ديوانية سوالف حريم اللي فوق الثلاثين حياكم الله ..........

[هوى الدار]

سلام عليكم شلونكم بنات
مشكله الكمبيوتر ما انحلت بس لا تخافون الرابط الي فوق مو فايروس انا بطلته وطلع برنامج كنت منزلته بس الظاهر ما كملت تنزيله يعن تطلعلي صفحه تقريبا بيضه
انا بشارك معاكم وانسو الرابط انا بسوى تعديل وامسحه لانى اخاف اسوى فورمات ويضيع شغلي باللاب توب والدوامات على الابواب بس انا حطيت المشكله بقسم الحاسوب وناطره اشوفله حل
خوش سوالف وتقبل الله من الصيام

 

[ام الفوز]

انا اليوم بنتى صامت وتوها متفطره من اشوي وفطورها مموش لحم ودقوس وشربت شهيتينى ام بدير على التشريبه اخييه على خبز لرقاق عا انا غرامى خبز لرقاق حتى الايام العاديه اسويلى تشريبه عليج بالعافيه

 

[ضحى الكويت]

همسات عليكم بالعافيه ولا يوم قلتى بلاااااليط

قوليلى اشون تسوينها باجر بصوم علشان
اسويها


انا اسويها البلاليط احط دهن بالمقلى واكت عليه شعريه واحمسها لمن تصير نصها احمر ونصها ادعم وبعدين احط عليها شكر وزعفران وهيل وسلامتكم

همسات انتوا اشلون تسووونها ؟؟؟؟

 

[OmRashed]

هوى الدار
وعليكم السلام ياقلبي
واحنا طيبين طاب حالج ان شالله

 

[همسات ليالي]

تقبل الله طاعة بنتيتج يا ام الفوز

عاد تصدقين امي عسى الله يطول بعمرها تحب التشريبه على الخبز الايراني

تطلع ثقيله

بس ما جربتوها

 

[OmRashed]

همسات ليالي
انا ماجربتها لانها تصير وايد ثجيله
انا احبها بخبز لرقاق خفيفه وحلوه

عليها بالعافيه الوالده

 

[ضحى الكويت]

هوي الدار وعليكم السلام ورحمه الله وبركاته اسفرت وانورت استهلت وامطرت

 

[ام الفوز]

http://www.moon-q8.com/vb/showthread.php?t=1133حبايب قلبي دشو هالموقع واقرا قصه قصه تخليك تستحى على دمك(اسبانيه تترجم معنى كلمه الله )

 

[هوى الدار]

انا احب التشريبه بالرقاق واااي غرامي

 

[همسات ليالي]

صافيه انا احط زيت واحمسها شوي يصير لونها بني بعدين احط الماي وسكر حسب ما تبين

واحط زعفران وبس

والماي مثل العيش يعني اذا قل زديه شوي

وسلامتج

وبالعافيه مقدما

 

[ضحى الكويت]

همسات الليالى انا ما احب التشريبه بخبز الايرانى كلش

اليوم مسويتها انا بخبز ارقاق الاسمر وايد حلوه وخفيفه على بالعافيه

 

[همسات ليالي]

ما شفتوا ردي على سالفه التشريبه

<<< بالصفحه السابقه>>>

 

[ام الفوز]

تقبل الله طاعة بنتيتج يا ام الفوز

عاد تصدقين امي عسى الله يطول بعمرها تحب التشريبه على الخبز الايراني

تطلع ثقيله

بس ما جربتوها

منا ومنج بصالح الاعمال حبيبتى عسي الله يطول بعمر الوالده بصراحه لا ما جربتها بالخبز الايرانى اهو فيه عشان اقول خبز ايرانى ولا رقاق انا قمت اخبز حق عيالى شسوى الخبز هنيه غالى الجيس ب500 فلس

 

[هوى الدار]

شخباركم بنات اشتقت لسوالفكم

همسات شلون بنتج الحين

صافيه بدله بنتج حلووه وغريبه لا تغيرينها

 

[OmRashed]

صافيه
عليج بالعافيه

 

[همسات ليالي]

صافيه بعد عمري والله حتى انا ما احبها بالخبز الايراني تصير ثقيله ومهما صبيتي مرق يالله يالله تلين

هلا هوى الدار بنت عمي

 

[أم بدير]

اليوم سويت لازانيا وشوربه شعريه
باجر بسوي محاشي يطالبوني كان المفروض اليمعه بس لهينا مع الحريجه خخخخخخخخخ
عاد لازم اعوضهم باجر عنها
همسات انا اسوي شوربة العدس بلحم مفروم تطلع حلوه وايد وغريبه بس مو وايد اللي يحبون لحم مفروم

 

[هوى الدار]

ام الفوز الله يعيييينج بعد عمري ما يخالف انتي جنج امي تموت على الخبز وتفولي خبزي لعيالج من الطحين الاسمر اقولها يمه موجود بالسوق ورخييييص ليش اتعب نفسي واخبز تقولي خبله ما تفهميييين طلعتى ام الفوز جيده وشاطره مو انااااا

 

[ضحى الكويت]

همسات مشكوره على الوصفه مثل ما انا اسويها بس انتى ما تحطين هيل انا احط


هوي الدار ونستينى عاد انا مو مقتنعه منها ما ادرى ليش علشان جذيه عرضتها لكم

 

[همسات ليالي]

والله هوى الدار بنتي الحين زينه انا اشك فيها تسنين لانها ساعات تشوفينها ما فيها شي وساعات مرييييييييييييييييضه تكسر خاطرج

ما ادري والله احترت