دمج جميع المواضيع المتعلقه بـ [[ أزمة مصر ]]

[وجدان الحلا]

رد: اذا الشعب يوما اراد الحياة,,, فلابد ان يستجيب القدر,,,,,

كلام طيب وان شالله اللي يسووون هالبلبله والفتن يشوفون شقاعد يصير وليش يصير

 

[وهج الخير]

رد : المتحف المصري في خطر كنوز مصر بالصورة !!!!!!!!!!!!

والله خايفه مناللي قاعد يصير يارب تستر يارب عالعالم الاسلامي والعالم اجمع يارب

 

[مـيـراس]

رد: الرئيس حسني مبارك سيلقي كلمته للشعب بعد دقايق؟؟؟؟؟؟؟؟؟؟؟؟؟؟

انا اقول ان الشعب المصري بالطيب باللين بيشيلونه

ايا كانت الاسباب

 

[ام محمد الشمري]

رد: المتحف المصري في خطر كنوز مصر بالصورة !!!!!!!!!!!!

الله يردعيالنا سالمين بنات بشرووني باي خبر يطمني

 

[وجدان الحلا]

رد: مبارك على التلفزيون لا يطوفكم

والله قفشه صاجه اسرائيل والغرب مابيلقون حليف احسن منه

 

[مـيـراس]

رد: اذا الشعب يوما اراد الحياة,,, فلابد ان يستجيب القدر,,,,,

اي صاجه
ويعرفون انهم قاعدين يتهاوشون على شي تافه وسخيف

اتمنى انهم ياخذون هالبلاوي بمصر وتونس عبرة ويحمدون الله على العز اللي اهم فيه بالكويت ويحرمون يسوون فتن وبلاوي داخل الكويت

خل يحمدون الله ويشكرونه بس لانه خلقهم كويتيين

 

[شادنٌ]

رد : اذا الشعب يوما اراد الحياة,,, فلابد ان يستجيب القدر,,,,,

ان شالله جويهل وخمته واعلامه الفاسد يتعظ

والله يديم لنا ال صباح عز وفخر

وحمد الله على ديرتنا الكويت

 

[قفشـه]

رد : اذا الشعب يوما اراد الحياة,,, فلابد ان يستجيب القدر,,,,,

الله يحفظ ديرتنا

لكن اللي صار بالكويت يفرق مليون مره عن تونس ومصر وماكو مجال للربط اصلا

الاعتراضات بالكويت على عدم قيام بعض الوزراء بواجباتهم ..وخصوصا بالتصدي للاغذية الفاسده والقنوات الفاسده اللي تبي تفرق الشعب وتسبب فتنه طائفيه

بمصر وتونس

رؤساء جمهوريات كان من المفروض مايطولون اكثر شي لهم 4 سنين

قعدوا على صدور شعوبهم اكثر من 30 سنه!

طبعا فقر وذل وناس مولاقيه تاكل وثروات بلدانهم لهم بس والشعب ميت يوع مولاقي ياكل!

وتونس رئيسها طاغيه تخيلي الاذان مايأذن !!وممنوع الحجاب!!

فربطج لاحداث الدول الثانيه مع الكويت خطأ خطأ وبغير محله

احنا ديرتنا ماكو احسن منها

والاسره الحاكمه ماكو احسن منها ولانرضى بغيرها بديل وافضل من يقود ويحكم الشعب الكويتي هم آل الصباح

واميرنا الله يطول بعمره ماقصر معانا قريب من الشعب وحاس فيه ونفديه بارواحنا..والحمدالله رواتبنا عاليه حتى الوافدين عندنا عايشين احسن عيشه

الله يديم علينا الامن والامان تحت قياده آل الصباح

 

[MiSs_CRaZya]

رد : مبارك على التلفزيون لا يطوفكم

اسرائيل تبي تقلب الحكم بمصر


ههههههههههه

واهيا لاقيه احسن من الحكومه الحاليه!!

سفاره ولها بمصر

بحصار غزه خلت مصر تسكر الحدود مع غزه يعني مصر شاركت بحصار غزه وثار عليها العرب والمصريين انفسهم

شرم الشيخ مليانه اسرائيليين! وغير تصدير الغاز المصري لاسرائيل!

اساسا كلام وزيرة الخارجيه الامريكيه امبين انه يبي حسني مبارك بالحكم!!

اللي صار انه الشعب المصري تشجع من عقب الشعب التونسي

نص الشعب تحت خط الفقر ...مع انه مصر غنيه وكلها ثروات وحضاره

ردوا طالعوا افلام ابيض واسود وشوفوا الغنى والتطور اللي كانو عايشين فيه رغم انهم بايام الخمسينات

وقارنوه مع حالهم حاليا!

معاها 100000% :icon30:

قلتي الي كنت افكر فيه​

 

[RoWaIsHeDyA]

رد : مبارك على التلفزيون لا يطوفكم

ياهو تكفخ صار ياهو حرق والاوضاع متازمه مافي اتصالات قاعد تصير لبره مصر وصايره الخطوط ضعيفه والحوادث قريبه من المطار اغلب اهلنا بيروحون او اهناك والوضع متنش , اهوا الله يهداه لهم فتره عايشين بالذل والفقر والتلوث والوصخ مافي شغل الماي الي اهوا الماي وايد اماكن ينجبرون يشترونها من القاهره والامراض المنتشره يعني حالتهم كسيفه الا شوي واهوا مو راضي يساعدهم طقت جبودهم بهالسالفه وعلى قولتهم ياشماته اسرائييل بالموضوع مو اهوا تبع السلام الله يعين وماتتازم السالفه اكثر ويحفظ عيالنا كلهم الي اهناك

 

[^نوف^]

رد : المتحف المصري في خطر كنوز مصر بالصورة !!!!!!!!!!!!

الله يحفظ مصر ان شاء الله

 

[ام محمد الشمري]

رد: المتحف المصري في خطر كنوز مصر بالصورة !!!!!!!!!!!!

شلوون اعرف اخبار الكوويتين بمصر تكفوون

 

[joudi]

رد : شفيهم مصـر !!! و انتـوا مع أو ضد .. واذا في مصريات بالمنتدى تقول رايها

الله يعينهم ع اللي اهم فيه

بس مانبي شي

نبي عيالنا اللي هناك يردووون لنا بالسلامه

الله يستر عليهم بسس

 

[مـيـراس]

رد: اذا الشعب يوما اراد الحياة,,, فلابد ان يستجيب القدر,,,,,

ممعاج

بس ايضا مشكلتنا

اننا نعطيها اكبر من حجمها

لها صدا واضح

لو تلاحظين ان حتى الدول الثانية يسألون شنو صاير فيها

مشاكلنا نكبرها ما نصغرها
تصير فوضى وتصير بلاوي
هذي غير الطائفية والعنصرية

وفوق هذا نقول الكويت خربت>>>>>>>>>>لا واله ما خربت الا لازم نضبط نفسنا ونحل مشاكلنا بهدووء بلا بلبلة مثل م صار قبل فترة

 

[عاالية]

رد : الرئيس حسني مبارك سيلقي كلمته للشعب بعد دقايق؟؟؟؟؟؟؟؟؟؟؟؟؟؟

والله ان شكلهم صامليييييييييييييييين بيشلعوووووووووووووووووووووونه شلع

 

[قلبي ابيض]

رد: المتحف المصري في خطر كنوز مصر بالصورة !!!!!!!!!!!!

والله من القهر والقمع الي حصلوه لمدة 3 عقود

ومن الظلم والفقر الي شافوووه

بعذرهم ينفجرووووووووون حاكم عايش بنعيم وعز ومجوووووع شعبه


حصني طاغيه واتمنى اسقاطه من الحكم


خل يخليهم يعيشوووووون مثل الناس


نحن معكِ ياااااااااامصر قلبً وقالباً

اي والله

 

[عاالية]

رد : مبارك يلقى كلمه ... الحين

شكله بيلحق حكومته

 

[قفشـه]

رد : اذا الشعب يوما اراد الحياة,,, فلابد ان يستجيب القدر,,,,,

هذي غير الطائفية والعنصرية

هذا من القنوات الفاسده

اللي طحنت الشعب الكويتي

يبونه نتفرق عشان تصير طيحتنا سهله

لكن الكويتيين طول عمرهم أيد وحده باذن الله

وخل القنوات الفاسده تتصكر وتبعد عن ديرتنا وشعبنا

وماصرنا فرجه للعالم اللي يسألون الا بسبة الاعلام الفاسد

فتح عيون الاعداء علينا

لكن باذن الله طول عمرنا متوحدين

 

[مـيـراس]

رد: اذا الشعب يوما اراد الحياة,,, فلابد ان يستجيب القدر,,,,,

بس الكيد واللي ما يختلف فيه اثنين
اننا في ديرة امن وامان وحكم باذن الله عادل

والزبدة من مضووعي اننا لازم نحمد الله على نعمة سكينتنا وعيشتنا الحلوة بديرتنا تحت ظل ال صباح عز وفخر
عسا هالنعمة تدوم

امين

 

[يالبيه 17]

رد : المتحف المصري في خطر كنوز مصر بالصورة !!!!!!!!!!!!

الله يستر عليهم ياررررب