ديوانية شموسه ورينبو...الي ولادتها بالصيف تتفضل تقرق معانا

[donat]

كاشونه
انا موجودة بس كله ادش وما كو احد الديوانية صايرة تضيق الخلق
آخر خباري:-
يوم الاحد رحت مراجعتي و قالت لي ان البيبي وزنه 3 كيلو يعني كبير شوي وقالت لي بطلي اكل كاكاو و حلويات وعطتني ورقة المستشفى عشان سبحان الله ادش ولادة قبل موعد مراجعتي الياية 9-9-2007 وقالت بالمرة الياية بتسويلي عينه من المهبل لان تقول البول فيه زلال و تخاف يكون فيه التهاب بكتيري بالمهبل و يأثر على رئة البيبي وقت الولادة تقول لان هالسالفة منتشرة هالايام بالكويت... اي وقالت لي ابدي امشي احسن لج عشان ما اطول بالتاسع ..... بدا الجد

عالم حواء
اشلونج حبيبتي؟

 

[كاشونه الاصليه]

تمام حبيبتي انتي شلونج؟

انتي باي شهر كاشونه

تمام انا بثااااااااامن واي ثقل ولوعه جبد ونفسيه زفت الحمدالله على كل حااااال

 

[كاشونه الاصليه]

كاشونه
انا موجودة بس كله ادش وما كو احد الديوانية صايرة تضيق الخلق
آخر خباري:-
يوم الاحد رحت مراجعتي و قالت لي ان البيبي وزنه 3 كيلو يعني كبير شوي وقالت لي بطلي اكل كاكاو و حلويات وعطتني ورقة المستشفى عشان سبحان الله ادش ولادة قبل موعد مراجعتي الياية 9-9-2007 وقالت بالمرة الياية بتسويلي عينه من المهبل لان تقول البول فيه زلال و تخاف يكون فيه التهاب بكتيري بالمهبل و يأثر على رئة البيبي وقت الولادة تقول لان هالسالفة منتشرة هالايام بالكويت... اي وقالت لي ابدي امشي احسن لج عشان ما اطول بالتاسع ..... بدا الجد

عالم حواء
اشلونج حبيبتي؟

الله يهون عليج ياااااارب وتولدين بالسلامه يا دون دون
اي صح امشي وايد وايد زيييييييين يله مافي لعب ساعه الصفر قربت ياحبيبتي
والله انا دايمن موجوده ما اشوفج الدشين انا من الليل لي الظهر

 

[كاشونه الاصليه]

نونيا اشدعوووووووه لهدرجه مالج خلق حتى السلالالام مو مشكله الله كريم

 

[سعادتي برضى ربي]

هلا وغلا

شلونكم كروشااااااات اخباركم مع الثقل

دونت \ يالله هانت ان شاءلله ,,,بس بنشوف منو يولد قبل ان شاءلله انا ولا انتي

انا بدا الثقل معاي عدل وجم مره احس في الم والله يعيين يارب ...ودي اصوم رمضااان كله لكن اتحلم

 

[donat]

انا ودي اولد نص التاسع مابي اولد قبل 16-9 لاني دوامي يبدي 16-9 و ابي تنحسب لي اجازة الوضع كاملة مايروح منها شي

 

[سعادتي برضى ربي]

الله يهون عليج ان شاءلله وتولدييين بالتاريخ اللي تبينه

بس 16 وايد مبجر على موعدج

 

[love love]

تمام دونات والله يسهل عليج يااااااارب

 

[donat]

سعادتي برضا ربي
انا حملتي اللي قبل هذي كان موعدي 1-7-2005 ولدت 15-6-2005 يعني قبل موعدي تقريبا باكثر من اسبوعين

 

[donat]

اوشال
شلونج حبيبتي اشفيج واقفة عند الباب دشي حياج البيت بيتج

 

[أوشال]

اوشال
شلونج حبيبتي اشفيج واقفة عند الباب دشي حياج البيت بيتج

أهلين دونات

الله يحيج يا عمري

شخبارج واشلوون استعداداتج للولادة ؟؟

 

[donat]

تمام الحمد الله
والله ابد مليت من النطرة مادري ليش هالحملة كلش ما فيني صبر احس الوقت ما يمشي كلش...
خلصت كل تجهيزي تقريبا و سكرت الجنطة بس باقس الاشياء اللي بالاخير مثل شاحن تلفون و سشوار و شباصات و الكريم و العطر يعني هالسوالف اللي تنحط حزة الحزة

 

[donat]

كاشونه
وييييينج شفتي جم مرة دشيت وما لقيتج

 

[أوشال]

الله يسهل عليج دونات إن شاء الله

 

[كاشونه الاصليه]

كاشونه
وييييينج شفتي جم مرة دشيت وما لقيتج

,والله اظاهر المنتدى خرف انا ادش ما القى احد

 

[nonia]

هاي كاشونه والله حبيبتي كنت قاعده أقرى اللي طافني ماشاءالله وايد سوالف .... وما لحقت أكتب ريلي يه ويبي عشا ,,, اتصدقون بنات والله أيام الحمال أقدر أدش المنتدى على راحتي وأسولف وألحين الحمدالله على كل حال بس ما أقدر أحك راسي :eh_s(16):
المهم أنا خلصت الأربعين الحمدالله يوم السبت اللي طاف وألحين يايتني الدوره تكرمون حدها متعبتني ,,

المهم انتو شلونكم ولهت عليكم كلكم ,,, تعالو توتو كلش مالها حس خير انشاءالله !!!

المهم البنات اللي ما ولدو شدو حيلكم وكثرو من المشي عسى الله يسهل عليكم ويعينكم على ملاقت الأربعين .

اللي يحر اني بروحي بالدوانيه

بدش بعد شوي يمكن ألقى أحد منكم .... باااااي

 

[سعادتي برضى ربي]

نونا : هلا وغلاااا

مشالله احمداني شحلاته الله يحفظه يارب ويصلحه ان شاءلله

انتي اظاهر مارضعتي طبيعي عشان جذيه انزلت عليج الدوره صح ولا انا غلطانه

___

انا دشيت شهري وحدي خايفه متى بوولد ,,,للحين مابديت امشي ودي اخذ شهري كله عشان اصوم بعض رمضاان عل اقل

 

[nonia]

هلا والله سعادتي شلونج ,,, مشكوره حبيبتي عيونج الحلوه .

صاجه أنا من 22 يوم وقفت الرضاعه . علشان جذي يتني الدوره .

لا تفكرين بالصيام انشاءالله تعوضينهم بعدين بس انشاءالله الله يسهل أمورج انشاءالله ويسهل عليج يالغاليه , بشري خلصتي تجهيزج ؟؟؟

 

[donat]

اخر خبر :_

اليوم جاني عوار من الصبح و الساعه 2 الظهر ريلي قال لي بيوديني العيادة عشان نتطمن و حطتلي جهاز الطلق طلع في طلق كل ساعه تقريبا و فحصتني لقت 2 سم و عطتني ادوية عشان اعطيهم المستشفى و قالت لي اذا الطلق صار كل ربع ساعه روحي المستشفى وانا الصراحة ميته من الخوف الحين العوار خف بس انا زهبت شغلي و تحممت و شلت الشعر من كل مكان و صرت اوكيه ههههههههه
وقاعده انطر خايفة اشرب شي مابي اتعور هي هي هي

باي نطروا اخباري .....

 

[ملح الدنيا]

مساكم الله بالخير :eh_s(8):
الحمدلله على سلامة كل اللي ولدو والله يهون على باجي رواد هالدوانية الحلوة والفال حق دوانيتنا احنا اللي وراكم ويرزقنا ربي كلنا الذرية الصالحة :eh_s(6):
حبيت بس أسلم وآزركم :eh_s(7):