دوام الوزارت من الساعة كم لـ كم ؟؟ ضروري

[noran89]

بنات الله يخليكم ضروري تقولولي
أنا ما عندي سيارة و بتفق ويا سايق يوديني و يييبني لين أقدر أشتري ان شاء الله
أنا بوزارة التربية و راح أبدأ الأسبوع الياي ان شاء الله
فأتفق مع السايق أقوله الدوام من كم ل كم ؟ بنات تقول سبعة و نص و بنات تقول ثمانية و نص و ناس تقول تسعة
أحس كل واحدة تقول على كيفها موعد بداية و نهاية الدوام
فيدوني لو سمحتم

 

[noran89]

بنات معظمكم يداوم ما شاء الله ليش محد يرد ؟ ترى ضروري ما ابي كل شوي أغير كلامي مع السايق ترى حصلته غصب

 

[Ms.PeRFeCT]

التربيه من ٧ ونص يبدي هذا اللي اعرفه لأن اغلب رفيجاتي هناك ..

بالتوفييق

 

[noran89]

تسلمين حبيبتي
بس غريب من صج كل ما رحتلهم ثمان و نص عشان أراجع ألاقي المكاتب فاضية
شككوني بمعلوماتي ههههههههههههههههههههه

 

[بنت الكويت العسل]

8:30 الريوق هههههه

 

[بنت الكويت 25]

اغلب الوزرات الدوام يبدي من 8 لين 1.30

 

[زبــــــــدة]

وزارتنا من 8 لي 2 وربع

عموما مهما كان وقت الدوام لازم تطلعين 6 ونص لوووووول لان الشارع راح يوقف عقب هالساعه

 

[غـلآوي ّ ~]

لي 2 إلا ربع تبصمين و تطلعين بالتربيه بس شوفي الصبح حسب البصمه متئ حدج تبصمين عشآن مآيحسب تأخير عليج عموما إذا أول دوآم لج داومي ويعلمونج علئ البصمه ويقولون لج لاتحااتين

 

[noran89]

هههههههههههههههه تسلمون حبيباتي

 

[mllon]

بالنسبه حق وزارة التربيه الدوام يبدي من 7ونص بالضبط

يعني تبصمين ساعه 7 ونص

ونهايه الدوام تكون 2 إلا ربع

هذا حق البنات

اما الرياييل فبصمتهم ساعه 2 بالضبط


انتي شفتي المكاتب فاضيه لانهم يبصمون ويطلعون, فهذا شي عادي

موفقه حبيبتي

 

[mllon]

في شغله

اذا كنتي اول يوم بتداومين, يعني تستلمين العمل
تقدرين تروحين اي وقت,
لان اول يوم يسولج البصمه واوراقج,
بس من ثاني يوم تلتزمين بالوقت بالضبط عساس لا ينحسبلج تأخير


يوم كنت بباشر شغلي موظفة الوزاره قالتلي هالشي.

 

[! بــدويه وآآيــد !]

،



وين عينوج ؟


انا بالمنطقه التعليميه دوامي ٧:٣٠ لي ١:٤٥
وانا بعد كنت اداوم ٧:٣٠ ضبط ماكو احد المكاتب مسكره لان بعضهم يبصمون ويطلعون ويردون و**ه نظام بالشهر لج حق تتأخرين ١٠٥ دقايق ماينخصم من راتبج شي بس بعد ماتخلص ال١٠٥ دقايق مالتج يبدون يخصمون وكل شهر لج ٤ استاذانات كل ١ من الشهر ينزلون لج ال١٠٥ دقايق وال٤ استاذانات واذا ماخذيتي الاستاذانات ولا تاخرتي يروحون عليج وينزل لج غيرهم يعني ماتقدرين تجمعينهم

ان شاءالله اكون افدتج لان توني موظفه وكنت ضايعه وتوني تعلمت وماحبيت ابخل عليج

 

[noran89]

حبيبتي يا بدوية دايما تغيديني نسلمين
ترة لوعوا جبدي معاي مباشرة العمل و كل يوم ايي و اقعد انطر المديرة او اي موظفة ماكو
نايمين ببيوتهم و لا فالين . اليوم عاد بطلع على وكيل الوزارة لاعت جبدي منهم ابي استلم وظيفتي . مو ذنبي ان ما عندهم ضمير

 

[بنت الكويت 25]

انا بصراحة استغرب علي الموظفين الي ما يداومون ابي افهم شلون تحلل معاشك تطق البصمة وتطلع ما تخاف من ربك وراك حساب اذا منتو قد الوظيفة اكو ناس محتاجة للوظيفة وحق بعض الخوات الي يقولون ريوق عليهم بالعافية تريقوا بس ما يصير بوقت واحد مصالح الناس تعطل انا مرة صار لي موقف في دوامي سكرترتيين حضرتهم مصكرين المكتب وقاعدين يتريقون والمراسلين ناطرينهم فوق الساعة برا:eh_s(4): اكو شي اسمة تناوب للاسف الامانة ضاعت

 

[shea butter]

انا بصراحة استغرب علي الموظفين الي ما يداومون ابي افهم شلون تحلل معاشك تطق البصمة وتطلع ما تخاف من ربك وراك حساب اذا منتو قد الوظيفة اكو ناس محتاجة للوظيفة وحق بعض الخوات الي يقولون ريوق عليهم بالعافية تريقوا بس ما يصير بوقت واحد مصالح الناس تعطل انا مرة صار لي موقف في دوامي سكرترتيين حضرتهم مصكرين المكتب وقاعدين يتريقون والمراسلين ناطرينهم فوق الساعة برا:eh_s(4): اكو شي اسمة تناوب للاسف الامانة ضاعت

انا مؤيدة لكل حرف قلتيه

فعلا اهنيج على هالكلام وهذا دليل على تربيتج الاصيله

صج حرام مصالح الناس تتعطل وخاصتا لما المراجع يكون كبير بالعمر او بالموت طالع من دوامه عشان يخلصله شغله , المفروض تناوب مثل ما تفضلتي

 

[mllon]

انا بصراحة استغرب علي الموظفين الي ما يداومون ابي افهم شلون تحلل معاشك تطق البصمة وتطلع ما تخاف من ربك وراك حساب اذا منتو قد الوظيفة اكو ناس محتاجة للوظيفة وحق بعض الخوات الي يقولون ريوق عليهم بالعافية تريقوا بس ما يصير بوقت واحد مصالح الناس تعطل انا مرة صار لي موقف في دوامي سكرترتيين حضرتهم مصكرين المكتب وقاعدين يتريقون والمراسلين ناطرينهم فوق الساعة برا:eh_s(4): اكو شي اسمة تناوب للاسف الامانة ضاعت

ويي شكثرهم اللي يبصمون ويطلعون، كل معاشم حرام طبعاً

بالنسبه حق الريوق، اساساً محد له الحق يتريق بالدوام، معطينهم معاش عشان يبلعون بالدوام واله يشتغلون!!

لا ويسكرون الباب وينطرون المراجعين، مال يفصلونهم!

احنا عندنا غرفه ريوق ورا مكاتبنا، اذا بنتريق بالدور،
وعلى مجموعتين
مع ذلك اذا يا مراجع، نهد ريوقنا ونخلص شغله تالي نكمل الريوق

 

[بنت الكويت 25]

ويي شكثرهم اللي يبصمون ويطلعون، كل معاشم حرام طبعاً

بالنسبه حق الريوق، اساساً محد له الحق يتريق بالدوام، معطينهم معاش عشان يبلعون بالدوام واله يشتغلون!!

لا ويسكرون الباب وينطرون المراجعين، مال يفصلونهم!

احنا عندنا غرفه ريوق ورا مكاتبنا، اذا بنتريق بالدور،
وعلى مجموعتين
مع ذلك اذا يا مراجع، نهد ريوقنا ونخلص شغله تالي نكمل الريوق

شي يحر اختي الطيبة للاسف الشديد مافي ذمة ولا ضمير بالشغل وفوق هذا نفسية خايسة انا ما اقول الكل بس الغالبية العظمي انا موظفة في التطبيقي الله لا يراويك نفسيات بعض الموظفات الي عندنا اعوذ بالله جنا نطر منهم احنا بالهيئة معطيهم المدير العام بريك نص ساعة بس تبين احد ينسق مافي يصكرون الباب ويخلون المراجعين يولون واذا قلنا لهم اخوانا المصريين يشتغلون اكثر يعصبون والله ما الومهم اذا قالو الكويتي ما يشتغل الا من رحم ربي

 

[noran89]

هذا ثالث يوم لي أروح و ماكو أحد يوقعلي مباشرة العمل و قاعدة من سبع الصبح لإثنين الظهر دوام كامل ناطرة أي أحد يحن علي
رحت حج وكيل الوزارة اشتكيت لاعت جبدي , زين انتي مديرة ما تخاف تاخذ معاش حرام , أنا موظفة تحتج ايش ذنبي ؟
بعد ما سويتلهم مشكلة دقوا عليها يت من بيتها نايمة الأخت وقعتها و راحت
و طبعا أنا قاعدة على مكتبي و لا أدري عن شي لأن محد قاعد و لا فيه اشراف فوقي , لو اختفيت محد راح يحس ......

 

[بنت الكويت العسل]

في موظفه كلما رحت القاها تقرق بالتلفون بره المكاتب وكذا وحده هذي سالفتهم دام دشت وبصمت انتهى الموضوع لانه اهي السالفه ابصم وهيت بالاجنحه قروبات وسوالف واشتغل على قد اللي تبي هذا الملاحظ

 

[بنت الكويت 25]

بطالة مقنعة للاسف الشديد