دوانيه شلة منتظرات نتيجه عملية اطفال الانابيب والحقن المجهري

[مراااايم2]

الله يثبت حملكن ويسهل عليكن ويرزثقكن الصالحين

 

[ملح الدنيا فيني]

ربي لا تذرني فردا وانت خير الوارثين

 

[ملح الدنيا فيني]

ربي لا تذرني فرداً وانت خير الوارثين ..
بنااات شخباركم انا جديده معاكم //
بناات عفيه انا يوم الاثنين سويت الترجيع ( ارجاع الاجنة )
وامس واللي قبله كان ينزل معي افراز ابيض
وخايفه ما ادري شنووو ؟؟
اللي نزل معها زي شنو سوت وليش هالافراز ينزل ..

(( اللهم اني استودعتك اجنتي التي في رحمي الذي لا تضيع ودائعه ))

الابيض دليل الحمد حبيبيتي
وان هرمون التثبيت يشتغل عندك ممتاز:yaaaaaarb:

بنات شلونكم ليش التجمع فاضي
ابي اسال منو احسن دكتور للحقن المجهري مصطفي تومسو او دكتور محمد بكرى شرايكم​

مصطفي ممتاز

حبيباتى بغيت اسأل متى ممكن اسبح عقب الترجيع

ممنوع السبوح

بناات ماجاوبتوني بيوم التحليل احط التحميله وله لا ؟؟؟؟؟

حطي وبالتوفيق

 

[سمو النفس]

ربي لاتذرني فردا وانت خير الوارثيين

 

[ملح الدنيا فيني]

اشتري هالكتاب من مكتبه جرير وطبقي الرجيم

وراح تنمحي التكيسات محي

عن تجربه والله على ما اقول شهيد

وادعيلى لحملتي

 

[ملح الدنيا فيني]

السلام عليكم
بنات انا احبكم وايد ومتابعتكم
ووالله انى صادقه وابيلكم الخير ولا ابيكم تعانون وتخبطون مثل ما عانيت

انا اجهضت 16 جنين تخيلوا

وكل اجهاض شوفوا انواع النفسيه والاحباط

ونظرة الزوج والناس لج انه انت ما منك فايده ومستحيل تحملين

انا متزوجه من سنين طويله وكبيره بالسن

الحمد لله الله يعوضني ويسخر ريلى ادعولى

وانا وياه كلنا عندنا مشاكل بالانجاب وما خلينا ديره ما رحنا لها وماكو فايده

وسوينا اطفال انابيب مليون مره ما صار حمل وتلقيح وبدعنا بالعلاج متنا وحينا

ماكو حمل ولا يسقط بعمر اسبوعين الحمد لله على كل حال

بالاخير

طلع مشكلتنا عين مدري سحر الله يعلم بس انا طبقت معاه برنامج الرقيه الشرعيه وسبحان الله

حملت الحمد لله

وابيكم تطبقونه بالحرف

ادعولى بنات الله يخلى لى ما عطانى


ويسخر لى ريلى

ويعوض صبري خير

ويهدينى

ويحسن خاتمتى


الدعاء ابيه منكم

 

[ملح الدنيا فيني]

السلام عليكم



ما شاء الله تبارك الله ولا حول ولا قوة الا بالله



اذكروا الله بنات



وادعولى تكفووووووون انا مقبله على عمليه انها تنجح والله يرزقني بعد اخو لولدى حبيبي


بنات طبعا انتم تعرفون انى ما حملت الا بعد معاناه كبيره و16 اجهاض

الحمد لله على كل حال وعمليات وحاله

الف حمد وشكر

شنو سويت عشان تعافيت تعالوا معاى خطوه خطوه واسالكم بالله تطبقون مو تقرون وتطلعون والله ابيلكم الخير ولا ابيكم تعانون مثل ما عانيت ودى هالقسم ينصك وكلنا نحمل


اولا ::

ما حملتى صح ؟؟

انا لما ما حملت وقفت مع نفسي وقفه وقلت ملوحه انت كبرتي وكل شى سويتيه وكل علااج جربتيه وما نفع يا تري ليش ؟ لازم اعرف السبب

قمت طبقت برنامج الرقيه بمثابره وصج مت وتعبت بس اسمريت لاني شفت الشفاء الحمد لله

قلت انت وينك يا ملح من الله

عبايتي ضيقه قطيتها لله ولبست عباية راس ولا احط مكياج لما اطلع ولا قوطى روب وخرابيط وهبات الحريم ليش لانه الله سبحانه يمكن غاضب على يمكن شى صغير بس الله ما يبينى اسويه وحرمنى من الذريه عشان ارجعله وفعلاا رجعت الحمد لله وتبت من كل ذنب سويته غيبه نميمه تتبع الناس سماع اغاني مكياج وطلعات متبرجه خليت حياتى كلها لله وقعدت اقوم الليل ركعتين طوال وادعى وابكى واقول يا ربي كاني خليت وخليت وخليت عشانك ترضى عنى تكفى ارزقنى ولا تحرمنى واتوسل بذل لله فما نزل بلاء الا بذنب ولا رفع الا بتوبه
وقعدت ادعى وادعى واتصدق حتى اغراضى ما اقطها اوديها لبنات محتاجين واحتسب الاجر اسوى اكل لحمولتى وانويه صدقه اتقرب من ريلى وانويه صدقه كنت احافظ على البقره يوميا ضمن برنامج الرقيه والعداد مال الاستغفارما يطيح من ايدى دايم استغفر واستشعر وانا استغفر ان الله يغفر لى اى ذنب رادني عن الحمل

واوصى زوجى انه يستغفر ويترك اى ذنب ويتوب وفعدت اصحح علاقتى مع ربي لي متى يا ربي واحنا لاهين بالهدنيا وبعد فوقه نتجرا على الله ونبيه يعطينا واحنا ذنوب ومعاصيوتبرج وبس نخالف
الله يتوب علينا
وكنت شاريه سدى البقره والرقيه على طول شغال بالبيت

نقطه مهمه

عدلت التشاؤم وسوء الظن

كنت اتاعالج واقول مراح احمل

وهالمره قلت انا بحمل

لانه الله عند حسن ظن العبد به

فاحسنت الظن بالله ووثقت انه بيعطينى ولا يحرمنى

وكنت اسمع كل يوم باليتيوب
محاظرات عن
حسن الظن بالله
التوكل على الله
فضل الصلاة على النبي
يعنى كنت احس ان عقيدتي فيها خلل وكنت محتاجه اقوى هالجوانب عندى لانى
كنت اتعلق بالاطبه
ونسيت رب الاطبه
اللى بيده كل شى سبحانه
ولما رجعت له وتبت اكرمنى:krkrkr: ربي ما اعظم كرمك لو اشكرك منيه لباجر ما اوفي نعمك على ورحمتك فيني :krkrkr:


بكمل

​

 

[ملح الدنيا فيني]

ثانيا ::

قبل تسوين اى عمليه اطفال انابيب ولا تلقيح صناعى ولا اي علاج منشطات حياتىالسالفه مو خبط لزق لا لازم قبل محاوله الحمل اقل شى بعد التحضير الايماني وتطبيق برنامج الرقيه تحضرين جسمك للعلاج شلون
لازم تخذين فيتامين يقوى كل خليه انثويه بجسمك وفيه فيتامينات خاصه للمره اللى ودها تحمل وللاسف نوعين بس عندنا بالكويت
الباجى تقدرين تطلبينهم من موقع امازون
او موقع زيتا ويست
Supplements - Zita West

http://www.amazon.com/Pregnacare-Con...751818&sr=1-12


وللاسف هالشى الاطبه عندنا ما يقولونه بس لما تتعالجين بره لا تحظير وسالفه وهذا الصح

وانا عطوني بعد حبوب بريجلتون 3 شهر هة منظم للدوره فايدته انه يعدل بطانه الرحم وبالتالي تساعد على حذوث الحمل
وكنت اسوى حجامه 3 شهور قبل العمليه كل شهر اسويها ثاني يوم الدوره عند وحده اسمها شيماء عبدالتواب ممتازه وهى دكتوره

وكنت اشرب ماي وايد لانهم قالوا لى الجسم العطشان ما يوزع اى دواء ولا تستفيدين من اى علاج واجنتك تكون ضيفه

لان خلاياك عطشانه وهاه شرب الماى مو بشهر العمليه لا قبلها تستمرين شهرين 3 يعنى الكسل خليه
السالفه مو هينه وتبي مثابره حبيبتى وشدى حيلك واستعينى بالله
وهذى اسباب نبذلها والله مسبب الاسباب
ولازم تسوين دايت لو خفيف عالاقل 5 كيلو نزلى وايد راح يساعد بنجاح العلاج
والمشي ضروري لو مرتين بالاسبوع وكنت اروح الافينوز الصبح وافره فر
وساعدنى وايد ضعفت وشد جسمي وكنت استغفر وايد وانا امشي
وذا عندك تكيس لازم تستمرين على الجلوكوفاج 500 حبه صبح حبه بالليل لين تحملين لنه وايد يساعد هالحمل

بكمل

ثالثا :

الزوج شنو دوره

اااااه حتى لو كان سليم الله يعينك

بيعل قلبك لانه الرياييل كلهم جذى عنيدين وانا سويت معاه المستحيل وكنت اساحله وارترجاه وابكى واستخدم كل اسلحتى لاقناعه
والحمد لله

قدرت اخليه وانا بيدى اعطيه فيتامين كبسوله وحده يستمر عليها لانها وايد تحسن قوة الحيوانات المنويه وتنشطها
وتخلى الحمل اسرع بفضل ربي اولا واخير

وساحلته سوا حجامه للحمل ويعرفونها الحجامين اماكن معينه

وكنت اعطيه مع حليبه زنجبيل وقفشه عسل الرجل عند محل ابو طلال ( عطاره الطبيعه ) الاندلس

والحمد لله كانت العينه ممتازه لانى اشتغلت عليه وكنت اعطيه الاكل المغذى المفيد وادعي الله يشفيه

بنات ( تري فيه فيتامينات خاصه للرجل الذى يحاول الانجاب ممتازه كبسوله وحده باليوم وانا حطيت لكم الصور اختاري واحد منهم بس ) ممكن تطلبينه من النت وموجود بدول بره وايضا بالامارات والكويت للاسف ما فيه الله يرحم حالنا
​

رابعا :

في فتره التنشيط الله يعينك عالابر والعلاج اهتمى بتكمله برنامجك الايماني + برنامج الرقيه + برنامج الاكل + ادزيتك وفيتاميناتك

مهم جدا يوميا تشربين لتر حليب
ماى 4 قلاصات
عصير تفاح
مكسرات ( لوز - جوز - كازو )
بيضه عدد 2 الى 3 يوميا
خيار
خس امريكي

سفرجل

وايد هالاكل مفيد للبويضات وايضا لانغراس الجنين



وهذا كل اللى عندى واي سوال حاضره

وتكفون بنات تدعولى لانى بحاول مره ثانيه اتعالج عمري راح الحمد لله على كل حال

ادعولى اتوفق وتنجح عملينى وايب توام ياااااااااااااااااااااااااارب

ولك الف حمد وشكر على نعمتك

وطول فتره حملى كنت تعبانه وايد بس كنت ادش وادعيلكم واعرفكم وحده وحده ومتابعتكم الله يرزقكم عاجلا غير اجلا

تكفوووووووووووووووووووووووووووووووون طبقوا كلامي بالحرف


+


اسالكم بالله تدعولى الله يهدينى ويرزقنى ويثبتنى و يسخر لى ريلى

 

[سمو النفس]

ملح الدنيا جزاج الله الف خير

 

[عسل حدي]

ربي لا تذرني فردا وانت خير الوارثين

 

[mona777]

سلام
الله يجزاج خير ملح دنيا
انتى دازه نفس الكلام بعالم حوا لكن باسم مختلف صح؟​

 

[~ذووق~]

مرحباا بنااات
مشكووورة حبيبتي والله يجعله في ميززان حسناتج

بنات اليوم نزل معي افراز بني واليوم لي تقريبا ١٣ يوم من الترجيع
يعني خلاص ماكو حمل ؟؟!
الدورة بتنزل والا شنوو بليييز بنااات فيدوني ��

 

[سمو النفس]

ذووووق ان شاء الله تباشير حمل

 

[3needa]

بنات اليوم الي رجعت فيه الاجنه احسبه و لالا ؟بنات

 

[rachaaa]

اي حسبيه من اول يوم

 

[rachaaa]

ملح الله يرزقك ٣ مره واحده يارب وتفرحي فيهم واعيلي بليزا
بنات انامحتاره اسوي تلقيح او حقن انا ميته علي بيبي شوره علي
انا حملت مره. بالحقن ومره بالتلقيح ؟؟؟؟ شسوي بموت من التفكيرررر

 

[~ذووق~]

سمو النفس بشرووج بالجنه يارب ..
وانا اليوم لي 14 يوم ن الترجيع حسبت يوم الترجيع ..
وودي اروح اسوي تحليل هرموني فتبين النتيجه اليوم او لا
زووجي يحاول فيني بكرا بس انا خلاص احس بتوتر وودي احلل واخلص ..
فيبين اليييييييييوم اذا فيه حمل او لا ,,؟؟
ولازم اكون صايمة او لا ؟؟

 

[rachaaa]

حبيبتي التحليل يا خذ ساعة بس روحي سويها وطمننا​

 

[~ذووق~]

��
الحمد لله سويت التحليل وطلع سلبي
{ ربي لاتذرني فرداً وانت هير الوارثين }

 

[al7or]

هلا بنات حبيبات قلبي... ببدا سالفتي بدعاا... ربي يرزق كل محرووومه تتمنى الامومه عاجلا غير آجل يا آرحم الراحمين ..

انا متزوجه من سنه و 9 شهور.. زوجي عنده ضعف في حركه الحيوانات المنويه،، و انا عندي تكيس خفيف .. انا كانت عمليتي ترجيع الاجنه يوم الاثنين يوم 23 اوقست .. الي هو الاثنين الي راح رجعوا لي جنينين من الدرجه الاوليى ولله الحمد وجمدوا الباقي .. اليوم رابع لي من ترجيع الاجنه.. بعد عمليه السحب الي تمت تحت تخدير كامل تعبت كثير ،،، انتفاخ في البطن مو طبيعي .. احسه مليان غازات .. ومشدود مره .. يعورني حتى لو لمسته .. وماكنت اقدر اتحرك الا بمسكنات لانه كثير تعبت ... طبعا المسكن كان نوع معين الدكتور وصفه لي .. لانه مو اي نوع يصلح للتقليح.. ظليت اول 3 ايام ماتحرك حتي الصلاه ما اقدر ،،، بعيد عنكم الالم كان فضيع لدرجه اني اقوم الحمام وانا اصيح من الالم زوجي يوديني .. بعد كذا اليوم رابع والحمد لله وجع بطني خف وايد بس بعد في الم .. .. وزياده جاني الم اسفل الظهر ومارتاح الا مع المسكن ... سويت تحليل وادري انه مبكر.. بس طلع خط خفيف.. يمكن مايطلع صح بس عطاني تفاوؤل .. للحين استخدم تحاميل مهبليه و فيتامينات فقط لاغير... اقضي اغلب وقتي منسدحه واحاول الهي نفسي عن التفكير بكل شي مو قادره ... احس الايام تمشي بالمووووت ... ابي الاسبوع الجاي يجي ويخلص عشان اسوي تحليل وارتاح .. دعواتكم لي حبيبات قلبي في ظهر الغيب .. احتاج دعاكم. .