ديوانية محباات الميكااب .. حيــــاكم :)

[شهووده]

نااايس لوووك حبيبتي العصيميه ..

لا أنا كنت مستقله وقاعديه بعد =))

 

[shushuwa]

وااي بنات من امس وانا اكتب رد ويعلق وينمسح اوف بط جبدي

بيتوتيا
هيهي:$ بعد عمري والله لاهيه هالايام حيل ماقدر اشبك وايد
وايي الكحل الي داخل العين يقولون مايصير تتوضين فيه بعد;;\ مادري بس انا اتوضى فيه لان مايروح 100%
ويلا مسكي نفسج بالسووق لا تخورينه لووول بس اشتري الي محتاجته ومالت الرموش بووتس عندهم بلاستيك ,, انا مالتي حديد ماختها من امي مادري من وين ,, وترى كل مكان موجوده بس اذا تبين بلاستيك اببوتس في


شهووده
اتغلى شفييج;p
رسمة القطوة من جدام صغيرة حلوة ترى وزين تسويين لاتحطين فاونديشن وايد لمه تخترب بشرتج تتحسفين
ووالله يبيله مخييم بهلجوو اينن بس انتوو تنامون مناك ولاشلوون؟ لان احس برررررررد=p
واخييييييييه على الغنية الي بتوقيعج تعور القلب=p


مس قوولدن
يه يـــه شهاللوكات الخطييرة حدي احب الازرق انشالله اول مالبس ازرق بقلدج;p

نحوووله
هلا حبيبيتي انا تماااااام انتي شخباارج؟؟؟ وعااش من شافج زين قمتي تشبكين اول مانشوفج;p

العصيمية
نااايس لووك حبيبتي

 

[Miss Golden]

هلوو بنوتات نكا نكا


مشكورين لكل الي علقوا على لوكاتي فديتكم ماقصرتوا وماعليكم زود..




نحولة..

ايييه شدو Tilt انا بعد كنت شاريه منه قبل وخلص ورديت شريت مره ثانيه لونه يهبل..



اليوم بنات هم عندي استقبال حجاج ماشاءالله هالفتره كللللها استقبالات..

مادري شلبس ليلحين محتاره ...!!

بس لان عقب باجر استقبال حجاج الحملة كلهم فأبي الاثنين ألبس تنوره و شي كلاسيك و ذرب..

اليوم لوك ثاني المفروض لان بعض البنات اللي بشوفهم اليوم بشوفهم الاثنين بعد.. حلاته يشوفوني غير




لا تشوفوني الحين حاطه بشعري زيت الحية و لابسه بيجامتي البرتقالية مالي خلق اروح اسبح احس بررررررررررررررررررررررررد

​

 

[pink]

أهلييين بنوتاااات ؟؟؟

إزيكو بالبرد و بالويك إند كمان ؟؟؟؟!!!

طبعااا المنتدى الله يهديه كله السرفر بيزي .. المفروووض هذا ردي من أمس
بس ماقدرت أحطه للأسف .. فعدلت عليه وضفته اليوووم ..


قلب بدر .. يسلمووو حبيبتي .. و انتي شلونج اليوم عسى بخير والضيقة رااحت
أو خفت شوي ؟؟؟ و على العرس مارضى ريلج ؟؟؟



عصيمية .. حبيبتي لا تزعلين منا ترى ما نقدر على زعلج و المرة الياية إن شالله
تكونين معانا .. كرولاين تحصلينه بالجابرية و جنه يقولون بالمنشر و مادري جنه
بمركز تجميل الخالدية أو الشامية >> يحليلي كله جنه هالجنه مادري شنو عنوانها :eh_s(6):
و ماشالله لبسج و لوووكج حدّه عجيييب ..


سيدة ملعقة .. أهلييين حبيبتي .. و على الفاونديشن شخصيا ما استخدمته بس مادري
كذا وحدة ما امدحته .. آنا قول جربيه بنفسج يمكن يوالمج ماتدرين ..



شهوووود .. طقوووسج غرييبة بس حلوووة .. تدرين شنو طقوسي بالامتحانات
أحط صبغ أظافر !!! تلاقيني أحط لون و أشيل لون وساعات أشكل كل ظفر لون :eh_s(6):
مرة بامتحان بالكلية كنت حاطة جذي كل ظفر لون و لااا ألوان فسفورية الدكتور
يرووح ويرد علي مو عاجبته الألوان مع إني حاولت أخش أصابعي بس شلوون
أبي أحل الامتحااان .. و على البر عليج بالعااافية حبيبتي بس آنا مو من محبي البرر
يربكني و أكون أغلب الوقت على أعصابي حتى لو مستمتعة ..



بيتوووته ..آنا أقوول ليش هاليومين المنتدى معلق أثره إنتي السبب .. أكيد يعلق
وحدة عززززيزة و أخيراا اشبكت شي مو عاادي .. و حبيبتي نااطرين الصور
بس من الحين أقولج راح تشيشيني على شدو نارس :eh_s(6): .. و تسلمييين حبيبتي
على هالدعوووة الحلوووة و انتي بصحة و سلاااامة إن شالله ..



بنوووت .. عليج بالعافية الغدا والأغراض .. المقلمة تشوووق و راح يصير الميكاب
اللي فيها حدّه لذيييذ :eh_s(6):



منوووره .. الله يعافيج حبيبتي .. و إن شالله انتي و شهووود تتوظفون عن قريييب
بالمكان اللي انتو تبوووونه



مس قولدن .. ما شالله شنو هاللوكات الخطيييرة .. و على كحل مكيااجي صج عجييب
لوووونه فاااقع .. و الحمدلله صرتي أحسن شوي غدا الشر إن شالله ..



شوشوا .. شلوونج حبيبتي آنا بخير الحمدلله .. و صج يعتبر انجاااز الله يثبتج عليه آنا
اليوم هم يعتبر إنجااااز .. رحت ماك و سيفورا و ماخذت شي.. لأسباب أول شي ماك
ماعندهم شي يديد و ماكان في شي ابالي و ثانيا سيفورا كلششش بغيت أشتري منه بس
ريلي دق علي وقاللي تعالي الحيين .. اشرااايج بانجاازي الغير مقصووود ..


نحووله .. أهلييين حبيبتي .. و زين تسوووين على التخفيف و الله يثبتج على
هالشي .. و بوسيلي الأمامييير ..


كوكو .. كنت حااابة أفيدج بس الأماكن اللي أروووح لها ما تكون وااايد هااادية ..
يعني أهداهم لونتغ البحر .. تال .. شهريار الشيراتون .. و هم الحمرا .. هذولي
اللي أذكرهم ..


و بااقي البنوتااات .. نطوووعه .... أوشااال .. قطاااوي .. مريوما ..
سيدكتف .. الكل الكل شلووونكم ؟؟؟

 

[Na77olah]

هلا والله شوشوا اي ماكنت اشبك وايد لأنه ريلي كان موجود <<<موشي اشبك واهوه موجود كلها عشرة ايام موجود وبعدها سافر


شهوووده ماتشوفين شر حبيبتي الله يعينج عليها وتدفي عدل وشربي اشياء حاره حليب وزنجبيل <<<زنجبيل وزعفران عجيب


العصيميه لوكج عجبني ناااايس ولون لبسج عجبني اكثر <<<<ممكن ابووووق منج الألوان ؟؟؟احب الألوان الغريبه مع بعض


قوووولدن حتى انا ما ادري شلبس مالي خلق ليلحين ماقررت


بنووووكه تسلمين حبيبتي وانتي بعد بوسيلي اسوووويه



يالله اشوووفكم بعدين بقوووم اجهز شغلي

 

[shushuwa]

بنك
لوووووول حتى لو مو مقصوود حده انجااز ترى =p

نحوولة
اي صاجه لاحقه عالنت

بنات منو جربت بروونز غيرلان الليمتد شرايكم فيه؟؟

 

[شهووده]

شوشوا

تغلي يبااا يحقلج

اي رسمة القطوه ببوز صغير واايد حلووه ومومبالغ فيها عشان جذيه حبيتها والفاونديشن عادي أستغني عنه

لأن بشرتي مافيها عيوب الحمدلله .. وبعدين حاافه فثقه عرفتي :dddds:

والبر وناااااسه والله بس احنا مااننام هناك .. بررد وأنا مااحب .. بس الرياييل ينامووون

والإغنيه أول ماييت أغير توقيعي وحطيتها تذكرتج





مس قولدن

أهلييين بالحلووه :*

شوقتووني إنتي ونحووول على شدو tilt شنوو لونه عااد ؟؟

ونااطرين لوووكج اليووم ..





بنووووكه

عفيه عالشاااطره :dddds:

يلا عاد عسى دووم والفال حقي

والله يسمع منج حيااتي ومشكووره :*

يعاافيج حبيبتي .. اممم يمكن تحاتين البررد وأسوويه ..

إختي جذيه بعد .. تقول أحب البر وكلشي بس أحاتي اليهاال بالبرد وتلاقينها قاعده على أعصاابها ..

لووووول وطقووسج أغرب مني .. الظاهر الخرعه تأثر علينا وتخلينا نبدع

 

[شهد_الكويت]

السلام عليكم

اشلونكم شخباركم

اول مره ادش موضوعكم وشكرا خاص لصاحبة الموضوع لاني اموت في الميكاااب

انا شهد_الكويت ودلع عمري شوشو حلو الواحد يدلع عمره صح :dddds:

عندي مشكله بنات حطيت رموش دائمه وتنتفو رموشي الحين ما عندي ارموش

ابي مسكره شغل عدل اطوول لرموش وتكثفهم تنصحوني ابشنو

والحين كل يوم بليل خروع بس ما سوالي شي ما عندكم شي ثاني تنصحوني فيه وشكرا ​

 

[شهووده]

نحووووول

الشر مااييج حبيبتي :*

لووول ياحلوج كل شي لازم فيه حليب

توني شربت مرماايه وبعد العشا بشرب جاي أخضر أو دارسين ..

 

[shushuwa]

شهووده
الحمدلله خلج محافطة على بشرتج اهم شي
والبر الرياييل عندهم متــــــــعة بس احنا ما نستحمل لول
ووواي رويشد انا متحطة فيه لوووووول بس الحين خفيت شوي اول كنت مينووونة تخيلي عندي كل البوماته من اول ماطلع وجنطة بس صوره مبدعة بس الحين كبرنا=p

شهد الكويت
حيااج الله حبوبة واهم شي صار عندنا شهوودتين بالديوانية لوول =p
وانتي تستخدمين خروع شنو؟؟ اذا مال الحواي انا استخدمته قامو يحتون رموشي;\ اخذي من الصيدلية
وعندج مسكرة ريميل السوده والعنابية جربتهم حلويين ومالت جفنشي حلوة بس تطول ماتكثف ممممم ومادري بعد انشالله البنات يفيدونج بس هذيل الي جربتهم

 

[pink]

شهووود .. ما تشوفييين شر حبيبتي .. تدفي عدللل و الله يعينج عليها ..
و على البر مادري من قبل ما يستهويني حتى روحة المزرعة.. و الشاليه
نوعا ما أتقبله .. لأن أحسهم أماااكن مافيها استقرااار


نحوووله .. قتلج ما شالله تشهينا على سوالف الحليب و الجاي و الأعشاااب
يعني الحين شوقتيني على الزنجبيل مع الزعفرااان :eh_s(6): .. و بوستج
اوصلت


شوشوااا .. ثاانكس على التشجيع :ggdw: ..و على غيرلان أمس جربته
بسيفورا شكله نااايس بس اللي تقدر تفيدج أكثر سيدكتف ..


شهد_الكويت .. هلا و غلا فيج حبيبتي بالديوانية .. و على الماسكرا عندج
ريميل العنابية و الرمادية .. و إن شالله رموشج يطلعووون بسررررعة ..

 

[بنوتة نعومة]

هاااي

شلونكم


هلا حبيبتي شهد الكويت حياج حياتي بالديوانية



انا رحت الجمعية وديت اختي الصالون و شفنا الجووو بااارد و عجيييييب

قلنا ما يبيله كلام لاااازم نشتري

























لذييذ :eh_s(6):


و بعد شلوونكم ​

 

[shushuwa]

لوووووووووووووول بنوتة عاد قبل شوووي قاعده اقول حق رفيجتي من اول ما بدا الشتا واحنا كل يوم برد@@ عكس الاوادم لوول بس صج البرد يشوقج عالبرد يممممم لذييذ=p
أبـــــــــي,,;p

بنك
اذا مو قوي ماأبيه لان عندي:\ بس ختيي سيدكتف وأسألها هيهي

 

[shushuwa]

الله بنوت توني اشوف الصورة الثانية بدعتوو=p علييج بالعافيه حبيبتي

 

[بنوتة نعومة]

شوشوا
لوووووول
حياج معانا غووووصي بالآيس كريم ماخذين بو 10 كووور لا تشوفينا قاعدين ناكل يم الدفاية و نرررررجف

لوووووول

بس صج احلى شي الجوو باااارد و آيس كريم حدة رومانسي :eh_s(6):

<<< على طاري الرومانسي

ترى انتهت العلاقة إلى الابد بيني و بين بعض الناس

و ألحين ناطرة النصيب :ggdw:


<< الي مايبيني و لا يحترمني أنا ما أبيييييييييييه :ggdw::ggdw::ggdw:​

 

[شهووده]

شوشوا

لووول يحليلج

اي كلنا جذيه أيام المراهقه هبينا بفنااان وقمنا نيمع صوره وكل شي يتعلق فيه :dddds:




بنوووكه

الشر مااييج حبيبتي :*

اي حدي متدفيه ومتسلححه بعد لووول ..

اممم عاد تصدقين أنا عكسج !! أحب هالطلعات وااايد .. البر والشاليه والمزرعه .. لأنها تصير طلعات عائليه

والكل يتيمع فيها .. ويصير وناااسه وسوالف ولعب .. حتى الكبار يلعبوون معاناا ..






بنوووت

حيااتي بالعافيه باااسكن :*

عاد شفت الصور واستبردت لوووول

امممم ماادري شقوولج حبيبتي .. بس استوقفتني آخر جمله ( اللي مايبيني ومايحترمني ماأبيه ) .. لأن معااج كل

الحق فيها .. وهذا اللي لازم يصير .. ألزم ماعلى الوحده كرامتهاا .. بعض الرياييل الواحد فيهم يحسب إن خلااص أهوو

الوحيد بهالعاالم وماكوو غيره .. ومايدري إن هاللي يحبها بس ميننها ومقلل من احترامها بتلاقي ألف غيره ويسوونه بعد ..

بيحترموونها ويقدرونها ..

 

[pink]

شوشوااا .. مادام عندج و تبين شي قوي أحسن تنطريين سيدكتف تعطيج رايه فيه ..


بنوووت .. شوقتيني أطلب من باسكن روبنز لأن أمس كان بخااطري ميلك شيك حدّي
بس للأسف ما شريت و ليلحين خاااطري فيه .. عليييج و عليييكم بألف عاافية مطرح
ما يسري يمري .. و على سالفتج حبيبتي انتي تستاهلين كل خيررر و واااحد يحطج
بعيوونه و يقدرج و يحترمج .. و الله يكتبلج أحلى نصيييب انتي وبااقي البناااات
الحلواات :eh_s(7):

 

[BaiTotia]

السلام عليكم .. شلونكم؟؟؟؟؟؟؟؟؟؟؟

شهاهيدو شلونج حبيبتي؟ صحححححح فديتكم إنتي وأختج صح شايفتها هناك

مس قولدن لووووووووووول خلاص بجربة إن شاالله وإذا ضبط بعطيج الحلاوه لووووووووووول

كوكو حبيبتي الله يبارك فيج إن شاالله .. ووووووووووو مطعم حلو لونوتر عالبحر أو أشاز مطعم هندي بالمارينا كريسنت

نحوله هلا وغلا الله يبارك فيج إن شاالله مشكورة على الدعوة

أمبيه شلون تتوضى بالصبغ!!!!!!!!!! أنا أشوف البنات يتوضون بالمكياج مادري عنهم شلون جذي؟؟؟؟؟؟؟؟؟؟؟؟؟

وبورجوا عندي بو قلتر الثاني شلون شكله؟؟؟؟؟؟ يعني جم نوع عندهم

العصيمية شو هاللوك الخطير .. بجرب مال مكياجي وبورجوا

شوشو اليوم أحن على أختي خل نطلع نروح بيضون لول .. لأن لما طلعت الظهر مادشيت ولا محل تجميل

وبوتس بعد إنظم مع سنتربوينت

بنكوشة أستحي جذي هههههههه إنتي العزيزة والغالية .. والله حبيتج من أول رد شفته لج

من زمان واعدتكم أصور بس يومي عن سنة سامحووووووني راح أصورهم قريبا

بنوتة بالعافية الآيس كريم يمي يميييييي .. عطينا لقمة

على طاري رويشد حتى أنا معاكم خخخ الوحيدة بالبيت اللي أحبه لول

نطاطيعو و منورة و قلبو و سيداكتف و أوشال وباجي البنات شلونكم؟

 

[شهووده]

بتاابيتوو حبي فدااج اللاش :*

اي روحي شوفيها .. ان شالله تحصلينها ..

ورويشد حدددي أحب أغاانيه القديمه .. صج صج كلمااااات ..

 

[shushuwa]

بنووتة
احلى شي=p
وزين تسوين اهم شي الاحتراام وانتي تستاهلين كل خير الله يوفقج ويكتبلج الي فيه الخير انشالله

بيتوتية
بسج لاتروحين بيضون ماكووو
وعااشو الي يحبون رويشد لوول انا بيتنا امي نفسي وايد تحب اغانيه وابوي دم ضرووووسه رويشد كاك احسه يغار منه=p لان امي كله تسمعه لوول مايركب السيارة اذا حاطين رويشد يقول يا انا يا اهو=p