ديوانية شموسه ورينبو...الي ولادتها بالصيف تتفضل تقرق معانا

[سعادتي برضى ربي]

السلام عليكم

شلونكم بنوتات

شنو محل الكاكاو اللي بالبحر سنتر <<على طول القطت السالفه

 

[Cute Kitty]

هههههههه
سعادتي برضى ربي اهو مو بالبحر سنتر اهو جبال مستشفى رويال حياة
بس انا قلت دامني رايحه البحر سنتر ويمه رويال حياة اشوف محل الككاو باالمره

 

[بنت النوخذة]

بنت النوخذه انا من زمان متابعتكم واشوف سوالفكم عاد لقطت اسم بنتج من سوالفج عسى الله يخليها لج انشالله :eh_s(9):

هههههههههههههههههههههههه الله يسلمج حبيبتي :eh_s(9)::eh_s(9):

 

[ملاك هدية]

بنات
وناسه صار توقيعي على الثامن
شعور غريب
بنات متى ابدي مشي؟؟؟؟

 

[rainbow_brite]

الله يسلمج والله خبري بشموس اخر مره تقولي ترقبوني وانا ناطره ومترقبه خخخخخخ



عاد اتصدقين ما ادري عنها اذا شالت الربط والا بعد

 

[rainbow_brite]

ام حمودي وبنت النوخذه الله يسهل عليكم بس نطرو امهاتكم ايون بالسلامه لا تستعيلون الولاده خخخخخ ومثل ما قالت ام حمود سحبو جوازاتهم اول ما يردون





بنات الفرحه السجينه غطت لا حس ولا خبر ان شا الله نسمع اخبار عنها :eh_s(10):





انا ان شا الله اذا ولدت احاول ابلغهم اول باول او اخلي اختي تشبك بنك نيمي عشان ما تحاتوني :eh_s(22):



اوشال لا تثيرين المواجع خخخخخ خلينا بتجهيزات الولاده والنفاس لاحقين على تجهيزات بعد الفاس لان جد جد متعبه وتييب النفسيه والاكتئاب وااااااااااااااااي شنو بنشتري وشنو بنخلي انا الحمد الله الميزانيه مو مشكله عندي الحمد الله حاسبه حساب هالتجهيزات لان تقريبا يبيلي كل شي يعني باختصار تجهيز عروس بس المشكله بالوقت وااااي الله يعين ما ادري شلون بنسق نفسي :eh_s(16): واحاتي بعد رمضان راح يكون عقب النفاس ويبيلنا انجهز حق العيد الله كريم


مو اقولج لا اتثيرين المواجع


بس حلو انج تكتبين بورقه عشان اتحددين الاشياء اللي تبينها ونصيحه بالاربعين روحي السوق الصبح يكون اهدا وتشترين على راحتج انا ج\ي سويت بنفاسي اللي قبل والحمد الله توفقت وكل شي شريته حلو وطلعت نيو لوك جدام ريلي واهله حتى الكل كان يسالني سمسويه صايره حلوه وناسه ودي هالمره يصير نفس الشي


ودي اذا فضيت اوشال اكتبلج قائمه بالاشياء اللي راح اجددها بس اخاف تخترعين لان تقريبا كل شي


اوشال خمسين مو وايد لاني شفت الجاهز اذا شي حلو اسعاره خياليه وكل الاغراض تلقينها في بياع الورد وعندهم سلال وستاندات حلوه نفسها اللي بالجاهز بس يبي واحد يفكر وينسق

والله يخليلج بنتج انا عيالي اذا شافو بطني يبوسونه ويقولون عبوووووووووووووووود تعال يبون يلعبون معاه ويقعدون يسولفون معاه يضحكون مصدقين وولدي الكبير استانس يوم شاف توقيعي راح عالتاسع يقولي ما ما يالله خل نروح ناخذه



ملاك هديه شفتي مو بس انتي اللي امج مسافره البنات كلهم مآزرينج :eh_s(9):خخخخخخخ وعلى الكاكاو ترا انا رحت اللي بحولي قالولي تعالي عقب يومين بس احتمال اللي بالجابريه يكون عندهم بس مري باتشي ترا وايد حلو وعندهم كل الالوان والكيلو ب12 و 14 انا خذيت الالوان الذهبي والادعم وخذيت ملبس بيج من عندهم شكله حلو لم تنثريه مع الكاكاو





بنت النوخذه قوليلي نعيما اليوم رحت الصالون وسويت كل شي صج شعور حلو يبيله الوحده بشهرها عشان اولد وانا نظيفه صج تتغير النفسيه :eh_s(15):


نسايم الليل سامحيني عالرد المتاخر بس ما عندي فكره عن مستشفى رويال


نونيا توله عليج العافيه اتصدقين عيل انا متحسفه اني ما شاركت باي تجمع بولادتي اللي طافت مع اني اعرف المنتدى من زمان ويزاها الله خير مرة اخوي علمتني على المنتدى وان شا الله يا نونيا الله يسهل عليج ويعوضج


فروتي بعد عمري الله يهون عليج وان شا الله تولدين طبيعي وتبشرينا




ام آلاء في وايد اماكن يسوون الكاكاو جاهز بس انا يوم افتريت شفت اني اذا سويته بنفسي يطلع ارخص ونفس الوقت احلى انا كاكاوي لو ماخذته جاهز يطلع على اغلى وبعدين لاحظت الجاهز يحطولج جم كاكاوه مزينه والباجي ساده والله لو اتفكين نفسج من الحين وايد احسن انا ان شا الله عقب باجر بستلم كاكاوي



ام حمودي الله يسهل عليج الفحص لابد منه انتي اخذي نفس عميق واهم شي اترخين انا كل اسمع الدكتوره تقول جذي طالعو عاد منو يتحجى عاد انا بروحي ميته من الخرعه :eh_s(11):من الفحص واحاتي اذا نزل على الماي واحاتي الطلق الصناعي والتحاميل نفس اخر ولاده عسى الله يسهل بس


وعليج بالعافيه الكاكاو اللي سويتيه واكلي الحين على كيفج لا اتحاتين طلعي حرتج ورانا ريجيم



جاكليت اهم شي راحتج النفسيه واهم شي انج تستقرين على راي والحمد الله احسن ما اتحاتين والله يسهل عليج والمواساة ما عليها كلام والدكتور هذا معروف ويمدحونه الله يسهل عليج وبشرينا

 

[rainbow_brite]

والله وملاك هديه انا طول الحمال افرفر بهالمجمعات والسوقه ومن دشيت التاسع ما ادري شفيني وقفت كله ابي انسدح ومبروك دخول الشهر الثامن

 

[rainbow_brite]

ملاك هدية مبروك البرونزيه عقبال ما تصيرين من كبار شخصيات كويتيات :eh_s(7):

 

[ملاك هدية]

رينبو
ازيك يابت
بتعرفي حاقه عن شموسه دي بألها كم يوم مش مبينه ايه الحصل معاها
خلينا من المصري ونرد على الحجي الجد
شخبارج ؟؟
وتسلمين على البطاقه

 

[ام حمووودي]

هلا حبيبتي . . .

عليج بالعافيه على الكاكاو والله يعطيها العافية حماتج .

و يالله الحمد الله انج تطمنتي , اتصدقين انا احاتي الفحص الداخلي عاد لما قلت حق امي احاتي هالسالفه جان تقولي انتي عكس الناس عادي تحنين تبين تولدين بس فحص لأ . اتصدقين لما فكرت فيها قلت يالله كلها دقيقه ونخلص الفحص بس الولاده :eh_s(16): تخرع عسى الله يسهل علينا .

انتي بأي اسبوع ؟

الله يعافيج ياقلبي ... وعلى الفحص وااااي من اتذكره اييني اكتئاااب ... والولاده قاعده احاول اني ماافكر فيها ... عاد سالفة أي اسبوع انا مااعرف احسب بالاسابيع بس انا دشيت شهري حاليا وبانتظار الولادة :eh_s(6):

 

[ام حمووودي]

بنات
وناسه صار توقيعي على الثامن
شعور غريب
بنات متى ابدي مشي؟؟؟؟

ملوكه انا بديت امشي من دشيت شهري قالتلي طبيبتي امشي نص ساعه كل يوم

 

[ام حمووودي]

بنااااات الحمدلله امي ردت بالسلامه اليوووووم رحتلها المطار وتليتها وياي قلتلها بعد ماكو طلعه مني ولا مناااك ...

رينبو الله يعافيج ياقلبييي ... وسالفة الرجيم خيييييييييير انشالله اسوي ريجيم لووووووول...

بس تدرين الحمدلله انا من حملت وزني مازاد وايد تخيلي لما اروح حق الطبيبه تقولي وزنج ليش نااااازل ... عاد انا اهني اتشقق من الونااسه :eh_s(9)::eh_s(9):يسسسسس يسسسسسسسسسسسسس

 

[ملاك هدية]

ام حمووووووووودي
حمدلله على سلامة الوالده
امي يبيلها شهر على ما ترد الله يستر بس ما اولد
يعني بالثامن ما امشي

 

[ام حمووودي]

الله يسلمج ملوكه وعسى الله يردلج الوالده بالسلامه ...

ماانصحج الحين تمشين اذا دشيتي شهرج امشي احسنلج لان بحملي هذا وبولدي دكتورتي دايما تنصحني امشي بالتاسع

 

[rainbow_brite]

ام حمودي حمد الله على سلامة الوالده:eh_s(8): وعلى فكره في ناس تضعف بالحمل انا مرة حماي مازادت بالعكس اضعفت بس الوحده مو مهم بالحمل اهم شي اديرين بالج عقب الاربعين انا قاعده ازيد كل زياره ازيد والحين مواعيدي كل اسبوع وما شالله كل اسبوع ازيد كيلو بس سالت الدكتور قالي طبيعي


على فكره انتي وينج من زمان ما تشاركين ويانا بسوالفج الحلوه :eh_s(22):



ملاك هدية ان شا الله على ما ترد تكونين توج اول شهرج فلا اتحاتين وخليهم مساكين يستانسون بالصيف انتي شايفه الجو يذبح خليهم يغيرون جو ومن يردون وتولدين بالسلامه ان شا الله يجابلونج طلعي حرتج:eh_s(14): تدلعي وخليهم يمسكون البيبي :eh_s(3):


ملاك هديه انا امس كل ما اكتب رد يصير فوق يعني مو تحت الردود غريب ما ادري ليش

 

[TooToo]

انا ولادتي ما بقالها شي

 

[donat]

انا ولادتي ما بقالها شي

الله يهون عليج ...
انتم السابقون ونحن اللاحقون
انا كله افكر اني اخر وحدة بالمنتدى بتولد فراح اظل بروحي كل وحدة بتلهى بالبيبي و بتروح تشارك بقسم ثاني ومحد بيدش الديوانية وماراح القى احد فيها بس بروحي اقرق .... :eh_s(16):

 

[rainbow_brite]

بنات شلونكم وشخباركم :eh_s(8):




اليوم بنات قعدت متاخر من النوم وقعدت بالصاله عيالي وريلي نايمين فآخر ريلاكس قاعده بالصاله هدوء واقلب بالمنتدى :eh_s(20):





ويرن تلفوني والا الرقم من حولي طبعا انا قلت اكيد الكاكاو خلص ما صدقت على الله وصيت الخدامه على اليهال ولبست عبايتي وطيران على حولي :eh_s(9):




قلبي طاير بشوف كاكاوي دشيت محل الهدايا والا الفلبيني مستانس يبي يشوف رده فعلي بالتلفون يقولي ستاندج اللي يشوفه يقول شغله اكثر من 20 بنات تدرون شنو رده فعلي :eh_s(10):



ولا كلمه يقولي شرايج اقوله حلو




بنات





صدمه






عرس :eh_s(11):















مهرجان :eh_s(16):







خاب الدنيى ورد وكل شي ذهبي






تقولون سوق الذهب





الشي الوحيد الحلو الاغراض اللي انا يايبتها لونهم اوف وايت والدبدوب وبس




طبعا صار فيني احباط واروح بيت امي واخذ الستاند واحطه بالصاله وانا حلاة ويهي كنت بحطه بشقتي عشان تكييف مركزي عشان ما يخرب الكاكاو حذفته بيت امي تكييفهم وحدات





بنات امبيه ريلي لا يشوف الشغل




عاد اهو من الاول قايلي خليج عالجاهز لو شي غالي انا لو مسويته بنفسي جان طلع احلى ومسكين ريلي ما خلى مكان ما وداني عشان اشوف حتى في بجري وداني محل كشخه بالجابريه والحبه الوحده سويتها بدينار واتينن






خواتي نزلو شافو الستاند سكتو ما علقو امي مسكينه تبي تونسني تقول ما فيه شي حلو :eh_s(11):




تدرون شكله حق عرس مو حق مولود




وانا كنت ناويه اصوره لكم بصراحه حتى فشله اصوره






بصراحه بخليه حق رفيجات امي شكثر راح ايون حريم كبار تعرفهم من الدروس اللي تروحلها



وحق رفيجاتي اللي بالدوام واهل ريلي احتمال اشتري جاهز شايفه شي ب80 شكله حلو يمكن اخذه لان بصراحه صار فيني احباط




حتى امي بعد عمري تقولي لا يضيق خلقج خواتج اييبولج احلى كاكاو لا اتحاتين





المهم ظاق خلقي وارد الشقه والا اول ما دشيت خدامتي الخبله تقولي ماما وين الكاكاو متلهفه تبي تشوفه قتلها مو حلو خليته بيت ماما عاد اتصدقون خدامتى اذا شافته راح يعجبها متروس ورد جنه عرس



وانا قايلتله ما ابي ورد




ويع صج ظاق خلقي حتى للحين ما تغديت:eh_s(16):

 

[ام حمووودي]

رينبو هانم الله يسلمج حبيبتي ... بالنسبه للوزن انا الحين لما دشيت شهري بديت ازيد شوي لان ماشالله وزن البيبي صار كبير

وعلى سالفة ويني من زمان يارينبو اصل الظروف وحشه ماخلتني اشارك وياكم ... عقب ماسجلت بالمنتدى بيومين الوالد عطاج عمره الله يرحمه :eh_s(2): وعقبها لهيت مع الوالده واهي بالعده كل يوم اروح عندها فما عندي وقت اشارك بس كنت اطالع سوالفكم من بعيد لبعيد والله وحسيت جنكم خواتي احب ادش كليوم اتطمن على اخباركم عاد الحين امي الحمدلله طلعت من العده وانا صار عندي وقت فراغ شوي قلت خلني اشارك وياكم ولو انه ماباقي شي على ولادتي كلهم اسبوعين :eh_s(11):

ادري قلتلكم قصة حيااااااااتي بس ميخالف تحملوني

 

[ام حمووودي]

انا ولادتي ما بقالها شي

الله يسهل عليج انشالله توتو ويرزقج بالطفل السليم المعافى