خلو الحريم اللي يبيعون دويات نفاس و خلونا نركز على العطارين ....

[رويال ديزاين]

السلام عليكم ورحمة الله وبركاته ....

من زمان ما دخلت المنتدى الغالي كنت والده السنه اللي طافت ولاده مبكره

و لهيت حيل مع البنات و العيال و ابوهم و مشاغل الحياه الكثيره


حاليا عندي اختي بتولد شهر 12 و بديت ادور لها على دويات نفاس مضمونه و نظيفه

اللي تمدح ام محمد الشلاحي و حطيت عنها استفسار و اللي تقول ام فيصل و اللي تمدح ام محمد الرشيدي بالفردوس و اللي تمدح وحده بالجهرا ....

بس نسيت ان هالحريم ياخذون دوياتهم من اساس من الحواج او العطار


من اسئلتي و خبرتي المتواضعه في كذا مكان للدويات و معروفين ... و ياريت اللي جربت من هالعطارين تقول تجربتها ... لأن وبكل صراحه الحريم نهبونا نهيبه ... و نبي نعرف كوعنا من بوعنا


يعني مو معقوله دوا الغوري او شاي الاعشاب تاخذينه من الحواج بدينارين تبيعه المره ب 10 !

خل نبدي بسم الله و اتمنى اتمنى اتمنى ان اللي تدخل الموضوع ترفعه بدعوه حلوه ان الله يهون على اختي ولادتها ....


حواج بوسعيد الفردوس :

كذا مره ادخل عنده القى حريم كبار يطلبون بالكيلوات منه دويات نفاس كالتالي :
مردود
لهوم
طبيخه و اهي مثل اللهوم ينحط مع العصيده و المرقوق والشوربه
دوا الغوري او طبيخة الغوري
دوا القهوه للهوا و الافرازات و تلقونه يحطها بعلبه صغيره
كبو الهوا
دوا التمره و عباره عن رشاد و حبه سوده و الحبه السوده تكون اقل من الرشاد


و انا جربت دوا الغوري عن\ه روووووعه و دوا القهوه حلووو بس انتي لازم تطحنينه

كل هالسوالف ما تتعدى ال14 او 15 دينار و المره تبيعه اقل شي ب 50
و اهو اصلا يقول كل الحريم ياخذون مني شغلهم جاهز!

يعني لو كانت تنقي و تخلط بالبيت قلت يمكن لها وصفتها الخاصه لكن تاخذه جاهز و بس اللي عليها انها تعبيهم بقوطي غير اللي متعبين فيهم .. ما نقول غير الشكوى لله


سمراء عدن \ شرق ... ما عندي رقمها بس سايقي يدلها ...:

الحسووو لا يعلى عليه من هالمطحنه
المردود
مستلزمات النفاس مثل قشر القهوه و غيره
عنده خلطات للهوم و هالسوالف الصراحه ما جربتهم


حواج الرحاب ... هذا سمعت عنه من كذا وحده و بصراحه ما جربته
و ما ادري اي قطعه وياريت اي عضوه تعرفه تقولنا اهو اي قطعه و تلفونه

يمدحون اللهوم و المردود عنده



حواج الجليب ( صويلح ) .... يقولون معروف من عمر و الكل ياخذ منه الخلطات والحوايج للنفاس و الدوره اللي تعرف اي معلومات عنه بعد تقولنا و تنصحنا نبي رقمه لو سمحتووو
قريت عنه كذا مره بس ما عرفت القاه نبي الرقم و شنو تاخذون منه




بنات ....


بصراحه بصراحه ... احنا حيل غشيمات بسوالف الدويات و ناكل و لا ندري شنو قاعدين ناكل
في بنات يقولون ان بعض الحريم تحط شغلات في دوياتها تعطي نتايج مؤقته مثل الصكفك و ما ادري شنو

و لهالسبب بعد فتره تدورين شي عندها للخراب او للهوا او الرخاوه


و اكيد اهي تكون معطيتج تلميحات ان لو فيج شي رجعيلي


ياريت البنات الحلوات اللي لهم خبره بالولادات و النفاس تنصحنا بكل صراحه
وتقول شنو اللي جربته و اللي ما جربته



و مشكورين و جزاكم الله خير و ربي يهون على كل وحده حامل

 

[ملاك ^ الحب]

اي والله ذيك اليوم اقول شدعوه يبيعون اعشاب ب 50 دينار

انا سالت الحواي الي يجمعيتنه قالي اي شي تبينه متوفر عندي واذا ماتعرفين انا اقولج قلت خلاص اروح اشتري من عنده

 

[latkt7as]

في وحده من رفيجاتي تمدح

عطار بالمباركيه وانه يهببل وادويته ممتازه

لدرجه لختها بعد نفاسها يقولها زوجها نفاستج هذي احسن من الثنتين الي قبلها

بس الي تجيب لهم خالتها وماترضى تعلم احد


ياليت الي تعرررفه تدلنا عليه ولها الاجرر

 

[kuwaitiya_84]

اي والله بنات انا هالولاده امي حدها تعبانه وماتقدر تسويلي شي وبقعد عندها اسبوع والسبب مدارس عيالي بلييييز شنو اشتري وشنو اخذ ومن وين

 

[الــريــان]

اي والله نبي احد يفيدنا بهالموضوع مو كل احد يقدر يدفع 60 ولا 50 الصراحه واللي تفيدنا بميزان أعمالها

 

[الـــغـــلآ]

ما احب شغل العطارين و ما احب اخذ من اي حرمه مني و الطريق

احب الشي الجاهز ٱ‏​نـا عندي اعشاب الدوره و شوي نفاس حق اجهاضي كله من ام خالد الهاجري كافي گـِْ♡̨̐ـِْلِْ العايله تاخذ منها و شغلها نظييف و مضمون حتى طريقة الاكل كاتبتها بالتفصيل

تستاهل ٥٠ دينار او ٦٠ شي جاهز ومضمون و گـِْ♡̨̐ـِْلِْ اللي يستخدمه يمدحه موو بس اناا

هذا رايي ٱ‏​نـِا و مشكوره ع الموضوع

 

[وحيدة امى]

جزاج الله خير
بس بعض الحريم تحط من خبرتها وتجربتها
وبالاساس تكون طبابه بالوراثه
مثل الريشيديات روعه ويهبلون صج طبهم عن خبره وفهم

 

[عنووووفه]

عندناا حواج مبــارك اليمني بالجهرا القيصيريه صار له اكثر من 30 سنه وعنده كل شي

ايه ولله يختج الحريم نهيبه ولله

الله يعين بس

 

[أخاف اجرح]

اي والله صاجه اختي ماله داعي ناخذ بهلسعر والله حرام يمكن هالاغراض ماتكلفنا ١٠ وتكونين بنفسج شارفه عليهم ومع احترامي للي يبيعون أدوية النفاس تري مو الكل لازم نثق فيهم تحطلج بلاوي وتري المعده ما تحمل شغلات وايد حاره يعني وسط بس نبي نتساعد وكل وحده تقول الشغلات الي خذتها من العطار واستفادت منها وأي حزه خذيتيها عشان ننظم جدولنا الصبح شنو تاخذين والظهر والعصر وقبل النوم يعني أتمني نتعاون بالشي هذا

 

[أم ركووووووو]

الله يسهل ولادتج اختج يارب وتقر عينها بشوفتها ضنها
انا صراحه جربت الفردوس بوسعيد يهبل صراحه وطق عصي عليه وكل سي مطحون بعلبه وكاتب عليه شنو وشلون يستخدم غيره ماعرف صراحه

 

[kuwaitiya_84]

بنات وين صاير بو سعيد الي بالفردوس وشنو اخذ منه لاني داشه شهري باسبوعين اي حزه اولد ولا اروح مطحنة سمراء عدن بلييييز الي ردكم ظروري

 

[عنووووفه]

ياليت عنواان مطحنة سمراء عدن او تلفونها الله يرضا عليكم

 

[بنت الاحلام]

انا طالبه اعشابي من ام خالد الهاجري اليوم باجر توصل


بعدين ماستخرخص ع نفسي حتي لو 100 لان هذا اهم من المكياج والكشخه مابي اطلع من النفاس واسمع كلمه من زوجي

والعطارين اخاف منهم مادري شنو حاط نظيف شغله او في دود خاصه ان شي يدخل البطن
ماقدر اجازف والله وام خالد 6 سنوات بالمنتدي يعني خبره وكل اهلنا باخدون منها ومدحوها لي حيييل
انا حجزت عندها بنت خالتي 4 ولادات كلا من ام خالد وتقول شغلها توب وانا بجر وهذي اول ولاده
باذن الله توب
بسًبسال عن المره

المره صج زينه حق الخياط او لا؟؟؟

 

[نور التفاؤل]

ايه والله اخذمن العطارين احسن!
عالاقل اذا صار فيني شي التهاب والاتسمم والاخراب اعوذ بالله
اقدر اقول من هذا وهذا
مو بعدين ادق على المره واقولها تقعدد تصايح
وتقول ومنو اللي قالج اشتري مني !!!

ولاا!
تحطلي هاللي يصك ويلك مال الاسبوعين اللي يقولون واطلع يااااالهويييييي!!!
وبعدين تقول تعالي عندي لهوم الخراب وهذا المطلوب من هالتجاره الحين الله يستر علينا

واخرتها كل اللي عندها من العطارين جمله
يعني منين بتجيييييييييييييبه؟؟؟؟؟؟؟؟؟؟؟؟؟؟

 

[أم معاذ الكندري]

يزاج الله خير
والله يسهل ع اختج ولادتها
بنسبه لي انا احب اروح العطار ماعندي مشكله
بس انا بأجهاضي رحت حق العطار وخذيت لهوم واعشاب ومن هسوالف طلع علي فوق 35
يعني مافرق اني اطلب من مرا او اروح العطار
اذا لي خلق رحت العطار واذا شفت نفسي لا والله ماعندي وقت او ماقدرت اجمع انا الشغل اطلب من وحده مضمونه
انا عني بأذن الله بطلب من ام خالد لان الكل يمدحها

بس انا شدني سالفة العطار مال الفردوس وين صاير بالجمعيه ولا وين

ومشكوره ويزاج الله خير

 

[موت وميلاد]

ابب

 

[ام عفراء]

بغيت عنوان العطار اللي بالفردوس او رقمه .. الله لا يهينكم

 

[شيخه عرب]

الله يسهل علينا يا رب انا بكل ولاداتي اطلب من ام خالد واسعارها معقوله اتوقع الوحده تشتري العطر ب 50 هالايام ليش استخسر بروحي الشي النظيف !!!​

 

[توتو ستايل]

في حريم تبالغ بأسعارها جن ماكو غيرهم
ما حب لويه الحواي وتعالي سوي وعباله
ناخذ حسو من وحده ماتقصر الحافظه ب 5 و 7 الكبيره
وتسوي شغلات ثانيه اسعارها زينه مو غاليه
اللي بتسألني عنها بالخاص لاني ما ارجع للمواضيع

 

[kuwaitiya_84]

الي مجربين بوسعيد بالفردوس شنو تاهذون منه ونظيف ولا لا وبسالكم عن قشر القهوة انا ارضع يصير اخذه طول النفاس وشلون اسويه لانه صج متوهقه هالولاده امي مو مجهزه شي بسبب تعبها وانا مابي اثقل عليها