دشوا واختاروا الصبغه الاحلى ( بس الذويقات )

[الكيكه دندن]

رد : دشوا واختاروا الصبغه الاحلى ( بس الذويقات )

سوي الصبغ اللي يناسبج انا امبيييييه البني الغامج كلش مايناسبني يكبرني ويبان عيوب البشره مع اني وايد احب اشوفه على غيري الاشقر وايد يناسبني ويصغرني ويفتح لوني ماشاء الله

 

[fat!ma]

الصبغة الأولى حقت ميريام شيييييييييييييييييييييييييييي

ودي فيها

وحتى اذا كنتي سمرا تطلع حلوا

اذكر تايرا المذيعة صابغتها وطالعة عليها شي ..بس اسود لاااااااااا مو حلو

 

[][ sarah ][]

الاسود وخري عننننه , فعلا يتلف الشعر يحرقه ويبين مو طبيعي , مع ان حيل حلو الاسود بس الاسود الطبيعي مو الصبغ ومثل ماقلتي سامعه ان حراااام

الصبغه الاولى حييل عجبتني

 

[فنار الكويت]

اذا صبغتي اسود أو لون بني ترى ماتقدرين تصبغين عقب اي لو فاتح لو شنو وبيسحبولج لون نفس حالتي ويخف شعرج ويطيح
اذا ودج بلون غامج خليها تصبغلج رمادي عشان تقدرين تصبغين عقب اي لون اذا ماعجبج لا تجازفين باللون واخذي راحتج بالتفكير وابتعدي عن الأسود والبني والأحمرات عشان تقدرين تغيرين بسهولة خوفج ماتحبين الغامج بسهولة

 

[honey lust]

بصراحه ما عجبوني وايد
بس احلاهم ميريام

 

[باربية الكوووويت]

البني الغامج احلا

 

[caramil]

مادري والله حيرتوووني زياده..

صبغه ميريام حلووه وكانت صبغتي قبل سنه بس لما شافتني خبيره قالتلي الصبغه امخليه لون ويهج باااااهت
علشان جذي اصبغتلي على مزااجها.وطلع صج اينن بس خلاص مليت منه والله يابنات ماكو احلى من البني الغامج

البني الغامج كان لون شعري ايام الثنويه..لأن انا شعري كستنائي فاتح وكانوا يسموني الزلمه لوووول
علشان جذي كنت اصبغه بني غامج بالبيت ويطلع علييي زوووووووووووووووووووغه

علشان جذي ولهت عليه..يسويني بيضه وكيووووت و يصفي لون ويهي..اما الاشقر بكل درجاته يبين وكأن بشرتي تعبانه

يعني مثلا..لما اكون لابسه الشيله الكل يقولي ويهج بيبي فيس وفاتح ..لما اقطهااا وشكلي بشكل عام مع الاشقر
يلوع الجبد وجني اكبر من عمري و بشرتي تصير جنها امبقعه..

الصبغه شككتني ببشرتي ألف مره اروح اجيك عليها مافيها اي شي..يعني بس محتاجه تغطيه بسيطه..

وبعدين اختي اللي قالت ان الغوامج بعدها ماتقدرين تصبغين شي فاتح بسهوله..انا كنت اصبغ بني غامج على طوووول
وانا بالثنوي..بعدها نطه وحده من الغااامج لي الاشقر..وضبط ..!!

اما اللي تقول ان الصبغ تقلب برتقالي..صاااااجه اميه بالاميه..وتسود بعد..ويبيلها وحده بيضه ثـــــــــلج

انا مو هامني شكل شعري شلون بيكون كثر ما انا هامني يبين شكلي بيضه و ويهي بيبي فيس..:"""""""""""""""""(

كل ما انوي على الصبغه اهون :s

دايموندا اللون اللي انتي حاطه كستنائي غاااامج..مو بني... حلو وايد بس انا ابي البني اللي ياي على لون الجوكلت..

رايكم :""""""""""""""( ؟؟؟

 

[caramil]

علشان اساعدكم...
فاطمه بو حمد يقولون فيها مني..واحس بهالصوره تشبهني..ونفس لون بشرتي..حتى شفتها فيس تو فيس احس فيها مني وايد

اختاروا لي لوووون ..ويكون عملي وكيوت وع الموضه

ادري لوعت جبدوكم بس ماتدرون إلى اي مدى لايعه جبدي من الاِشقر على كثر ماحنيت عليه

 

[أم حمودي**MALL**]

اشرايج بهاللون؟

 

[عواار قلب]

رد : دشوا واختاروا الصبغه الاحلى ( بس الذويقات )

up up

 

[أم حمودي**MALL**]

شفتي فاطمه بوحمد بصباح الوطن صابغه لون عجيييييب تقريبا نفس الصوره اللي حطيتها بس على اغمج

 

[توت و ككاو]

رد : دشوا واختاروا الصبغه الاحلى ( بس الذويقات )

كلهم حلوين

الاول يشوق

بس انا اقول الثاني حده روعه


بني غامج

 

[caramil]

انا آخر مره شفت فييها فاطمه بو حمد كان شعرها اشقر...صبغته بني ؟!!!

اذا اي على طول بدون تفكير راح اصبغ لأن اللي يضبط عليها يضبط علي ..لون بشرتي وتشبهني..

اللون اللي انتي حاطته اينن وهابين فيه البنات توه قبل فتره بسكيت شفت اكثر من بنت صابغه نفسه..
بس ياي على كستانئي جنه..

شورج ام حمودي شوري علي؟؟

 

[صعب الكلام]

رد : دشوا واختاروا الصبغه الاحلى ( بس الذويقات )

( 1 )





هـــــذا ييينن ابي اصبغـــه




( 3 )

هـــذا حلو بس حرام اصبغ اسوود
بس مو ع كل وحده يصلح لها

 

[diamonda]

رد: رد : رد: دشوا واختاروا الصبغه الاحلى ( بس الذويقات )

تهبل الصبغات هذي
ممكن تقوليلي حبيبتي الوانهم والصالون تعرفينه يضبطهم
الصراحه ذووووق وراقي عجبني ذوقج

حبيبتي كلج ذوق :wqedqw:
لا والله مادري وين يضبطون هالصبغات
بس في صالونين مرشحين بالنسبه لي
واحد منهم صالون آستر
والثاني جنه اسمه سيلفانا شي جذي !! ماني متأكده لان رفيجتي قالتلي عنه ونسيت اسمه :eh_s(10):
اهوا بالجابريه يم الخباز
وما اعرف اسامي الصبغات الاحسن تاخذين الصوره معاج وتورينها

 

[diamonda]

اشرايج بهاللون؟

وااايد حلو عجبني :eh_s(15):
بس جنه مو صبغه وحده !!

 

[caramil]

نفس سؤالي اعتقد فيه درجتين بس من نفس اللون

يختي مادري شلون هالاجانب يصبغوووون

مو هاللي عندنا..اييبون لنا خدم يقولون لنا خبيرات..

لا واللي يحمس جبدي المغاربه مع الاحترام الشديد لهم بس جربت شغلهم اكثر من مره

بياعين حجي يعشمونج ويحسسونج انهممم اسسسسكت..وحزة النتيجه تخترعين والله انا بجيت دم على شعري
لما قصته لي وحده مغربيه ومو غبائي عدت نفس التجربه عند مغربيه ثانيه هم خربته لي

وخروووا عنهم بنات والله مايفتهمون ولا شي بس حق الحمام المغربي و التفرك غير جذي وخروا عنهم

 

[أم حمودي**MALL**]

انا آخر مره شفت فييها فاطمه بو حمد كان شعرها اشقر...صبغته بني ؟!!!

اذا اي على طول بدون تفكير راح اصبغ لأن اللي يضبط عليها يضبط علي ..لون بشرتي وتشبهني..

اللون اللي انتي حاطته اينن وهابين فيه البنات توه قبل فتره بسكيت شفت اكثر من بنت صابغه نفسه..
بس ياي على كستانئي جنه..

شورج ام حمودي شوري علي؟؟

خبرج عتيج كانت صابغته اشقر بس الحين غيرت
صبغتها بني على عسلي ماشلون صايره شوفيها اذا طلعت بصباح الوطن
ماحصلت صور يديده لها ولا كنت حطيتها

 

[الـــغـــلآ]

رد : دشوا واختاروا الصبغه الاحلى ( بس الذويقات )

انتي شكلج مثل لون خآلتي أو خآلتي أفتح المهم خآلتي مجربه أول ثنتين و الثآنيه كبرتهآ بس الأولى حييل حلوهـ عليهآ و مصغرتهآ

 

[lovely jojo]

اول وحدة حلوة ..