ديوانية موظفات وزارة الدفاع ......حياكم

[روحي تحب]

استفسار
سمعت عن العمل انه مريح بهندسة المنشآت العسكرية وانه البونص كبير بالسنه غير مميزات العمل الاضافي ساعة بعد الدوام 250 دينار
وغير الخدمات الترفيهيه للموظفين
حبيت اسال اللي يشتغلون بهالمكان رايهم بهالشي
لاني حابه انتقل عندهم وشهادتي جامعية تخصص اقتصاد وعلوم سياسية
وعالدرجة الثانية
ومعاشي الحالي 900 دينار وبونص 400 دينار في مجال عملي الحالي برايكم انقل والا نفس الشي
ناطرتكم ينات لا تبخلون علي

بصراحه صدمتيني للاسف موصحيح هالكلام لا في شئ اسمه اضافي والله العظيم مافي شئ اسمه بونص في اعمال ممتازه من450 لغاية 750 وطبعا حسب المنصب ولها شروط واولهم عندج واسطه وايه صح والشغل مومريح كافي انه سمعنه رايحه فيها آنا ادور الفرصه ألي اطلع فيها من هناك الخدمات من العلاقات العامه مثل خصومات شاليه الخيران طبعا انسي يطلعلج حق ربعهم خصم تذاكر مسرحيات انسي بعد ماتخلص يقولون لنا حق ربعهم وحاليا اغلبها توقف بعد ماطلع الشيخ صباح الناصر من الدفاع مثل المخيم

 

[روحي تحب]

روحي تحب
جاوبني
حياتي اذا في ميزه او معاش اكثر بنقل الدفاع ومكانكم صج في حولي
لانه بكون قريب على بيتي واكون يم عيالي

فيه ميزه للي ماعندها كادر تاخذين بدل الجامعي 150 والدبلوم 100 المساواة بالعسكري وآنا من الناس ألي ماتاخذه فمافي اي ميزه والدوام بميدان حولي وعلى فكره المبنى الجديد بس وايد حلو وخلال 4سنوات راح ننتقل لمنطقة صبحان يم المستشفي العسكري ونادي الفروسيه وآنا قلت لكم اختي تشتغل بالوزاره بعد

 

[روحي تحب]

روحي تحب

بغيت اسالج الادارة القانونيه اشلون عندكم؟؟ وين مكانها؟؟؟

وفي كادري خاص للقانونيين؟؟

لا حبوبه القانونيين لايعه جبدهم بس مسؤولينهم زينين لان مايصير تاخذين بدل مساواه العسكريين مع بدل القانونيين

 

[water.melon]

بغيت اسأل عن رواتب المهندسين في وزارة الدفاااع؟؟

 

[النية الصافية]

يعني البدل للجامعي فوق معاشه بس 150 دينار
انا آخذ بدل بدوامي الحالي 250 دينار فوق معاشي الجامعي ودوامي من 7.30 الي 1.30
تنصحيني اقعد بدوامي
واعمال ممتازة الكل ياخذها اذا كان مواضب عالدوام 400 دينار
تنصحيني اقعد بدوامي

 

[[المهندسة]]

جم رواتب المهندسات بوزاره الدفاااااااااااااااااااااع وينكم جااااااااااوبوو

 

[النية الصافية]

بنات مشغولييين وينكم

 

[روحي تحب]

يعني البدل للجامعي فوق معاشه بس 150 دينار
انا آخذ بدل بدوامي الحالي 250 دينار فوق معاشي الجامعي ودوامي من 7.30 الي 1.30
تنصحيني اقعد بدوامي
واعمال ممتازة الكل ياخذها اذا كان مواضب عالدوام 400 دينار
تنصحيني اقعد بدوامي

هلا والله والله انصحج تضلين وهذا الشئ راجعلج بس من كلامج راتبج ودوامج احسن والاعمال الممتازه صارلي 8 سنوات موظفه وامتياز كل سنه ولامره خذيت اعمال ممتازه ليش؟ الكشف تنحط فيه اسامي اللي عندهم واسطه وآنا ماعندي آنا حابه اسالج اذا ممكن وين تداومين ؟

 

[روحي تحب]

جم رواتب المهندسات بوزاره الدفاااااااااااااااااااااع وينكم جااااااااااوبوو

هلا حياتي الرواتب حالها حال اي وزاره طبعا تفرق من مبتدئ عن اللي عنده خبره على حسب الدرجه ترى ماكو مميزات وماعندي فكره جم بالضبط اسالج انشاء الله

 

[[المهندسة]]

اوكي ناطرتج مشكووره

 

[النية الصافية]

تصدقين وحده قالت لي شهادتها دبلوم انها اذا بتروح التربيه بكون فرق بالمعاش 400 دينار فاتفضل انها تروح المنشآت العسكرية
وانتي كلامج عكسها
تدرين خليني على مكاني احسن لي انا اشتغل في بيت الزكاة
بجنوب السره
معاشي الجامعي وفوقه كادر للجامعيين 150 وعلاوة تشجيعية وبدل طبيعة عمل 100 دينار واعتقد دوامي افضل
غير 3000 دينار قرض للموظف
واعمال ممتازة 400 دينار
والدوام اختياري اما من 7.30 الي 1.30
او
8 الي 2
او من 8.30 الى 2.30
ونستخدم كرت بالدخول والخروج والاستئذان 9 ساعات بالشهر والحريم منفصلين عن الرياييل ما يقعدون بمكتب واحد بس بالجتماعات يكون اختلاط

 

[النية الصافية]

انا بعد صارلي 8 سنوات من اشتغلت
بس صار لي 3 سنوات في بيت الزكاة

 

[روحي تحب]

انا بعد صارلي 8 سنوات من اشتغلت
بس صار لي 3 سنوات في بيت الزكاة

والله يحياتي يوميا ينتقلون بمعدل 5 موضفات المكان كلش والله يتمم عليج اخذيها متي والله اني لو احصل مكان اطلع اليوم قبل باجر واحنا نظام البصمه والاستأذان 3 ساعات بالشهر واي تاخير بعد 7,30 بدقيقه ينحسب تخيلي ماكو مواقف نصفط عند المقبره والعمارات مشئ لان المواقف داخل تنعد على الاصابع وللمسؤولين من توضفت وآنا احوس ادور مكان غير البلاوي والمشاكل اللي داخل بين الحريم واااااااي ادعيلي الله يصبرني:yaaaaaarb:

 

[روحي تحب]

تصدقين وحده قالت لي شهادتها دبلوم انها اذا بتروح التربيه بكون فرق بالمعاش 400 دينار فاتفضل انها تروح المنشآت العسكرية
وانتي كلامج عكسها
تدرين خليني على مكاني احسن لي انا اشتغل في بيت الزكاة
بجنوب السره
معاشي الجامعي وفوقه كادر للجامعيين 150 وعلاوة تشجيعية وبدل طبيعة عمل 100 دينار واعتقد دوامي افضل
غير 3000 دينار قرض للموظف
واعمال ممتازة 400 دينار
والدوام اختياري اما من 7.30 الي 1.30
او
8 الي 2
او من 8.30 الى 2.30
ونستخدم كرت بالدخول والخروج والاستئذان 9 ساعات بالشهر والحريم منفصلين عن الرياييل ما يقعدون بمكتب واحد بس بالجتماعات يكون اختلاط

والله دوامج افضل صديقة امي عندكم ومرتاحه و رفيجاتي يدورون واسطه عندكم لاتطلعين الا اذا ظامنه المكان الثاني افضل منه وسالي عدل(نصيحه)

 

[النية الصافية]

والله الناس وايد تبالغ تقول الاعمال الممتازة توصل 1000

وانا اللي انقلت لي هالمعلومه باجر بقولها لانها مسكينه قاصين عليها وتبي تنقل من الداخلية حق المنشآت

وانصحتني انقل معاها

الله يصبرج
نقلي روحي مكان ثاني
جزاج الله خير نورتيني بعد عمري
يارب ربي يسهل عليج وتفتكين منهم
مثل ما نصحتيني جان تبذهلت بروحي انا عصبيه وما اتحمل سوالف الحريييييييييييييم

 

[روحي تحب]

والله الناس وايد تبالغ تقول الاعمال الممتازة توصل 1000

وانا اللي انقلت لي هالمعلومه باجر بقولها لانها مسكينه قاصين عليها وتبي تنقل من الداخلية حق المنشآت

وانصحتني انقل معاها

الله يصبرج
نقلي روحي مكان ثاني
جزاج الله خير نورتيني بعد عمري
يارب ربي يسهل عليج وتفتكين منهم
مثل ما نصحتيني جان تبذهلت بروحي انا عصبيه وما اتحمل سوالف الحريييييييييييييم

مشكووره وماقصرتي على الدعوه آنا صج محتاجه لها والناس لبعضها آنا يمكن بيوم من الايام اكون مثلج ابي نصيحه وانشاء الله الله يسخرلي احد يساعدني وينصحني وآخرة صبري خير:yaaaaaarb:

 

[النية الصافية]

ان شاء الله
الله يعوض صبرج خير يارب

 

[ام _خلودي]

روحى تحب

انتى وين تشتغلين بضبط

لاان انا الحين قاعده اسوى اوراق ابي انتقل
هندسة المنشاءت عند بوحسن عبدالرحمن القبندى

تنصحينى ولالا؟

 

[العجميه سبشل]

مساء الخير كويتيات
عندي استفسار للي يشتغلون بالمستشفى العسكري
انا بخاطري اشتغل هناك
بس مادري يقبلون بتخصص معدات طبيه ولا لأ ؟
وشكرااااااااااااا

 

[dalalcollection]

هلا خواتي..

اختي روحي تحب كلامج صحيح 100%100 انا موظفه في هندسة المنشآت ولايعه جبدي
وعلى فكرة شغلهم كلة حق ربعهم وبين بعض مالج شغل بالحجي