دوانيه شلة منتظرات نتيجه عملية اطفال الانابيب والحقن المجهري

[BARBI]

حبيبتي ربي يثبت اجنتج وتبشرينه بحمالج .. اليوم لج 13 يوم اتوقع خلاص لوتسوين التحليل يبين ..
حبيبتي فيدينا بعد مارجعتي الاجنه شنو سويتي هل مارستي حياتج طبيعي طلعتي عادي وبالنسبه للاكل والجاي والقهوه .. ياليت تفيديني .. وهل الدكتوره عطتج قائمه بالممنوعات والا لا ..

 

[am_kshaa]

حبيبتي ربي يثبت اجنتج وتبشرينه بحمالج .. اليوم لج 13 يوم اتوقع خلاص لوتسوين التحليل يبين ..
حبيبتي فيدينا بعد مارجعتي الاجنه شنو سويتي هل مارستي حياتج طبيعي طلعتي عادي وبالنسبه للاكل والجاي والقهوه .. ياليت تفيديني .. وهل الدكتوره عطتج قائمه بالممنوعات والا لا ..

اللهم امين وباجر تحليلي انشالله واحاتي الصراحه وخايفه اجرب قبل الموعد
واول ماسويت العمليه قعدت بالمستشفي 5 ساعات تقريبا نايمه وبعد الارجاع بساعه دشيت الحمام لاني المثانه انترست وسويتها بدون بنج ورديت بيتي بس مشكلتي شقتي دور اول ودري صعدت شوي شوي وماطلعت نهايأً الصراحه وباجر اول يوم اطلع?????? واول اسبوع ماتحركت كله منسدحه وعطتني 5 ابر كرتزون تنزل المناعه لانها مرتفعه عندي وتخاف تقاوم الجنين مع هرمون البرجسترون لان نازل عندي وخذيت 6 ابر والمستوصف يمروني البيت كل يومين يعطوني الابر انا ماطلع و
والاكل عادي بس وخرت عن الزنجبيل والدارسين وخففت فلفل والعطور والبخور اول 10 ايام ماستخدمتهم وشامبو وشور جيل طبي والدكتوره قالت العطور والبخور ممنوعه لي وقت التحليل بس ماتحملت وكانت مانتعتني منهم لان يقتل التبويض وحتي زوجي مايدخن عندي كلش وقبل لا اطلع عطوني ورقه الممنوعات وماكو شور اول 3 ايام والصلاه علي كرسي والادويه ديفستون المثبت مع ابر السيوله والحبه البيضه مالت الهرمون والفلولك اسد وتحميله سائله مثبت وربي يثبته انشالله ويفرحني فيهم وانا مرجعه 3 اجنه مجمده وانشالله ربي يثبتهم 3 يارب وانا بجر ماعندي عيال من قبل وعمري 33
دعواتكم بي

 

[BARBI]

حبيبتي ربي يفرحج بالحمال يااااارب وتبشرينا خير ..
بنات اليوم الظهر تعبثت بالتسجيل وسويت تسجيل خروج عاد هالحساب مال اختي ماعندي الله وكيلكم كل الارقام السريه حطينه كله غلط والايميل مانعرفه .. مادري رحت عدت الرقم اللي اول مره علمتني عليه دخل اثناء المحاوله كلش مو راضي يدخل .. شكلي بسويلي حساب خاص فيني ..

 

[BARBI]

ام كشه بشرينا إن شاء الله بنتيجتج وعطينا امل انا إن شاء الله بسويها مره ثانيه عند رائده .. سويت كذا مره بس رائده خطتها تختلف عن الباجي تعتمد على شغلات وايد ابر السيوله وحبوب الكرتزون تبلش فيها مبجر مو من يوم السحب وهمن المغذي وتحاليلها وعالطول حريصه عالسونار وصج كل هذه ياكل اكل بس تتآكد من كل شي ..

 

[عيون عمشة]

الاجنه الي رجعتهم باليوم 5 والمغذي سالت الدكتوره واهي قالت لي وفايده ينزل مناعه الجسم علشان الجسم مايرفض الاجنه
لما يدش شي غريب علي الجسم لازم يدافع والدرب فايده يقلل من مناعه الجسم

حبيبتي الله يرزقج ان شاءالله بثلاث توائم خلج متفائله ودام للحين كل شي اوكي هاذي بشاره خير ان شاءالله يا رب حمل وتبشرينا امين ربي يفرح قلوبكم يا بنات

 

[عيون عمشة]

السلام عليكم??? الصراحه ماتوقعت للحين في احد بالمنتدي وفي جذي تفاعل

ربي يرزق كل محروم بالعيال ويبلغنا فيهم كاملين الخلقه والخلق
مشكلتي الاساسيه ضعف بالتبويض المنشطات والكلوميد مافادو معاي وحولوني مستشفي الصباح علشان ابلش اعالج وبواسطه طلبت هنوف السميط لان نظامهم كل ماتراجعين تشوفج دكتوره وكل وحده تعطيج من خبرتها وتجاربها وانا كلمت دكتوره هنوف اني اتم معاها علي طول او دكتوره موزه وجدا روعه اخلاق واسلوب وتعامل
وقت موعد العلاج السنه الي طافت سكرو قسم اطفال الانابيب والدكتوره نفسها قالت طلبي تقرير وبنحولكم علاج بالخارج داخل اللويت واانا احدد الدكتوره الي ابيها
وتمت موافقه اللجنه وطلبت الدكتوره رائده البدر بالسيف وانا كنت مسويه كل الفحوصات والتحاليل والسونارات بالولاده قبل لايسكرون وهذا وفر وقت علي مع رائده
وسويتها السنه الي طافت والله ماكتب ومن 5 يوم وانا ينزل علي دم وكانت وايد بني واسود ولي يوم التحليل ماكو حمل
والشهر هذا ربي يسر وعدتها وعندي 3 اجنه مجمده ورجعتهم لي كلهم
الحمدالله مرتاحه ماحس بشي غير الالم بالبطن والظهر من كثر السدحه و وموعدي بعد يومين وربي يبشرني بالحمل وكل محرومه يارب
والبخور والعطور ممنوعه لي يوم التحليل لان تقتل البويضه والاكل الممنوع الزنجبيل والدارسين والاناناس والبهارات الحاره

يعني عادي نسوي لجنه ونختار دكاتره غير الي بالصباح ؟؟ وتسكر قسم الانابيب ع طول والا شنو ؟ عادي لو اختار الدكتوره اليزافيت او ناصر برويال حياه او الدكاتره محددين يعني؟؟ ببلاش؟ اسمحيلي عالاسئله بس لفت نظري هالشي خصوصا ان علاج الانابيب مكلف للاسف

 

[am_kshaa]

حبيبتي الله يرزقج ان شاءالله بثلاث توائم خلج متفائله ودام للحين كل شي اوكي هاذي بشاره خير ان شاءالله يا رب حمل وتبشرينا امين ربي يفرح قلوبكم يا بنات

اللهم امين حبيبتي وربي يثب حملج ويقر عينج فيهم و ان شاءالله ابشركم باجر
والصباح قانونهم اذا صارلج متزوجه 5 سنين وماحملتي تقدرين تطلعين علاج بالخارج سواء خارج الكويت او داخل الكويت مثل ماعطوني
وانا الي صار وياي انه المستشفي سكر وقت عملياتنا والصباح اهما حولونا علي الخاص وكانت لجان ولما دشيت كانت دكتوره هنوف وموزه موجودين وحاطين ورقه فيها كل اسامي دكاتره اطفال الانابيب وانتي تختارين ويعطوني الموافقه بعد اسبوعين والمبلغ بس 2250 وانتي تكملين الباجي

 

[am_kshaa]

ام كشه بشرينا إن شاء الله بنتيجتج وعطينا امل انا إن شاء الله بسويها مره ثانيه عند رائده .. سويت كذا مره بس رائده خطتها تختلف عن الباجي تعتمد على شغلات وايد ابر السيوله وحبوب الكرتزون تبلش فيها مبجر مو من يوم السحب وهمن المغذي وتحاليلها وعالطول حريصه عالسونار وصج كل هذه ياكل اكل بس تتآكد من كل شي ..

حبيبتي اللهم امين ربي يبشرني ويرزقج يارب وصح حبوب الكرتزون بلشت فيهم قبل الارجاع بسبوعين يمكن وصج اهي حريصه وتعرف ولاتحاتين مساعدتها ماتسوي ولا شي بدون مايكون عند رائده خبر وماتصرف ولاتصرف شي غير الي موصيتها عليه رائده واهي ماحطت لها مساعده الا بعد ماسوت عمليه جتفها وتعبت ومساعدتها تشوف الحالات بعد ماتشوفج رائده وتعرف كل شي عنج اهي اتابع السونار والتحاليل والعمليات كلها رائده والسنه الي طافت يوم عمليه سحب البويضات الدكتوره رائده تعبت وخلو دكتوره موزه الغانم تسوي العمليات وكنا 4 حالات وسهالات كلها من رب العالمين توكلي علي رب العالمين وعليج بالصدقه والإستغفار وسوره البقره كل 3 ايام اقريها او يوم وترك وربي يقر عينج بذريتج يارب

 

[عيون عمشة]

ان شاءالله خير يا رب انا متفاءله فيج حامل ان شاءالله حبيبتي��

 

[BARBI]

الله يفرحكم يارب ..

بنات بالنسبه للكريمات الويه الليل والنهار عادي نستخدمها فترة العلاج والارجاع اسمع انهم موزينين..

 

[BARBI]

بنات انا اكثر شي كان يآزمني بعد فترة الارجاع هي التحاميل ..

انتم تحطونها بالمهبل والا الشرج وهل في مفعول اقوى من الثاني والا نفس الشي ..

 

[BARBI]

اذكر في عمليتي اللي طافت باليوم السابع من الارجاع اختفى كل الالم وثقل الصدر وتآكدت اني مو حامل وسويت تحليل وطلعت مو حامل .. ربي يكتبلي بالمره الجايه الحمال .. ام كشه انتي سويتي فحص اجنه والا لا .. انا هالمره بطلب فحص اجنه وهمن ابي احدد جنس الجنين ..

 

[am_kshaa]

بنات انا اكثر شي كان يآزمني بعد فترة الارجاع هي التحاميل ..

انتم تحطونها بالمهبل والا الشرج وهل في مفعول اقوى من الثاني والا نفس الشي ..

تصدقين انا ال14 يوم قعدتهم بشقتي وتعدي صدقيني سلي نفسج بنفسج وخلي اهلج يزورونج او شغلي لج برامج مفيده وتهون ان شاءالله
والتحاميل اول مره خذيت تحميله جنها حبه كبيره احطها بالبايب مالها بالمهبل بس الحين عطتني تحميله سائله مثل قلم بلاستيك افتحه وتعصرينه من فوق اسهل من التحميله ..... لاماسويت فحص اجنه وتحديد الجنس ب1200 عند رائده ولما فشلت اول مره طلبت مني تحليلين دم بالكويت كلها يسويها مختبر واحد بالسالميه جدام البحر نسبت اسمه وكان تحليلين ب900 دينار واستغليتهم ورحت الصباح وحصلت دكتوره طيبه السبيعي وقتلها توني محلله وفشلت العمليه ابي اسوي كل التحاليل مالت فشل العمليه وكانو 10 انواع وخذو مني 9 غراش دم ودزوهم بره والحمدالله كلهم طلعو سليمين وقلت اذا فيهم شي بسوي تحليل رائده ولما شافتهم قالت دام اوكي كل شي لاتسوينه ولاتوسوسين وغطي حمولج علي ربج

 

[am_kshaa]

ان شاءالله خير يا رب انا متفاءله فيج حامل ان شاءالله حبيبتي��

ربي يسمع منج اميييين

 

[عيون عمشة]

التحاميل تغث انا الحين مو ملتزمه فيها تقريبا تركتها انا ايام الترجيع تحاميلي بالمهبل وعندي الي بالمهبل احسن من الشرج لان الاخيره تسبب الام وتعب جربتهم ايلم عملياتي عند الدكتوره فوزيه

 

[BARBI]

الله يسهل الامور ..

 

[BARBI]

فحص الاجنه عند رائده ب 1400

 

[BARBI]

اخباركم حبايبي ..

 

[BARBI]

بشري ام كشه اشصار عليج يارب تبشرينا خير وتعطيني امل اكمل عند الدكتوره رائده ..

 

[عيون عمشة]

فحص الاجنه عند رائده ب 1400

انا مع فحص الاجنه له دور في نجاح العمليه