دششي وشوفي اذا ستايل حياتج صح ولا غلط ؟ وبعدين قولى انا عندى مشكلة

[اخصائية نفسية 7]

حبيبتى ام فرح على حسب كلامج لة اقدر اقول يمكن فية مرض نفسي يدعى الشغب الليلي واللة اعلم بس لازم تتفاهمين مع طبيب نفسي

 

[اخصائية نفسية 7]

زوجة عزيز يا قلبي وروحي انتى لازم يكون شي بحياتج مميز مشوق روتينج جد ممل راح تتعبين من هالشغلة حاولى تضيفين لحياتج ششي جديد توظفي زورى ناس احظري ندوات انتى وزوجج عن المعاملات الزوجية او لازم تسوين شي يقرب بينج انتى وزوجج يا عمري

 

[الحالمه]

الله يجزاج خير حبيبتي
وبحاول اقرا واسوي مسابقات مع عيالي أكثر هههه
بس عندي سؤال
أنا ساكنه مع أهل زوجي وزوجي وحيد أهله وأمه حيييييل تغير مني لاني جبت عيال !!!
ولان زوجي مقابلني ومهتم فيني!!!! ووووو
ف يوم كثرت مشاكلها معاي أنا قطعت فيها من بعد رمضان العام
وماقمت انزل بس أسلم لا شفتها وبس
بس عيالي أنزلهم دايم والخدم اخليهم يخدمونها بس انا لا بس سلام

وزوجي ما قال لي شيء مخليني على راحتي لانه يدري امه غلطااانه
السؤال أنا صح ولا غلط وهالشي بيأثر على زواجي بعدين لاني أحاتي هالشي؟؟
على فكره انا لي 12 سنه متزوجه وبس هالسنه قطعت لاني ماقمت استحمل غثى واذى هههههه الظاهر كبرت

 

[اخصائية نفسية 7]

يا قلبي مفروض ماتخلينها بالعكسس شي طبيعي انها بتغار لكن اذا ابتعدتى عنها بتغار اكثر انتى لمن اتقربين منها راح ترتاح لج واتحسبج نفس بناتها ويمكن حتى راح تقل نسبة غيرتها منج هاذا اذا ماانعدمت الغيرة من الاساس اصلن الام تغار من بناتها ماتبينها تغار من مرت الولد انتى صيري الكبيرة والعاقلة وحبي راسها وتعذري واخذيلج حلا معاج وراضيها وربي يوفقج يارب ويشرح صدرج وعلمنى اخر الاخبار ياقلبي

 

[classicyah]

مشكوووره على هالبآدره الطيبه

و يزآج الله كل خير ،

و ان شآءالله كل المشآكل تنحلْ يآ ربْ . .

،

بس حبيت أوضح نقطه ،

يمكن تستغربيـن ليش بكل رد يشككون فيج و يقولون انج جذآبه

أو يقولون انهم يعرفونج و شآيفيـن نكج ،

بإختصآر ، شي قبل عضوه نكهآ أخصآئيه نفسيه ، كآنت اتدش و اتفلم ع العضوآت ،

عشآن جي ربطوآ النك الجديمْ ، بنكج اليديدْ . .

و مشكوووره مره ثآنيه ،

بس حبيت أوضح هالنقطه ،

 

[اخصائية نفسية 7]

مشكورا ياقلبي واجمعيين يارب يجمعنا في جنة الخلد وجمييع المسلمسن والمسلمات يارب

انا اقووول من اليوم افكر يعنى في مثل هالسوالف اهنى
ومشكورا ياقلبي ماقصرتى يارب يشرح لج صدرج وييسر لج امرج ويتقبل منج صالح الاعمال يارب

 

[الريم اللعوب]

هلا اخصائيه مشكوره الله يوفقك
كتبت رد ايشطوله ورااااح
مافيني اكتب

 

[اخصائية نفسية 7]

ههههههههههههههه اوك ياحياتى اهم شي نورتى بردج واى وقت حابة تردين على ردي منتظرتج ياقلبي

 

[Miss sensitive]

شكراا لج وفي ميزان حسناتج

 

[om MaRyooM]

يعطيج العافية

بسم اللة الرحمن الرحيم



للامانة وربي يشهد على انا ماسجلت بهالمنتدى الا انى اساعد هالبنات الى اهنى وربي يقدرنى على مساعدتكم ابيكم تعيشون حياة حلوة ومريحة وبنفسية ممتازة عشان جذي ابي ابدا معاكم ؟





ماهى طريقك تعامللك مع زوجك ؟


مثل الصديق . . اصارحه بكل شي
بس للامانة اعصب بسرعة واتنرفز والهشي مظايقني ومفتشلة منه حيل


اذكري موقف صعب في حياتك وكيف تعاملتى معاة ؟

موقف مع امه وابوه مستحيل انساه في حياتي لأن قابلو الخير بالشر وكانو يقنعونه يتركني
وطبعا موقفي كان في قمة العصبية وطلبت منه يطلقني ..
لكن الحمدلله الله هداه وهداني وتفاهمنا


ماهى طريقة تربيتك لاولادك ؟

عندي بنت صغيرة فماقدر احكم
بس بشكل عام احاول اربيها عالاسس الصحيحة واعلمها الكلمات المثالية يعني شكرا عفوا هذا غلط صح
بس وايد احيانا تعاند فاعاملها غالبا بالصراخ والعصبية


ماهى روتينج اليومي ؟

ارجع من الوظيفة اكون مجهزة الغدا غالبا ... بعد الغدا ناخذ انا وزوجي قيلولة
وبالليل نقظي امورنا واشغالنا او اقعد بالبيت ... والويك اند طلعتنا مع بعض و زوارة الاهل



اذكري طريقة تقسيمج للوقت في البيت؟

الصبح الى الظهر بالدوام طبعا
بعدها للراحة والنوم
بعدين اقعد مع بنتي وزوجي
وبالليل وقت العشا والنوم مرة ثانية

كم عدد زياراتج تقريبا للاهل والاصدقاء ؟

الاهل مرة الى مرتين بالاسبوع
والاصدقاء مرة بالشهر

قولولى الحقيقة وبقولكم اذا تعاملكم وطريقة اسلوبكم صح او لا او السوال الاهم من صح او لا هل

يشعر الطرف المقابل بانك شخصية رائعة واقصد بذلك ( اسلوب حياتج) ؟؟

شكر لكم ...
دلال

بانتظارج:eh_s(15):

 

[مولاي الفرج]

ماهى طريقك تعامللك مع زوجك ؟


زوجي يحبني ويحترمني لكن اي مشكله بحياته يطلع الحرة فيني وانا تعبت حيل حيل

اذكري موقف صعب في حياتك وكيف تعاملتى معاة ؟

موقف صعب سالفه شرف وزوجي وقف معاي لكنه يعايرني بأزماته مع ان وعدني ما يهيني يقول وقفت معاج لوجه الله واهو يهيني تتوقعين الاجر محسوب


ماهى طريقة تربيتك لاولادك ؟

ماعندي اطفال

ماهى روتينج اليومي ؟

قرآن - دراسه - احاجيه مرات -شغل البيت

اذكري طريقة تقسيمج للوقت في البيت؟
الاشياء اللي ذكرتها اسويها حسب المزاج

كم عدد زياراتج تقريبا للاهل والاصدقاء ؟

مرة بالاسبوع وصداقاتي قليله بالمسجات فقط

 

[أم فـرح الحلوه]

اخصائيه انا ما سكت قلتها نروح اطباء داخل الكويت واذا انت مثلا تسوي تحليل انا اسوي نفسك وانا ادفع التكليف بس هو مو راضي وهم انا كلمته ان نسافر بره الكويت اذا هو مايبي الكويت والعلاج فيها بس يضل يقول انا مافيني شي واذا انتي تبين تكشفين عن طبيب نفسي روحي انا مابي شغل وانا ما طلبت الطلاق لان الحياة ماعادت تحتمل معاها

 

[اخصائية نفسية 7]

حبيبتى ام مريوم اللة يخليها لج يا قلبي انتى الحمدالللة متحكمة بحياتج لكن يبيلج تعديلات انصحج تاخذين وقت استرخاء باوقات فراغج يعنى بحمامج حاولى تصنعين لج شي مهدى للاعصاب من شموع واخذي وضعية مريحة ورخى اعصابج على موسيقى هادية
واذا جتج العصبية عدى بقلبج من 1 الى 10 وراح تختفى او اذا انتى واقفة اقعدى او اذا انتى قاعدة قومى طبعا خلى نفسسج حلوة
دوم وصدرج شرح والابتسامة لاتفارق وجهج اما بخصوص تربية مريومة انا منزلة موضوع بقسم العروس راح اكتب عن عناد الطفل تابعيـــــنى
وربي يوفقج ويشرح صدرج ويسخر زوجج لج يارب ويخلييج بنيتج وتفرحين فيها عروس
دعواتى معاج ياقلبي

طمنيني عن اخر اخبارج ياعمري

 

[اخصائية نفسية 7]

حبيبتى مولاى الفرج كلمينى على الخاص

 

[اخصائية نفسية 7]

مشكوريين حبايب قلبي على الردود الى تنور القلب وثتلج االصدر بارك اللة فيكم وتقبل منكم صالح الاعمال يارب

 

[اخصائية نفسية 7]

ام فرح كلميني على الخاص ظروري

 

[عروبة]

بالنسبة لج ياحبيبتى عروبة النظام الى انتى ماشية علية غلط لا تسمحيين للوضع يمشي عليج اكثر من جذي وحاولى تستخدمين اسلوب جديد بحياتج وتتقربين اكثر من زوجج وتغيرين من نفسج واذا حابة اكتبلج الحلول كلها عيونى لج بس على شرط تكون بالاول عندج عزيمة واصرار وراح باذن اللة تتغير حياتج وتمشي على النهج الصحيح باذن اللة

هلا اختي, المشكلة انا وياه نتهرب من بعض , حتى لمن نقعد ويا بعض ونسولف عينه ماتطيح بعيني وانا نفس الشي, واهوه فترة تعب ومرض شوي وحاشه مثل الوسواس اللي قام يشك بكل شي حواليه لمن تمشكلنا مع بعض, بس الحمدلله الامور ماشية ,لكن ابي الامور تتحسن ونرد انا وياه مثل اول, وماعندي مانع اني اطبق الحلول, عالاقل حاولت وبذلت مجهود, والله المستعان ويهدينا ويسخرلنا لبعض ان شاالله

 

[اخصائية نفسية 7]

حبيبتى عروبة لازم الاسلوب مالج يتغير تمام مع الاطفال ومع الزوج في موضوع انا كاتبتة في قسم العروس اتمنى تمرين علية

وتشوفين انا شنو كاتبة فية ثانيا لازم تتعلمين كل شي راح تقرينى من اسلوب تربية ومن طريقة تعامل سواء مع الطفل او مع لزوج

ثالث شي لازم تخلين بحياتج وبحياة اولادج هدف وتتبعين هالهدف و احضري دورات تربية

رابع شي لازم انتى تبعثين الامل حق الناس الى حولج لازم الابتسامة ماتفارقج حتى لو صاكة فيج الدنيا وتعبانة خلييج مبتسمة دوم

راح تاثر على نفسيتج هالابتسامة وانتى ماتدرين

خامس شي ابدي نظام جديد من اليوم اقعدى الصبح وانتى مبتسمة وصدرج شرح غيري من الكنبات وحاولى تسوين شي جديد

بالببيت وعلقي تفافيخ واذا احد سالج قولى اليوم يوم مهم بالنسبة لى ولازم كلنا نحتفل ياحبيبي جيبي كيكة وقصصيها انتى وياة

والعيال وصوروا واستاتسو بينكم واذا نامو العيال خلي بينج وبين زوجج ليلة رومانسية جداا تتقربين منها فية وقوليلة انا اسفة

على كل هالبعد لانى كنت مشغولة مع نفسي ولهيت وانشاللة راح اعوضك عن كل الى فات لانك حبيبي وقلبي ارقصي عندة فرفشي

غنى خليها يوم كامل ما ينسي من حياتج ياقلبي اذا تبين بعد افكار قوليلي انا حاظر بس اهم شي تتغيرين كلج اسلوبج وتعاملج

وتعلمى واحفظى وطبقي كل حرف قتلج اياة وربي ولى التوفيق
ياربي يشرح صدرج وييسر امرج ويخليج لة ويخلية لج ويوفقكم ويتقبل منكم صالح الاعمال

بلغينى شنو يصير معاج ياقلبي

 

[اخصائية نفسية 7]

وكررى علية كلمة احبك وانت الوحييد بدنيتى ومستحيل انسااك او حتى افارقك كررى علية باليوم اقل شي 3 مرات
وكل ما قلتى كلمة والثانية قوليلي حاضر من لى غيرك تامر امر ياروحي مشكور يا عمري ما تقصر

 

[فـي ع ـيون خلـي]

سلام اخصائيه بليز ابغى منك حل اني مخطوبه واذا زارني خطيبي معضم الوقت معصبه يعني ما اعطيه ريق حلوووو



يعني ع اقل شيء منه اعصب واثور
ابغى حل