ماهى طريقك تعامللك مع زوجك ؟
كنه انتعامل كاصدقاء يمكن اهو يقولي كل شي بس انا ماحب اقوله وايد اشياء لانه وايد ينتقد ودايما اهو صح ..
بالفتره الحاليه تقدرين تقولين اني اجامله وايد لاني متضايقه منه وايد ومن اسلوبه و احاول اعدل الفجوه اللي صارت بينه..
اذكري موقف صعب في حياتك وكيف تعاملتى معاة ؟
مواقف صعبه وايد .. مرت علي اهو ساعات يعصب بزياده ويتصرف تصرفات غريبه احس انها يتعلمها من ربعه .. مره نزلني بيتنه على موضوع تافه وقالي فكري تبين ترجعين او لا.. و مره عاقبني انه يابلي سمج وربيان باليل وقالي ابيج تسوينه كله اللحين ولا تخلين منه شي مع اني كنت مريضه بدون احساس وما خلصت الا 12 باليل انا طاوعته ماكنت ابي ازيد المشكله بس بعد زعلت عليه وايد وشلتها بقلبي له ومابنساها و يوم يه يراضيني قلت له كل اللي بقلبي .. اهو دايما يقولي انه مدلعني و انه مافي ريال يسوي حق مرته جذيه وووو بس انا اسكت ولا اعلق بس بوقت اللي ياني وبطيت البرمه قلت له اذا تشوف انك احسن الريايل فانت يمكن احسن من ربعك الخمه بس .. وكل ذيه عقاب عشان انا و امه كنه انحاتيه و نتصل على موبيله ومايرد و اهو رايح بحر.. وكنه صج خايفين ..
مشكلته دايمن يتخيل اني ابي اسيطر عليه و اني اطول اللساني ووووو وكل ذيه مو صحيح ينني شككني بروحي...
ماهى طريقة تربيتك لاولادك ؟
ما الله رزقني .. ادعو لي...
ماهى روتينج اليومي ؟
ارجع من دوامي الساعه 6 .. اتسبح اشتغل بالبيت و اسوي العشى الى الساعه 10 ونص .. نتعشى و انشوف التلفزيون الى حزت النوم .. ماطلع وايد وبرجعتي من الدوام اقضي اشغال البيت بطريج.. ريلي ما يحب الطلعه و مايطلعني لا بعد الساعه 11 .. و انا طبعا اتضايق وايد مادري ليش يسوي جذيه يعشيني و يرجعني واقلب الاوقات تكون المطاعم جريب بتسكر يعني هالطلعه اللي يمن علي فيها ماتخذ شي من وقته ,,
اذكري طريقة تقسيمج للوقت في البيت؟
تقريبا نفس ماذكرت بالرد فوق هاذي تقسيمي اليومي ... وقت خاص لي مافي ..
كم عدد زياراتج تقريبا للاهل والاصدقاء ؟
طلعه مع ربعي مافي .. زيارات بعد مافي .. بس بيت اهلي مره بالاسبوع السبت ولازم ارجع البيت قبل لا يرجع اهو .. يعني جم ساعه اتغدى وارجع ,,,
وجزاج الله خير