ديوانية شموسه ورينبو...الي ولادتها بالصيف تتفضل تقرق معانا

[rainbow_brite]

توتو بالسلامه الله يهون عليج متى موعدج :eh_s(21):




دونات لا اتخافين ادور البنيه اللي بتولد عقبج اخذ المكافاه واقعدها غصب بالديوانيه واخليها تقرق معاج خخخخخخ:eh_s(3):

 

[ام حمووودي]

واااااااي لأ امبيه رينبو حدج غلطانه ليش خذيتي منه الككاو جان قلتيله يعدله ويغيرلج فيه انا لومنج ارده حقه وحتى لوتييبين له صوره عن الشكل اللي يعجبج خل يسوي نفسه ... عاد ياكره هالمواااااااقف

 

[nonia]

رينبو حبيبتي روحي المحل اللي انا سويت فيه ستاندي اينن وتسويلج الستاند ب 45 لأن الستاند من عندها, بس والله انها تبرد قلبج وشيلي كاكاوج وحطيه على الستاند اليديد لأنه نفس الألوان اللي انتي تبينها واذا تبيني أكلمها لج والله ما عندي مشكله والله ان شغلها اينن اينن أصلا انا صارت معاي نفس الحركه مع ستاندي أول واحد سويته بمحل بالسالمية , ووديته بيت أهلي وأنا أبجي :eh_s(11): لا ولما يو خواتي شافوا الستاند قالولي وااااي يخرع وحتى امي ما جاملت قلت يفشل شفيه يلمع جذيه وانا حد الاحباط . انتي على الأقل ما تحجوا واختي بنفس اليوم خذت الستاند ردته المحل وتخانقت معاه وخذت فلوسي .

عاد رحت المحل هذا ووديت لهم ستاند من سرداب حولي صبغته بني غامج وضبطته لي عدل . خذت مني 20 بس وتاندي كبير .
واذا انتي بتودين ستاندج حق المحل اللي سويت عنده والله تاخذ منج بس 20 أو 25 وتسويلج شي واو والله اني لميت الفلبينيه وقلت لها انا احبج علشان بس بردت قلبي :eh_s:

 

[ملاك هدية]

حبيبتي رينبو لايضيق خلقج
رديله وخل يغير التصميم عادي ترا مافيها شي
وشفتي امس الدوانيه حاشها فايروس من الحمال لان دشيتي التاسع فتغير وضع الجنين فوق تحت علشان جذيه الردود انقلبت
لووووووووووووووووول
امي توني مكلمتها اقولها يالله ردي تقولي تو الناس انتي شفيج مستعيله انا اهلي بالمانيا عند ابوي تعبان وعنده عمليه فقاعدين معاه وتخيلو اهم وين وانا وين بس والله احس من كثر المحاتاه لو انا معاهم ابرك احس ما يقولون الصج كل ما اسالهم شلونه يقولون بخير
الله يشفيه

 

[ملاك هدية]

دونات
بشن حمله بحث مع رينبو
وانشالله بنلاقي اللي تولد عقبج

 

[ملاك هدية]

ام حمودي
الله يرحم ابوج ويصبر امك
وتسلمين ماتقصرين على ردودج الحلوه

 

[nonia]

نسيت اقولج اسم المحل شوكودور بالسالميه يم بلازا السالمية بغني بالاس . وهذا رقمه : 5723200

 

[جاكليت]

بنات شلونكم وشخباركم

اتصدقون كلما قرب الموعد نفسيتي تزيد

وواصله حدي وقاعده أدش الديوانيه أقرا سوالفكم و أطلع واعذروني مو قاعده أشارك لأنه حدي مكتئبه ..

وأنا باجر راح أدش المستشفى والله يسهل :eh_s(1):

ادعولي ..​

 

[rainbow_brite]

ام حمودي الله يرحم ابوج وهالله هالله بامج بعد العده ترا النفسيه مهمه انا ابوي الله يرحمه مو من زمان متوفي وامي مو من زمان طالعه من العده انا ما قتلكم موعد اللي معطيني حق ولادتي 1-8 اهو نفسه تاريخ ملجتي وتاريخ وفاة ابوي وان شا الله اذا الله رزقني ولد ناويه اسميه على اسم الوالد عبد الله انا حملت قبل لا امي تطلع من العده بشوي وما تصدقين شنو فاقده ابوي بهالحمال وراح افقده بالاربعين لان الله يرحمه يوم نفاسي بعيالي يدش علي الغرفه وحتى لو الياهل نايم يقعده من النوم وياخذه ويقلب فيه حتى كله عبالي بيطيحه وياخذه الصاله ويقعد معاه فتره طويله ويموت علي اليهال ويموت على عيالي امبيه لا اتشوفون شيسوي لم يسافر ما يخلي هدوم ما يشتريلهم ما يخلي العاب الله يرحمه والله فاقدته بكل لحظه بحياتي وايد احبه احس ما فيه مثله ابو حنون وطيب وكل ما اقول فيه شويه بحقه
بس شنسوي هذا حال الدنيى الله يرحمه والله يخليلي امي ويحفظها



وملاك هديه الله يشفي ابوج ان شا الله ويرده لكم سالم معافى مشافى باذن الله

 

[rainbow_brite]

جاكليت ما عليج الا العافيه وان شا الله بالسلامه

 

[rainbow_brite]

نونيا حبيبتي مشكوره على المحل بس انا نفسيتي تعبت من الستاند وما فيه امل يتعدل بخليه مثل ما اهو امي الله يحفظها تعرف وايد حريم بالدروس الدينيه ومن النوع ايونها ويزورونها وصاير عندها شلة حريم كبار واكيد اذا انا ولدت راح تغط عن الدروس والحريم بيفقدونها بيونها يزورونها ويتحمدولي بالسلامه ان شا الله فبخليه لهم وكل ما يت وحده بعطيها بدال الحبه عشر بقولها اخذي حق ريلج وعيالج وجناينكم وجيرانكم خخخخخخخ



ريلي قتله سالفه الستاند وقتله بالليل اذا مرينا بيت امي بخليك تشوفه يقول قلعتج ما ابي اشوفه عاد انا احب السوالف الناعمه والهاديه اللي ما فيها خبه انتي لو شايفه كاكاوي في بجري يفتج النفس وشغل عدل ونفس الستاند هذا في ولدي الثاني اختي يابتلي اياه هديه بس كان شي ثاني كان شكله راقي والكاكاو اينن وناعم وبسيط


احس استعيلت ووديته حق محل هدايا




عموما مشكوره حبيبتي نونيا بس ان شا الله باذن الله باخذ جاهز حتى لو غالي ما فيني افرفر خلاص

 

[ملاك هدية]

جاكليت
شدي حيلج وتوكلي على الله والقلب داعيلج
رينبو
تسلمين يا قلبي

 

[nonia]

حبيبتي رينبو ,,,

الله يعينج على اللويه وانشاءالله تلقين شي يبرد قلبج .

 

[MaYoOoma]

الله يسهل عليكم ان شاء الله وتولدون بالسلامه وترتاحوون من الثقل ^_^

 

[rainbow_brite]

الله يسلمج ميومه ومشكوره على الدعوات وان شا الله يتمم عليج

 

[ملاك هدية]

ثانكس ميومه
والله يسهل عليج ويتمم الحمال براحه
رينبو مالقيتي احد بيولد عقب دونات

 

[rainbow_brite]

نونيا اتصدقين عاد ريلي شاف الستاند واتصدقين قالي هذا ينفع حق عرس حق كوشه ما في شي يدل ان حق مولود الا الدبدوب وظايع بالطوشه خواتي يواسوني يقولون بييبولي كاكاو حلو بس انا لازم يوم السبت اخذ فره عالسريع يمكن القى شي حلو جاهز




اتصدقين بعد مثل ما قتلكم خدامتي اول ما شافته تشققت من الوناسه قالت ماما حلوووووو عاد تموت عالورد قلت بقلبي بس اخلص من الاربعين عليج بالعافيه شلعي الورد واخذيه




قاعده اتخيل كاكاو يفتح النفس مو اللي عندي مزعج حق العين الذهبي داش بقوه وبدفاشه عاد كفري اوف وايت ماله علاقه بهالكاكاو



واي ما بي اعور نفسيتي بالكاكاو ريلي يقولي لا تفكرين بس انا كان ودي افتك لاني مخلصه كل شي اللهم الكاكاو اللي مخليته لي اخر شي

 

[rainbow_brite]

واي ملوكه ظايق خلقي مو بس الكاكاو اللي مضيق خلقي وايد اشياء اتخيلي امي اليوم تقولي بطنج نازل شكلج بتولدين عاد انا مو متوقعه الولاده الا على الاسبوع الثالث من التاسع وما ادري ليش خايفه من الولاده :eh_s(11):واحاتي بصراحه اذا ياني الطلق بالليل وعيالي نايمين :eh_s(2): ريلي من الحين يحن علي يقولي روحي نامي عند اهلج عشان اذا ياج الطلق ما نحاتي اليهال والخدامه بس انا ما احب متعوده على شقتي ومكاني وحتى اليهال وما ادري شلون الطريقه اذا ياني الطلق بالليل اصلا حتى هدوم حق عيالي ما حطيت حق فتره النفاس ما ادري متى اوديهم هالاشياء احسها قاعده اتعب نفسيتي :eh_s(16):بصراحه ما ادري شلون بتعدي فتره الاربعين علي وعلى عيالي ولا اتقولولي اتنفس بالشقه دام اريحلي احس ما اعرف لازم اكون عند امي :eh_s(2):




وووووواااااااااااااااااي احس الافكار متضاربه براسي :eh_s(4):






يا رب اولد بالسلامه وكل البنات اللي بالديوانيه وبالمنتدى

 

[rainbow_brite]

ثانكس ميومه
والله يسهل عليج ويتمم الحمال براحه
رينبو مالقيتي احد بيولد عقب دونات

يبيله نعلن عن مكافاه وتكون مغريه



وللحين جاري البحث :eh_s(3):

 

[بنت النوخذة]

رينبو هانم الله يسلمج حبيبتي ... بالنسبه للوزن انا الحين لما دشيت شهري بديت ازيد شوي لان ماشالله وزن البيبي صار كبير

وعلى سالفة ويني من زمان يارينبو اصل الظروف وحشه ماخلتني اشارك وياكم ... عقب ماسجلت بالمنتدى بيومين الوالد عطاج عمره الله يرحمه :eh_s(2): وعقبها لهيت مع الوالده واهي بالعده كل يوم اروح عندها فما عندي وقت اشارك بس كنت اطالع سوالفكم من بعيد لبعيد والله وحسيت جنكم خواتي احب ادش كليوم اتطمن على اخباركم عاد الحين امي الحمدلله طلعت من العده وانا صار عندي وقت فراغ شوي قلت خلني اشارك وياكم ولو انه ماباقي شي على ولادتي كلهم اسبوعين :eh_s(11):

ادري قلتلكم قصة حيااااااااتي بس ميخالف تحملوني

حبيبتي أم حمودي الله يرحم الوالد ياربي وقمد روحه الجنه ياربي