ديوانية محباات الميكااب .. حيــــاكم :)

[شهووده]

قلب بدر

لوووول عالبرركه حبيبتي :*





بنوووك

أهااا عشان جذييي =)

يلا ان شالله إنتي بعد تأسسين امبراطوريتج العنووونه حبيبتي :*




بنوووك دايمًا ودي أقولج شي وأنسى !!

ملاحظه عليج إنج واايد مرتبه مشالله ..

طريقة كتابتج تدل على جذيه .. وتسلسل الأفكار عندج بعد ..

ومشالله حتى أسلووبج .. وطريقة وصفج ..

واايد يجذبني أسلووبج وأحب أقرى ردودج ..

 

[pink]

شهوووود .. بعد عمري والله ونستييييييني >> فاقدة حنااان

و هذا من طيبج و ذوقج تشوفين كل شي حلوووو و مرررتب ..

شهوووود .. جذي أسكت أخاف أعك و تغيرين فكرتج عنّي :eh_s(6):

 

[شهووده]

والله هذا الصج ياابنووك مومجاامله ..

عشاان جذيه حبيتج في الله :*



لالالا بالعكس غردي

 

[pink]

تسلمييين حبيبتي .. و القلوووب عند بعضها :hjy5jewf: ..


و على التغريييد مادامج أذنتيلي .. فاستحملي اللي راح اييلج


شهوووود .. ليش اخترتي كلية الحقوق مو شيء آاااخر ؟؟؟؟




وينها بيتووووته ؟؟؟!!! .. ما بينت اليوووم ..شكلها معدلة

نومتها .. الله يتمم عليها ..

 

[شهووده]

عسسسل على قلبي والله :*

امممم سلمج الله الحقوق ماخترتها على سبيل الصدفه ومايت نتيجة اختياار سريع أو لأن معدلي عالي نفس ما واايد طلبه

يسوون جذيه ..

يعني يحددون اختياارهم للكليه على أساس المعدل .. يعني خريج علمي ومعدله عالي فلازم يدش طب أو هندسه !!

وخريج أدبي ومعدله عالي فلازم يدش حقوق !!

يعني أنا هالنقطه سااعدتني ولله الحمد .. كان معدلي عاالي وكنت من الخمسين الأوائل وتحديدًا ال13 عالكويت

<<<< أم قليب من عمرالدنيا

بس اخترت الحقوق من أولى متووسط .. كانوا يسئلوني شنو بتصيرين لما تكبرين ؟؟

ويتوقعون مني أقوول دكتوره أو مهندسه .. كنت أفاجئهم وأقول أبي أصير محااميه ..

والحمدلله .. الحلم تحقق .. ودشيت الكليه اللي أحبهاا وتخرجت منها بمعدل عالي بعد ..

وكاني الحين أسترجع هالذكرياات الحلوه وأقول إن أحلى انجاز حققته إني تخرجت من هالكليه ..

ويكفيني أشووف الفرحه بعيوون أمي وأبووي الله يخليهم لي وأحس إني ماخيبت ظنهم ..

وإنهم مفتخرين فيني واااايد ..

<<<<<< أتكلم وااايد أدري




( هذا يمكن سبب قوي خلاني أدش الحقوق )

 

[شهووده]

ايي صااجه بيتوتيه مختفيه اليووم موعواايدها !!

يمكن معدله نوومتها نفس ماتقوولين <<<< ان شالله يكون هذا السبب والفال حقنا

 

[pink]

ما شالله .. لا إله إلا الله .. إن شالله دووووم متفوقة و متوفقة بحياااتج ..

حبيبتي تستااااهلين كل الخيرررر .. و على سالفة القرقة - مع إنج مو قرااقة -

بس كان عندنا دكتور في الجامعة ماخذه مادة و في نهاية السنة عطانا قريداتنا

الحمدلله ما كان عندي مشاكل بس رفيجتي تبي درجة أو أكثر عشااان يرفعها

لـ a فكنت غصب بقنعه إنها تستاهل هالدرجتين - لو كنت مكانها جان رضيت

بقريدي- فقرقت مدة فوق راسه بحاااول أقنعه و لله الحمد اقتنع بس قاللي إنتي

المفروض تصيرين محامية على هالقرقة << قص ويهي .. الله يعينكم يا محامياااات

 

[pink]

ايي صااجه بيتوتيه مختفيه اليووم موعواايدها !!

يمكن معدله نوومتها نفس ماتقوولين <<<< ان شالله يكون هذا السبب والفال حقنا

إن شالله .. بس آنا صعبة أعدل نومتي أولا لأن يومي يبدا لما أسوية تنام .. ثانيا حبيبتي

وااايد تقعد و آنا ماقدر على النوم المقطع أستعسر بسرعة .. عشان جذي أسهر عشان

أقلل فترة النوم المقطع .. وثالثا و هو الأهم آنا انسااانة أحب السهر أكثر من النشاطات

الصباحية ..

 

[شهووده]

بعد عمررري تسلمين على الدعووه الطيبه :*

ولج مثلها ان شالله حبيبتي ..




لوووووول يحلووج مشالله عندج قدره عالاقناع عييل ..

وصااجه ترى هاذي فكرة وااايد نااس عنا .. إن المحامين قرقه لووول

ومالوومهم لأن صج طبيعة شغلنا تحتم علينا جذيه ..

أخووي يطفرني يقوللي إنتي لو آخذ لسااانج بس خلااص تضيعين

راس مالج لساانج لووول ..

ويقولون عنا بياعين حجي بعد .. بس هالوصف يضيق خلقي :/

مو الكل نفس الشي ..

وموعشان المحامي يتكلم وايد فيكون بيااع حجي ..




وتصدقين واحد من المستشاارين يقوللي ماتوقع أكو تخصص يناسبج كثر المحااماة ..

وأحس شوي سويتيه إنج اخترتي المحاماة ..


أهوو يعني المفرووض مدحني بس أخووي يطفرني يقوللي الريال استحي يقولج إن قرقتج ماينفع معاها غير المحاماة

لأنكم كلكم قرقه فماراح يصدعوون منج

 

[شهووده]

إنتي مثلي بنوووك .. تحبين السهر

أنا لما أمي تقوللي ياماما السهر موو زين لج أقوولها مااقدر تعوودت ..

وخصوصًا إن مااعندي شي أسويه الصبح فليش أقوووم !!



الله يعيينج حبيبتي ..

إنتي نفس إختي مسكيينه ملعوزتها النزغه فووفوو ..

تقول حتى بالويك إند أقوول يلا بناام شوي وأرتااح تقعد من ال6 الفير مصحصحه وتبي تلعب لووول

بس الحين صارلها فتره تنومها بالداار مع إختهاا ..

 

[pink]

شهوووود .. تسلمييين حبيبتي على الدعوووة ..



و أخوج يحليله يحب يطفرج حاله حال كل الاخوااان ..



صاجة في ناس تفكريهم جذي بالنسة للمحامين.. بس آنا

سوووري أفكر إن المحامين شخصيتهم قووووية .. و إني

لو انحطيت في موقف معاهم ماراح آخذ لا حق و لاباطل

منهم أحس عندكم قدرة عجيييبة على اللف و الدوران.. و هالشي

بالعكس يخدمكم أظنتي .. بس أكييييد ما أعمم .. و انتي اكسبشن:eh_s(6):



و الله يعينها أختج و يهدي فوفو و تصير خووووش بنية .. و سالفة

القومة أمس و آنا أسولف معاكم ما أوعى إلا سوسو يايتني و تبي تطقطق

عالكمبيوتر و طبعا طفته و ما خلتني حتى أقول رايي باسم فدك :eh_s(14):

 

[شهووده]

لالالا بالعكس راايج هذا أعتبره مدح مووذم ..

أدري إن شخصيتي قوويه والكل يقوللي ..

بس في النهايه أظل أنثى !!

وأتعاامل على هالأساس ..

ماتعجبني المره اللي علبو شخصيتها قويه تنسى أنوثتها وتحسينها وااحد من الربع !!

صووت عالي وأسلوب دفش وتحكم وفرض آراء وسيطره ومستاانسه عند رووحها إهي شخصيتها قوويه

والكل يهاابها ويحترمها !

وماأخفيج سر إني عندي أسلووب اقناااع قوي لووول ..

واكتشفت هالشي من خلال تعاملي بالبيت مع أهلي <<<<<< أحسن وحده تسااحل أبوها

ومن احتكاكي بالبنات بالكليه وشغلي بالانتخابات ..

بس مالف وأدوور .. حراام بريئه أنا


وترى هالسالفه صاارت واايد مع كذاا وحده وصاارت معاي أنا بعد تقريبًا ..

وحده من البنات كانت معانا بالكليه .. خطبها واحد ويه بيتهم وشافها واعجبته وكل شي أووكي ..

طبعًا ماكان يدري إنها تدرس حقوق .. لما عرف أمه دقت على أم البنيه تتعذر وتقولها بنتج ألف من يتمناها

وووو بس ولدي يقول مايبي وحده تدرس حقوق .. عاد مسكينه أم البنيه استغربت فسألتها يعني شفيها اللي تدرس

حقوق .. قالتلها ولدي يقول تصير شخصيتها قويه ولسانها طويل :/

لوو ساااكته واايد أحسن بصراحه .. يعني أثبتت إن ولدها ضعيف شخصيه فخاايف إن مرته تطلع شخصيتها

قويه وتتحكم فيه .. ولو أهو واثق من رووحه ماقال هالكلاام ..




يااحلوووها اسمله عليها ..

هاذي فوفو بعد لما تشوفين شاابكه اتيي وتشلع حرووف الكيبوورد بأصاابعها النتفه ..

 

[pink]

شهوووود .. حبيبتي استأذن آنا الحين ..

أشوووفج باجر بإذن الله ..

تصبحيييين على خيرررر حبيبتي ..

 

[شهووده]

الله معااج حبيبتي ..

سووري طولت على مااكتبت الرد ..



على خير ان شالله ونووم العواافي :*

 

[بنوتة نعومة]

هاااااااااااااااي


شلوووووونك

قلب بدر مبرروك عودة الموضوع و نااطرين الصور


ما قلتولي شنو قررتوا تلبسون بالعيد و شنو اللوك مالكم ؟؟؟

أنا راح البس شي بسيط


جينز سكني سكني سكني كحلي غامج مايل للاسود

و قميص قصير لونه بنفسجي فااتح مايل للرمادي وو فيه عالصدر نفص الكرستالات واايد علة نقشة كبييرة لونها فضي

و اشوة القميص جمومة طوال يعني ما البس تحته بدي << ما احب هالحركة

و القميص صاير جنه بلوزة يعني ما فيه زراير لأ << على قولت اختي جنه بلوزة بخامة القميص لوووول

و اللفة رمادية فاتحة بستراس خط واحد

الميكاب

طبعا فاونديشن و كونسيلر

الشدو من باليت الهوليدي الكوول آيز

و بسوي رسمة القطوة

و عدسات رمادية بازرق من تراي كولور

و بلش جنتل مال المينيرالز من ماك

و دازل غلاس فانتابيولوس اينن اينن

و بس

<< يمكن لييه باجر اغير اللوك وراح أقولكم أكييد​

 

[ريماااني]

هاااااااااااااااي
شخباركم بنات
شهوده انا بخير فديتج
انتي شخبارج
بنوكه الله يعافيج حبيبتي
بنوت هلااااااااااااااا و غلااااااااااااااااااا
لوك العيد نايس كالعاده

 

[coco modmsil]

هاااااي



عيدكم مبااااااارك قبل الزحمه :klhfl:

 

[ريماااني]

كوكو الله يبارك فيج حبيبتي
سلامات ما تشوفين شر قريت انج كنتي تعبانه

 

[coco modmsil]

الله يسلمج ريماااني حبيبتي


اي والله كنت تعبااااااانه حييييييييييل حتى دوااااام ما داااومت بس الحمد الله الحييييين صحصحت شوي

 

[ريماااني]

الحمدالله كوكو
الكل جذي يمكن لان الجو متغير