ديوانية شموسه ورينبو...الي ولادتها بالصيف تتفضل تقرق معانا

[donat]

الفرحة السجينة
مشكورة على توضيحج مكان محل بيبي لوف
بالنسبة للافرازات اذا صفرا ولها ريحه لازم تروحين الدكتورة لانها مضرة للحامل

 

[د.شريفة]

السلام عليكم
اهلين شموووسه وقمر شلونج
والله احس انتي وبناتج نكته الصراحة وودي اشوفج وانتي بالوضع اللي اللاب توب على الارض وعصاة المخمة بايدج وتطقينهم هاهاهاهاي حرام عليج
بس عجبتني فكرة
انج شريتي اغراض وهدايا وعطيتهم بنتج كانهم هديه من البيبي اللي في بطنج لانه امس ذبحني فقص بطني فقاص قمت اصرخ
بس بشكل غير مباشر يسوي روحه يبي يلمني ويقط روحه قط
يقولي بس ابي ابوس البيبي ويكشف بطني ويعطيني بوسه يفقصني فقااااص بقيت ابجي من العوار

يوم نام صار شكله برئ بس احسه ميت من القهر وبس يبجي
بس ان شاءالله ببدأ اشتري له
لاني دخلت الشهر الثامن اليوم
وبدأت العد التنازلي وان شاء الله اولد اول الشهر التاسع مابي انطر بس تعبت استغفر الله
وعلى فكره طلعتلي طلعة الخدامة تبي تسافر خره بشكلها
قلت لها تشوفيني الحين ثقيلةه وتعبانه
قلت لها اذا ولدتي ذلفي سافري جان تقولي لالا ابي اشوف البيبي اول بعدين اسافر
قلت لها ليش ان شاء الله بتكبرين باذن اليهال طسي بس عن ويهي
بس احاتي ولدي ادري اكون عند امي وخدامات امي موجودين بس ولدي مايحبهم ولا يواطنهم بعيشة الله
مادري منو راح يبدله ويغسله والله احاااااتي طلعوا لنا طلعه هالخدم والله
امس خالتي ام زوجي تقولي
خل تولي لما تطلعين من النفاس خل تسافر قلت العن والعن ارد شقتي منو راح يغسلي منو راح يدير باله معاي على اليهال صعبه مادري والله

والخبر الي بعد دهورني
دكتورتي راح تسافر اول يوم لي بالتاسع وماراح ترجع الا بعد شهر ونص شوفوااا الحض
انا ماحب تعودت عليها 8 شهور وفجأة مع السلامة وين اروح وين اولي مثل الحمامه انوووح


الله هو المولد بس والله ادري شقووووووووول
السهاله من رب العالمين

وودي ارجع حق دكتوري اللي مولدني في ولدي بس انا حرمت قلت خلاص ماابي رجل قلت حرام بما انه البديل المرأة موجوده ليش دكتور مانخليها دكتوره
والله كريم الله كريم

رينبو انا احاتي شريت كله وردي في وردي قالولي بنوووته وسويت الثنائي
بس والله خايفه مادري ليش اخاف ولد وفشله جدام الناس كلهم الكاكاو وردي والكفر وردي وملابس البيبي وردي والله فشله والله يستر ميخالف شنسوي بعد صبي ولابس وردي يا شينه ميخالف بتحمل

رينبو مشكوره على الاغراض تدرين انا شريت كل شي بس والله العظيم نسيت جراب الياهل
الكيس الخاص بالطفل
والله اشوى انج ذكرتيني
خل اشوف لي وقت ازرق اشتريلي

والمميات تو الناس عليهم لما ادخل التاسع

اشتريهم من الجمعيه
وكله سوالف بيجون ماحب غيرهم
والكريمات والبودره والشامبو جونسون

جنطة وحده للمستشفى بس اغراض البيبي كل غيار احطه في كيس خاص الداخلي والاوفورول والمهاد والقبعه كلهم في كيس صغير واعطيه السستر تبدل البيبي
مع اغراضي عادي

الفرحة السجينه
انا اخر موعد 28-6-2007 يعني انتي قبلي بيومين والله يسهل علينا وعلى الجميع ان شا ءالله

شموسه شوقتيني على تنزيلات دبنهابز بس انا قايله ماني طابه الافنيوز الا بالتاسع والله رحت ذيك المره ثلاث ايام وانا تعبانه لانه كبير ومشي تعبت بقيت اولد وانا باول اسبوع من السابع

وصج حريم انا شاريه وخالصه شكو بروح حق الخساير بس والله بخاطري اروح
كله منج شموووسه سويتيلي اغراءات

 

[مجنونة نت]

وناسة في احد مثلي يولد بالصيف وينحرم من السفرات والوناسة

<<<< كانت ميتة قهر مافيه سفر هالعطلة

تصدقون توني اجهز للبيبي وشريت كم شغلة من دبنهامز يهبلون

ورحت لاند مارك (سنتر بوينت) وشريت بعد كم شغلة وحلوين بعد

بس تصدقون ما اعرف وش اجهز أبد هذا اول بيبي لي وأمي بالرياض

وزوجي قال جهزي كل شي وناخذ معانا لما يوديني اولد عند أمي

يعني الله يعافيكم علموني وش اجهز ووش الطفل يحتاج وأنا بعد شنو احتاج

هاليومين قاعدة أتسوق عشان أفتك وارتاح خصوصا واني ثقيلة وحمالي عسارة

وبعدين بأسألكم سؤال خاص شوي استحيت اسأل أمي

أنا مع الجماع تنزل مني مياهه شكثر بس لا لها لون ولا ريحة حتى أن زوجي

أحسه يتضايق ويقولي انتي ترطين رط.. مع العلم انه ما معاي افرازات ولا شي

بس وقت الجماع شي يفشل والله العظيم.. ولا ادري شأسوي هو عادي أو لا؟؟

علموني الله يعطيكم العافية

 

[الفرحه السجينه]

اي و الله فروووح حطيلنا الصورة لان انا ما فهمت ؟؟

و منو الوحدة اللي قالت سنسون:eh_s(1): ؟؟

لايكون وحدة من حمل ابريل و مايو :eh_s(3): ​

هلا ذكريات

ان شاءالله بحطهم بس خل اخلص المشكله اختي بتبدي امتحاناتها وابيها تسويهم بسرعه قبل لا تنشغل

مادري منو قال سنسون خخخخ يمكن الديوانيه الثانيه خخخ بس الوصف عجيب :eh_s(9):

 

[الفرحه السجينه]

الفرحة السجينة
مشكورة على توضيحج مكان محل بيبي لوف
بالنسبة للافرازات اذا صفرا ولها ريحه لازم تروحين الدكتورة لانها مضرة للحامل

هلا دونات

شكلي بروح الدكتوره صج مو زين اهمل نفسي وماني خسرانه اذا فحصت مع ان مالي خللللللق

 

[الفرحه السجينه]

وبدأت العد التنازلي وان شاء الله اولد اول الشهر التاسع مابي انطر بس تعبت استغفر الله
وعلى فكره طلعتلي طلعة الخدامة تبي تسافر خره بشكلها
قلت لها تشوفيني الحين ثقيلةه وتعبانه
قلت لها اذا ولدتي ذلفي سافري جان تقولي لالا ابي اشوف البيبي اول بعدين اسافر
قلت لها ليش ان شاء الله بتكبرين باذن اليهال طسي بس عن ويهي
بس احاتي ولدي ادري اكون عند امي وخدامات امي موجودين بس ولدي مايحبهم ولا يواطنهم بعيشة الله
مادري منو راح يبدله ويغسله والله احاااااتي طلعوا لنا طلعه هالخدم والله
امس خالتي ام زوجي تقولي
خل تولي لما تطلعين من النفاس خل تسافر قلت العن والعن ارد شقتي منو راح يغسلي منو راح يدير باله معاي على اليهال صعبه مادري والله

والخبر الي بعد دهورني
دكتورتي راح تسافر اول يوم لي بالتاسع وماراح ترجع الا بعد شهر ونص شوفوااا الحض
انا ماحب تعودت عليها 8 شهور وفجأة مع السلامة وين اروح وين اولي مثل الحمامه انوووح


الله هو المولد بس والله ادري شقووووووووول
السهاله من رب العالمين

وودي ارجع حق دكتوري اللي مولدني في ولدي بس انا حرمت قلت خلاص ماابي رجل قلت حرام بما انه البديل المرأة موجوده ليش دكتور مانخليها دكتوره
والله كريم الله كريم


رينبو مشكوره على الاغراض تدرين انا شريت كل شي بس والله العظيم نسيت جراب الياهل
الكيس الخاص بالطفل
والله اشوى انج ذكرتيني
خل اشوف لي وقت ازرق اشتريلي

والمميات تو الناس عليهم لما ادخل التاسع

اشتريهم من الجمعيه
وكله سوالف بيجون ماحب غيرهم
والكريمات والبودره والشامبو جونسون

جنطة وحده للمستشفى بس اغراض البيبي كل غيار احطه في كيس خاص الداخلي والاوفورول والمهاد والقبعه كلهم في كيس صغير واعطيه السستر تبدل البيبي
مع اغراضي عادي

الفرحة السجينه
انا اخر موعد 28-6-2007 يعني انتي قبلي بيومين والله يسهل علينا وعلى الجميع ان شا ءالله

شموسه شوقتيني على تنزيلات دبنهابز بس انا قايله ماني طابه الافنيوز الا بالتاسع والله رحت ذيك المره ثلاث ايام وانا تعبانه لانه كبير ومشي تعبت بقيت اولد وانا باول اسبوع من السابع

وصج حريم انا شاريه وخالصه شكو بروح حق الخساير بس والله بخاطري اروح
كله منج شموووسه سويتيلي اغراءات

هلا شروووفه


انا اليوم ششت بروح الافنيوز مدري شاللي قعدني خواتي اشكالهم ما كانت تشجع وحده تدرس قواعد والثانيه جتها الدوره و منصرعه خخخخخ


انا ودي اولد اول ما ادش التاسع مالي خلق بس اختي متحلفه فيني تقول يا ويلج اذا ولدتي على امتحانات الفتره ..اهي ثانويه عامه و 26 - 6 تاريخ ولادتي اهي تكون مخلصه جنه آخر يوم امتحان وعندها عقبه امتحانات القدرات :eh_s(20): يعني الاخت تتشرط تبيني ادش العاشر وانطرها :eh_s(9): تقول خليج ذربه انتي وولدج ونطروني :eh_s(20): جنهم مو حاسين بالثقل اللي فيني صج مليت خصوصا لا بغيت انام يتسلط علي البيبي ويتحرك ويحوس خصوصا عالجنب تقول سمجه :eh_s(9):


وخدامتج هذي مالقت تسافر الا الحين ليش ما قالت لج من زمان :eh_s(13): صج بلوه هالخدم ... اهي مخلصه اقامتها ؟ ولا بتسافر على حسابج ؟ ليش ما تطلبين وحده الحين ولا بغت توصل سفري اللي عندج ...اهم شي الخدامه لا توهقين عمرج


منو دكتورتج هذي اللي بتسافر ؟لا تكون ماجده اليتامى تراها دكتورتي وابيها تولدني بعد

وصج شاللي حادج على دكتور رجال ... انتي بأي مستشفى بتولدين ؟ اذا الهادي جنه دكاترتهم الحريم زينين يعني ما يحتاج من برا اذا ما حصلتي والله يسهل عليج


على طاري المميات والصابون والشامبو هذا تو الناس عليه وترى بالمستشفى نفسها بتلقين ماركة بيجون بالصيدليه والشامبوات وجذي يعني تقدرين تاخذينهم بنفس اليوم بطلعتج من الصيدليه والمستشفى توفر لج المميه والحليب

 

[الفرحه السجينه]

بنات حبايبي من خلال سوالفكم فهمت انكم قزيزة اقصد دايرين السوق
منو شافت الجياس الي نغطي فيها الممية؟ وقت الياهل لما يشرب حليب

هلا مدام زيزو

شوفي الجياس متوفره بكثره حتى بالاسواق الشعبيه بس شفتهم عند بيبي لوف بس ما عجبوني لان خامتهم ستان على اورقنزا و الشغلات الواقفه بس يقول اذا تبين اسوي لج طقم مع الجيس والمهاد واللفه بس مادري

انا قلت بمر لحظه من فضلك في عندهم مميات وسوالف ماركه يمكن القى اجياس المميه واصلا جني شفتهم هناك

 

[الفرحه السجينه]

وناسة في احد مثلي يولد بالصيف وينحرم من السفرات والوناسة

<<<< كانت ميتة قهر مافيه سفر هالعطلة

تصدقون توني اجهز للبيبي وشريت كم شغلة من دبنهامز يهبلون

ورحت لاند مارك (سنتر بوينت) وشريت بعد كم شغلة وحلوين بعد

بس تصدقون ما اعرف وش اجهز أبد هذا اول بيبي لي وأمي بالرياض

وزوجي قال جهزي كل شي وناخذ معانا لما يوديني اولد عند أمي

يعني الله يعافيكم علموني وش اجهز ووش الطفل يحتاج وأنا بعد شنو احتاج

هاليومين قاعدة أتسوق عشان أفتك وارتاح خصوصا واني ثقيلة وحمالي عسارة

وبعدين بأسألكم سؤال خاص شوي استحيت اسأل أمي

أنا مع الجماع تنزل مني مياهه شكثر بس لا لها لون ولا ريحة حتى أن زوجي

أحسه يتضايق ويقولي انتي ترطين رط.. مع العلم انه ما معاي افرازات ولا شي

بس وقت الجماع شي يفشل والله العظيم.. ولا ادري شأسوي هو عادي أو لا؟؟

علموني الله يعطيكم العافية

هلا اختي ...انتي بأي شهر الحين ؟



انا بعد اول بيبي وامي قايله اذا بتشترين لازم اكون وياج وطبعا زرقت انا واختي الصبح ورحنا نشتري بس طبعا حسيت اني ضايعه وما اعرف واختي تقول ياليتنا جبنا امي ويانا :eh_s(9): لان امي تقول التبانات اللي شريتهم كبار بس تقول خوش خامه :eh_s(9): استانست حدي يعني مسويه انجاز


بس شوفي اهم شي

تبانات + مهادات + لفات + ديباج + اطقم كشخه + الدشداشه او الثوب خام قطن + الجيس اللي تحطين فيه البيبي + جنطه لاغراض البيبي + مطاره للماي + جنطة بيجون او جونسون اللي فيها بودره وشامبو وزيت + مميات + فوط صغيره تلقينها يجون طقم مع بعض + فوطه للشاور + كابات + دسوس + دلاغات + اوفراول

هذا اللي براسي الحين و اذا دخلتي المحل راح تعرفين شنو لازم تشترين


وانتي اشتري لنفسج الملابس والاغراض الخاصه وانا للحين ما شريت لنفسي وماني عارفه شنو لازم اشتري وشنو بحتاج بس الاسواق والجمعيات قريبه يعني اذا نقص شي امي او خواتي يجيبون لي



بس سؤالج الثاني والله ما عندي فكره اسمحي لي اختي


والله يسهل عليج

 

[ذكريات]

اذا على الولادة اول التاسع .. كلنا ودنا

توني اقول حق ريلي مادري انطرك ترجع و بعدين اولد و الا اولد الحين ؟؟

يعني بكيفي :eh_s(3):​

 

[yono]

يسعد مسا الحوامل الحلوين و أقولكم نحن السابقووووووون و أنتم الاحقوووون
والله يعينكم .
و يا بنات اللي بتسوي استقبالها بمستشفى و بتحط كفر شي شي شي شي
ترا أنا و أختي بنبيع كفراتنا استعملناهم بس يومين استقبال الولادة بالمستشفى و بنبيعهم بنص السعر!!!
قلنا نفيد و نستفييد
المهم أنا حدهم راقين و حدهم كشخة و يصلحون حق الصيف واحد أحمر مشير بذهبي من رويال دريم و واحد أصفر محاحي و هذا ماركة عالمية و أغلى من الثاني من homecollection
و هالمحلات موجودة بسن سيتي
الكفرات بكراتينهم و شيهم اللي بتعرف أي معلومة تراسلني عل خاص
و الله يوفقكم

 

[جونا]

شلونكم ياحوامل

انا متابعتكم من بعيد

عسى الله يسهل عليكم ويقومكم بالسلامة وهانت مابقى شي تقريبا الكل خلص نص المشوار

انا الحين بنص السابع ولي الحين ماجهزت بس شريت تكرمون جوتي وتنورة حق عمر 3-6 وايد عجبوني وقلت يمكن ماحصل مثلهم بعدين

نفسيتي وايد تعبانه ويايني الاكتئاب مبجر هالمرة قبل اييني عقب الولادة الحين من السابع مبلش فيني لدرجة اني احس ان قلبي متروس بس حتى ماقدر ابجي ولا لي خلق اكلم احد

بناتي يحليلهم مستعيلين على البيبي متى تييبينها معني ادري انهم بلعبون بحسبتها الله يستر بس مستانسين اني بييبلهم دادا عنونو وكل مابدلت هدومي وكانوا موجودين يركضون ماما نبي نبوس عنونه ويبوسون بطني

انا صايرة ثقيله وحركتي صعبة وكل شي يعورني وماقدر حتى انام ويضيق خلقي لما اتذكر ان باقيلي شهرين ونص بعد احس ماقدر استحمل استغفر الله, ودي اولد اول التاسع وافتك بسأل الدكتور اذا يصير

الله كريم ويمر الوقت بسرعة وبسهالة

 

[شمس و قمر]

السلام عليكم

شلونكم ياكروشات

حبيت اطل اسلم عليكم

جونا حياج الله

ويالله هانت مابقى شي

واذا عالولاده اول التاسع ترى كلنا ودنا نولد اول التاسع

انا عن نفسي بروح يولدوني وافتك لاني من النوع الي اخذ التاسع كللللللله

 

[أوشال]

السلام عليكم

اشتقت لكم ووووايد ووووووووايد
قريت جم صفحة شووقتنووني اقرا اللي طافني

المهم شخباركم وشخبار الحمل معاكم ؟؟

الكل يجهز وأنا بعد البيبي تقريبا خلصت تجهيزات من مذركير وماركس اند سبنسر
ودبنهامز مابقى الا المهادات بيبهم من عيد النصار ..

اممممممم شنوو بعد اي مابي اجهز اي شي لي الا يوم اشتري الكفر

بعد شنوو بعد .....

بنات وزززني ما قاعد يزيد بس اهلي يقولون اني مورمة !!
شسالفه تووني بالسادس مامداني ؟؟ سوين تحليل زلاال مافي شي طبيعي

انتوو جذي ولا ؟؟

بناااااااات أدعوولي الامتحانات شيبتني والله

ااااااااااااي باااااااركوولي وووصلت الخدامة :eh_s(9):
بنتي موووووووو مواطنتها خيررر شررر
مو عارفه شسوووي ؟؟


:eh_s(8):

 

[كي كي]

السلام عليكم والله حدها القعده وياكم وناسه صج سوالفكم تهبل اول شي صبولي قهوة عشان اقعد
معاكم ام حمد والحلوة رغد حمادة عمرة 6 سنين ورغودة 4 سنين وشكلي بولد اولكم موعدي 23-6 يعني مابقى شي ولي لحين ما جهزت ولا شي والله مالي خلق الطلعه حلولي ايها وميته عالتجهيز بس احس تو الناس
ممكن كل وحدة تقولنا شكثر تشتري من كل شغله يعني مهادات جم حبه وتبانات وغيرها
يالله ناطرتكم

 

[كي كي]

السلام عليكم والله حدها القعده وياكم وناسه صج سوالفكم تهبل اول شي صبولي قهوة عشان اقعد
معاكم ام حمد والحلوة رغد حمادة عمرة 6 سنين ورغودة 4 سنين وشكلي بولد اولكم موعدي 23-6 يعني مابقى شي ولي لحين ما جهزت ولا شي والله مالي خلق الطلعه حلولي ايها وميته عالتجهيز بس احس تو الناس
ممكن كل وحدة تقولنا شكثر تشتري من كل شغله يعني مهادات جم حبه وتبانات وغيرها
يالله ناطرتكم

 

[مجنونة نت]

ما تقصرين حبيبتي الفرحة السجينة عالرد انا ان شاء الله راح اولد

في ثاني اسبوع من شهر اغسطس بإذن الله.. يعني بعز الحر والرطوبة

بعدين شنو التبانات ما فهمت شنو معناهم أصلا أول مرة أسمع فيهم

لأني بأروح يوم الأثنين ان شاء الله السوق وأكمل شغل البيبي وأرتاح

وبالنسبة لشغلات بيبي جونسون اللي هي الشامبو والبودر وطقتهم راح

أشتريهم ان شاء الله بالتاسع أحس تو الناس عليهم والله أهم شي الحين الملابس

وأنا يا حظي مو عارفة شنو اشتري لي غير ملابس داخلية+ قمصان رضاعة

على قولة أمي بنطلونات داخلية خفيفة+دراريع استقبالات عشان ضيوفنا من عقب

15 يوم يهلون هل ولا يوقفون (<<< نفاسها بالرياض) وبس هذا اللي اعرف

أشتريه لي ولا ادري اذا لي احتياجات مهمة بعد.. حسافة أمي مو عندي بالرياض

وأنا بروحي بالكويت الله يعين بس انتم ما تقصرون والله حبيباتي

 

[كي كي]

الفنايل الداخليه اللي يتسكرون من تحت
اهما التبانات

لا تنسين البامبرز عالاقل عندج جيس بالجنطة ومهم جدا لفافات السر عشان الغازات اللي بطن الياهل ما يتأذى وشنو تبين انا حاضرة لاتكثرين من دراريع الاستقبال بس كثري ستيانات رضاعه ولا تنسين القطن حق الصدر تحت الستيان وايد مهم عشان الحليب لا يتسرب من الستيان وفي نوعين شي على نايلون وشي قطن سادة
بعد امري اذا تبين شي ترى عندي خبرة وايد

 

[ذكريات]

كي كي لا مو اولنا .. انا موعدي بعد اسبوع :eh_s(3):

الله يستر شكلي من كثر ما انا فرحانة راح اولد بعدج ​

 

[cat women]

ذكريات انا معاااج يارب يسهل عليناا انتي سابقتني اشوي يارب نولد بالسلامه عوار ظهري ذابحني

 

[شمس و قمر]

السلام عليكم

اشتقت لكم ووووايد ووووووووايد
قريت جم صفحة شووقتنووني اقرا اللي طافني

المهم شخباركم وشخبار الحمل معاكم ؟؟

الكل يجهز وأنا بعد البيبي تقريبا خلصت تجهيزات من مذركير وماركس اند سبنسر
ودبنهامز مابقى الا المهادات بيبهم من عيد النصار ..

اممممممم شنوو بعد اي مابي اجهز اي شي لي الا يوم اشتري الكفر

بعد شنوو بعد .....

بنات وزززني ما قاعد يزيد بس اهلي يقولون اني مورمة !!
شسالفه تووني بالسادس مامداني ؟؟ سوين تحليل زلاال مافي شي طبيعي

انتوو جذي ولا ؟؟

بناااااااات أدعوولي الامتحانات شيبتني والله

ااااااااااااي باااااااركوولي وووصلت الخدامة :eh_s(9):
بنتي موووووووو مواطنتها خيررر شررر
مو عارفه شسوووي ؟؟


:eh_s(8):

اهلييييييييييين
وينج يالعوبا

الله يعينج على الامتحانات ويوفقج ان شالله

ومبروك الخدامه...... الله يعطيج خيرها ويكفيج شرها يارب

وانا اول مره يزيد وزني مع الحمل

العاده انزل كم كيلو بالاشهر الاولى..وعقبها يثبت وزني لي التاسع

ومن اولد يكون وزني اقل من وزني قبل الحمل:eh_s(15):

يعني لارجيم ولابطيخ :eh_s(9):

بس هالمره صايره دبدوب:eh_s(14):

زايده تقريبا 8كيلو:eh_s(1):

واحس هالمره متنفخه......... خشمي صاير شكبره وبراطمي ياسلام سللللم ولا اقدعها سيليكون:eh_s(20):

بس الي حواليني يقولون لامومتغيره!!!

لاتقاطعين حبيبتي