسمي حلوو وعاجبني بثبت





​

 

[Queen of Sadnes]

السلام عليكم بنات
مبرووووك لولو عالنزول الحلو ماشاء الله
وبزبز بعد نزولج حلو حافظي عليه وشدي حيلج نبي بعد
عطوفه وكتونه وام عمور زين انكم ثابتين ومو زايدين يالله شدوا حيلكم

صبوره شلونج حبيبتي عسى الله يحقق لج مناج وينولج اللي فبالج يارب ويوفقج ان شاء الله

باجي البنات بالعافيه عليكم

بشبوشه شلونج عساج بخير ان شاء الله