داومي الجديد مستجده احس نفسي منبوذا ساعدوني خايفه

[p!nk fofo]

السلام عليكم

اول شي سويت نك يديد عشان اكتب مشكلتي ومانزل الموضوع قلت اكتبه هني بنات انا طبعي هاديه حيل وخوافه ولازقه بامي وماعرف اتصرف كلش المهم قبلوني بالتجاري ومامعاي احد اعرفه بروحي واروح مبنى لي مبنى بروحي وماعرف احد بالكلاس احس نفسي منبوذا ومكروه داومت بامتحان الاتقلش شفت البنات ويا رفيجاتهم وانا رفيجاتي انقبلوا بمكان ثاني مومعاي وانا امشي بروحي :eh_s(11): وكرهت الدوام من بلش وانا ماداومت واخاف ينقصون درجاتي صارت تفسيه فيني وانا بحول مفروض اشد حيلي واشجع نفسي اقول خلاص باجر بداوم وبعدين لي صار الليل ماتححمل انهار بجي واختنق ماحب اروح مكان محد فيه وياي وخاصه محاضراتي 6 باليوم وقت طويل اكون فيه بروحي لي درجه قمت افكر خلاص اسحب اوراقي وما ادرس شالحل تعبت مع نفسي ليل نهار افكر وابجي ساعدوني شسوي شالحل تعبت

 

[جوري - q8]

صدقيني مستقبلج اهم شي انتي داومي وراح شوي شوي تتعرفين وتصير لج صداقات ومن جذي راح تحبين الدوام وتروحين علشان صديقاتج الجدد لاتهمين نفسج الدنيا ماتسوا اقري قبل تروحين الرقيه المعوذات وتوكلي علي الله وادعيلج بالتوفيق من الله يارب وكل الناس

 

[الزيـــــ^^ـــــن]

حبيبتي انا مره شفت حلقه لفوزيه الدريع تقول اللي يستحي يتكلم مع الناس او يسوي علاقات بالمجتمع
لازم يدرب نفسه واهو عالمنظره .. يعني طالعي نفسج بالمنظره ،، وتدربي ع الكلام يوم يومين اسبوع اسبوعين لما تتعودين،، مثلا شفتي بنت معاج بالكلاس
اسأليها عن اي شي ،،مثلا عن محاضره او كتاب او اي شي ،، او عن طريقه شرح الدكتور ،، يعني طلعي اي سالفه،، وقعدي مع مجموعه بنات
وسولفي ،،مثلا وحده سولفت موقف صارلها انتي اذا صارلج بموقف مماثل له ردي عليها اي والله حتي انا ذاك اليوم صار جذي وجذي....الخ
يعني سوالف واخذ وعطا راح تتاقلمين دشي اليوتيوب ع شغلات تخليج اجتماعيه

 

[دلوعة أبوهآ]

حبيبتي هذآ مستقبل وانتي حاطه ببآلك دراسه + شهآده مو صدآقه وتعآرف ..
شي طبيعي اول ماتدخلين راح تحسين بخوف وملل من غير صديقات
بس خلي هدفك الاول دراستك وشهادتك
مع الوقت والايام راح تتعرفين على بنآت وتكونين صدآقات جديده ..


لازم تفكرين بعقلك ولمستقبلك
يعني تتركين الدراسه والشهاده عشان ماعندك صديقات !!
طيب بالمقابل صديقاتك كلهم بتكون معهم احسن الشهادات وانتي لآ


ركزي ع دراستك وبتتسهل كل امورك إن شاءالله

 

[لمى الهاجري]

انا نفسج امشي بروحي وما يهمني المهم الدراسة والاصدقاء لاحقه عليهم

 

[αησмα]

للعلم اختي


زمنا هذا كله مصلحه

بس اللي تدوم لج وحده او ثنتين بالكثير

زمنا زمن شهادات ومعاشاتةمو رفايج وامشي



اهتمي بدراستج ورفايجج لو يبونج جوا لعندج ليش ما تضايقوا



اهتمي بدراستج ومردج بتتعرفين ع بنات لا تحاتين


موفقه

 

[Dalal.E]

لا لا لا شيلي هالموضوع من راااااااسج !!!!
بدون شهاده شلون بتعيشين؟!!!
المهم انتي مالج شغل بأحد حضري محاضراتج وامشي واذا عندج بريك ساعه مايسوى ترجعين البيت فا روحي قعدي بالمكتبه لخصي درسي شبكي لهي نفسج واكيد راح تتعرفيلج على بنات

انتي الحين انسي رفيجاتج اهما مو قاعدين يفكرون مثلج والله افكر اني انسحب عشان قاعده ابروحي ..

قبل لاتنامين كل يوم اقري سورة البقره وقوليلي شيصير معاج

 

[Dalal.E]

واذا ماتقدرين كلها اقري كل يوم جزء لين تتعودين عليها ان شاءالله تحلج مشكلتج

 

[Mryosh]

حياتي ليييييييييييييش
شوفي انا بالسكرتارية اللحين مافي احد معاي أعرفة ولا همني
حياتي خلي بالج بدرسج وبنات اليوم فرقاهم عيد
انت شدي حيلج يعني دشي المحاضرة وركزي مع الدكتور ومن يطلع روحي المكتبة الكفتيريا على الكراسي اللي برى اي مكان تحبين ولخصي المحاضرة ودرسي للمحاضرة الجاية وأخي معاج الايباد او الابتوب وشبكي نت او نزيلي العاب تحبينها ولهي عمرج او اقري كتاب
ولا تحتكين بأحد اضمن لج بعد اول اختبار من يوزع عليكم الدكتور النتائج ويعرفون انج شاطرة بيبدون يتلصقون فيج ويسالونج بس انتي خلج واثقة من نفسج حتى لو تمثيل مع الوقت بيصير حقيقي. وانصحج لا تصادقين احد لان التجاري والمعاهد وبعض الكليات تلم ولا تقولين امشي لحالي ومدي شنو <<<حياتي امشي لحالج شنو يعني بتموتين لو مامشى معاج احد وبعدين كلها ساعات وبتطلعين وكلها كم كورس وبتتخرجين والله بعد اللي شفته بيوم التسجيل من المستوى لبعض البنات وأسلوبهم قررت ما أتعرف على احد خلي علاقتج. حلوه مع الدكاترة والأساتذة. والموظفين بالكلية وبس
البنات يخرعون وياما خربوا بنات طيبات ومافيهم صدق والأغلبية مصلحجيات من يشوفونج شاطره. بيصادقونج. عاد انتي اختاري صح
انا خواتي وخالاتي وبنات عمي كلهم كانوا يقولون. مافي بالجامعة صداقات كلها زمالة دراسة وبس يعني شخذينا شنو قال الدكتور الفلاني وين المكتب العلاني وبس
والصداقات الصجية هي اللي تمت معاج من المدرسة وبعدين ان شاء الله بالعمل اما الجامعة أنصحج طلعي منها بأقل عدد ممكن من الزميلات لأن الأغلبية تدور مصلحتها وبس
وتذكري ملك الغابة الاسد ما تحلى له المشيه الا لحاله
فانت تخيلي نفسج أسده وتبختري بالكلية لحالج <<<<<<يلعن يوم الوصف احس أني أعجبت نفسي
على العموم يقلبي. لا تضيعين مستقبلج على سالفة ما تسوى
والحمدلله صديقاتج ما انقرضوا <<< متأثرة بعالم الحيوان
تجمعوا بلويك اند او لما تصير لج فرصة مريهم او هم. يمرونج بين المحاضرات او سولفو بالواتساب وبسرعة الوقت بيمر
وارد وأقول أحسن لج. ماتتعرفين على احد لأنهم بأحسن الأحوال. بيشغلونج عن الدراسة

 

[مـلـآذ الخـوآطر]

ع الخاص

 

[p!nk fofo]

الله يجزاكم خير بنات ريحتوني بس الخرعه فيني ادعولي باجر اول يوم دوام حقي

 

[M!s$ GoOnA]

صاحبة الموضوع ..
انا نفسج بالضبط واايد استحي وكلا لاصقه بأمي وخواتي
احس اذا رحت الجامعه جذي بيصير فيني ، بس اعتقد راح اكون مع اختي الكبيره وهذا اكثر شي مريحني

Mryosh
انتي عجيبه ردودج وااايد حلوه وكلامج عدل 100%
الله يوفقج =)

 

[Alias]

تعرفي علي البنات

 

[Florence]

ادعي بصلاتج وكوني على يقين وبتشوفين العجب

 

[قَلبڪْ صًخرْ]

اهم شي شهادتج
شدي حيلج

 

[فووشيه كول]

صصصصصح
لآزم تتعرفن على اي بنت اخلاق
وتسيرين اجتماعيه
وآهم شي دراستج ^.^​

 

[جلكسيه اس 3]

طول عمري بروحي
اصدقائي الي احبهم و يحبوني مو وايد
و مع هذا مرتاحه اكثر الاصدقاء الحين ممكن باي لحضه يقلبون عليج
و عموما بالنسبه لي ما اسميها مشكله
صح العزله اتاثر سلبيا بس هم الاصدقاء اذا كانو عسل لها تاثير حلو
عموماةالله يوفقج يا رب و تتعرفين علا درزن صديقات

 

[جوك احلى جو]

وايد وايد مكبره الموضوع شوفي حبيبتي
الثانويه شي والمعهد والجامعه شي ثاني ليش لان المحاضرات كل ساعه بتشوفين مجموعات يديده واغلبهم مايعرفون بعضهم فشي طبيعي مايكون في تعارف عكس المدارس كلكم نفس المواد ونفس ساعات الدراسه

ترا انا نفسج ظليت بروحي وحتي علاقتي فيهم مجرد زماله لان مايمديج كل ساعه بمحاضره شي طبيعي ماراح تقوي العلاقه الا مع جم بنيه

بعدين هذا مكان دراسه اهدم مستقبلي عشان تخيلات شدعوه دراستج اهم شي بالدنيا ولاحقه عالصديقات وعوار الراس والصديقات مو بس بالدراسه بكل مكان

 

[ديانا سبنسر]

اي وضع جديد صعب الانسان. يتقبله انتي لانج بالبداية وخجولة شوي علشان جذي متخوفة. اهم شي سمي بالرحمان واقري بعدين شتبين. بالرفايج احسن لج جذي خلصي محاضراتج. اقعدي بالكافتريا طقطقي بايفونج وتقدرين باول الايام تاخذين امج والااختج معاج لين تتعودين على المكان

 

[* شوية أمل *]

شدعوآ عليج بجي وخرعهه
أولى أبتدائي أنتي !
عادي أمشي بـ ثقهه وطقاق عنج ماتعرفتي ليش تبجين وتخافين
وتعرفي شوي شوي
واي وحده معاج بالكلاس اخذي رقمها ع الواتس وشوي شوي سولففي وتعرفي ..

مردج بتعرفين