ديوانية محباات الميكااب .. حيــــاكم :)

[@انا قلب بدر@]

بنات هااااااااااااااااااااااااااااااااااااااااااااااااااااااااي بسالكم باجر راح ينزل الكوليكشن مال ماك؟؟

 

[الاسطورية]

هاي بنات
مشكوره بنوته

هاسب اي البنات متيمعين ردي بالصفحات تلقين بس انا مارحت معاهم ان شاءالله المره اليايه

 

[الاسطورية]

حمامه شالسالفه

 

[شهووده]

هلووو بنوووتات :*





بنوووت

ماتشوووفين شر حبيبتي :*

سلامااااات ..







بتاابيتووو

شلووونج حبيبتي ؟؟

نفس سؤال بنووووت .. عطر 1 مليون رجالي وإلا نساائي ؟!

جني سمعت إنه رجالي !!

اممم الظاهر unisex !!








نحوووول

ناااايس لوووك حبيبتي ..

وضحكتيني على سالفة رفيجتج ..

مسكينه موقفها لاتحسد عليه .. أنا منها أقدم استقالتي :dddds:








سيدكتف

بنت العم شلووونها ؟؟ :*

بسسسج على قولة نحووول

وسلاماات إنتي بعد حبيبتي جني قريت إنج كنتي تعباانه اليوووم !








مريوووما

بالعاافيه المشترياات حبيبتي ..

شخبااار تجهيزاتج ؟؟








قلب بدر

هلااا حبيبتي ..

امممم ماك مالهم كلمه ..

لما سألتهم ذاك اليوم قالوا ماندري !!

مادري عاد بيدقون باجر وإلا كالعاده محد يدق :eh_s(14):









ريمااااني

شلووونج حبيبتي ؟؟

ولهاانه علييج :*









باجي البنووتات شخباااركم ؟؟

بنووووكه .. والقااطعه وش وش .. والقااطعه قطاوي .. الاسطوريه .. شوشوا .. منوووره .. كوكو .. قووووولدي

ان شالله مااانسيت أحد !!











أنا طبعًا ماااااااااكو لووووكات هالفتره .. لأني مااحط ميك أب بمحرم

خصوصًا أول 13 يووم .. عقبهم ممكن أحط كحل وماسكرا بس .. يعني شي حدددددده خفيف ..

ووالله أحسن وأريح .. عالأقل أريح رمووشي .. لأان بشرتي مريحتها من فتررره قمت أستغني عن الفاونديشن ..

 

[بنوتة نعومة]

هلا شهوودة حبيبتي

اي و الله شهر محرم رحمة حقنا و حق ويوهنا من الميكاب

انا بعد العاشر ابتدي احط عالخفيف بس كونسلر و بودر وو كحل بس لمن يخلص احط هم خفيف عشان صفر بعد

لا و الحين بعد مرييضة يعني حتى لو مو بمحرم ما راح احط شي :eh_s(6): ​

 

[ghalaty]

بنوته ما تشوفين شر .... واشلونكم باجي محبات المكياجبغيت اسألكم صج خلص عرض بيضون شوكتوني على عطر مليون

 

[شهووده]

بنوووت

اي والله صااجه ..

وأنا بعد نفسج ..

مااحب أحط ميك أب ثقيل وألوان خصوصًا الحمر :/




وماتشوووفين شر حيااتي :*

 

[بنوتة نعومة]

الشر ما اييكم


<< تشرب سفن أب عشان اللوعه ترووح


بنات اذا باجر نزل كولكشن ماك بليز قولولي اوكي حتى لو تدزلي مسج على تلفوني بليز مو تنسون ​

 

[شهووده]

لووووول بنوووت أناا بعد ترى معتمده عليكم

لأن مااك مايعتمد عليهم كلللللللللش :eh_s(14):

 

[coco modmsil]

هاااي صبايا


الله يبارك بالكل مرسي يا عمري كلكم


وووووي صج اناحاطه حمره الحين امبيه قلت صااار ليفتره مو حاطه خل احط


حدي نسيييييت انه محرم اعوووذ بالله من الشيطان


باااجر انا مداومه اليوووم تعايزت اروووح


المهم بنات مو قال انه بينزل باجر؟؟ اللي هناك عبط محد يدري


حتى انا ابي تدزووون لي مسج اذا دريتوا بشي


بنوووته بدز لج رقمي ع الخاص

 

[pink]

أهليييين بنوتاات ..

أمس كتبت رد طويل عررريض و آخر شي بح

السيرفر بززززي .. بغى يصير فيني شي :eh_s(14):




بنوووت .. سلاااامت حبيبتي و ما تشوفين شر .. و مثل ما قالت نحوووله
فلودريكس مع الابرة يريحون .. و إن شالله بهالعطلة تردين بمب البمب ..


نحووولة .. سوووري ما قلتلج انتي بشنو أتذكرج .. عموما لما اييبون طاري
الحليب و بالميكاب لما اييبون طاري أي شي مشمشي .. و عطر ون ميليون
طلع عطر ريلي بس ساعات أستخدمه من حلاته تدرين طووول الوقت على بالي
رجالي بس مو يونيسكس .. ثااانكس نورتيني بهالمعلووومة ..



شهووود .. اخييييرا راح ترتاااح هالبشرة شوي صج راحة اجبارية بس اسمها
راحة .. آنا أصلا مخففة من الميكب فترررة لأن مزاجي مش ولابد عشان تبي
تييني وتدرين هالفترة الميكاب يصير مو حلو اتوماتيكيا .. الله كريم



بيتوووته .. على بيضون باااجر آخر يوم لحقي حبيبيتي .. بس وااايد أشياء
خالصة خصوصا حمر و ماسكراات سان لوران .. أما العطور ما سألت عن
النسائي .. خذيت حق ريلي سيت عطر أرماني اليديد .. و على كحل برجوا
قصدي الووتر بروف ما حصلت الالوان اللّي أبيها بسنتر بوينت فبالغصب
أقنعت ريلي إنه يوديني سيفورا شريت كل الأربع ألوان و زدت عليهم كحل
التركواز و الأخضر الميتالك عندي منهم بس أخااف يخلصوون :eh_s(6):



هاسب .. بدعتي حبيبتي بهالدوام .. آنا كنت قبل جذي أكمل ميكابي تكرمون
في حمام الدوام بس بعدين قمت أتأخر على الدوام فمرة وحدة أحطه في البيت ..



كوكو .. مبروووك حبيبتي و الله يتمم عليج أشهر الحمل بيسر .. و مثل ما قالت
ريماااني البنت تجكر ويكون البطن ياي بالعرض أما الولد يحلّي و البطن تكون
بارزة و مكورة .. بس في اكسبشنز لأن بطني شوي كان مدور و كل من قاللّي
محلوة و شكل اللّي في بطنج ولد بس السونار طول الوقت مبين انه بنية واهو
اللّي فاز :eh_s(6):


ريماااني .. حبيبتي شلووونج ؟؟؟ جد قمنا نحاتيج يالغالية اللّي بعمرج و خصوصا
بهالفترة يكونون بقمة وناستهم أكيييد في خووف بس يروح و يرد و هذا شي طبيعي
لا تخلين الكآبة و الضيقة يتملكووونج حاولي تطلعين من هالمووود .. سوي جدول
يشغل وقتج و تفكيرج و امشي عليه .. ريماااني .. ممكن تفيديني بشغلة ريلي ناوي
باذن الله يطب عندكم أول شي و بعدين يروح عمان حق كاس الخليج .. بس متوهق
ما يدري شلووون الجو عندكم أو بعماان ؟؟؟؟ إذا عندج فكررة حبيبتي ؟؟؟


اسطووورية .. شلونج حبيبتي .. ما رحتي بيضون و شفتي العرض ؟؟؟



سيدكتف .. ما شالله ذوووقج حدّه كلاسيك أبداااا مو ذوق وحدة عيووز حراام
عليج .. حلووو انه يكون استايلج يونيك و غير عن اللّي حوالينج وبنفس الوقت
هم استايل حلوووو .. سين سؤال أيهو أحلى الاورينت سن مال غيرلان و اللا
Petticoat مال شير مينيرال ؟؟؟



مريومااا .. عليج بألف عاافية حبيبتي المساااج و الشدوز .. حلووو الوحدة
تشتري الميكاب و يكون مزاجها عااال العاال :eh_s(6): .. حلاته باجر مسويته
حق كولكشن ماك اليديد ..



قووولدي .. الله يعينج على اللوية حبيبتي .. بس اختج شكلها حدّها مستفيدة من
استقالتج .. الله يخليكم حق بعض إن شالله ..



حمامة السلام .. هلا و غلا فيج حبيبتي .. شنووو السالفة ؟؟؟!!



شوشواااا .. شلووونج حبيبتي و شلووون الامتحانات .. موفقة إن شالله ..



قلب بدر .. أهلييين حبيبتي .. شريتي هدية حق ريلج ؟؟؟ و اللا لسّه ؟؟؟ و باجر
ماك راح ينزل كولكشن الميتال ارج و احتمال ينزل معاه شي ثاااني بس ماقالوا..



و باقي البنوتااات .. منوووره .. أوشااال .. نطوووع .. قطااوي .. عصيمية ..
جنى الزين .. كيري .. شلووونكم حبيباتي

 

[Na77olah]

مساء الخير


بنووووته

العطر unisex <<<ومايل عالرجالي اكثر

انا كنت شاريته حق ريلي ولمن سافر بعدها قعدت الصبح حق الدوام فرشيت من العطر ولمن دشيت الدوام الكل يدش عندي يسال عن عطري :eh_s(6):

وانا حسبت انه رجالي بالأول ولمن سالت عنه مره ثانيه قالولي unisex

رشيها وخليها وحوسي بالمجمع وبعدين ردي شميها

واليوم مع البخور اخييييييييييييييييييييييييييييييييييييييييييييييييييييييييييييييييييييييييييييييييييييييه خنننننننننننننننننننننننننننننننننه



شهووووده

انا من باجر ماني لابسه

وبوقف ميكاب


بس باجر اهل ريلي بيردون من السفر :krkrkr:


بلبس غااامج وبحط شي خفييييييف جدااااااااااااااااااااااا



بنوووكه

انشالله يروح ويرد ريلج بالسلامه

وعن شكل البطن بالحمال انا بطني على ولدي وبنتي نفس الشي ونفس النساة 8 اشهر نساة <<<8 اشهر لأني ايبهم 8 اشهر مو 9 :eh_s(6):

وضحكتيني عالحليب والمشمشي :dddds:

شلونها البرنسيسه ؟؟؟؟

 

[نطوووعه]

هااااي بنااات ازيووكووووم

شنو اخر الاخبااار الماااكيه و شنوو سالفه العطر بو مليوون هيهي

 

[pink]

نحووله .. أهليييين حبيبتي .. البرنسيسة بخير باجر باخذ آخر عرضي

طبعاااا و بروح المستوصف أطعمها .. الله يعينّي على البجي و العسارة

و التصخن بعدييين .. راااح تكووون أحلى عطلة راس سنة مرت بحياااتي ..



و نساااتج حدها جااايدة ليش جذي !!! وراثة ؟؟؟ و ليش ما يكملون 9

شهووور ؟؟؟؟



نطوووع .. شلوونج حبيبتي ؟؟؟ آخر أخبار ماك باجر راح ينزل كولكشن الميتال
ارج و احتمال شي ثاني معاه .. أما عطر ون ميليون هذا الله يسلمج محبوب نحووله
و ريحته وااايد حلوووة .. يستاهل التجربة

 

[pink]

غلاااتي .. أهلييين حبيبتي ..

باجر آاااخر يوم لعرض بيضون ..

روحي لحقي عليهم ..

 

[شهووده]

كوكوو

معلش حبيبتي ..

تحصل في أحسن العايلات :eh_s(6):

وسلمج الله أنا اللي قالتلي بينزل باجر وحده بماك الافنيووز ..







بنوووكه

اي والله صاااجه ..

وأنااا قبل شووي أقول حق بنوووت صارلي فتره ماقمت أستعمل فاونديشن ..

مع إني أساسًا من الأول ماااحط وايد .. نتتفه .. وموودايمًا ..

والحين أحسن خل ترتاح رموووشي .. صاروا يحتوون واايد بالفتره الأخيره :/







نطووووع

أهليين حبيبتي شلوونج ؟؟

وينج صارلج فتره ماتبينين =)








نحووول

لووول وصفج يشوووق ..

بروح أشم ريحته ..

رفيجتي قالتلي شرته حق أخوها ووايد عجبه ..

وعالميك أب عاادي فتره مؤقته هاذي وبعدين بنرد وبقوه لووول :dddds:


ومأجوورين ان شالله :*






شرايكم باللون حلو وإلا أغيره ؟؟





واااي المنتدى صاير ينرررفز :eh_s(14):

يالسيرفرز بيزي أو داتا بيز ايرور :eh_s(14):

 

[Miss Golden]

هلاااا بنات..


سلامات لبنوته ولكل المرضى... مادري منو بعد مريض ماقريت كل الصفحات!!





سيداكتف..


حبيبتي انتي والله... البرونز حددددددددده عجييييييييييب اصلا

صج فرق وياي روووعه...








اليوم بنات رحت العصر المارينا و شريت لي من ماك شدو "Club" اللي كان عندي بيوم من الايام وانكسر على اخر شي..

لونه زيتي على بني حددددددددددده عجيب يعكس و يعطي الوان



وشريت حمرة Hug me





مريت سان لوران في فافافوم.. ولا ماكو غير حمرتين من الدرجات الوردية والباجي كللللللللهم مخلصين..

اكو الوان البيجيات بس والبني....





شريت لي بلوزة طويييلة من بيرشكا شكلها كول وسيعه و مخابيها تحت.. شكل موديلها كبير فأخذت Small

طلعت صغيره شكلي بردها وباخذ اكبر .. لاني حاطه فبالي البس وياها حزام وارفعها لي فوق و عليها جاكيت قصير..

​

 

[Miss Golden]

Pink .... نحولة..

مشكورين بعد جبدي عالمسجات الحلوة :tek:









بنوته وشهووده... انا بعد ما احط فاونديشن الا فيما ندرررررررررررر وصج وايد احسن خصوصا لو البشره ما تحتاج والبودرة بروحها تكفي و توفي..










اليوم ماكنت حاطه الا بودرة خفييييفة و كحل أزرق كحلي داخل عيني و ماسكرا عالسريع مالت بينيفت...


ماحطيييت لا ا شدو ولا غيره..


بلاش وردي الماينرالز مال بودي شوب..

وحمرة اسيا.. حدها طبيعية..




لبست جينز غامج و بالطو اسود طويل و حزام وردي بالنص عريض "جلد" سويته فيونكه و شيلة سوده على اطرافها تريكو وردي و فلات وردي وبسسسسس...

​

 

[شهووده]

هلووو حبيبتي قووولدي :*

بالعااافيه المشتريااات ..

واي شوقتيني زياااده على شدووو club


وناااايس لوووك حبيت الوررررررردي

وزين تسوووين والله ..

بلا فاونديشن بلا بطيخ ..

خل الويه يتنفس شوي وااعليه





وينج صارلج جم يووم ماتبينين عالام اس ان ؟؟

وثااانكس واايد عالايميلات حدهممممم يونسوووون :*

 

[Miss Golden]

هلا شوشو


حبيبتي والله ايي اليوم كان اسود بلمسات وردية بسيطة وصج ماكان في ميك اب بويهي.. يعني لو تشوفيني تقولين مو حاطه شي

بس احس كان طبيعي و حلو و الوردي اللي بالشيلة بروحه يعكس عالويه وينوره.. مادري حسيته جذيه لاني اموت بالوردي يمكن!!



Club صج ايينن.. اذكر مره سألوني عنه سكرتارية المدرسة عقب جم يوم عاد.. قالت لي وحده شنو الشدو اللي كنتي حاطته ذاك اليوم؟؟ قلت لها اي واحد عاد

جان تقول لونه مادري اخضر زيتي ولا بني!!!! عرفته عاد على طوووول




صاجه هالايام ما ادش وايد المسنجر لان امس مادري شفيه مو راضي يشبك لوع جبدي بس اليوم شبكت متأخر شوي...

وتستاهلون الايميلات ماسويت شي

​