دششي وشوفي اذا ستايل حياتج صح ولا غلط ؟ وبعدين قولى انا عندى مشكلة

[اخصائية نفسية 7]

يا حياتى يامالوفة بس لازم عالاقل تشتغلين انزين ليش ماتسوين مشروع بالبيت خياطة او طبخ انا قصدي انج تشغلين نفسج لان النفس ان لم تنشغل بالحق انشغلت بالباطل لازم تحنين علية ولازم تقوليلي اخر الاخبار

 

[فلنتينو]

هلا ياروحي فلنتينو مااضن انج شايفتنى واذا شايفتنى اتشرف فييج ويسعدنى لقائج ياروحي

الله يسلمج
بس انا شايفتج بالمنتدى من قبل بس هل انتي نفسها اخصائيه الاولئ القديمه
على كل عمووم حصل خييير

 

[اخصائية نفسية 7]

حياتى يا فلنتينو ما حصلي الشرف من قبل انى اشارك بحسب ظروف دراستى ومشكورة يا قلبي على المرور الى زاد الصفحة نور

 

[خالف تعرف]

ما احب اذكر هالاشياء وثاني شي بعرف انتي شنو تخصصج عشان تعرفين ان حياتي صح او خطا؟؟؟

 

[الحالمه]

ماهى طريقك تعامللك مع زوجك ؟
عاديه ضحك وغشمره وطبعا الاحترام والتفاهم موجوود
ونتشاور بكل شي ولله الحمد

اذكري موقف صعب في حياتك وكيف تعاملتى معاة ؟
زوجي بداية زواجنا كلم بنات وزعلت عليه أول مره ويوم عادها خليت أخوي يكلمه لانه رفيجه حييييل والحمدلله عقبها تاب وترك هالخرابيط
وطبعا محد يدري بهالسالفه غير أخوي وصار لها أكثر من 7 سنوات

ماهى طريقة تربيتك لاولادك ؟
الأحترام بين بعضهم وللناس جميع ولأهلهم أكيد
وعلمتهم يرحمون بعض ويقدرون اللي نسويه لهم أنا وأبوهم
والله يهديهم ويوفقهم

ماهى روتينج اليومي ؟
الصبح دوام لارديت غديت عيالي وأبوهم وأشوف أدروسهم اذا فيه امتحان شرحت اذا واجب خليته يحله وأنام ساعه أو ساعه ونص
ولاقعدت جبت جنااااطهم وبدينا دراسه ومراجعات هههه
الساعه ثمان -تسع بالكثير نايمين وباقي الوقت لي ليما يجي زوجي وننام على الساعه 12 او وحده

اذكري طريقة تقسيمج للوقت في البيت؟
أحرص ان عيالي ينامون مبجر علشان أنا ما أحب الازعاااج بالليل هههه
فأهم شي بتقسيم اليوم نومتهم وقعدتهم مبجر

كم عدد زياراتج تقريبا للاهل والاصدقاء ؟
أسبوعيا نتجمع وأواصلهم بالتلفون

 

[اخصائية نفسية 7]

حبيبة قلبي العضوة خالف تعرف انا داشة علم نفس تخصص اخصائية نفسية

 

[اخصائية نفسية 7]

حبيبة عمرى الحالمة حلو طريقتج وتعاملج لكن تواصلي مع الاولاد سولفي معاهم اعطيهم الثقة بينى لهم انة كلامهم مهم شاركيهم اهتماماتهم وخلو لكم ساعة بالاسبوع تكون ساعة ثقافية تقرون فيها كتب والعايلة كلها تشارك فيها من ضمنها الام والابو

 

[Blonde B]

ماهى طريقك تعامللك مع زوجك ؟
وآآآآيد زينه مدلعته اخر دلع وهو مو مقصر آبد

اذكري موقف صعب في حياتك وكيف تعاملتى معاة ؟

للحين مآكو

ماهى طريقة تربيتك لاولادك ؟

مآ عندي عيآل الله يرزقنآ

ماهى روتينج اليومي ؟

دوام انا مدرسه ارد البيت اسوي الغدا ومرات الاقيه هو مسويه فديته ونتغدى ونقيل العصر واذا قعدت نطلع او
نطالع فلم ونسولف وبليل نطبخ العشا وانام ع الساعه 11 او 12

اذكري طريقة تقسيمج للوقت في البيت؟

اقعد 6 اقعده اذا عنده دوام بس هو يوم بيومين والبس واتمكيج واسوي قهوتي واشغل سيارتي واروح دوامي
ارجع الساعه 1ونص الاقيه مسوي الغدا اذا ما عنده دوام ومرات انا اسويه وناكل ونقيل ونقعد ونطلع نتمشى
او نطالع فلم والسعه 12 ننام


كم عدد زياراتج تقريبا للاهل والاصدقاء ؟

زياراتي باوقات دوامه لان ما عنده عطل رسميه اليوم دوام من 6 الصبح لين 6 الصبح اليوم الثاني
فانا لما ارد من دوامي ع طول اروح بيت اهلي وانام عندهم اقعد واروح الدوام وارد بيت زوجي وجذيه

 

[miss_whitemocha]

ماهى طريقك تعامللك مع زوجك ؟
للأسف أعامله مثل الطفل..لأن مخه ناقص وفيه انفصام بالشخصية..يعني أحاول أعلمه من يديد..شلون يلبس..وشلون ينظف نفسه..وشلون يتكلم لما نكون برة..ساعات أحس إن ماكو فايدة..لأن ينسى بسرعة..ويرجع على عاداته القديمة..بس الله كريم
اذكري موقف صعب في حياتك وكيف تعاملتى معاة ؟
أصعب يوم كان لما قالي زوجي إن فيه شيزوفرينيا " فصام بالشخصية" طبعا انا كنت أسأله عن موضوع ثاني نهائيا و لأن مخه مشوش قام يتكلم عن مرضه و حزتها قدرت أفسر تصرفاته الغريبة و كلامه المخربط..وفي نفس اليوم بعد دريت إني حامل..شلون تصرفت؟؟ صكت فيني الدنيا..وحسيت إني انغشيت..بس عقبها ربي مسح على قلبي برحمته..وقررت أستمر وياه بعد ما قارنت وفاضلت بين حياتي معاه أو حياتي كمطلقة..
ماهى طريقة تربيتك لاولادك ؟
لحد الآن ما ولدت..بس من الحين أدري إني لازم أكون الأم و الأب لطفلي..وربي يقدرني إنشالله
ماهى روتينج اليومي ؟
حاليا بطالية..أغلب اليوم نايمة من التعب والحمال و إذا صاحية أكون متنحة ماكو شي مميز بروتيني..بس لازم أزور يدتي الله يطول بعمرها لو شنو فيني.
اذكري طريقة تقسيمج للوقت في البيت؟
للأسف ماكو روتين معين و حاسة بضياع..يمكن لأني تركت الوظيفة..إنشالله أول ما أتوظف تتعدل الأوضاع
كم عدد زياراتج تقريبا للاهل والاصدقاء ؟
لاااااااااااااااااااازم يوميا أزور يدتي لو شنو يكون فيني و صديقات ماكو ربي لك الحمد..كلهم يهال و شغلهم بس حش و قرض
وتسلمييييييييييين وما قصرتي حبيبتي​

 

[اخصائية نفسية 7]

ربي يخلية لج يارب وتكبر المحبة بينكم امين

 

[اخصائية نفسية 7]

يا حبيبة قلبي اللة يعينج ويصبرج علىما ابتلاج صدقيني هاذا اختبار لج بالدنيا عشان يشوف ربي مدى ايمانج
انا عارفة هالمرضض شنو يسبب وعارفة بالوضع اللة يعينج يارب للامانة كبرتى بعينى لكن لاياس مع الحياة ولا حياة مع الياس حاولى تعرضينة على طبيب نفسي وبيلقون لة الحل انصحج بالدكتور عادل الزايد
وقوليلي عن اخبارج وطمنيني عنج

 

[miss_whitemocha]

يا حبيبة قلبي اللة يعينج ويصبرج علىما ابتلاج صدقيني هاذا اختبار لج بالدنيا عشان يشوف ربي مدى ايمانج
انا عارفة هالمرضض شنو يسبب وعارفة بالوضع اللة يعينج يارب للامانة كبرتى بعينى لكن لاياس مع الحياة ولا حياة مع الياس حاولى تعرضينة على طبيب نفسي وبيلقون لة الحل انصحج بالدكتور عادل الزايد
وقوليلي عن اخبارج وطمنيني عنج

ما تقصرين حبيبتي..اهو كان يتعالج عند دكتور عصام الأنصاري..بس وقف من كيفه..و بصراحة انا ماني عارفة شلون أوديه طبيب نفسي..مابي أحرجه ولا أحرج نفسي مع حمولتي..أهوا نوعه كل شي يقول حق أخته..يعني مابي تصير السالفة عيني عينك و إني ترى أدري ولدكم مريض و أنتوا خدعتوني..وبعدين أهوا دايما يجذب مثل اليهال..يعني في علل فيه واضحة و مبينة..أقوله خل نشوف لها حل يقول لأ انا مافيني شي..دايما ينكر ويخاف..خليها على الله بس.​

 

[ام حمد 85]

مشكوره اخصائية على حل مشاكل البنات

 

[اخصائية نفسية 7]

حبيبتى اكييد بيستحي ومايبي شفقة احد لكن تقدرين تقولين لة ان الانسان طبيعي يمر بهالمرحلة وما فيها شي لو حاب يتعالج منة مثل مثل اى مرض مثل النشلة والصداع والامراض الثانية وان الامر بيكون بينج وبينة عطية طريق الامان انة يقدر يفتح قلبة لج ويقولج اهو من كيفة انة فية وفية
وبلغنى ظروري..

 

[اخصائية نفسية 7]

مشكوررةام حمد واللة يقدرنى على هالشي يارب

 

[miss_whitemocha]

حبيبتى اكييد بيستحي ومايبي شفقة احد لكن تقدرين تقولين لة ان الانسان طبيعي يمر بهالمرحلة وما فيها شي لو حاب يتعالج منة مثل مثل اى مرض مثل النشلة والصداع والامراض الثانية وان الامر بيكون بينج وبينة عطية طريق الامان انة يقدر يفتح قلبة لج ويقولج اهو من كيفة انة فية وفية
وبلغنى ظروري..

الله كريم إنشالله..ماقصرتي يالغالية​

 

[أم فـرح الحلوه]

حبيبتي اخصائيه انا تقريبا نفس وضع الاخت مس لا تقولين قولو وسوو والله حاولت ما ينفع هو الصاحي والباقين مجنن انا مدري هو عصبيه هو طبع بعايلتهم او فيه نفسيه انا الحين برد له اذا ما تغير بعد سنتين من الطلاق شسوي برد اتطلق من جديد ع الاقل بكون حاولت عشان بنتي زوجي حبيب وطيب بس بعد الساعه١٢ بليل يفصل تجيه ضيقه من شي اسمه زوجي وتعالي شوفي تحذف اغراضي بالشارع الله يفرجها بس

 

[زوجة عزيز]

ماهى طريقك تعامللك مع زوجك ؟
بما يرضي الله ودايما اسامحه والتمس له الاعذار اذكري موقف صعب في حياتك وكيف تعاملتى معاة ؟
يوم عرفت انه متزوج 2 من قبلي مو 1 طلبت الطلاق بس خواته هدؤني سامحته صج بس للحين مانسيت وكل مره اذكره بالهالشي مو قادره انسى كلش ماهى طريقة تربيتك لاولادك ؟
ماعندي اعيال ماهى روتينج اليومي ؟
24 ساعه بغرفتي اذكري طريقة تقسيمج للوقت في البيت؟
ماعندي شغل اهو يسوي كل شي والاكل من المطعم او اهو يطبخ كم عدد زياراتج تقريبا للاهل والاصدقاء ؟
ما ازورهم كلش

 

[miss_whitemocha]

حبيبتي اخصائيه انا تقريبا نفس وضع الاخت مس لا تقولين قولو وسوو والله حاولت ما ينفع هو الصاحي والباقين مجنن انا مدري هو عصبيه هو طبع بعايلتهم او فيه نفسيه انا الحين برد له اذا ما تغير بعد سنتين من الطلاق شسوي برد اتطلق من جديد ع الاقل بكون حاولت عشان بنتي زوجي حبيب وطيب بس بعد الساعه١٢ بليل يفصل تجيه ضيقه من شي اسمه زوجي وتعالي شوفي تحذف اغراضي بالشارع الله يفرجها بس

الله يكون بعونج حبيبتي..​

 

[اخصائية نفسية 7]

ام فرح الحلوة يا قلبي ما يصير تسكتين عن الوضع وبعدين ليش تتطلقين تتوقعين هاذا الحل انا عارفة شكثر تعبتى معاة بس صدقينى لاتروحين وتخلينى بهالحالة عالاقل اعرضي حالتة على طبيب نفسي يا انة يدخل المستشفي او يلقالة حل بالادوية
عندى رقم الدكتور عادل رقمة الشخصي تبين اعطيج اياة تتفاهمين وياة؟