دياي بالفرن سهل وسريع للموظفات

[انا حبه للابد]

:rerrerek::rerrerek::rerrerek:
دياي بالفرن سهل وسريع للموظفات تقدرين اتبلينه من الليل والظهر تحطينه بالفرن تقريبا ساعه على ماتخذين دش وتصلين الا اهو خالص تاكلينه مع خبز ايراني او عيش ابيض


المكونات:-
ديايه مغشوله عدل ومقصوصه نصين او اربع قطع حسب الرغبه



كوسا وجزر وبطاط وفلفل بارد واحد


ثوم وليمون حبتين وحده تعصرينها وتخلطيها مع الثوم المدقوق ووحده تقصينها اربع


بصل مقطع


روب


بهارات مشكله حسب الرغبه مع ملح وفلفل اسود

صلصة بارابكيو

مكعب ماجي واحد


صلصه بارابكيو قفشتين بس عشان تعطي طعم حلو للدياي


كيس فرن طبعا كلكم اتعرفون يبيعونه بالجمعيه مخصوص حق الفرن في منه انواع واحجام الكبير افضل شي


الطريقة:-

* نخلط الثوم المدقوق مع عير الليمون والبهارات والروب ليما يصيرون مثل الصلصه الثقيله ونفرك فيهم الدياي عدل
ونقض الدياي من فوق الجلد عشان تدش البهارات داخل

* نحط الخضار كلها مع الليمون والبصل اب طاسه كبيره ونحط فوقهم الدياي واللي بقه من صلصه الروب
وقفشتين صلصه بارابكيو ومكعب الماجي انكسره اب ايدنا ونخلط كل المكونات ونغطيهم ونخليهم بالثلاجه لي باجر
* انطلع الدياي من الثلاجه ونحطه اب جيس الفن وندخله الفرن لمدة ساعه الى ساعه وربع وقبل لايستوي بشوي نفتح الفن اللي فوق عشان يتحمر شوي الدياي

وبالعافيه على قلوبكم

ملاحظه:- الصور كلها ماخذتها من النت​

 

[انا حبه للابد]

:080402ask_prv: ليش محد رد على موضوعي

:eh_s(2):

اكيد طبختي ما اعجبتكم ببجي

:eh_s(16):
احس اندقرت

 

[لولو البحرين]

شكلها حلوة الطبخة مع اني مو موظفة بس بعد بسويها يعطيج العافية

 

[انا حبه للابد]

شكلها حلوة الطبخة مع اني مو موظفة بس بعد بسويها يعطيج العافية

زين احد عبرني الله يجبر بخاطرج مثل ماجبرتي بخاطر وبالعافيه مقدما

 

[فوفى]

حسافة بس ناقص صورة الطبخة الله يعطيج العافية لا تحاتين اعجبتنا الطبخة
ههههههههههههههههه

 

[Queena_85]

يســلمووو
بخلي امي تجربها

 

[ام الدرر]

تسلم الايادي حبوبة ​

 

[كويتيه مذهله 87]

مشكووره مثل طريقتي صج لذيذه

 

[الإسراء]

يعطيج العافية ..

 

[احلى بنت بالدنيا]

تسلم ايدج ياحلوة

انا راح اجربها ولايهمج

 

[جارة القمر]

تسلم ايدج


وبالعافيييييييييييييييييييية

 

[أحلى غزالة]

مبين لذيذه
تسلم الايااادي،،​

 

[انا حبه للابد]

مشكورين كل اللي ردو وعليكم اب الف عافيه لي طبختوها

 

[الأنسة ناعمة MA]

يسلمووووووو

 

[قلب قلبها]

يم يم يمي

احس تشهيييييي

يسلموووووو

 

[eman84]

تسلم ايدج حبيبتي

 

[ABEER FLOWER]

مشكوره

و تسلم إيــدج

: )​

 

[dnyay_mll]

تسلم ايـدج

 

[انا حبه للابد]

بالعاااااااااااااااااااااافيه على قلوبكم ويريت اتجربونها

 

[حبر العيون]

تسلم الايادى