دوانيه شلة منتظرات نتيجه عملية اطفال الانابيب والحقن المجهري

[مسك أبيض]

حبيبتي قلبي حساس قولي للوالدة ووصيها ما تقول لأحد لآن صعبة من وين بتجيبين اعذار وانتي لازمك راحة واكيد اهي بتقدر وبتدعي لك ان الله يرزقك يارب .

 

[Katkoota85]

الله يرزقنا كلنا يارب

انا اليوم ثامن يوم ومااحس بشي الله يستر والله احاتي ماتنجح عمليتي

قلبي حساس قولي للوالده لاتخشين عن امج وخليها تدعيلج دعوة الوالدين مستجابه ان شاءالله

انتي ليش ماتبين تعلمينها؟

انا امي وخواتي والبيت كله يدري ماخشيت عن احد والكل يدعي

 

[glby7sas]

مسك وكتوته ماقدر اقول حق امي هذا وعد بيني وبين زوجي انه هالشي يبقه سر بينه
وكل من يسألني عن تأخر الانجاب نقولهم انا وزوجي مانبي الحين متفقين على جذي وانا بداخلي اقول يارب سامحني بس شسوي الموضوع حساس





مسك شنو يعني البرنامج الطويل ؟!




كتكوته الله يثبتهم يارب انا قمت احس بالملل من الفراش بس جد الحراره تروح وترد مادري ليش

 

[مسك أبيض]

البرنامج الطويل يبدي فيه اليوم 21 من الدورة لمدة 10 ايام تقريبا و طبيعة الجسم هي اللي تحدد نوع البرنامج الطويل او القصير و الدكتور قال في نوع ثالث بس حالتي يناسب لها البرنامج الطويل والله يرزقنا يارب .

 

[مسك أبيض]

كتكوتة انا مثلك امي و خواتي يدرون بس اهلي زوجي ماقلنا لهم انا عادي مازعل لو قال لخالتي بس هو يقول مافي داعي بس أمي لازم تدري حتى تدعي لي ، الله يرزقنا ولا يضيع لنا تعب يارب .

 

[Katkoota85]

حياتي قلبي حساس الله يرزقج يارب يارب بهالساعات المباركه ويثبت اجنتج ويرزقج بتوأم ان شاءالله

انا بس اهلي يدرون نفس مسك ابيض بس اهل ريلي ماعلمناهم

لان انا عندي البطانه المهاجره وموحلوه يدرون مهما كان مو نفس اهلي
الله يسهل عليج وعلينا ويثبت اجنتنا يارب ويفرحنا قريب

بالنسبه للحراره اتوقع عادي من تأثير الهرمونات لان انا بعد حسيت بحراره وتقدرين تاخذين بندوله وحده باليوم بس مو اكثر

واذا تقدرين سألي دكتورج والله يوفقج وتطلعين حامل ان شاءالله

والوالده قوليلها فيني وانتي بكرامه التهاب بالبول مااقدر اطلع مجابله الحمام لان انا اذا صار فيني مااقدر اطلع واهلي يعذروني

 

[Katkoota85]

مسك ابيض دام للحين ببداية البرنامج عندي لج كم نصيحه تخلي بويضاتج والنطف عند زوجج ممتازه ان شاءالله :

الله يوفقج يارب ويرزقج وكل بنات القسم وكل محروم بالذريه الصالحه عاجل غير اجل يارب..

اولاً : شوفي حبيبتي دام عندج شوية وقت انصحج :
١- تمشين كل يوم نص ساعه تحركين دمج .. الدم يغذي الرحم والجسم وبالتالي يأثر بجودة البويضات.

٢- اخذي فيتامينات حبوب مكمله مثل سنتروم فيه فيتامينات وايد وانا افضله على البرجنا بلان . لان فيه فيتامين a وهالفيتامين مفيد بتكوين البويضات بس بعد الحمل مايصير ينوخذ بكميه لان زيادته تسبب تشوه للاجنه علشان جذي البرجنا بلان خالي منه . فخلي البرجنا بلان بعد ترجيع الاجنه.

٣- اخذي فوليك اسيد وحبوب بيبي اسبيرين وحبوب كالسيوم . والبيبي اسبرين وقفيه قبل الدوره باسبوع علشان يسوي سيوله بالدم ولايسبب لج نزف.

٤- اكلي ملعقه عسل عالريق وقبل النوم .

٥- شربي حليب واكلي بيض عالاقل ٢-٣ مرات بالاسبوع البروتين مهم.

٦- حبوب اوميغا ورويال جل مفيده جداً تطلع بويضات حلوه.

٧- عطي ريلج حبوب ورديه اسمهم سبي مان مع الرويال جل والسنتروم وخل ياكل عسل نفس طريقتج ملعقتين مره الصبح ومره بالليل وهم خل ياخذ فوليك اسيد ويشرب حليب وان كان مدخن خل يخفف تدخين. واذا ماديتكم زينه خل ياخذ بدال السبي مان بروكسيد بلس.

٨- كثري استغفار والصلاه على الرسول واله ولاتكون صلاتج عليه بتراء . يعني مقطوعه ترا ماتوصل قولي اللهم صلي على محمد وآل محمد واقري سورة مريم واقري الاذكار وسور من القرآن على بطنج وخلي توكلج على الله وحده وان الطبيب فقط بأخذ الاسباب والمسبب الاول والاخير الله سبحانه وتعالى.

هذي كل النصايح اللي عندي واللي استفدت من فرارتي على الدكاتره والقرايه والتجربه على نفسي .

ادعيلي بالذريه الصالحه والله يرزقج وكل المحرومين يارب

 

[glby7sas]

انا مادري شنو البرنامج اللي مشى معاي يمكن الثالث لانه يوم سويت اول مره ماكان نفس الطريقه
هالمره قبل الدوره اللي قبل دوره العمليه خلاني اخذ ابره والابره كانت غاليه تقريبا 89 دينار مع حبوب ياسمين قالي بس تخلصينهم ثاني يوم تعالي بعدها بس انا استغربت مانزلت علي الدوره يوم سألته قالي انا معطيج هالابره المفروض ماتنزل عليج وان نزلت تنزل خفيفه وفعلا انزلت الدوره تكرمون كله بني وخفيفه كأنها باخر الدوره طبعا بعدها بلش معاي العلاج ابرتين وحده تحت الجلد اخذها الصبح والثانيه عضل واخذ بليل بصراحه ماتجرأت وخذيتها بنفسي كنت اروح المستوصف اخذها وكل ثلاث ايام اراجع الدكتور واسوي سونار ليمن قالي خلاص اخذي ابره التفجير وبعد 48 ساعه بتكون العمليه وحرص عليي الابره تكون الساعه 11 لازياده ثانيه ولا نقصان ورحت المستوصف قبلها بفتره وانا والسستر نطرنا لي ال 11 وعطتني ياها على طول عاد بهدها سويت السحب ودق علي بعدها قالي بتجمدين وله لا قلتله ايي بجمد قالي ماراح اجمد الا الدرجه الاولى وقالي دامنج بجمدين تييني اليوم الرابع بس اذا ماتبين تعالي اليوم الخامس مادري شنو الحكمه من الموضوع ؟!!!
وبعدها رحت وكانت العمليه الحمدالله اسهل من تجربتي الاولى الدكتور ماشاءالله اييده خفيفه وله حسسني انها غرفه عمليات وقعدو يسودفون معاي ويتغشمرون بعدين قالي يالله خلصنا وكانو حاطين جهاز سونار يمي اشوف فيه شنو قاعد يصير وطلع بره وراوه زوجي اشكال الاجنه زوجي من شافهم تعلق فيهم اللي يسمعه شايف جسم مو مجرد بويضات الموهم انا وقعت تعهد لانه رجعلي 3 بويضات وانه وزاره الصحه مانعه بس بويضتين بس انا قعدت اترجاه وقلتله حطلي لازق اجنه وليزر وكل اللي تعرفه واهو ضحك وقالي حاضر وبس جمدت لمده سنه
بس سؤال يصير اجدد بعدين اخليهم سنتين ؟

 

[glby7sas]

بنات بعد قلت بسألكم عادي اكل دجاج ؟؟؟؟

 

[مسك أبيض]

مسك ابيض دام للحين ببداية البرنامج عندي لج كم نصيحه تخلي بويضاتج والنطف عند زوجج ممتازه ان شاءالله :

الله يوفقج يارب ويرزقج وكل بنات القسم وكل محروم بالذريه الصالحه عاجل غير اجل يارب..

اولاً : شوفي حبيبتي دام عندج شوية وقت انصحج :
1- تمشين كل يوم نص ساعه تحركين دمج .. الدم يغذي الرحم والجسم وبالتالي يأثر بجودة البويضات.

2- اخذي فيتامينات حبوب مكمله مثل سنتروم فيه فيتامينات وايد وانا افضله على البرجنا بلان . لان فيه فيتامين a وهالفيتامين مفيد بتكوين البويضات بس بعد الحمل مايصير ينوخذ بكميه لان زيادته تسبب تشوه للاجنه علشان جذي البرجنا بلان خالي منه . فخلي البرجنا بلان بعد ترجيع الاجنه.

3- اخذي فوليك اسيد وحبوب بيبي اسبيرين وحبوب كالسيوم . والبيبي اسبرين وقفيه قبل الدوره باسبوع علشان يسوي سيوله بالدم ولايسبب لج نزف.

4- اكلي ملعقه عسل عالريق وقبل النوم .

5- شربي حليب واكلي بيض عالاقل 2-3 مرات بالاسبوع البروتين مهم.

6- حبوب اوميغا ورويال جل مفيده جداً تطلع بويضات حلوه.

7- عطي ريلج حبوب ورديه اسمهم سبي مان مع الرويال جل والسنتروم وخل ياكل عسل نفس طريقتج ملعقتين مره الصبح ومره بالليل وهم خل ياخذ فوليك اسيد ويشرب حليب وان كان مدخن خل يخفف تدخين. واذا ماديتكم زينه خل ياخذ بدال السبي مان بروكسيد بلس.

8- كثري استغفار والصلاه على الرسول واله ولاتكون صلاتج عليه بتراء . يعني مقطوعه ترا ماتوصل قولي اللهم صلي على محمد وآل محمد واقري سورة مريم واقري الاذكار وسور من القرآن على بطنج وخلي توكلج على الله وحده وان الطبيب فقط بأخذ الاسباب والمسبب الاول والاخير الله سبحانه وتعالى.

هذي كل النصايح اللي عندي واللي استفدت من فرارتي على الدكاتره والقرايه والتجربه على نفسي .

ادعيلي بالذريه الصالحه والله يرزقج وكل المحرومين يارب

الله يجزاك الخير حبيبتي ماقصرتي :eh_s(17): الله يرزقك الحمل السليم الثابت ويفرح قلبك بـ الذرية الصالحة ان شاءالله تبشرينا قريب :eh_s(9):

 

[مسك أبيض]

انا مادري شنو البرنامج اللي مشى معاي يمكن الثالث لانه يوم سويت اول مره ماكان نفس الطريقه
هالمره قبل الدوره اللي قبل دوره العمليه خلاني اخذ ابره والابره كانت غاليه تقريبا 89 دينار مع حبوب ياسمين قالي بس تخلصينهم ثاني يوم تعالي بعدها بس انا استغربت مانزلت علي الدوره يوم سألته قالي انا معطيج هالابره المفروض ماتنزل عليج وان نزلت تنزل خفيفه وفعلا انزلت الدوره تكرمون كله بني وخفيفه كأنها باخر الدوره طبعا بعدها بلش معاي العلاج ابرتين وحده تحت الجلد اخذها الصبح والثانيه عضل واخذ بليل بصراحه ماتجرأت وخذيتها بنفسي كنت اروح المستوصف اخذها وكل ثلاث ايام اراجع الدكتور واسوي سونار ليمن قالي خلاص اخذي ابره التفجير وبعد 48 ساعه بتكون العمليه وحرص عليي الابره تكون الساعه 11 لازياده ثانيه ولا نقصان ورحت المستوصف قبلها بفتره وانا والسستر نطرنا لي ال 11 وعطتني ياها على طول عاد بهدها سويت السحب ودق علي بعدها قالي بتجمدين وله لا قلتله ايي بجمد قالي ماراح اجمد الا الدرجه الاولى وقالي دامنج بجمدين تييني اليوم الرابع بس اذا ماتبين تعالي اليوم الخامس مادري شنو الحكمه من الموضوع ؟!!!
وبعدها رحت وكانت العمليه الحمدالله اسهل من تجربتي الاولى الدكتور ماشاءالله اييده خفيفه وله حسسني انها غرفه عمليات وقعدو يسودفون معاي ويتغشمرون بعدين قالي يالله خلصنا وكانو حاطين جهاز سونار يمي اشوف فيه شنو قاعد يصير وطلع بره وراوه زوجي اشكال الاجنه زوجي من شافهم تعلق فيهم اللي يسمعه شايف جسم مو مجرد بويضات الموهم انا وقعت تعهد لانه رجعلي 3 بويضات وانه وزاره الصحه مانعه بس بويضتين بس انا قعدت اترجاه وقلتله حطلي لازق اجنه وليزر وكل اللي تعرفه واهو ضحك وقالي حاضر وبس جمدت لمده سنه
بس سؤال يصير اجدد بعدين اخليهم سنتين ؟

الله يعطيك العافية على نقل تجربتك يااارب مايضيع لك تعب ويرزقك الحمل السليم وتفرحين بشوفتهم سليمين معافين يارب :yaaaaaarb:
والله ماعندي فكرة عن التجميد لآني لسا ماوصلت لهالمرحلة بس اعتقد عادي وبالنسبة للدجاج انا سمعت انه مو زين عشان الهرمونات اللي فيه بس ليتك سألتي الدكتور أحسن .

 

[مسك أبيض]

بنات عندي سؤال انا ماكل بيض هو لازم يعني اذا ضروري بحاول اكله مقلي بس مسلوق ماظن اني اقدر؟ والحليب ماشرب الا شاي حليب او حليب بارد فانيلا وفراولة هذا يوفي بالغرض ولا لازم حليب أبيض .

 

[glby7sas]

مسك حبيبتي الدكتور انا عطاني ورقه التعليمات وكاتب فيها انه لازم اشرب على الاقل لتر حليب باليوم وطبعا حليب طاز ج افضل
وبعد اكثر من البروتينات وعصير البرتقال وبعد اشرب ماي وايد وبعد كاتب تجنب الاطعمه الدسمه اللي تسبب اضرابات معويه او اسهال
ومكتوب الاهتمام بتناول الاطعمه الصحيه المطهوه جيدا والفواكه الطازجه المغسوله جيدا
وكانب نقطه مهمه قد تلاحظين نزول نقاط دم او اكثر في الايام التاليه لعمليه الارجاع فلا تنزعجي ولاتعني ان العمليه قد فشلت
تجنب تعاطي الادويه الا التي يصفها الطبيب
يجب تحاشي الاختلاط بأي مرضى حتى من المعارف او الاقارب
عدم استعمال الدش المهبلي ؟؟؟؟ هذا اللي مافهمته اشيقصد بالدش المهبلي ؟!
اخذ اجازه لمده اسبوعين
انا نقلتلج اللي مكتوب بالورقه وان شاءالله اكون افدتج يارب

 

[qoot]

السلام عليكم

شخباركم

مسك اشربي جاي وحليب اذكر يوم سحبو المبايض يابو لي حليب وجاي بس دافي مو حار قالو لي عادي وهم اشربي الحليب الازرق

والبيض المسلوق انا نفسج ماحبه تلوع جبدي بس اغصب نفسي علبه مع الايام تعودين

قلبي حساس هذي المحاوله الاولى لج وعند منو مسويتها ان شاءلله تبشرينا يحمالج

 

[glby7sas]

قوت حبيبتي انا اللي اعرفه مايصير تشرب لاجاي وله قهوه
انا مو اول مره. هذي المحاوله الثانيه
اول مره سويتها عند الدكتور شفيق بصراحه كلش مارتحتله وله حتى فكرت اراجع عنده مره ثانيه
هالمره عند الدكتور عمروو مدني بصراحه اينن هالدكتور حدي حسيت بالفرق ريال شايب بس حيل فاهم ماشاءالله عليه
طبعا انا اول شي راجعت عند الدكتوره هند الحمدان وهذي ممتازه حيل حيل احبها كنت اشاورها بكل شي واهي اتابعني وتخيلي حتى وقت العمليه اتيي معاي حدها شاطره واهي اللي حولتني عالدكتور عمرو بصراحه الله رزقني بهالدكتوره الله يعطيها على قد نيتها يارب

 

[مسك أبيض]

مسك حبيبتي الدكتور انا عطاني ورقه التعليمات وكاتب فيها انه لازم اشرب على الاقل لتر حليب باليوم وطبعا حليب طاز ج افضل
وبعد اكثر من البروتينات وعصير البرتقال وبعد اشرب ماي وايد وبعد كاتب تجنب الاطعمه الدسمه اللي تسبب اضرابات معويه او اسهال
ومكتوب الاهتمام بتناول الاطعمه الصحيه المطهوه جيدا والفواكه الطازجه المغسوله جيدا
وكانب نقطه مهمه قد تلاحظين نزول نقاط دم او اكثر في الايام التاليه لعمليه الارجاع فلا تنزعجي ولاتعني ان العمليه قد فشلت
تجنب تعاطي الادويه الا التي يصفها الطبيب
يجب تحاشي الاختلاط بأي مرضى حتى من المعارف او الاقارب
عدم استعمال الدش المهبلي ؟؟؟؟ هذا اللي مافهمته اشيقصد بالدش المهبلي ؟!
اخذ اجازه لمده اسبوعين
انا نقلتلج اللي مكتوب بالورقه وان شاءالله اكون افدتج يارب

شكرا حبيبتي افدتيني بصراحة الله يجعله في ميزان حسناتك :yaaaaaarb:
الدش المهبلي يعني الغسولات .

 

[مسك أبيض]

السلام عليكم

شخباركم

مسك اشربي جاي وحليب اذكر يوم سحبو المبايض يابو لي حليب وجاي بس دافي مو حار قالو لي عادي وهم اشربي الحليب الازرق

والبيض المسلوق انا نفسج ماحبه تلوع جبدي بس اغصب نفسي علبه مع الايام تعودين

قلبي حساس هذي المحاوله الاولى لج وعند منو مسويتها ان شاءلله تبشرينا يحمالج

عليكم السلام هلا و غلا قووت :eh_s(7):
شكرا حبيبتي بضحي كل شي يهون وان شاءالله ربي يرزقنا :yaaaaaarb:

 

[qoot]

قلبي حساس ان شالله هالمره تثبت اجنتج يارب

اي الجاي بروحه مايصير نشربه انا اقصد جاي مخلوط مع حليب عادي على حسب كلامهم وانا شربت بس لازم يكون دافي

مسك بديتي بالابر ؟

 

[glby7sas]

قووت انتي سويتي العمليه وله بعدج

 

[ماي زهر]

انا مادري شنو البرنامج اللي مشى معاي يمكن الثالث لانه يوم سويت اول مره ماكان نفس الطريقه
هالمره قبل الدوره اللي قبل دوره العمليه خلاني اخذ ابره والابره كانت غاليه تقريبا 89 دينار مع حبوب ياسمين قالي بس تخلصينهم ثاني يوم تعالي بعدها بس انا استغربت مانزلت علي الدوره يوم سألته قالي انا معطيج هالابره المفروض ماتنزل عليج وان نزلت تنزل خفيفه وفعلا انزلت الدوره تكرمون كله بني وخفيفه كأنها باخر الدوره طبعا بعدها بلش معاي العلاج ابرتين وحده تحت الجلد اخذها الصبح والثانيه عضل واخذ بليل بصراحه ماتجرأت وخذيتها بنفسي كنت اروح المستوصف اخذها وكل ثلاث ايام اراجع الدكتور واسوي سونار ليمن قالي خلاص اخذي ابره التفجير وبعد 48 ساعه بتكون العمليه وحرص عليي الابره تكون الساعه 11 لازياده ثانيه ولا نقصان ورحت المستوصف قبلها بفتره وانا والسستر نطرنا لي ال 11 وعطتني ياها على طول عاد بهدها سويت السحب ودق علي بعدها قالي بتجمدين وله لا قلتله ايي بجمد قالي ماراح اجمد الا الدرجه الاولى وقالي دامنج بجمدين تييني اليوم الرابع بس اذا ماتبين تعالي اليوم الخامس مادري شنو الحكمه من الموضوع ؟!!!
وبعدها رحت وكانت العمليه الحمدالله اسهل من تجربتي الاولى الدكتور ماشاءالله اييده خفيفه وله حسسني انها غرفه عمليات وقعدو يسودفون معاي ويتغشمرون بعدين قالي يالله خلصنا وكانو حاطين جهاز سونار يمي اشوف فيه شنو قاعد يصير وطلع بره وراوه زوجي اشكال الاجنه زوجي من شافهم تعلق فيهم اللي يسمعه شايف جسم مو مجرد بويضات الموهم انا وقعت تعهد لانه رجعلي 3 بويضات وانه وزاره الصحه مانعه بس بويضتين بس انا قعدت اترجاه وقلتله حطلي لازق اجنه وليزر وكل اللي تعرفه واهو ضحك وقالي حاضر وبس جمدت لمده سنه
بس سؤال يصير اجدد بعدين اخليهم سنتين ؟

الله يعوضج خيرو يرزقج

التجميد تجدينه كل سنة تدفعين 200 دينار لمدة 5 سنوات اعتقد