ديوانية طباخات كويتيات <<ملتقى هواة الطبخ >>حياكم ديوانيتا ماتسكر خدمه 24 ساعه

[<<لمار>>]

رد: ديوانية طباخات كويتيات <<ملتقى هواة الطبخ >>حياكم ديوانيتا ماتسكر خدمه 24 ساعه

هلا والله بهمبوشة صاجة الجو يكسر انا متلحة بالكمبل وبيدى النسكافية ومجابلة النت قايلة بطلع اكمل باجى شغلى بس مالى خلق العصر احسن وتاكلين الحين رهش وراج غداء خلية العصر

 

[بشوره الكويت]

رد: ديوانية طباخات كويتيات <<ملتقى هواة الطبخ >>حياكم ديوانيتا ماتسكر خدمه 24 ساعه

لولوهتنا يعني ما بتسلمين عليه لما يدش ويتسبح انتي توكلي علي الله وزهبي العصاير الفريش والسلطاة المفيده والفواكه ومشي اسده بالديتول مو تخرعينه لووووووووووووووووووووووول

الثلج اليي يشب ليت اعتقد اني شفته بواميه فلس لاني انا شاريه الكاسات الصغيره منه بس من زمان من ستي سنتر صراحه روعه مره وحده سويت فيه حلو بس خفت قالي زرجي انه صناعه مكرره قلت شنو اسوي جان اشبهم واوزعهم علي الطاوله بالحوش واوزع علي الطوفه بالحوش والشجره وطلع منظر فنتق الكل استانس عليه

 

[بشوره الكويت]

رد: ديوانية طباخات كويتيات <<ملتقى هواة الطبخ >>حياكم ديوانيتا ماتسكر خدمه 24 ساعه

همبووش تبين مطعم راقي بس غالي شوي عنج

فيش ماركت يم الابراج روعه

 

[<< أزيان >>]

رد: ديوانية طباخات كويتيات <<ملتقى هواة الطبخ >>حياكم ديوانيتا ماتسكر خدمه 24 ساعه

لولو

بحط لج صور عشان اشيشج خخخخخخخخخ

بس ماادري اذا تلحقين تسوين شي متى بيرد ابو عيالج بشوره تقول اليوم يردون


شوفي هذا الورد المضئ تقدرين توزعينه بغرفة النوم

وتقدرين تحطين بالبانيو حوالينه او داخل الماي مثل الصور

وهاذي صور للأكواب المضيئه طبعا تنباع بالمول اهني

وانا شريتهم من سوق بوميه خخخخخخخخخخخخخ بس عقب رفيجاتي راحوا يدورونهم لقوهم مخلصين

وهالصوره لكل الاشياء المضيئه :dddds:

لولو لاتنسين المساج وتنقعين ريوله حراااااااام اهم شي للحجاج لأنهم متليشين

 

[شاي مهيل]

رد: ديوانية طباخات كويتيات <<ملتقى هواة الطبخ >>حياكم ديوانيتا ماتسكر خدمه 24 ساعه

صباااااااح الخير


علي حبايب قلبي


وينكم امس انا وماركيه انزفيني من امي كل وحده ماسكه لها لاب وقاعده والمشكله انكم موموجودين :eh_s(14):



لولو وبشوره الله يرد ريايلكم بالسلامه​

 

[شاي مهيل]

رد: ديوانية طباخات كويتيات <<ملتقى هواة الطبخ >>حياكم ديوانيتا ماتسكر خدمه 24 ساعه

بنات بروح اصلي

ويمكن اطلع علي هالجو يبله طلعه عاد وين بروح الجمعيه لووووووووووول

 

[أحلى همبه كويتية]

رد: ديوانية طباخات كويتيات <<ملتقى هواة الطبخ >>حياكم ديوانيتا ماتسكر خدمه 24 ساعه

بنات بروح اصلي

ويمكن اطلع علي هالجو يبله طلعه عاد وين بروح الجمعيه لووووووووووول

هلا بشايونة
عيدكم مبارك

صاجة والله يبيله جمعية
الثلاجة تصفففففففففففففففر

بس اخليها عقب الغداء احسن

 

[ريم الصبايا]

رد: ديوانية طباخات كويتيات <<ملتقى هواة الطبخ >>حياكم ديوانيتا ماتسكر خدمه 24 ساعه

صباح الخير على الموجودين شلونكم شخباركم

لولو وبشوره الله يرد ريايلكم بالسلامه

ماركيه وشايونه بالعافيه الاكل اللي نزلتي صورته ماركيوه

مرمر بالعافيه طلعتكم وناسه القارب

همبوشه عيدج مبارك اشتقنالج يالبطه

بسج اكل كل يوم مطعم لووووووووووووووووول وين التخفيف

 

[<< أزيان >>]

رد: ديوانية طباخات كويتيات <<ملتقى هواة الطبخ >>حياكم ديوانيتا ماتسكر خدمه 24 ساعه

همبوش

اشوا طمنتيني لووووووووووووووول

اي زين يسوي بوعبود مااحب الريال اللي يدخل مرته القراجات يقهروني

روحي الافنيوز ماتتوهقين هناك كل المطاعم طبي وتخيري

او عندج فلافيروز وافرعها اللي اهم صباح ومسا اللي بمجمع 360

وميجانا اللي بالكوت اكلهم حلو

والمطاعم الفرنسيه لونوتر يهبل احبه بس يقولون غالي انا احبه وعندي سعره عادي لووووووووووول

نينو اكله حلو وايطالي

فش ماركت يهبل بس هم غالي يعني مال انتي وريلج

الصنوبر حلو ويهبل بس زحمه موت حلاته تروحين عقب مايخلص وقت الغدا قريب المغرب فاااااااااااضي شحلاته

خل اذكر بعد واقولج

وانتي قولي شنو نوعية المطعم اللي تبينه بوفيه وشنو اصله :dddds:

 

[ريم الصبايا]

رد: ديوانية طباخات كويتيات <<ملتقى هواة الطبخ >>حياكم ديوانيتا ماتسكر خدمه 24 ساعه

مااااااااركيوه بسج بلعه انتي همبووووووووووشه بتمتنون زياده لوووووووووووووووووول

 

[<<لمار>>]

رد: ديوانية طباخات كويتيات <<ملتقى هواة الطبخ >>حياكم ديوانيتا ماتسكر خدمه 24 ساعه

عبورة وينج اخيرا لابتوبى قام يستقبل الصور وسويت الخطوات الذى قلتيلى عليها بس لما احمل الصورة قلتى يطلع مربعين اضغط على الاول واختار كوبى مايطلعلى شى ولما ضغطت على الكتابة الذى برة المربع لقيت كوبى وضغطت عليها ماادرى جذى صح ولا لا وبعدها يينا على المنتدى ضغطت الجبل طلعلى بالانجليزى فماادرى شنو اختار يريت توضحيلى ياقلبى واكون شاكرة لج

 

[أحلى همبه كويتية]

رد: ديوانية طباخات كويتيات <<ملتقى هواة الطبخ >>حياكم ديوانيتا ماتسكر خدمه 24 ساعه

ماركونة
حبيبتي ما قصرتي

وااااااو انا ريلي ما يحب الأشياء الجديدة
مثل الأمريكي وهالخرابيط
كله يقول ما يشبعني
لو أقوله خنروح يوم البحار بيتشقق
ادري والله الأفنيوز مترووووووووووس
وطبي وتخيري

بس هو حده اولد ستيل كأنه شايب
يعني عطيه كباب ، عيش ، وبيتزا
يبط الجبد

بس فش ماركت يقولون صلخ
ما قدرش ما يستاهل
اسويلي اسمكتين بالبيت مع محمر
احسن ، ياااااااسلام

ذكرتيني الصنوبر
ما دخلته
كل ما نروح زحمة
وهو مايحب يروح مكان فيه شباب ورياييل وايد
مليييييييييييييييييغ

يعني ملكة الجمال بتسدح الأوادم
ده كان زماااااااااااااااااااااان
راحت علينا


امبيه لا يقرأ بس
واقف يمي ينطرني اخلص
بروح اودي السيااااااااااااارة
ألقاكم على خير
يمكن اشبك المغرب

 

[أحلى همبه كويتية]

رد: ديوانية طباخات كويتيات <<ملتقى هواة الطبخ >>حياكم ديوانيتا ماتسكر خدمه 24 ساعه

مااااااااركيوه بسج بلعه انتي همبووووووووووشه بتمتنون زياده لوووووووووووووووووول

انا البطة ؟؟؟؟؟؟؟؟؟؟
اول شي كل عام وانت بخير

اقولك انا اول يومين مطنقرة مثل الياهل
كله نايمة ما طلعت
الحين تحسفت غبااااااااااااااااااااااء
واكل خبز وجبن بس

خليني اليوم اخرب الدنيا
مشتهية اهبسسسسسسسسسس

 

[<< أزيان >>]

رد: ديوانية طباخات كويتيات <<ملتقى هواة الطبخ >>حياكم ديوانيتا ماتسكر خدمه 24 ساعه

اهلين ريوم

الحلو وين مختفي شخبارج

خخخخخخ انا مارحت المطعم يابطوطه بس اشجع ولي قلتيلي قومي بقولج لالالالالالالالالالا لوووووووووول


همبوش

عيل روحي مطعم الطباخ اللي بحولي رخيص وكويس واكله ايراني كباب والذي منو

وفي كباين بعد اكيد اكيد راح يعجبج اسعاره ممتازه


او روحي غاردن الايراني

اللي قالت عنه لولو بالافنيوز بس الطباخ وااااااااايد ارخص

 

[<< أزيان >>]

رد: ديوانية طباخات كويتيات <<ملتقى هواة الطبخ >>حياكم ديوانيتا ماتسكر خدمه 24 ساعه

حساااااااااااااااااافه

همبوش طلعت وماشافت المطعم الاخير

راح يناسبها وااااااااااااااايد وااااااااااااي انقهرت

وينج يامرمر دزيلها اسم المطعم بمسج خخخخخخخخخ

 

[<<لمار>>]

رد: ديوانية طباخات كويتيات <<ملتقى هواة الطبخ >>حياكم ديوانيتا ماتسكر خدمه 24 ساعه

اول مربع مكتوب يمة direct link to imageلمة linkضغطت عليها كلك يمين ولقيت copy short cutهااهى الذى ضغطت عليها لان لما ضغطت على المربع نفسة طلعتلى كوبى بس ماتغير شى لما ضغطت عليها شنو الصح

 

[<< أزيان >>]

رد: ديوانية طباخات كويتيات <<ملتقى هواة الطبخ >>حياكم ديوانيتا ماتسكر خدمه 24 ساعه

امبيييييييييي

بنات

قاعده احل مع بنتي واجب الوطنيه

في سؤال غبي موعارفه احله خخخخخخخخخ

يقولون اذكر بعض عبارات التواد والتعاطف التي تسمعها من اسرتك ؟

شكتب لهم يابعد عمري ولا ياحياتي وياقلبي

وياحشاشة يوفي

ويابعد من قام وقعد ولا شيبون لووووووووووووول

هذا اللي اقوله لعيالي هههههههه

 

[ريم الصبايا]

رد: ديوانية طباخات كويتيات <<ملتقى هواة الطبخ >>حياكم ديوانيتا ماتسكر خدمه 24 ساعه

اهلين ماركيه

امس رحت سويت الغداء تغدينا وطلعنا

رحت مجمع البيرق الله لايوريج

مصارعه انا وبناتي كل وحده فاتحه مناحه وماسكه القاع ومنبطحه هههههههههههههههههههه

تبكي يبون العاب ماطولت خذت فره وحده وقعدت بالشارع انطر اللي وياي

لما يخلصون لول تشوفين شكلي بتموتين ضحك خخخخخخخخخخخخ

قاعده على درج المجمع كاني خبله

وعلى ماشرفو الصبايا من المجمع خذيتهم الكوت واااااااااااااااااااااي زحمه

عشيتهم وطلعت وقعدت بيت ابوي انطر الحبيب ماجاني

سهران للصبح فنمت عند بيت ابوي وبعد شوي بروح الوفره

وهذي اخباري شرايج لووووووووووووووووووووووووول

 

[<< أزيان >>]

رد: ديوانية طباخات كويتيات <<ملتقى هواة الطبخ >>حياكم ديوانيتا ماتسكر خدمه 24 ساعه

لولو

لما تروحين لمربع المنتدى وتضغطين على الصوره اللي على جبل

راح يطلع لج مسج وفي كلام

مسحي الكلام اللي في

ونسخي رابط الصوره اللي خذيتيه من مركز التحميل وطقي اوكي بس راح تطلع الصور

 

[<< أزيان >>]

رد: ديوانية طباخات كويتيات <<ملتقى هواة الطبخ >>حياكم ديوانيتا ماتسكر خدمه 24 ساعه

لولو

بحط لج صور عشان اشيشج خخخخخخخخخ

بس ماادري اذا تلحقين تسوين شي متى بيرد ابو عيالج بشوره تقول اليوم يردون


شوفي هذا الورد المضئ تقدرين توزعينه بغرفة النوم

وتقدرين تحطين بالبانيو حوالينه او داخل الماي مثل الصور

وهاذي صور للأكواب المضيئه طبعا تنباع بالمول اهني

وانا شريتهم من سوق بوميه خخخخخخخخخخخخخ بس عقب رفيجاتي راحوا يدورونهم لقوهم مخلصين

وهالصوره لكل الاشياء المضيئه :dddds:

لولو لاتنسين المساج وتنقعين ريوله حراااااااام اهم شي للحجاج لأنهم متليشين

لولو

شفتي هاذيل ولا لأ :dddds: