السلام عليكم
شلونكم بنات
اشتقت لكم بس المنتدى صارله جم يوم ما يتبطل معاي مادري شسالفه
أمس رحت السوق بس متأخر وما مداني بس مريت على محل مس كويت بمبارك الصيفي قلت اشوف لبس النفاس عنده
لقيت والله شغلات حلووووه بس طلعت منه ب3 اطقم قلت مابي آخذ كله من نفس المحل ودي اغير بس اسعارهم منااااسبه على 15 و13 بلااااش بس عيبهم ما عندهم نعال مع الطقم وترى لهم فرع بمجمع الايوب والفحيحيل
اليوم بروح اكمل اغراضي و امس اشوف الشاويش حاط اعلان تنزيلات 70% مادري اذا عندهم كفرات ولا لا ودي امر واشوف بس انا ودي بكفر من سويت هوم لان عنده شغلات تهبلل وذربه وانا مابي اسوي استقبال وخبة واحنا اصلا عايلتنا نظامهم جذي النفاس ما تسوي استقبال بس عقب ما تطلع من الاربعين يسوون لها عشا وتكشخ
بس يمكن القى بالشاويش كفر ناعم حق المستشفى
بنات بستشيركم بشغله
الحين ايهو احلى اخلي تغليفات السكر والصواني والتزيين لون ازرق اذا ولد ولا اخليهم نفس لون الغرفه ؟ اختي تقول خليهم نفس الوان البيبي يعني ازرق وامي تقول لااا خليهم مع لون صالتنا لان امس فصلت طقم قنفات كشخه لونهم بنفسجي بذهبي وامي تبي السكر والاستكانات والمفارش والصواني وجذي بالبنفسجي تقول اذرب شكو الازرق داش عرض ... انتوا اشرايكم .. انا اشوف البنفسجي احلى خصوصا مع لون الغرفه
اي صج متى يزيد وزن الجنين ؟ آخر مره قالولي وزنه كيلو و200 غرامحسيته صغير وانا الحين بالثامن وصج مالي بطن ما جني حامل .... يعني الولد بيطلع ضعيف وصغير ؟؟
على طاري الخدامات مادري شسالفتهم كلهم شايشين خدامة امي تقول بسافر وانا الحين متوهقه ومابي امي تكرف بنفاسي خصوصا ان معاها ضغط وسكر وكوليسترول وخواتي صغار وينهم ووين الطباخ بس امس اقول لامي شوفيها كلميها يمكن تطخ لان اصلا ما يمدي نجيب وحده جديده ونعلمها
والدارسين لا تشربونه عشان تولدون غصب ترى مو زين اهو يحمي الطلق بس الرحم ما يكون مفتوح ويتعب الجاهل وانتي بتتعبين و يقولون لج قيصريه لان الجاهل يبي يطلع والرحم مصكر انا خالتي شربته ورفيجتي واثنيناتهم ولدوا قيصريه
هلا فيج اختي الفرحة
ووين في مبارك الصيفي ؟؟ باخذ لي جم قميص
لان كل المحلات من 22 ووفوق ؟؟! ومحلهم بالايوب شسمه ؟؟
وبخصوص تغليف السكر والصواني على لوون الصالة وطقمها برايي احلى
