دبي بيومين !!

[BiiShOoO]

اسلام عليكم بنات شلونكم بنات

ادري انه موضوعي مكرر و مطروح وايد من قبل

انا ان شاء الله رايحة دبي تاريخ 27/1/2011 و العودة بتاريخ 29/1/2011

راح اكون بدبي على الظهر ان شاء الله و العودة بتكون السبت 6:45

و الصارحة شفت مواضيع واايد و احترت

وودي اعرف شنو الاماكن الي اقدر اروحها و راح استانس فيها سواء مجمعات او اماكن ترفيهية

حجزي بفتدق جراند ميلينيوم ان شاء الله

فضروري محتاجة مساعدتكم :eh_s(16)::eh_s(16)::eh_s(11):


للعلم اول مرة اروح دبي

 

[BiiShOoO]

شدعوه 64 مشاهدة و لا رد !!!



اب اب اب

 

[بخـــارى]

رد : دبي بيومين !!

دبي فيها اماكن عدي وخربطي
اذا انتي وزوجج
روحي اول شي مدينة الجميرا(فينيسيا)
الي فيها فندق الشرق والسلام تغدي وركبي القارب وبعدها ركضه روحي القريه العالميه
او روحي الامارات مول وبعدها القريه العالميه

 

[بخـــارى]

رد : دبي بيومين !!

لا عندي مخطط احسن منه
اول يوم روحي دبي مول
اخذي العرض مال 100درهم الاكواريوم والحديقه والمادري شنو الثلث
وافتري فيه
وروحي قعدي فمطعم يطل عالنافوره الراقصه وسوق البحار خلي هاليوم كله بدبي مول

 

[بخـــارى]

رد : دبي بيومين !!

ثاني يوم روحي الامارت مول تمشي فيه ووحي السكى اذا عندج يهال
وبعدها روحي مدينة اسواق الجميرا وايد حلوه العصاري ورومانسيه وايد وركبي القارب يفرفر فيج بين الفنادق جنج بفينسيا
بعد روحي ذي ووك قريب منه طلي عليه مع اني ماحبيته

بعدها روحي القريه العالميه شبعي تشري منها ترى وايد حلوه وراح تحتاجين جنطه سحب لاغراضج يبيعونها هناك ب35درهم
وقعدي لي ال12بليل وشربي كرك عندهم لذيذ(شاي وحليب)

 

[بخـــارى]

رد : دبي بيومين !!

ثالث يوم قعدي الصبج روحي مرشد ونايف(انا ماعجبني) ورجعي الفندق سوي جيك اوت
او روحي ابن بطوطه اذا لحقتي وقعدتي مبجر

وبعدها روحوا المطار حطوا جناطكم شوفي يااما انج تستغلين هالوقت اب مجمع قريب اسمه فيستيفال وايدحلو وقريب من المطار او انج تقزريها بالمطار
وان شاءالله تروحين وتستانسين

 

[غدران]

حاليا عندهم القريه العالميه يقولون حلوه،خساره مارحت هالسنه
وعندج دبي مول روحي الاكواريم اذا تحبين ومقابل الاكواريم محل حلويات عجيب
عندج بعد the walk ف جميرا على البحر عباره عن ممشى وفيه مطاعم وكوفي ومحلات
وعندهم بعد سوق التنين dragon market كل اغراض الصين كل اللي يخطر ف بالج عندهم
امارات مول فيه ski dubai

ان شاء الله البنات يفيدونج اكثر،وسفره سعيده ان شاء الله

 

[BiiShOoO]

مشكووورة حبيببتي و يبيله والله

يزاج الله خير بخارى

و بسالج عن اسعارها شلون؟؟ يعني جم يكفيني؟ تقريبا انا مراح اخذ صوايغ


ابي افكار بعد

 

[BiiShOoO]

حاليا عندهم القريه العالميه يقولون حلوه،خساره مارحت هالسنه
وعندج دبي مول روحي الاكواريم اذا تحبين ومقابل الاكواريم محل حلويات عجيب
عندج بعد the walk ف جميرا على البحر عباره عن ممشى وفيه مطاعم وكوفي ومحلات
وعندهم بعد سوق التنين dragon market كل اغراض الصين كل اللي يخطر ف بالج عندهم
امارات مول فيه ski dubai

ان شاء الله البنات يفيدونج اكثر،وسفره سعيده ان شاء الله

يسلمووووو حبيبتي غدران :eh_s(17):

 

[بخـــارى]

رد : دبي بيومين !!

عملي حسابج للتكاسي 100-150درهم باليوم احنا جربنا المترو اوفر في بعض المرات واسرع
القريه العالميه روحه ورده تاكسي ب100
واسعر المطاعم نفسنا الي بالمجمعات بس ماراح تحصلين صمونه بو100مثل اهني لوووووول

يعني اذا ماتبين تتشرين تكفيج 150دينار هال3ايام بس اذا السالفه فيها تشري على الدنيا السلام راح تروح فيها الفيزا والميزانيه
وراح امين طول الشه تغنين مافيش فلوس ياحبيبي مافيش فلوس هههههههههه
صج بالنسبه للتاكسي بالمطار يفتح العداد على 20 درهم

 

[BiiShOoO]

مشكوورة حبيبتي بخارى ما قصرتي

 

[ليدي دبي]

ما قصرت بخارى
بس حبيت اضيف مجمع ثاني قريب من المطار اهو مردف سيتي سنتر حلووو

 

[BiiShOoO]

يسلموو ليدي

بس بسالج بدا مهرجان التسوق؟

 

[بخـــارى]

رد : دبي بيومين !!

الله يذكرج بالشهاده انا موناسيه مردف سيتس سنتر بس نسيت اكتبه
ان شاءالله المره اليايه راح امره

 

[الكيكه دندن]

رد : دبي بيومين !!

بالتوفيق حبيبتي ان شاء الله تستانسين

 

[BiiShOoO]

حبيبتي كيكة ما قصرتي

 

[ليدي دبي]

يسلموو ليدي

بس بسالج بدا مهرجان التسوق؟

اي بداا بالخميس

 

[BiiShOoO]

يسلموو حبيبتي

ماعليه حبيبتي اذيتج معاي

بس ابي مكان يبيع حلوة و اسعارها معقولة و تكون شوي مقاساتها راهية ؟؟ و صج يكون في تنزيلات؟

ما قصرتي

 

[درة أهل الطولات]

رد : دبي بيومين !!

لرفععع

 

[BiiShOoO]

مشكوورة درة و ناطرين باجي البنات

اب اب اب