دليل المعلم للمنهج المطور-الصف الأول الابتدائي اللغة العربية.،؛،.

[زيـטּ عَبْس]

7
7
7
7
7
7



مكتبة السنافر بالأندلس


بس عاد زحمة طق عصي

حطوها عند الكاشير

 

[ورود و أزاهير]

يا عالية الذوق أنا بانتظارك

خليتني على نار

 

[ورود و أزاهير]

بس عاااد اشدعوة يوم الخميس ما ينفع بكرة عجلوا علينا يا عرب

 

[نسناس]

السلام للكل ,,,

للأسف التهيئة أسبوع فقط ؟؟؟

قرار من توجيه العاصمه الله يسامحهم ,,,

ماندري شنعطيهم ؟؟؟

إرشادات عن انفلونزا الخنازير ؟؟ وإلا نفحص حرارتهم ؟؟ وإلا كتابة أساميهم ؟؟ وإلا ضبط الصف ؟؟؟

الله يعين ,,,

 

[ورود و أزاهير]

اشدعوة يا عرب ما كو أحد لا يكون حاشتكم انفلونزا الخنازير طمنونا عليكم

 

["المــبروكـه"]

إحنا اليوم كان إجتماعنا مع التوجيه الفني الأحمدي ،،

ماعندهم شي زود التهيئة إسبوعين مو إسبوع ،،، وعطونا سي دي دليل المعلم الجزء الأول،،
وأنا بصراحه أشوف إن هالتجمع يفيدنا أكثر من التوجيه الفني شكلهم ضايعين مو فاهمين شي،،،
سألتهم عن أمور قالوا إرجعي حق موجهج ،،،( شنو هذا توجيه ضايع بالطوشه ماعنده ماعند جدي ،، كلهم من سنة الطواعين أيام الطباشير وينهم وووين التطور؟؟؟؟؟

كل إللي أطلبوه منا التوجيه وشددوا عليه خطة الوسائل التعليمية ،، وإن المخصصات المالية للقسم كلها لوسائل الصف الأول ،،،( إشلون بنفذ الوسائل والسوق ما فيه لوحات دروس أولى ؟؟ ولازم نعرض القصة بصوره مشوقه،، الله يعينا على زحمة المكاتب والرسامين ألحين موسمهم
إيه وبعد أكدوا على الأناشيد تكون ملحنه ؟؟؟ يعني بنشتغل ملحنين بعد؟؟( إنزين جا لحنوها لنا وحطوها بسي دي ومو مشكله نشتريه من المحلات بلاهالعباله)
المهم بسألكم متى نبدي نعطيهم إملاء من أي درس ؟؟؟
وتركيب الكلمات إللي عرفته يركبون من بعد ما يكون عندهم حصيله من أصوات الحروف،،،،،، صح ؟
وبالنسبه لكتابتهم للاسم متى؟؟؟؟؟أكثر من وحده في الاجتماع قالولي ما كو كتابة اسم لأن هالمنهج يختلف عن السابق؟؟؟؟
ووحده تقول يكتبون أساميهم من التهيئة ؟؟؟؟؟

أرجو منكم التوضيح ،، وجزاكم الله خير

 

[زيـטּ عَبْس]

قوة أبلات

شلونكم وشخباركم


ان شاء الله بخير


ههههههههههههههههههههههههههههههههههههههههههههههه بقولكم عن رئيسة القسم

تقول مو شرط تعلمون كتابة الاسم لأن




الطالبة تجي من بيتها وطالعة من الروضه تعرف تكتب اسمها




بالله عليكمـــ شلون تترقع



حدهااااااااااا قويه


أصلا يجون مايعرفون شي حتى الروضه مادخلوووووووووووووووهاااااااااااا





يارب صبرني

ناظرة جديده ومبين شديده و منهج جديد


وانا توني ثاني سنه لي



يعني الله يستر علي

 

[Balloons Q8]

بالتوفيق

 

[صوت البلبل]

الله يوفقج إن شا الله [/b]

 

[أميرة الصدق]

السلاااااااااام عليكم ياأحلى معلماااااااات >>طبعا معلمات اللغة العربية بس :dddds:
والله توني أدري عن هالموضوع ! لهيت هالأسبوعين مع الدوام والإشراف المتعب :0bee2e8d89:
المهم حبايبي شلونكم انشالله مرتاحين في مدارسكم ؟ وعسى انشالله إداراتكم مقدرتكم ؟
أحب أشكر اخت عالية الذوق جزيييييييييييييييييل الشكر :ggdw:
وعسى الله يوسع عليها دنيا وآخره قولوا آمين
فعلا إحنا بأمس الحاجة إلى هالناس الطيبة اللي تخدم بذمة وضمير ! ياااااااااارب ترزقهم من أوسع أبوابك وتطول بعمرهم
والله اني يا اخت عالية احبج في الله واتمنى اني بمدرستج أشوف هالوجه الصبوحي كل يوم اللي كله تفاؤل وأمل
لوتدرون يابنات بقيمة الابتسامة والتفاؤل في الحياة ! وخصوصا في حياتنا كمدرسات ! عسى الله يقدرنا على أداء واجبنا على أكمل وجه ! ويصبرنا ويعينا على مشاق مهنتنا !

 

[أميرة الصدق]

بالنسبة لتساؤلاتكم ياحلوات إحنا أمس كان اجتماعنا مع توجيهنا
وفعلا نفس كلام اخت مبروكة ! يبون التهيئة تاخذ اسبوعين ! وأنا أقول اسبوع واحد كافي يابنات اقولكم شلون !
اليوم الأول اخذيهم جولة على مرافق المدرسة كلها وافتكي !
ثاني يوم ابدئي بالتمارين العضلية ومسك القلم بشكل صحيح ! وهم بعد ثالث يوم كملي التمرينات اللي بالكتاب وحاولي اتخلصينها >> عندج هالاسبوع بس
رابع يوم وخامس يوم علميهم أسماءهم خليهم يكتبونها عندج في الصف مراااااااات كثيرة ! وعطيهم واجب بالبيت بعد ! واللي تقول الأسامي مومهمة أقولها ماعندج سالفة ! شلون البنت بتميز دفترها والا كتابها الا من اسمها ! حتى التلميذة نفسها راح تستانس وتتقوى ثقتها بنفسها اذا تعلمت كتابة اسمها !
وبنات انا درست اولى سنتين وانصحكم من أولها تعلمونهم على طريقتكم وعلى النظام والأدب واستخدام اللغة الفصحى الميسرة >> عشان يتعلمون بشكل صح تحدثا وكتابة
وصدقوني يابنات اولى كثر ماتعطونهم وتتعبون وياهم بتشوفون منهم كل شي يسر الخاطر !
وفعلا هالسنة مركزين على الوسائل ! وانتوا حاولوا تبسطونها عليكم قد ماتقدرون ! واللي عندها أفكار حلوة ياليت ماتبخل علينا _03ba:
أنا اقترح عليكم تسوون رسمة للفراشتين أمل وإسراء وتخلونهم وياكم طول الحكاية الأول > يعني 7 دروس
وممكن تسون لوحة كبيرة طبيعية فيها شمس وبحر وقوس قزح >> نفس الحكاية الأولى
أو ممكن نفس اقتراح الاخت عالية تشترون لبس فراشتين وتخلون البنات يمثلون الحكاية
احنا مدرستنا اول مرة تجرب المنهج الجديد ! والمشكلة عندنا نقص مدرسات ! يعني مافيه 9 حصص حتى لمدرسات أولى

 

[أميرة الصدق]

بس يابنات بغيت أسئلكم !
إدارتكم هالسنة طلبت منكم تسوون شغل منفذات الخدمة !؟
يعني كل قسم مسؤول عن نظافة جناح في المدرسة ! وطبعا احنا كل سنة نسوي شغل أمينات المخزن ! نوزع الكتب بالأجياس ونعدها ونقولهم شنو النافص ! بغض النظر اذا كنا 9 أو 18 حصة ! وطبعا الى جانب حصص الضعيفات وملفاتهم السنة الماضية ! والمناوبات والاحتياطات
وعندنا شغل جديد بعد ! كل قسم يمسك زاوية في المدرسة ويزينها بأفكار حلوة ! طبعا هذا كله واحنا كلنا على 18 حصة !

 

[زيـטּ عَبْس]

أبــــــــــــلات شلونكمـ وشخباركمــ


بالله عليكم


أبي نصيحتكمــ بكل أمانه



تنصحوني أسوي درس ريادي للصف الأول منهج جديد



يعني بلقى كل شي متوافر من وسائل وغيره

وبلقى اللي يساعدني





حدي خايفه ومابي أعطيهم كلمه وأتراجع فيها واتحسف




أبي نصيحتكم


وجزاكم الله خير

 

[عالية الذوق]

اليوم اجتمعت معانا الموجه وقالت ان التهيئه أسبوع بدل الأسبوعين


أبشركم لقيت تصوير الحكايه الأولى ان شاالله راح أصورها يوم الخميس وأحطها عند مكتبةالسنافر بالأندلس


لا تنسوني بالدعاء

حياتي ام شيوخ حرام لا تحطينها في المكتبة راح يبيعها دبلات حسبي الله عليهم

واعدي البنات في جمعية او اي مكان واذا هم راضين براحتهم بس الواحد يبي الاجر بدون حساب

 

[عالية الذوق]

عالية الذوق أعلى الله مكانتك دنيا و آخرة


روحي وأنا أغنيلك


أنا باتنظارك

يا حياتي يا ووردو وياك ياغلاي انت

ورشتي الاسبوع الجاي بالتفصيل راح نتكلم عن المنهج للصف الاول وراح اوزع فيها سيدي كامل للحكايات بالصوت

والصورة يعني يسمع ويتبع بالقراءة

وبنوزع اوراق عمل الصف الاول بعد ويارب نفيد

 

[عالية الذوق]

حبايبي اجتمعت مع التوجيه وااااسفه على التأخير والله انشغلت حيل تدرون بالمهام قدروا الظروف يا حياتي انتو

بالنسبة للمنهج انا راح اسوي ورشة عمل الاسبوع الجاي من تقديم معلمة عندي كون حنا مجربين المنهج العام

وراح اهدي كل الحكايات بالصوت والصورة بسيدي خاص مع اوراق عمل وراح افتح باب النقاش للجميع في نهاية الورشة

راح نتكلم عن طريقة اسلوب اداء الحصص في الصف الاول بالمنهج الجديد

واللي ماتقدر تجي راح انزل تقرير عن الورشة بالتفصيل في هالساحة والكل يستفيد منه فديتكم ابي دعواتكم بس وربي...

واللي اسالت عن تركيب الكلمات التركيب ما يصير الا بعد شهرين لان اول شهرين راح ياخذ حرفين فقط

فما يصير يركب من حرفين ننطر ليما شهرين عقب يركب

اللي اسالت عن اسماء التلاميذ هل يكتبونها او لا ..؟ علميهم على كتابة اساميهم بالتصور فقط دون ان تذكرين حروف الاسامي

لان الطفل الى الان ماراح يتعرف على اسم الحرف فقط يتعلم اصواااته ركزوا معاي عفيا

وبالنسبة للتهيئة ترى توزيع المنهج تغير مادري اذا عندكم فكرة من رئيسات اقسامكم او لا ؟

تغيرت بس الفترة الاولى نظرا لظروف تاخر التلاميذ في الدراسة

 

[عالية الذوق]

راح اتواصل معاكم خلال هاليومين يا غالين اعذروني فديتكم وربي يوفقكم

 

[عالية الذوق]

إحنا اليوم كان إجتماعنا مع التوجيه الفني الأحمدي ،،

ماعندهم شي زود التهيئة إسبوعين مو إسبوع ،،، وعطونا سي دي دليل المعلم الجزء الأول،،
وأنا بصراحه أشوف إن هالتجمع يفيدنا أكثر من التوجيه الفني شكلهم ضايعين مو فاهمين شي،،،
سألتهم عن أمور قالوا إرجعي حق موجهج ،،،( شنو هذا توجيه ضايع بالطوشه ماعنده ماعند جدي ،، كلهم من سنة الطواعين أيام الطباشير وينهم وووين التطور؟؟؟؟؟

كل إللي أطلبوه منا التوجيه وشددوا عليه خطة الوسائل التعليمية ،، وإن المخصصات المالية للقسم كلها لوسائل الصف الأول ،،،( إشلون بنفذ الوسائل والسوق ما فيه لوحات دروس أولى ؟؟ ولازم نعرض القصة بصوره مشوقه،، الله يعينا على زحمة المكاتب والرسامين ألحين موسمهم
إيه وبعد أكدوا على الأناشيد تكون ملحنه ؟؟؟ يعني بنشتغل ملحنين بعد؟؟( إنزين جا لحنوها لنا وحطوها بسي دي ومو مشكله نشتريه من المحلات بلاهالعباله)
المهم بسألكم متى نبدي نعطيهم إملاء من أي درس ؟؟؟
وتركيب الكلمات إللي عرفته يركبون من بعد ما يكون عندهم حصيله من أصوات الحروف،،،،،، صح ؟
وبالنسبه لكتابتهم للاسم متى؟؟؟؟؟أكثر من وحده في الاجتماع قالولي ما كو كتابة اسم لأن هالمنهج يختلف عن السابق؟؟؟؟
ووحده تقول يكتبون أساميهم من التهيئة ؟؟؟؟؟

أرجو منكم التوضيح ،، وجزاكم الله خير

حبيبتي انتي

لاتنطرين السوق يجيبلك لوحات اولى

انا سويتهم بميزانيتي كل الدروس بلوحات تهبل لكل معلمة تدرس صف اولى

اضافة الى ان ميزانية القسم مالها شغل بالمنهج الجديد يا سلام وباقي المناهج مالهم رب؟

مالك شغل بالتوجيه ومالهم دخل بالميزانية اصلا تجي نشرة عامة عليها من التوجيه العام بخصوص الاشياء اللي يحقلك تشترينها للقسم اصلا القسم يحتاج اقلام شفافيات لوحات ولاتنسين احبار الطابعه اوراق

شلون يطالبون بتخصص ميزانية كاملة للصف الاول فقط !!

انت المخططة والمدبرة وشوفي شنو يحتاجه قسمك وسويه لهم ..

والتركيب بعد شهرين عقب أصوات أ - ن

عقب يبدا يركب بس اهم شي الكلمات التصور البصري تدخل عدل بمخهم

 

[الكويتية123]

أبشركم حبايبي أنا حصلت على مذكرة اللغة العربية للصف الأول لابتدائي للمنهج المطور في مكتبة الوليد في منطقة الجهراء
وحصلت عندهم مناهج العلوم رابعة وخامسه وسادس وهذا تلفونهم جميع المناهج عندهم 24556166 بالتوفيق لكم جميعا

 

[نسناس]

أبشركم حبايبي أنا حصلت على مذكرة اللغة العربية للصف الأول لابتدائي للمنهج المطور في مكتبة الوليد في منطقة الجهراء
وحصلت عندهم مناهج العلوم رابعة وخامسه وسادس وهذا تلفونهم جميع المناهج عندهم 24556166 بالتوفيق لكم جميعا

يا مال العافيه أختي الكويتية ,,,

باجر إن شاء الله أروح المكتبه ,,,