~ البارت الثاني ~
ببيت ناصر
بعد ما نزلوا حور وريم دق جرس البيت
تررررر .... تررررر ..... تررررر
حور بصراخ : انزين انزين وبعدين شوي شوي لا يخرب جرس البيت ( وبطلت الباب وضخكت ) هلا والله بعميمه نوره تو ما نور البيت
العمه نوره : هلا فيج أي ادري ان تو نور البيت ( وطقتها براسها عالخفيف ) شنوه الصراخ صبي انتي
حور تملق : صبي ولا بنت ها ها ها ها ها
العمه نوره : ترى ما تضحكين
حور باستعباط : لا عميمه تكفين ضحكي ابوس ايدج ضحكي ( وتطالعها بطرف عينها ) وانا قلتلج يا عميمه ضحكي والله حاله
العمه نوره : والله يا حلات ذبحتج
حور باستعباط : طبعاً وانتي معاي
العمه نوره طقتها بكتفها عالخفيف : ههههههه والله انج ما تستحين عيب عليج انا عمتج
حور ابتسمت : وعمتي شنو يعني ؟؟؟
العمه نوره : يعني عمتج ههههههه
حور : يعني قلتي شي هههههه ( بصوت عالي ) هلا والله هلا هلا نورتي البيت يا عميمه حياج حياج
ودخلت العمه نوره وسلمت على الكل وقعدت
عزيز : اقول عميمه وين سعود ؟؟؟
العمه نوره : والله الحين بيي يقول عنده شغل
عزيز واهز يطالع ساره : ها سويره شلونج؟؟؟
ساره : بخير وانت ؟؟
عزيز : بخير دامج بخير
حور : سارو طافج اليوم امل وتقلدها ( والله قبل يومين رحت بيت رفيجتي ويمدحوني حيل وقالت والله لو عندي ولد خطبتج ) ههههههه
ساره : هههههه مسكينه عاد اهي مو حلوه اللي محليها بياضها
حور أي حرام من يت واهي ما عندها غير سالفة رفيجتي وامها قالوا عني جذي والله لاعت جبدي ورحت قعدت بغرفتي
عزيز : احسن شي والله هالبنتين ما ارتاح لهم
ريم : ليش بالعكس والله يهبلون البنات .. صح ريهام من فتره عرفتها بس حبيتها حييل
عزيز : اهم شي انج حبيتيها عاد ما ادري على شنو حبيتيها الصراحه
ريم : على كل شي مؤدبه حيل وحتى امي اذا كلمتها ما ترفع وتستحي حيل
ام عزيز ( حصه ) : أي مشاءالله عليها ادب واخلاق ص جانها مو حلوه بس اهم شي الاخلاق
سعود : السلام
الكل : وعليكم السلام
سلم على وقعد
حور بقلبها ( تو نور البيت والله )
سعود : حور يبي لي ماي
حور تستعبط : مالي خلق انت روح
ابو عزيز ( ناصر ) عصب : حور عيب شهالكلام يلا روحي يبي له ماي
حور حقدت : انشااءالله ( وراحت يابت له ماي بس نص قلاص وحطته على الطاوله )
سعود تنرفز : هذا تسمينه قلاص ماي ؟؟
حور : أي ( ورفعت حاجب ) ليش مو عاجبك القلاص ولا الماي ؟؟؟
سعود : أي موع اجبني يعني لهالدرجه خايفه على الماي
حور : أي شفت شلونا خاف يخلص !!
سعود عصب : اقول روحي يبي واحد ثاني
حور ( فديت المعصب انا ) وطالعته : تبي الماي ولا لا ؟؟
سعود : لا ما ابيه ابي واحد ثاني
حور : بكيفك ( وشربت الماي )
الكل : لووووووووووول
_______________________________________________________
نوره عمتهم عمرها 40 طيبه وحيل مع عيال اخوها مثل عيالها كل شي بينهم ضحك بس اهي تعبانه ولازم احد يعتني فيها
بدر زوجها كل شي عنده عادي وموحيل مهتم بعياله عمره 39
سعود عمره 24 يشتغل بالشركه مع عزيز ولد خاله طيب وحبوب ، مواصفاته : ضعيف واسمر وعيونه حلوه وخشمه صغير وشفايفه مترويه شوي ومجسم
ساره عمرها 19 مع ريم بالجامعه ونفس التخصص تشبه سعود اخوها حيييل
______________________________________________________
ببيت محمد
منار راحت المطبخ عشان تييب الحلو بس ما حست الا بواحد يلمها من ورا بس بفت انصدمت ولا شعورياً عطته كف : صج حقير يا ..... حقير
انصدم : الحين انا بنت زباله نفسج تمد ايدها علي
منار عصبت : والله ماكو زباله غيرك يا زباله ( واخذت الحلو وطلعت وقبل لا تدخل الصاله اخذت نفس وخلت نفسها طبيعيه وابتسمت )
عصب : اوريج يا منار اوريج والله لاخليج تندمين لانج عطيتيني كف والله ما اخليج .. الحين انا بندر بنت زباله تمد ايدها علي ( ودخل الصاله واهو معصب ويطالع منار وياشر لها انا اوريج )
منار ( تسوي له حركه يعني خفت وضحكت عالخفيف )
بندر عصب وسكت
حنان : شوق باجر نبي نروح السوق تعالي معاي
شوق : ما ادري اكلم خالد ومنار وارد لج خبر
منار : شنو فيها منار ؟؟؟
شوق : ما فيها شي بس قالتلي حنون تعالي معاي باجر السوق وقلتلها ما ادري اكلم خالد ومنار
منار : اها
حنان : أي تعالوا معانا منها نتسوق ومنها نستانس
منار : لا لا لا فشله يمكن امج تبيج بروحج سوري ما نقدر نروح
شوق : أي صح خليها مره ثانيه
حنان : مالت عليكم امي اهي اللي قالتلي خلي منار وشوق ييون معانا
منار وشوق يطالعون بعض مصدومين
حنان : المهم قبل لا اطلع راح ادق عليكم واقولكم جهزوا نفسكم
منار وشوق هزوا راسهم بإي وسكتوا
حنان ضحكت : ههههه ادري مصدومين
منار : تبين الصج والله مصدومين شويه علينا انتي تعرفين امج صح ولا لا ؟؟؟
حنان : أي والله اعرفها عدل مدل ( وتنهدت ) اااخ الله يعيني بس
منار : ويعين الجميع
شيخه بجديه : عاد تدرون بنات والله لما تزوجت خالد وطلعت من هالبيت استانست حيل والله والحمدالله خلصت من مشاكل امي
شوق : بس مهما كان هذي امكم والله لو امي الله يرحمها ما ماتت وجذي طبعها انا راضيه
منار تكمل : والله ما تحسون بهالكلام الا اذا فقدتوها
حنان : ادري والله بس انتوا ما شفتوا شي من امي والله هذا شويه اللي تسويه مو يعني عشان قلنا هالكلام يعني ما نحبها بالعكس والله نحبها بس تصرفاتها تبعدنا عنها
شيخه يتب تتكلم بس امها نادتها : عن اذنكم بنات
البنات : اذنج معاج
حنان : بنات ترى امي ناويه على شي والله خايفه على شيوخ من امي
شوق : أي والله صج حرام اللي يصير لها مسكينه حتى واهي متزوجه امج وراها وراها
حنان : انتوا تدرون امي شنو ناويه عليه صح
شوق : أي ندري وخالد بعد يدري الله يستر بس
منار : الله يكون بعونهم
البنات : امييييييين
وفجأه
صرخت :....................
_______________________________________________________
محمد ابو بندر عمره 43 ريال على قد حاله وما عنده شخصيه
فاطمه ام بندر عمرها 39 باختصار تحب المشاكل وخرابة بيوت
شيخه عمرها 29 متزوجه من خالد ولد عمها طيبه وحبوبه حيل وعندها مها بنتها عمرها سنتين مسميينها على مها ام خالد الله يرحمها واهي حامل الحين بالشهر الرابع ، مواصفاتها : ضعيفه وبيضه وخشمها صغير وعيونها عاديه وشفايفها متروسه ومتحجبه
بندر عمره 25 راعي مشاكل ومغازلجي ويكلم اكثر من بنت باليوم الواحد وخبيث حيل وحقود ويحب يخرب بيوت الناس مثل شخصية امه بالضبط ، مواصفاته : حنطاوي وخشمه طويل وعيونه حلوه وشفايفه صغار باختصار حلو
حنان عمرها 22 مدرسه انجليزي حبوبه وحيل مع بنات عمها منار وشوق واختها شيخه ، مواصفاتها : ضعيفه وبيضه عيونها صغار بس مو حيل وويها دائري وخشمها حلو وشفايفها صغار ومومتحجبه
