دوانيه شلة منتظرات نتيجه عملية اطفال الانابيب والحقن المجهري

[koka78]

كوكا يعطيج العافيه على المعلومات ادري ثقلت عليج بالاسئله بس ابعرف كنتي تنامين على الجوانب ولا بس على ظهرج

وبخصوص التحميلات تستخدمينهم من جدام ولا من ورا وجم رجعو لج جنبن ومن اي درجه وكنتي تحطين مكياج ولا لا انا قالوا لي ممنوع

ركبتي درج ولا لا ادري اسئلتي وايد وعسى الله يثبتهم لج ويقر عينج بشوفتهم يارب

لا ياقلبي اخذي راحتج بالاسئله انا كنت مثلج ادور اي وحده مجربه واطيح فيها اسأله
بالانسبه للنومه كنت انام عالجوانب ولما اروح بالنومه اقعد القا نفسي نايمه على بنطني اقوم من عوار ظهري لما انام على بطني احس ظهري يشب علي وارد اتعدل وانام عالجنب بس انا مصيبه ماعرف انام الا على بطني والحمدلله ربي تستر


التحاميل ثلاث مرات باليوم الصبح الساعه 6 والظهر الساعه 2 وبليل الساعه 10 وكنت احطهم من قدام اهو الدكتور قايلي خليها من قدام اذا نزل دم او افرازات مخلوطه بدم غيري مكان التحاميل خليهم ورا
وبالنسبه للاجنه اسحبو مني 4 بويضات واللي تلقحون وتكونو اجنه 2 من الدرجه الاولى ورجعلي بالرحم هالاثنين اللي تكونو


وبالنسبه للمكياج والله محد قالي شي بس بالمستشفى وقت الزياره كنت اخذ جنطة اخطي واحط مكياج خفيف واخربط بوجهي من ضيقة الخلق والله ما فكرة انه يضر سبحان الله وحتى يوم رديت البيت وسبحت واستشورت شعري وهما حطيت مكياج خفيف وعشت حياتي صراحه كافي الحبسه اللي انحبسناها هما بعد مافي تنفيس للروح النفسيه الحلوه مطلوبه والله ستر الحمدلله ...​

 

[koka78]

ايه وبالنسبه للدرج اول ماطلعت من المستشفى رحت بيت اهلي وصعدت درج لان انا وخواتي لنا دور فوق وما نزلت الا لما رحت موعد التحليل يعني ١٤ يوم مانزلت ولا طلعت بس قاعده بالدور اللى فوق علشان العطورات والبخور ممنوع وحتى دخان الزقاير ممنوع خاصه اول الايام بعد الارجاع لان الروايح تقتل الاجنه سبحان الله فا خواتي وامي كانو مسيطرين على هالموضوع وخاصه ان ماعندنا احد بالدور اللي فوق واللويه كلها تحت والحمدلله ربي سهلها علي وان شاءالله يرزقنا ولا يضيع تعبنا والمنا بهالعمليات والابر ​

 

[koka78]

ما شاء الله تبارك الرحمن ألففف ألففففففف مبروك :eh_s(9):
الفأل لنا يارب:eh_s(17):

الله يبارك بعمرج ياقلبي ويرزقج ويرزق كل اللي تبي ولا يحرمنا من نعمة الامومه الهم امين وعسا الله يتمم علينا ولا يضيع تعبنا يارب ​

 

[qoot]

كوكا مشكوووره وماقصرتي يا عمري استفدت وايد

 

[مسك أبيض]

مشكورة كوكا على المعلومات بخصوص اسئلة Qoot وانا استفدت الله يثبت مافي رحمك 9 شهور ويقومك بالسلامة .

 

[ياارحم الراحمين]

الف مبروك ياكوكا
وعسى ربي يقر عينج بشوفتهم
سالمين ويملون عليج الدنيا فرح

​

والفال لي ولكل البنات يارب

 

[koka78]

كوكا مشكوووره وماقصرتي يا عمري استفدت وايد

العفو يا حبيبتي ماسويت شي وعسا ربي يرزقج ويوفقج باللي تتمنينه ​

 

[koka78]

مشكورة كوكا على المعلومات بخصوص اسئلة qoot وانا استفدت الله يثبت مافي رحمك 9 شهور ويقومك بالسلامة .

العفو ياحياتي ما سويت شي واحنا هني علشان نشاور بعض ونستفيد من بعض وعسا ربي يزرقنا بالذريه ولا يحرمنا منها يارب ​

 

[koka78]

الف مبروك ياكوكا
وعسى ربي يقر عينج بشوفتهم
سالمين ويملون عليج الدنيا فرح
والفال لي ولكل البنات يارب

الله يبارك فيج يالغاليه جزاج الله خير وعسا ربي يرزقنا ولا يحرمنا من حلم الامومه​

 

[مسك أبيض]

ربي لا تذرني فردا وانت خير الوارثين و هب لي من لدنك وليا

 

[ماي زهر]

لا إله إلا أنت سبحانك إني كنت من الظالمين
ربي أرزقني الذرية الصالحه و أرزق كل محروم و محرومه

 

[koka78]

اللهم ارزقنا بلا حول لنا ولا قوه اللهم ارزقنا من حيث لا نحتسب ورزقنا بما تحب لنا وترضا ​

 

[ام العمرين]

السلام عليكم ورحمة الله وبركاته
خواتي انا جديدة وابشركم حامل ولله الحمد والمنة
الحين صارلي في الحمل تلات اسابيع وداخلة الرابع ابي اسالكم متي حسيتو بالوحم
وكيف تمارسون حياتكم بعد ما عرفتو انكم حوامل تحركون او تنامون وايش نصحكم الاطباء
والي اسالكم بعد لزم ادا كنت حامل بتوم لزم يسون لي ربط ولا مو ضروري

 

[qoot]

^^

الف مبروووك ياعمري

مادري ان شاءلله يفيدونج بس من ناحية الربط الدكتور يحدد لج اذا تحتاجين ولا لا

 

[رياح-الورد]

1- عند منو سويتى عمليتك ؟
عند الدكتور باتريك بمستشفى لندن
2 - جم تكلفتها ؟
4 الاف
3 - شنو نصايح المقدمه لك بعد الارجاع ؟. الراحة التاااااامة ،، اول 3 أيام من ترجيع الأجنة نمت بالمستشفى مع الالتزام بحبوب فوليك أسيد 3 مرات باليوم و التحاميل المثبتة 3 مرات باليوم و ممنوع الشاي و القهوة و الكاكاو و الليمون ،، الأناناس ممنوع ،، و التوابل و البحارات ممنوعة ،، و كملت باقي الأسبوعين بالبيت حتى الصلاة اصليها و أنا قاعده ، الإكثار من الفواكه و الخضروات و 8 قلاصات ماي باليوم ،، و طبعا كنت اشرب حليب وايد و اكل بيض و الحمدالله امس كان موعدي مع الدكتور و بشرني أني حاااامل ،، ألف حمد و شكر لك يارب ،، ما كنت مصدقه ،، الله يثبته يارب و يرزق كل محرومة

 

[qoot]

^^^

الف الف مبروووك وعسى الله يثبتهم وتشوفينهم بين يدينج يارررب

بس مو جنه غالي اربع الالف وايد غالي

بسألج اول ثلاث ايام قعدتي فيهم بالمستشفى ع حسابهم ولا حسابج

 

[رياح-الورد]

^^^

الف الف مبروووك وعسى الله يثبتهم وتشوفينهم بين يدينج يارررب

بس مو جنه غالي اربع الالف وايد غالي

بسألج اول ثلاث ايام قعدتي فيهم بالمستشفى ع حسابهم ولا حسابج

الله يبارك فيج حبيبتي ،، امييين ان شاء الله ربي يثبتهم و افرح بشوفتهم ،، و صح غالي
وماكو شئ على حساااابهم كل شئ على حسابي و لما نمت 3 أيام. اسألوني تبين غرفة خاصة ولا عمومي
الغرفة الخاصة 3 أيام ب 188
و العمومي 3 أيام ب 128
و طبعا اخترت الخاصة أريح
كل ما أروح له أحط ايدي على قلبي اقل الله يستر هال مره جم بياخذ
اول زيارته لي التحاليل و المنظار. و كتب لي على أدوية طلع 760
و بعدين بلغنا إبر منشطه أخذها تحت الجلد و الي كانو غالين الإبر الي بالفخذ
قال لي 915 بس تكاليف سحب البويضات و تلقيحهم و ترجيعهم و دفعنا بعدين شوي شوي يطلبون أدوية بذاك الحساب
و بعدين عقب سحب البويضات بيومين دقو علي و قالو عندنا زحمة في ترجيع الأجنة و بنضطر نخيلهم عندنا 5 أيام و طبعا كل شئ بحسابه دفعت 150 دينار لان الأجنة بقت عندهم 5 أيام
و التجميد صار 350 بدال ال 250
و غير التحاليل 95 دينار عقب سحب البويضات
و غيرها من تكاليف ،، ما عليه المهم تقر عيني. بشوفت عيالي ،،


لا تنسوني بالدعاء

 

[qoot]

^^

الحمدلله الله عوضج بحمل وان شاءلله يارب تشوفينهم سليمين وبين يدينج

والفال حق كل بنات التجمع

ان شاءلله ناويه اكررها عند ناهض بس بعد ما ارتاح جم شهر

 

[ام العمرين]

السلام عليكم ورحمة الله بنات بسألكم عن نسبة اختبار الحمل اللي بالمستشفي نسويه النسبة اللي تكون زينة كم يعني كل
وحدة تقول وقت سوت التحاليل حق الحمل بعد الترجيع كم طلعلها وخواتي بعد بسألكم ينزل علي دم خفيف في احد نزل عليه دم وحملها مستمر
وايش قالت لكم الطبيبة علي الدم طمنوني خواتي مالي احد غير الله تم انتم جالسة احاتي وميتة من الرعب الله يتبت حملي وحملكم يارب

 

[ماي زهر]

1- عند منو سويتى عمليتك ؟
عند الدكتور باتريك بمستشفى لندن
2 - جم تكلفتها ؟
4 الاف
3 - شنو نصايح المقدمه لك بعد الارجاع ؟. الراحة التاااااامة ،، اول 3 أيام من ترجيع الأجنة نمت بالمستشفى مع الالتزام بحبوب فوليك أسيد 3 مرات باليوم و التحاميل المثبتة 3 مرات باليوم و ممنوع الشاي و القهوة و الكاكاو و الليمون ،، الأناناس ممنوع ،، و التوابل و البحارات ممنوعة ،، و كملت باقي الأسبوعين بالبيت حتى الصلاة اصليها و أنا قاعده ، الإكثار من الفواكه و الخضروات و 8 قلاصات ماي باليوم ،، و طبعا كنت اشرب حليب وايد و اكل بيض و الحمدالله امس كان موعدي مع الدكتور و بشرني أني حاااامل ،، ألف حمد و شكر لك يارب ،، ما كنت مصدقه ،، الله يثبته يارب و يرزق كل محرومة

ألف مبروك الله يثبت مافى رحمك و يجعلها من الذرية الصالحه