اذا الشعب يوما اراد الحياة,,, فلابد ان يستجيب القدر,,,,,
السلام عليكم
شفتوا يوم المظاهرات صارت بتونس بعدها مصر والحين اليمن والله يستر عليهم
بالله بنات ما قعدتم تفكرون وتقولون الله يعز حكومتنا واسر ال الصباح اللي مو مقصرين معانا شي
بنات انا الصراحة قعد افكر واشوف ان اللي صار بالكويت قبل فترة شغله سخيفة وما تستاهل بلبلة ومشاكل وخرابيط
والله ان حلاتنا مو نفس حالة تونس ومصر
احنا في خير ونعمة وامن وامان وستر وراحة والكويت مو مقصرة معانا بشي
احس ان الي صاير هناك اهي ان الله سبحانة وتعالى يبينا نحس مدى النعمة اللي احنا عايشينها ومتمتعين فيها وفي ناس وايد مو شايفها
والله ان احساسي غريب وخانقتني العبرة واحمد الله انه خلقني كويتية وحتى لو كنت ماني كويتية احمد الله اني في ديرة امنه وكريمة مثل ديرتي الكويت
احمد اله ان الله بطل عيونا على مشاكل غيرنا اللي نقدر نقول انها مشاكل وان المشاكل اللي بديرتنا ولا شي عند مشاكلهم
على قولة القايل ما تهون عليك مصيبتك الا لمن تشوف مضيبة غيرك
كلنا اخوان وكلنا اهل وكلنا ربع بدو حضر سنة شيعة بلا فتنة بلا عنصرية بلا طائفيه بلا بطيخ احنا شعب واحد احنا اهل واحنا اخوة
وحلوة الديرة بلا طائفية وبلا عنصرية وبلا خرابيط
نحمد الله ان اللي يحكمنا بابا صباح طول الله يعمرة والله يعز ال صباح ويخليهم ذخر لنا بهالديرة
الحمدلله على نعمة الامن والامان في ديرتنا الكويت اللي باذن الهماراح تشوف منننا غير دمنا اللي بندفعه فدى لها وروحنا اللي ترخص لها
احمدوا الله يا بنات وخل ندعي ان الله يحفظ لنا الكويت امنا وحبيبتنا
