ديوانية --<-@ {{ One Day We Will Be Slim}}

[om l3yal]

شلونكم بنات
امس كان يوم كلش مزحووووم
شربت لتر ماي علا الريج
عقير برتقال
والغدا سكم لاتيه
رحت الصالون وبالعرس لاااا تعليق كنت حديث الشعب كله
الله يتمم عليهم ويسعدهم ويبعد عنهم عيون الانس والشياطين بجيت اخر العرس وبجيت خواتي لان اللي وصا المعرس علا بنتنا عما تالي قمنا لميناه تذكرت ابوي الله يرحمه ويغفرله والمسلمين اصلا انا مو شايفة عمي من سبع شهور يعني ايام ما كنت دب قطبي اول وحدت سلمت وظل ماسكني وسلم علا الباجي يمكن السالفة اخذت ربع ساعة تالي قام يطالعني ويضحك يقوليل لولو باستغراب
بالعرس شربت قلاصين عصير كيوي و حبتين حلو تقديم والعشا حبة سمبوسة مسحة حمص ومسحة متبل وقفشة سلطة وقطعة كبر عقلة الاصبع دياي بس بعدين اكلت قفشتين ام علي
اليوم نص لتر ماي علا الريج بعدين شربت سكم لاتيه لاني قعدت متكسرة وراسي يعورني
الغدا قفشتين شوربة عدس وقطعة دياي بالفرن كبرالاصبعين وقفشتين سلطة فيها خس وبطاط وبيديان والصوص روب حسيت راح انفجر ماقدرت اكمل القفشة الباجية
من شوي اكلت شابورة بالالياف مع مسحة جبن فيلاديلفيا لايت ويمكن اكل توستة سمرة مع جبن ومربي حدي مشتهية المربي واشرب عصير اناناس وكيوي
وبس

 

[BiiShOoO]

بالعاافيه لولوووو

و الف مبرروك العرس و الله يهنيهم يا رب

 

[شوكولاته&فانيلا]

مساء الخيرات بنات

بزبز عوافي حبيبتي ويومج كان حلو موفقه يارب

ام عامر الله يعينج عاللويه ووتستقرون بهالشقه ويجعلها خير عليكم

عطوف لاتقاطعين خليج ويانا كثر ماتقدرين

مزمز بالعافية حبيبتي

لولو مبروك علي المعاريس ربي يهنيهم يارب ومبروك النيو لوك بالعرس عسى الله يحميج من عيون الناس ويتمم عليج بكل خير

وبالعافية يومج

بيشو سلامات حبيبتي ماتشوفين شر شربي سفن دايت وروب خالي الدسم احسن شئ للمعدة بعد الترجيع

​

 

[شوكولاته&فانيلا]

انا يومي كان تمام ربي يهديني جذيه على طول وابتعد عن الخرابيط

تريقت بيضتين مفيوحتين مع قفشه جبن قلاص اكلتهم بالقفشه

تغديت كوب فول مع قفشه زيت زيتون اكلته برضو بالقفشه

السناك ايسكريم ساندويش فيه 91 كالوري

العشاء روب قليل الدسم + خيار وبث

​

 

[om l3yal]

شوشو عوافي علا قليبج ان شاالله
بشري شلون الوزن خو الحين مافي اييييي عذر الميزان وتحت ريولج

 

[نونة حبيبها]

شوكلاتة & فانيلا
شفتي كيف ..حلوة مهنة التمريض بس متعبة
وربي يسلمك ان شاء الله
عوافي بنااااااااااااااات
اليوم كان حبيب قلبي اميري الصغير كمل 3 سنين
عدت الحفلة على خير بس للاسف ماصورت كثير كان زحمة اطفال
يومي كان سويس رول من دايت سنتر
وطلعت ماكلت شي ابدا غير موية وانشغلت بالحفلة
اخر شي اكلت 3 ورق عنب ..سندويش فلافل من دايت سنتر فيها 360 كالوري..كم حبة رطب .و3 ملاعق رز وبث

 

[شوكولاته&فانيلا]

هلا لولو الله يعافيج والوزن ابشركم الحمد لله رد طبيعي تقريبا ماشاء الله تبارك الرحمن عقب ماشقحت عن الـ 71 رجعت لله

الحمد للـ 900 .68 باقي 700 جرام وارجع للوزن الطبيعي بالزبط الظاهر عشان الدورة كنت زايده وبرضو يوم السوائل امس

عمل عمايله ربي لك الحمد ..

نونه بالعافيه عليج وكل عام وأميرج الحلو بخير وعافية ربي يبلغج فيه ​

 

[om l3yal]

نونة كل عام ووليدج بالف صحة وعافية ان شاالله وتشوفين يوم تخرجه ويوم عرسه قولي امين

 

[om l3yal]

شوشو اشوة طمنتيني
وترا يوم السرايل يلعب دور والله ويونس اذا صعدتي علا الميزان
رحت الساعة تسع ونص سويت لي شابورة مع جبن قلاص وتوستة سمرة مع جبن فيلاديلفيا لايت مربي دايت اكلت نص التوستة وشبعت تقولي بنتي شفيج اقولها شبعت وانا مسوية بعد شابورة من الطفاسة جليلة الحيا تقولي اي واللي طفاسة ريحت شوي تالي اكلتهم خلصت التوستة والشابورة علا مدار ٤٥ دقيقة كنت اخلصهم بظرف دقيقة وحدة فقط لااااا غير*

 

[BiiShOoO]

عواافي لولو و شوشو

 

[شوكولاته&فانيلا]

حبيبتي والله بالعافية عليج وعجبني يوم السوائل بكرره ان شاء الله يمكن هو اللي يكسر ثبات وزني يارب يكون الميزان فأل خير

علي يارب ..​

 

[شوكولاته&فانيلا]

الله يعافيج بيشو اشلونج الحين ان شاء الله احسن؟​

 

[BiiShOoO]

اي الحمدالله ما قصرتي

 

[Zain_ALZain]

هاااااااااااااااااي بنات شلونكم شخباركم

اليوم قعدت من الصبح عشان اخذ نسخ على شهادتي وانا راجعه ولا امر الفرع جان اخذ توست اسمر + عصير تروبيكانا برتقال

رديت البيت جان اسويلي بيضه مقليه بزيت زيتون + حبتين توست ومسحت عليهم جبن فيلادليفا مع البيض + العصير +

10 حبات زيتون

بعدين امي مسورتني على صبار ولا ممسوح من الجمعيات مادري شالسالفه رحت 3 جمعيات ادور صبار وما لقيت

اخر شي جان اشتريلي من امريكانا سلطة سيزر مع دياي + تبوله + مرتديلا ورجعت البيت عالساعه 1 تغديت سلطة السيزر

ونمت بعدها قعدت عالمغرب جان اشرب قلاص لبن وحبتين تمر بعدها طلعت انا واختي لانه مرت اخوي فديتها متسممه

ونايمه بالمستشفى رحنا زرناها وبعدها طلعنا بنرجع البيت ولا اختي توقف عند البطريق جان انا اطلب كلوب ساندويش

وتقاسمته مع اختي وكل وحده طلبت لها فتوش والحمدلله رب العالمين

تعتقدون كثرت بالعشى ؟؟؟؟؟؟

المهم باجر معزومين عشى ابيت ولد عمي فا بقلب بين العشا والغدا

الغدا باكل خيار بروب والعشا باكل سلطه ومشاوي باذن الله

تصبحون على خيييييييييييير

 

[الحراير]

مرحبــــــــــــــا شلوووووونكم


يومياتي

فطوري نص خبزة خفيفه سمره مع حمسة طماط وشوية جبن
وسناك نسكافيه وشوية حب

ماتغديت والعشا اكلت صحن صغير تبوله بدون برغل مع 6حبات ورق عنب وعصير اناناس ورقصت مدة 35دقيقة والفجر اذ حسيت بجوع بشرب عصير اناناس بالكيوي
والحمدلله عدي يومي علي خير

 

[BiiShOoO]

عوافي حرورة

نونه كل عام و ولدج بخير

كوتون تروحين و تردين بالسلامة و راح نشتاقلج

 

[نونة حبيبها]

تسلمون حبايبي
هي صورة كيكة اميري..

 

[الحراير]

الله يعافيج بيشو

نونه كل عام وسعود بخير وعسي ربي يخليه لكم وتفرحين فيه

 

[نونة حبيبها]

الحرارير وبيشو الله يسلمكم
الحرار اسمه sajad
معناته كثير السجود

 

[BiiShOoO]

واايد حلووة الكيكة عليكم بالعافيه