خواتي الي مجربين الولادة ممكن معلومات من تجاربكم

[أم شيــ@وخة]

خواتي وحبايبي انا بعد 3 ايام ادش التاسع مع معانات طويله مع النساة والحارج والحموضة والثقل ((( والله كل ما اشوف امي ابوس راسها وايديها احسن ان مهما نسوي انا واخواني مانوفيها حقها علي التعب الي تعبته عشان تيبنا)))
الي ابيه منكم كل وحدة توصف شنو صار معاها وقت الولادة وتوصف الطلق شنو اهيا اعراضة
لاني بجر وما اعرف شلون ممكن تساعدوني وتساعدون خواتكم البجريات*

 

[ام دليار]

رد : خواتي الي مجربين الولادة ممكن معلومات من تجاربكم

أأأأب ولا مرا جربت أدعيلي أجرب

 

[فديت اللي أحبه]

رد : خواتي الي مجربين الولادة ممكن معلومات من تجاربكم

لاتحاتين ياقلبي والله سهالات وانا كنت نفسج احاتي الولاده والطلق وهذا طبيعي كل وحده لازم تفكر بهاللحظه وبالنسبه لي حزت الولاده احلى لحظه وعسى الله يسهل عليج وتقومين بالسلامه انتي والبيبي وانسي ولاتفكرين ترى التفكير يتعب حيل ، والحين الطب تطور والكمام ينسيج الطلق والولاده بكبرها واسمحيلي طولت عليج ،،

 

[موجة ~ بحر]

السهاله من الله ادعي الله يسهل ولادتج الطلق نفس عوار الدورة بس ازيد في البطن والظهر وكل ما استحملتي الطلق وانتي بالبيت احسن لاتروحين المستشفى بسرعه عشان لا كل شوي يفحصونج واشربي دارسين وايد زين يارب يسهل ولادتج وتشوفين بنوتج

 

[Roty]

عاد والله توني قبل دقيقتين كنت مفكره اكتب موضوع اسال البنات عن تجاربهم وشنو خذوا بالولاده

انا مثلج توني بالتاسع موعدي ٢٥/٣

فبجري قيصري فااا ماعرف معلومات الطبيعي كللللللش

بس مر علي الطلق وكنت اسال مثلج شلون صاير شوفي اهوازعوار بالبطن اييج منتظم كل ٥ دقايق يعني اذا يالج عوار شوفي ساعتج وحسبي الوقت وبس

الله يسهل علينا*

 

[امووووما]

الله يسهل عليج يارب كثري من الاستغفار وصدقيني ربج بسهلج باذن الله يارب

بالنسبه لي انا كنت بجر وثاني اسبوع قلت حق الدكتور ابي فحص داخلي ولما فحصني ولا مفتوحه اثنين سم ومن بعدها على قولتهم بلشت العمليات الانتحاريه والحمدالله ثاني اسبوع ولدت بنتي بدون لا طلق صناعي ولا شي الطلق يالي من ربي الحمدالله مع ان الكل قالي ان انتي فيج بنت وبجر اطوفين شهرج وما تولدين نصييييييييييييحه نصييييييحه مني مالج شغل باحد عليج من كلام دكتورتج وعليج بالمشي ثم المشي ثم المشي وشرب الدارسين اذذااااااااااااا كان عنق الرحم مفتوح واذا لا ماله فايده ومو تشربين استكانه دارسين واتقولين شربت والله ان كنت امسك مطاره مالت اليهال في ايدي وامشي في مجمع 350 سااااااعه كامله مع شرب الدارسين جني وحده امسويه رجيم مو بتولد لوووووووووووووووول المهم سويت المستحيل لان مليت ومابي طلق صناعي

وانشاءالله الله يسهل عليج ولادتج مثل ما سهل علي يااااااااااااااااااااارب

 

[أم شيــ@وخة]

رد : خواتي الي مجربين الولادة ممكن معلومات من تجاربكم

مشكورين خواتي وماقصرتو
وان شاء الله الله يرزق البنات المحرومين ويهون على الحوامل بولادتهم

 

[يا كويتنا]

رد : خواتي الي مجربين الولادة ممكن معلومات من تجاربكم

شوفي اول شي طول هالايام ادعي بصلاتج ان الله يسهل ولادتج

واهم شي اهم الاستغفار والصدقه تصدقي بنيه ان الله يسهل عليج الولاده ويجيج دكتور او دكتوره حبيبه تساعدج


الطلق مثل الام الدوره بس بطن وظهر مع بعض وسبحان الله في حريم بس الم بالضهر وحريم بالبطن وانقباضات وشد بالبطن واهم شي زي تكرر مو يجيج الصبح تركضين للطبيب لا صبري وحاولي تمشين المشي يساعد بالولاده لي بديتي تشدين عشان يطلع راس البيبي

وعسالله يسهل عليج وعلينا وعلا كل حامل يارب

 

[عذبة الأوصاف]

رد : خواتي الي مجربين الولادة ممكن معلومات من تجاربكم

عسى الله يهون عليج وعلي وعلى كل حااامل يارب..
والله الطلق عوار وعلى حسب في نصهم ماشالله مايحسون حيل بالعوار..وفية الموت تشوفينة بعيونج
انا كنت طلق صناعي وموراضي ينفتح الرحم مع أن الطلق ذبحني ذبحني
بس الحمدلله الحين والله موذاكرة أي شي نسيت كل العذاب وراح تنسين اكثر من تشوفين البيبي ع صدرج

الله يسهلناااااااا

 

[ام فوااز]

لاتسمعين تجارب احد لان كل وحده غير عن الثانيه وكل حماله غير عن حماله دشي على عماج احسن والله يسهل عليج يارب
ادعي عليج بالدعاء والاستغفار وغير جذي لا وعسى الله يقومج بالسلامة يارب

 

[أأأميرة الورد]

رد : خواتي الي مجربين الولادة ممكن معلومات من تجاربكم

التساهيل من رب العالمين
الحين انتي خليج على اوراد الولادة
اقريها ولا تنسين حبيبتي الدعاء والاستغفار
بنية تسيهل الولادة
لاااااااااااااااتحاتين

 

[Roty]

الحين شلون الدارسين بس اشربه اذا الرحم مفتوح؟؟؟

لان دكتورتي قالت شربيه معنها مافحصتي وانا اسبوع ٣٧

 

[الأميرة كيرارا]

توكلي على الله و ترا كل تجربة غير
أهم شي لا تخرعين روحج
و عليج بالرطب إذا حصلتي وقت الطلق

 

[Mednight Rain]

رد : خواتي الي مجربين الولادة ممكن معلومات من تجاربكم

انا بجرية وما اقرا عن الولادة بصراحة لاني حساسة وبسرعة اتاثر
خليها ع الله والله يسهل علينا ونولد بالسلامة

 

[om MaRyooM]

التساهيل من الله اهم شي ماتهولين الامور


وانا ماجربت الطلق لان قيصري

ودايما ادعي ربج

 

[flower quen]

والله انا ولادتي على قولتكم عملية انتحاريه
كنت عند دكتووره وربي لايسامحها لادنياو لاآخره عززرت فيني
كنت داخله التاسع لي يومين بس وبكريه
راحت لها ولافيني لا الم ولا طلق ولاشي
كشفت داخلي ولقت الرحم مفتوح ولازم تدخلني ولاده
دخلت نومني بغرفه
وانا مافييني طلق ولاشي
جلست بالغرفه يمكن اربع ساعات ونص بديت احس بألم
بس انه يجي ويروح
بعدها جاتني الدكتوره وفتحت كيس الجنين وبدت تنزل المويا
وبدي الالم يقوى
والرحم لسى مافتح كامل
كانت تقولي رحمك استجابته بطييئه بعد 8 ساعات من الألم دخلت ولاده
والحمد لله جبت جونا الحين عمرها سبعه شهور
بس واالله من تشوفين ضحكة ضناك تنسين كل الألم
لاتفكرين كثيير
وربي يسهل عليك ويرزقك الصالح

 

[دلوعة مبارك]

اللـــــــــــــــــــــــه يهون علينــــااااااا يا رب

 

[washwoshh]

رد : خواتي الي مجربين الولادة ممكن معلومات من تجاربكم

خوووووش موضوع يالله نبي تجارب

 

[Roty]

فلور كوين منو دكتووورتج بلييز

والله يخليلج بنيتج

 

[؛؛حلاوه؛؛]

رد : خواتي الي مجربين الولادة ممكن معلومات من تجاربكم

أنا وايد خايفه كل مايمر شهر أخاف اكثر شلون يقلون الدكتورة تدخل ايدها داخل شيسمونه أخاف يعور وأي أنا كلش مااتحمل