ديوانية شموسه ورينبو...الي ولادتها بالصيف تتفضل تقرق معانا

[rainbow_brite]

الله يبارك فيج رينبو اي أمس دشيت شهري
تصدقين مطوفه موعدي مرتين صار لي ثلاث اسابيع يمكن
ما رحت كله مطنشه

بس الحين دام دشيتي شهرج لازم مواعيد تصير كل اسبوع وتحرصين عليهم انا موعدي كل اثنين باجر عندي موعد واليوم قاعده اقول حق امي مالي خلق اروح امي تقولي لازم عشان يشوف الدكتور وضع الياهل والضغط والزلال

 

[nonia]

ازقرتيه لا تخلينه يفر لج الياهل نصيحه , أعوذبالله لو يفتر الحبل السري على الياهل يتعب والا شي انتي بغنى عن هالسوالف والله اللي حطه ببطنج واهو اللي بيحفظه سواء راسه فوق والا تحت والله كريم انتي بس ادعي .


رينبو مشكوره حبيبتي والله انا باذن الله ناويه أرضع الياهل وانشاءالله يتعدل البطن والله خوش خلطه بكتبها عندي .

 

[makeup story]

يحليلكم تسولفون عن مشترى مابعد الولادة لكم خلق انا بس ابي اولد حتى جنطة المستشفى للحين ماخلصتهااا من كثر مالي خلق قبل لا ادش شهري متحمسه اتمشى بالمجمعات بعدين لاعت جبدي من كرشتي ومستحيه اطلع

 

[ام حمووودي]

صاجه أوشال احس انه ريلي مسكين تعقد ... الستشوار من زمان مالي علاقه فيه كليوم نافشتله هالكشه علبو اني مسويتله كيرلي لووووووووول

والميك اب بعد مالي خلق اتفنن فيه ولا لي خلق احط حتى لو شي بسيط وطبعا لبس الطلعه العبايه صارت صديقتي الصدوقه لان ملابسي قامت تقولي تكفيييييييييييييين فصخيني ... اما لكشختي بالبيت يااما نفنوف بيت نفس مال يدتي ولا بجامات مالت فاشن مل ... انا لاعت جبدي من نفسي فما بالكم بالريال ...

وصاجه اوشال والله جنه داشين جات

 

[makeup story]

نونيااا خرعتيني الله يسهل ان شاء الله مشكوورة ع النصيييحه

 

[rainbow_brite]

على سالفت الكبتات انا ما سويت ولا شي والله بنات استقبالي شقني شق تعبت وانا أراكض يمين ويسار لي اليوم وانا اعابل حق الاستقبال واللي يحر محد من أهلي بيسافر ألحين كلهم بنص شهر 8 وألحين ناقصني شي أحطه بشعري أبي كلبسات حلوه .
اختى راحت شوارفسكي لقت عندهم تيجان وكلبسات اتينن بس كله فضي ماكو ذهبي وبصراحه ما أدري بجم بس أكيد غاليين يعني لو بقول حق ريلي بيذبحني يقول ما صار استقبال شقيتينا شق .

لا واللي حارني أمي تقولي سوي عشا بطلعتج من الأربعين :eh_s(16):
تخيلوا يعني يبيلي بدله ولويه وعشا وحلو وسيرفس وبلالالالالالالالالالالالاوي مالها أول ولا آخر وأمي بعد قلبي تبي تفرح بالبيبي ومحد ماكلها الا انا والله ما أقدر على اللوية مالي خلق :eh_s(11):


لا رينبو لا تقولين ذكرتيني بعد لوية القرقيعان وااااي الله يعينا . والله بحاول أشتريه جاهز وبس .

واي الله يعينج نونيا صج عباله


وبصراحه انا القرقيعان عاد اللي احب اسويه بنفسي استانس الجاهز ما يعجبني بصراحه نونيا البجر عاد حلاته قرقيعان مميز بس الحين خلينا بتجهيزات الولاده ويصير الف خير حق القرقيعان

 

[rainbow_brite]

هلا والله ازقرتيه الله كريم ا شا الله موعدج الياي البيبي ياخذ وضعه الطبيعي وما تحتاجين ان الدكتور يفره والله يسهل عليج

 

[ملاك هدية]

بووووووووووووووووووووووووووووو
خرعتكم
لحد يولد علينا
مشالله الدوانيه عامره اليوم
صار لي ساعه بس اقرا الردود واضحك بروحي جني مينونه
ياحلوكم وحلو سوالفكم
بنات حسدت روحي صار لي ساعه مو قادره انام
شكل حليمه رجعت لعادتها القديمه

 

[nonia]

مشكورين بنات بس صاجين ليش بجر ودي أشتري كل شي
.

 

[ام حمووودي]

والله انا مفتكه من سالفة ككاو المستشفى والقرقيعان عدي حماتي ماشالله اهي تسويلي كلشي وخالتي تشتري الككاو والحلاو مال القرقيعان انا بس اخذه منهم مغلف وجاهز واوزع ... بس مايندرا عاد هالسنه يعطوني ويه ولا لأ

 

[nonia]

مشكورين بنات بس صاجين ليش بجر ودي أشتري كل شي

واعجبتني كابتن ماجد .

 

[nonia]

بنات شوفو شنو شريت حق البيبي , أمس رحت مع ريلي ذي أثلتس فوت وشفت هالجواتي تكرمون حق البيبيات ماركة Puma حده شوقني .

 

[rainbow_brite]

اوشال انا بجري اسم الله عليه يبته 3.100 كيلو قبل موعدي باربع ايام وولدي الثاني ما شا الله يبته 3.700 هم قبل موعدي باربع ايام وما شا الله كان متبتب وصج تعبت بطلعته اكثر من البجر وما ادري جم يكون وزن البيبي اول التاسع

 

[rainbow_brite]

رينبوو

تذكري شي يونس موووو القرقيعان:eh_s(11):
الحين كاكاو البيبي ما بلشت فيه .. بعد بفكر للقرقيعان
صج بنتعب بعد الاربعين رمضان وكل يوم استقبال وبرجع للدراسه والهم
وتجهيزات العيد الله يعينا ..

لووووووووووووووول اوشال شفتي توقيت ولادتنا هالمره غلط وايد زحمه بس الله كريم واهم شي الحين السلامه

 

[ام حمووودي]

ازقرتيه الله يهون عليج ويسهلج ومثل ماقالو البنات لا تخلين الدكتور يفره لج انشالله بوقته البيبي بياخذ وضعه

 

[ملاك هدية]

اي والله الديوانيه عامره ان شا الله دوم واشوه ان انا باجر اجازه ما احاتي الدوام عشان اسهر معاكم على كيفي وشعندج تبين اتنامين قعدي سولفي معانا

افا عليج ماطلبتي شي
على طاري البنات اللي في الافنيوز والله العظيم اليوم حسيت جني تايتنك مار عندهم
كلهم جنزات وبرمودا وشعر ومكياج وعطر
وانا والله يابنات من غير مبالغه لابسه قميص نوم بدينار ونص فوقه عبايتي انا منقبه يعني لابسه النقاب وكل شوي ارفعه اشم هوا وبطل الماي بايدي طبعا كل ما مريت جمب كرسي قعدت وكل اللي يشوفني اكسر خاطره
كلش لما كنت في زارا ماسكه بلوزه حفر وضيجه لونها اصفر و فيه بنت ماسكه نفسها يوم شافتني ماستها خلتها وراحت من عذه اخترعت
طبعا الكحل صار لي منه دهر الحين ماعرف وين يحطونه
لوووووووووووووول
قرقه صح
محد قالكم عطوني وجه

 

[أوشال]

بس الحين دام دشيتي شهرج لازم مواعيد تصير كل اسبوع وتحرصين عليهم انا موعدي كل اثنين باجر عندي موعد واليوم قاعده اقول حق امي مالي خلق اروح امي تقولي لازم عشان يشوف الدكتور وضع الياهل والضغط والزلال

إن شاء الله بروح هالاسبوع واتطمن ..
بنات وزن البيبي اول التاسع اشكثر ؟؟

بنات اعيالكم يبتووهم على جم كيلو ؟؟

أنا بنتي يبته 3 ونص ..وقاعده أحاتي هالمره اشكثر

خالتي يابت ولدها قبل 7 اشهر 4 و200 غرام وكان فيه اشتباه سكري
بس ما شاء الله طلع مافيه الا العافيه بس اتعبت وووايد بالولادة

 

[makeup story]

يالله بناااااااااااااااااااات قوموا ناامواا


لووووووووووووووووول اناااا اخيرااا نعست
تصبحووون على خير جميعااااااااااااااا

 

[ملاك هدية]

ازقرتيه وين تراجعين بالعدان عند منو؟؟
انا اروح حق وحده اجنبيه اسمها اليزابث متحجبه راجعت مره وباجر الصبح يعني اليوم الصبح المره الثانيه
في احد سنع تعرفينه بالعدان لان انا ما اعرفهم كلش

 

[rainbow_brite]

رينبووو عبالج نام ويه ويهه ... للاسف راح انحاااش لوووووووووول شافني صكيت الليتات واللابتوب ورحت الدار سويت روحي بنام ولا ينحاش ويطلع من الشقه ادري فيه كلها 5 دقايق وبيرد يحن على راسي

وعلى طاري الطراقات اهوا اللي عطاني طراق مو انا لووووووول

شسوي فيه ولد متمرد

الله يعينج عليه ام حمودي عاد عقب الولاده راح اتشوفين التمرد الصجي :eh_s(4):
والشطانه والغيره :eh_s(13):