ديوانية شموسه ورينبو...الي ولادتها بالصيف تتفضل تقرق معانا

[جاكليت]

هلا والله بالربع المكرشين

بصراحه باين انه الثقل مأثر علينا :eh_s(2):

وكل وحده فينا سايحه عالكمبيوتر جنها آرو ذايب :eh_s(3):

​

 

[ملاك هدية]

يااااااااااااااااااااااااااااااااااااااااااااااااااااااااااااااااعرب
وينكم؟؟​

 

[د.شريفة]

هلا هلا هلا هلا وغلا
ويا مرحبا باللي حبا ودبا وركب القليلبا

شخباركم بنوتات كروووشات
شلون الحمل معاكم
صج صج مأثر علينا وايد الثقل الله كريم
انا قلت بولد شكلي اول يوم من شهري الحين نص الشهر ولحد الحين وما اقول الا الله يهون علينا بالخير
وسبحان الله كل شي بوقته ومتى مالله كتب لابن ادم يصير وما يتأخر عن حتنه حتى لو فوح دله
مثل قديم فهموه عاد

يعني على قولة امي متى مانضى راس الياهل طلع بروحه
رحت مراجعتي
وبنات ماخذه الحين مرضيات تقريبا 15 يوم نص التاسع كله اللي طاف
بس ماولدت والحين ماودي اخذ مرضيات بعد اخاف يخصمون من الراتب والا شرايكم
يعني اقدم على اجازة

بس والله ماودي اجازات اقول حق البنات لي يوم الجمعة اذا ماولدت قدمولي اجازه استغفر الله العلي العظيم
والحمدلله على كل حال

يحوشني بين فتره وفتره تقلصات بالرحم وبالظهر بس مادري هذا طلق والا عيارة وتجاديم

وبس مابي اشرب اي شي ولا اسوي شي الا لما احس ان صج صج طلق صجي يعني الدارسين والسوالف الثانيه هذي

ورينبو مو بس ولدج انا ولدي حده مستخف خلاني ابجي ذاك اليوم من القهر
بس يحوس ويعفس ويخرب ويبجي ويقولي هذا البيبي بقطه بالشارع بس لا تسمعين اللغة اللي يتكلم فيها تضحكين والله وذاك اليوم بجيت اهو يقولي بس خلاص انا حلو لا تبجين خلاص وانا طاقته طق بس الله يهديه والله ادعيله وكله يسوي روحه انه اهو بيبي صغير يحبي ويبجي وتعالي ساعات اضحك وساعات ودي اطقه

والله يهديه ان شاء الله

اقول رينبو بخصوص النشاط الخاص بالترتيب كله من المحاتاة ان يكون شغلج طايح
يعني انا غسيل اول باول وتغيير الفلات والكفرات اخاف اولد ادري محد راح يجابل زوجي

وخدامتي قاعدة اكرفها لانها تنطر ولادتي تبي تسافر وهذا سبب النشاط عندي

شموووسه شخباج والله يكون بعونج ان شا ءالله الله يكون بعووووووووووووونج ماالومج يهال وماكو خدامة وثقل أأأأأأأأأأأأأأأاه الله كريم كله اجر من رب العالمين

انا زوجي هاليومين مسافر رايح البحرين وياه خالتي ام زوجي عندها موعد عند الدكتور الشافعي
وانا احاتي اخاف اولد واهو مو اهني بس ناوية الليلة اسوي له دقه بقوله اني دخلت ولاده وبحقره بس حرام مادري شراح يصير فيه بس بعلقه شويه وبرد اقوله اتغشمر هاهاهاهاهي والله راح اضحك عليه

والله يسهل دروبهم ويردهم بالسلامة


واشوفكم على خير ان شاء الله



دمتم سالمين
اختكم شريفة

 

[rainbow_brite]

شرووووف لا اتسويها اخاف تصير فيج قصة الراعي ويا الذيب وحزة الصجية ريلج يكشت فيج :eh_s(2): وعلى الدوام انا بصراحه نص التاسع بقزرها مرضيات وعقب بقدم اجازه لي الولاده بس حاولي ما اتخلينهم اكثر من 15 يوم عشان ما يقصون من المعاش وبصراحه مثل ما قلتي من المحاتاة انج تولدين وكل اغراضج طايحه وعلى قولتج الغسيل والكفرات اول باول انا بعد احاتي ريلي :eh_s(11): لان احنا مو ساكنين في بيت اهله فراح يكون بروحه


اتصدقين انتي ويا فروتي غطيتو قلت احتمال ولدتو انشا الله الله يهون عليكم هاليومين :eh_s(7):


والله يخليلج ولدج شروفه اتصدقين الحين الياهل يعيش حرب اعصاب:eh_s(4): مع نفسه وعقب الولاده مع يية البيبي اليديد ترا شي ثاي الغيره شي مو طبيعي حرام يحرقون بعمرهم اسم الله على ولدي الصغير صاير مخرب درجة اولى وشطانه الله يعين مع البيبي اليديد

 

[rainbow_brite]

دونات والله ودنا نمشي الدور خخخخ وناطرين دورنا الله يهون عالكل


:eh_s(17):


كريزي كات اتصدقين انا مع اني والده مرتين بس ما اعرف الطلق اللي بالبدايه لان كل ولاداتي ينزل على الماي وسيده اروح المستشفى واهم يعطوني طلق صناعي وهالمره ما ادري ماي او طلق



:eh_s(17):



توتو والله احسن شي قعدة البيت راحه للحامل احسن من الفراره بس استغفر الله ملل واذا طلعتي تردين البيت ظهرج مثل الفلفل



:eh_s(17):



كي كي شلون الوالده انشا الله احسن والله انتي كاسره خاطري ودج بالولاده بس ودج الوالده شوي ترتفع الله يعينج انشا الله ويهون عليج



:eh_s(17):


مي الحلوه مشكوره على السؤال حبيبتي والله يهون عليج وسلامتج الف سلامه ما تشوفين شر واذا الناس اسالوج ما ولدتي عادي قوليلهم بكل برود تو الناس للحين مو موعدي وفكي نفسج



:eh_s(17):



جاكليت اي والله ماثر علينا الثقل وما شا الله ما نخلص كل ما جهزتي شي سبحان الله يطلعلج شي ناقص وما شا الله توقيعج راح عالتاسع يالله هانت مو باقي شي الله يهون عليج ومثل ما قالت الاخت مي حاولي تخلصين انا الحين بالثامن وحدي اتعب لم اروح السوق انشا الله من ادش التاسع احاول ما يكون عندي شي وعلى الكاكاو انا عندي ستاند اختي يايبتلي اياه بولادتي بولدي اللي طافت عليه ديكورات بغير الديكورات عند اي محل تغليف هدايا واشتري الكاكاو واصفه فيه شكله وايد راقي بس ما تعرفون محل كاكاوه حلو وراقي
والله جاكليت حاسه فيج وادري ودج تولدين اليوم قبل باجر بس يالله هانت وانشا الله كله باجره وجاكليت شالسالفه مره برد باسكن روبنز ومره كاكاو ارو ولا سايح بعد خل ناكل هالفتره كل اللي نبيه ونطلع حرتنا لان ورانا ريجيمات




:eh_s(17):



شموس والله فاقدينج وايد ومشتاقيلج بالديوانيه متى ترد خدامتج ؟؟؟؟؟؟؟
ذاك اليوم كان موعدي وكان بطني شاد جان يقولي الدكتور هذا طلق كاذب وتقريبا كل يوم بالليل ايي واخترع علبالي بولد



:eh_s(17):




ازقرتيه عاش من شافج وسلامتج ما تشوفين شر انا هالمره مالي خلق تجهيز مثل حملاتي اللي قبل الكاكاو والسوالف الثانيه صايره بارده الظاهر الولاده الثالثه والرابعه انطخ ويصير مالنا خلق الله يعينج عالثقل والله يهون عليج



:eh_s(17):



ملاك هديه بصراحه انا الالتهابات اعالجها بتحاميل ودهان وترد جربت من الحكومه ومن الخاص وماكو فايده والله اخر تحميله شزينها بس بعد فتره ردت نفس الالتهابات في ناس ما تروح الالتهابات الا بالنفاس




:eh_s(17):






بنت النوخذه هلا والله وعاش من شافج وطمنينا شلون الاكزيما



:eh_s(17):



اوشال هاي وانشالله نتايج الامتحانات زينه بشرينا

 

[rainbow_brite]

شمس و قمر

انا تقريبا بنص الثامن احس بالضعط اللي من تحت والنومه حدها متعبه اول الليل انام بالصاله وباقي الليل بالغرفه ومن التعب ما ادري شسوي.

Too Too

عوار الظهر شي مو طبيعي وانا بعد بادي معاي عوار بمفصل ريلي امي تقولي الله يعينج عليه بالولاده حده يتعب.

سلامتج وما تشوفين شر عاد اتصدقين نونيا صاجه امج عوار الريول جايد ترا انا الدكتور قتله عن ريولي انها تشد معاي قالي وقت اللي يصير فيج شد بالليل طقطقي عليها خفيف او خل احد يهمزها وترا عطاني كالسيوم

 

[هب هب]

سلالالالام ياحوامل اليوم كان عندي موعد قالت كل شئ زين بس الرحم مو مفتوح ولاسانتي واحد عطتني مهله الأسبوع الجاي بعدين تسوي دخول في العدان بالسونار مبين أن لي 5+38 اسبوع وأنا بصراحه خايفه مع إنه أمس مو قادره أمشي بس مافيه عوار وأحس بين الفترات فيه عوار في الظهر والبطن تذوح وتجي بس شكلي بخلص الأسبوع وأنا ما ولدت
سلالالالالام

 

[أوشال]

هاااااااااااي بناااااااااات

وأأأأأأخير افتكيت من الأمتحانات وغثى الدراسة ومجابل الكتب

وووولهانه عليكم وووووووووايد

وكل اللي دشوو التاسع اللي يسهل عليكم ولادتكم يارب


تصدقووووووون اشتري واشتري ولا جني شاريه شي كل يووم
في شي يديد يطلع امي تقوول انتي تشترين اكسسوارت اشتري
شغلات اساسيه امممممممممممممممممممم:eh_s(10):
أحب الكشخة حتى بالنفاس قطيت على قمصان النفاس توو ماج
ما أدري جني بسووي عرض أزياء النفاس بعد الولادة لوووووووول

حتى البيبي كل شي شريته أكبر من 40 يوم من اشوف سييل اشيل واحط
لعمر 0 لي 3 شهور وألوانه فاقعه اصفر واحمر وازرق واخضر !!!
ما ادري شنوو بلبسه بالنفاس بس شكلي بشتري له بلسوتات بيج وابيض
مع لفاتهم

صج بنات ليش المهاد بعد جم غسله يوبر ويطلع جنه ملبوس وكد ومد عليه ؟؟
وهو بس لبستين في نووعية تنصحووني فيها ؟؟

وووووووي واهم شي ما شررررريته الكفر ...

والله اللي يعجبني يطلع مقاسه اوفر !! ولا سعره خيالي !!

المهم قرقت عليكم وايد :eh_s(1):

سيي يوووووووووووووووووووووووووووووو

 

[rainbow_brite]

اوشال يالله الحمد الله افتكيتي من الدراسه عاد الحين تتفرغين حق تجهيزج وحق ولادتج وعليج بالعافية كل اللي شريتيه ما تنلامين ساعات في اشياء تشوق ما تقدرين تقاومينهم شوفي حق الامهادات انا جربت الكويتي والسوري وصاجه يوبرون بس جربت من مذر كير ولاند مارك اوكي للحين من نفاسي القديم وللحين اشزينهم عندج ماركة بيبي هاوس حلوه خامتهم تلقينهم بفاشن مل او محلات سيتي سنتر السالميه المحلات ملوت المواليد بس مو خفاف شوي متان

 

[nonia]

سلامتج وما تشوفين شر عاد اتصدقين نونيا صاجه امج عوار الريول جايد ترا انا الدكتور قتله عن ريولي انها تشد معاي قالي وقت اللي يصير فيج شد بالليل طقطقي عليها خفيف او خل احد يهمزها وترا عطاني كالسيوم

هلا حبيبتي انا من زمان آخذ كالسيوم بس اتصدقين هم ماكو فايده , الله يرحمنا برحمته أحس من صج تعبانه , بس هم الف الحمد والشكر على هالنعمه .

 

[أوشال]

هلا حبيبتي انا من زمان آخذ كالسيوم بس اتصدقين هم ماكو فايده , الله يرحمنا برحمته أحس من صج تعبانه , بس هم الف الحمد والشكر على هالنعمه .

والله صاجه نونيا
وأنا بعد من الشهر الثالث اخذ كالسيوم وحديد وفيتامينات
ما تخفف هالتعب بس تقوينا ..

عموما هذا تعب مأجورين عليه إن شاء الله

 

[ملاك هدية]

هاي حوامل
اوشال انا في بنتي الاولى ماخليت شي ما اشتريته من اول شهر في الحمل وانا اشتري بس هذي المره حدي طافيه مالي خلق كلش مادري ليش ؟
الحمال الثاني حسيته بارد مو مثل الاول ودي اروح واتسوق بس كله مالي خلق

 

[أوشال]

اوشال يالله الحمد الله افتكيتي من الدراسه عاد الحين تتفرغين حق تجهيزج وحق ولادتج وعليج بالعافية كل اللي شريتيه ما تنلامين ساعات في اشياء تشوق ما تقدرين تقاومينهم شوفي حق الامهادات انا جربت الكويتي والسوري وصاجه يوبرون بس جربت من مذر كير ولاند مارك اوكي للحين من نفاسي القديم وللحين اشزينهم عندج ماركة بيبي هاوس حلوه خامتهم تلقينهم بفاشن مل او محلات سيتي سنتر السالميه المحلات ملوت المواليد بس مو خفاف شوي متان

هلا حبيبتي رينبو ما عمري شفت بمذركير ولاند مارك مهادي

أنا اقصد اللفة البيضه مع القطعه اللي جنها حبل وتلفين الياهل فيها
فهمتي قصدي ؟؟
بس اذا تقصدين البطانيه الخفيفة الصغيروونه مالت اليهال من مذركير
عجيبه ما توبر كلش وووصج كد ومد حتى الوانها ما تتغير

وبيبي هاوس اذا تقصدين اللي عليه شعار الارنووب
والله زين ذكرتيني شاريه البنتي يووم كان عمرها ست شهور
من معرض بمشرف القطعة كانت بدينار ونص شغلات ووايد حلوه
وعملية وقطن اصلي بس وووين اقدر احصلها الحين ؟؟

 

[أوشال]

رينبوو

والله بنات وانا نايمه اقوم من عوار الظهر والريول
اكثر شي يعورني بجسمي ريولي ساعات ما احس فيهم من العوار احس شي مثل البروده تحوش عظامي

وااااااي رينبوو وأنا بعد تصدقين ما اقدر اقلب على جنبي الا بصعووبه
ويووم اقعد الصبح ياررررربي تقولين ماما عوده مو أنا والله مشكله
وأحس بحراره موو طبيعية جني بحمام سوونا

وانشغلت بعد بمعرض اختي بالجامعه مشروع تخرجها وألا تبيني اررح لها خواتي كلهم راحو واخوي وامي

ألف مبروووك تخرجها والفال لنا يارب

المهم شريتلي توب من ايفانز انا مقاسي بالايام العاديه 40 او 42 وايفانز يبدي مقاسهم من 44 وطالع فاخذ منهم مقاس 46 يطلع مرتب على

ووووي رينبوو:eh_s(12):

موو معقووله قياساتج هذي يعني قبل الحمل تلبسين سمول وبعدين أكس لارج
وايد من 40 لي 46 !! اكيد غلطانه

وايد فرق خمس قياسات انا بالقياس الامريكي البس 12
والحين مالبس شي امريكي عادي كله لارج
40 بأي قياس لان اذا امريكي يعني 8 يعني حددددددج سموووووول

عاد بنات في واحد طايحله خز فيني مالومه صراحه ههههههه بس الظاهر ظاق خلقه يوم شاف كرشتي هاهاها اقص عليكم مو تصدقون ترا حامل وقاعده اتخيل اخاف قاعد يخزني من لوعة الجبد خخخخخ

لوووووووول رينبو تصدقين هالخز شر لا بد منه والله الوحدة تمشى لا لها ولا عليها
وتلاقي الكل يخز هوووووو ليش ؟؟؟ علشان حامل وبطني جدامي ؟؟؟!! شنو مسووويه جريمة ؟؟؟ الكل يخز بصورة الحمدلله والشكر بجامعة بسوق بمطعم حتى بالعزاء :eh_s(12):

المهم يوم خلصنا من المعرض تغديت مع خواتي بفرايديز طلبت ستيك بالمشروم حده عجيب لايطوفكم

وووووووووي يا رينبوو غرامي فرايديز كل شهر لازم ارووح واطيح بهالمقبلات والستيكات امووت بالريبس بصوص الباربيكيو عجججيب شكلي بروح اتعشى فيه باجر يمممممممي

سبحان الله من تقرب الولاده تبدي الوحده اييها شعور ودها بس اترتب البيت وتجرد الكبتات وتستعد حق الولاده انا ياييتلي هالحاله هاليومين وفعلا مثل ما قالت الاخت هب هب اتحاتين عيالج وقت الولاده انا بعد احاتي اغراضهم وهدومهم ما ادري شودي وشخلي في بيت امي لان النفاس راح يكون عندها

هذا الشعور كان ومازال عندي بجري يبت خدمتين يساعدوني ورتبت وجردت كل الكبتات و وحسيت براحه بعدها لان بولد وكل شي مرتب وعلى سنقة عشرة
المهم تصدقووون أنا بعد احاتي بنتي وين بوديها اذا ولدت عندامي ولا خالتي ام ريلي ؟؟ أنا مرتاحة اشوي لانها بددت تتوالم مع الخدامه

ادري بتضحكون علي بس قاعده احاتي شغله تدرون ان احنا اللي ولادتنا بشهر ثمانيه انشا الله لم نطلع من الاربعين بالسلامه راح يكون رمضان الله يعين راح يصير ورانا تجهيز العيد حقنا وحق اليهال وتدرون اي شي نبي نشتريه راح يكون غالي لان موسم عيد راح يروح علينا السيل ما شا الله نفاسي اللي قبل لم طلعت من الاربعين السوق كله على كيفي بس شكلنا هالمره بنتوهق

تصدقين انا بعد فكرت جذي تدرين ان السووق بيكوون كللللله سيل من نص شهر سبعه تصفية قبل بضاعة رمضان والعيد يعني يمكن نستفيد
ولو أني ما اعتقد هالشي كل يوم تطلع لي شغلة ناسيتها للنفاس وللبيبي
بس لازم اشتري جم قطعة خصوصا السيل اللي بيصير بدبنهامز على لانجرري
كل سنه مو طبيعي تاخذين شغلات عجيبه وبسعر ووووواووو

والله كريم :eh_s(7):

 

[أوشال]

هاي حوامل
اوشال انا في بنتي الاولى ماخليت شي ما اشتريته من اول شهر في الحمل وانا اشتري بس هذي المره حدي طافيه مالي خلق كلش مادري ليش ؟
الحمال الثاني حسيته بارد مو مثل الاول ودي اروح واتسوق بس كله مالي خلق

هلا ملوووكه

اشلووووونج بشري اشلووون السكر ...أنا يوم السبت عندي مووعد
وبسووي اختبار السكر قطيعة ما احبه كلش اتعب وووايد..

وين الحين إن شاء الله بيتج ...

 

[فروتى]

هلا بنوتات شخباركم ؟ وشخبار الببيات ؟ لا رينبووووو انا للحين ما ولدت تو الناس ههههههههههههههههه ابشر حالى اليوم سويت سونار الطبيب يقول الولاده من 25/6 الى 28/6 بهالحدود والحمد لله كله تمام وامس رحت للطبيبة سوت لى فحص قالتالى الرحم مسكر بس الحمد الله البيبى ماخذ وضع سليم كان الاول معترض
المهم انى تطمنت عقبالكم جميعا والحمد الله خلصت كل تجهيزاتى بس للحين كل ماانزل اشترى اغراض وخصوصا ان اليوم حصلت لى مفاجاة بالشهور اللى فاتت الطبيبه قالتالى انى حامل بولد واليوم الطبيب يقول انه بنت مو ولد هههههههههههههههه صج شى عجيب اكثر الالوان اللى شريتها ولاديه ماادرى شكلى بجهز من يديد بهالاسبوعين لو لحقت على روحى

 

[جاكليت]

حبايب شلونكم وشخباركم ؟؟

باركولي اليوم كان حفل تخرج بنتي حور من الروضه

:eh_s(9): :eh_s(9): :eh_s(9):

عقبال عيالكم ان شاء الله ​

 

[جاكليت]

بنات صج لحظه من فضلك اللي بالمهلب مسوي سيل ؟؟

 

[فروتى]

حبايب شلونكم وشخباركم ؟؟

باركولي اليوم كان حفل تخرج بنتي حور من الروضه

:eh_s(9): :eh_s(9): :eh_s(9):

عقبال عيالكم ان شاء الله ​

الف مبرررررررررررررررررررررررررررررررروك جاكليت وعقبال الثانوية:eh_s(9):
:eh_s(9): :eh_s(7):

 

[rainbow_brite]

اهااااااا والله عبالي تقصدين اللفه عاد اتصدقين المهاد اللي بو ربطه ما شريت منه ما ادري جني ما ابي امهد الياهل عندي وحده بس بيجيه ويا ربطتها توني شاريتها بس جنه بروح اشتري بعد على الاقل ثنتين اخاف احتاجهم اذا ما نام الياهل ارصه رص بالمهاد عشان يحس جنه في بطني وترا انا مجربتهم في كل الاحوال يوبرون فما ينفع من ياهل لي ياهل كل بيبي تشترين يدد انا كله اقطهم لان يوبرون ويصيرون خشنين


وترا بيبي هاوس تلقينه بفاشن مل وبسيتي سنتر بمحل تجهيز المواليد او مجمع سنام اللي بحولي بس ترا مو المهاد ترا اللفه انا فهمت غلط


اتصدقين اوشال اكتشف كل يوم اني ما خلصت التجهيز وناقصني اشياء الحين يبيلي مهادات اللي مع الربطه اللي معاهم الدشداشه الصغيرونه تنفع هالدشداشه حق اول الايام على ما اطيح السرة واخليهم حق تدهين الياهل ولم جردت الاغراض اللي شريتهم طلعت شاريه شكثر من 0-3 وموشاريه نيو بيبي الا شوي اخاف احتاج بعد مالي خلق اروح السوق مليت من هالسوالف