دوانيه شلة منتظرات نتيجه عملية اطفال الانابيب والحقن المجهري

[ملاك صغيرون]

أي كتكوته

أني بعد احاتي حلاتي قمرهم ...

يارب تكون حللت وحامل بحق محمد وآل محمد

 

[ملاك صغيرون]

أهم شي ما تتأخرين يا دمعه وفه وتصيرين مثلي بين كل عملية والثانية ٣ وأربع سنوات.. صح ليهت بالحياة والعمل بس بعد تأخرت واجد بين كل علاج وعلاج والسبب المزاج بس.


ربي يرزقك من أوسع أبوابه

 

[ماي الورد]

عسى تكونين حامل يا ملاك وتفرحين بضناج يارب

وعقبال البقيه والله يفرح خاطرهن

 

[ملاك صغيرون]

يارب يا ماي ورد .. ويرزقك بكل ما تتمنين.

...
بنات بسألكم السبوح واجد يأثر يعني..
أنا اليوم الثامن من الترجيع


وخاطري أغسل شعري

خصوصاً أنا شعري دهني من غير شي

لو أحسن أنتظر للنتيجة

 

[ماي الورد]

انا ماتسبحت كلش لين ماطلعت النتيجه في حملي الاول والثاني
وانتي صبري مابقى لج شي ان شاءالله

 

[ملاك صغيرون]

صباحات مشرقة على قلبك
...
إن شاء الله..شكرًا ماي ورد.

خلاص هانت بنتظر.


لكن الغريب الأطباء ما يقولون لنا هالأشياء.

 

[mraamy]

دمعه وفه
ومرامي



شخباركم الحين؟
مفكرين تعيدون العلاج؟

هلا والله حبيبتي الله يثبت اجنتج يارب ويرزقج الذرية الصالحه

انا حاليا لا يمكن ورا رمضان

 

[ملاك صغيرون]

هلا ماي ورد..

يعني نروح للنتيجة بدون سبوح؟

أحس فشله بالنسبة للي بتاخذ منا دم في المختبر



أني مفكرة يوم النتيجة قبل ما أروح المستشفى أتسبح بدون ما أغسل شعري.

 

[ملاك صغيرون]

هلا مرامي.. ويرزقك حبيبتي.

يارب تحملين بدون عمليات

 

[ماي الورد]

تسبحي ع الخفيف او مسحي جسمج اهم شي ماتطولين وانتي تتسبحين ولا تطولين وانتي قاعده انا بحملي الاول الي فشلت فيه تسبحت وطولت بالحمام وفشلت

 

[كتكوته22]

ملاك انا مع اختي ماي الورد نطري ما بقى شي انا بعد ترا ما تسبحت لي النتيجه ادري صعبه بس تحملت لي يوم 12 هانت

الله يفرح قلبج بالحمل السليم يارب

 

[ملاك صغيرون]

اللهم صلي على محمد وآله
..
الله يسهل، الحمد لله مرت الأيام عليّ بسرعه ما غير اليوم السابع بدت الضيقة

لكن الحمدلله مر ومر الثامن بعد ... شكرًا ماي ورد وشكرا كتكوته الله يحفظ أولادكم ويبلغكم فيهم.


/
رب لا تذرني فرداً وأنت خير الوارثين

 

[ماي الورد]

عقبال مرور باقي الايام معاج يارب

وتفرحين بنتيجه تحليلج ان شاءالله

 

[طوووطه]

وأي مو مصدقة اسوي سيرج ولا انتبه انه المنتدى رجع ????

 

[طوووطه]

بنات انا ناوي اسوي أنابيب وأبي تؤام شنو تنصحني واراجع منو

 

[ملاك صغيرون]

لله الحمد والمنة وصلت لليوم العاشر ...

الله يثبت أجنتي ويرزقني ويرزقكم بحق محمد وآل محمد...

الله يسمع منك ماي ورد.

 

[ملاك صغيرون]

هلا طووطه
حسب ألي سمعته من البنات :

قبل السحب حاولي تشربين يومياً لتر حليب ويومياً بعد لترين ماي عشان جودة البويضات.


وفي فترة الترجيع :

1-بعد كل يوم لتر حليب كامل الدسم.

2-لترين ماي.

3-الأكل بعيد عن الدهون ..ومافي وجبات سريعه.

4- لا تتسبحين مدة الأسبوعين بعد ترجيع الأجنة..حاولي بس تمسحين الابط بمناديل جونسن وتغيرين ثيابك يومياً.

5-الأكل لازم يكون بنفس حرارة الغرفة لا بارد ولا حار..ونفس الشيء الحليب والماي.

6-أول خمس أيام نامي على طول على ظهرك وحركتك بس للحمام.

7-بعدين الأيام ألي بعدها تحركي عادي بس حركة قليلة وبهدوء.

8- لا تشربين شاي ولا قهوة ولا شي ساخن ولا شوكليت فترة الترجيع لأنها منبهات تأثر على الاجنة.

9- ابتعدي عن الاشياء ألي تأثر على الرحم مثل البهارات والزنجبيل والتمر.

10-كثري الخيار ومهلبية النشا بس خليها تبرد يعني لا تلكلينها وهي ساخنه لازم بنفس درجة حرارة الغرفة.
هذا ألي عرفته من البنات والمنتدى وعسى الله يرزقك ويفرح قلبك.

 

[طوووطه]

تسلمين ملوك
الله يكتب اللي فيه الخير يارب

بس العملية وقت الحقن فيه الم ولالا

 

[ماي الورد]

هلا طووطه نورتينا

لا مافي الم بس المتعب لمن تمتلي المثانه وتكونين حصرانه اكثر شي تعبني

انا حبيت دار شفا حسيت الدكتور تومسو تعاون وايد معاي

 

[ملاك صغيرون]

الغالب ما يحسوون بألم

أنا في المره ألي فاتت حسّيت بألم وصرخت وسمعت المستشفى كله. ههههههه

الظاهر من الجهاز مال فتح الرحم على ما يقولون.