خلصنا من جذبة ابريل .... وبلشنا بالمناشب علي الملجه والزواج ...الله يعينكم يالمتزوجات

[دريم ويب]

اقووول البعد عنه غنيمه

 

[cat-girlq8]

صراحه احسه يدقق باشياء مالها داعى
ويبي يفرض سيطرته من الحين
الله يعيينج

===============

اي والله يدقق علي اتفهه الاشياء وانا ماحب جذي يعني مايطووف شي

 

[white**angel]

======

انتي منصدمه عيل انا شقول اللي قاعد صارله ساعه ويدقق علي امور تافهه مثل ... ابي ملجه وتكون كبيره بمثابة عرس
انا رفضت هالاقتراح قلت له المفروض يكون نقاش مشترك قالي بس انا مابي ...
امبيه يا white**angel لو تشوفين شلون طريقة كلامة وشلون يفرض نفسه غصب طيب بكل شي يدقق عليه حتي عاللبس
بصراحه كلامه يبط الجبد واكثررررر قهر يا white**angel يوم يقولي اذا اخوي قط كلمه عليج سكتي عنه لا تردين انا اعرف شلون ارد عليه بطريقتي
ياسلام عاد انطر

حبيبتي ميخالف اخذي بالمساحل قوليله تبي نسوي حفله ملجه وماراح تسوي عرس عيل تصير مصاريف الحفله علي وعليك خل على الاقل لي سئلوني اهلي اقولهم زوجي اهواا اللي سواها بيكون منظرك حلوو جدامهم
وتراا على فرض الراي اغلب الرياااييل جذي وبالذات وقت الخطبه لانه يبي يثبت شخصيته على مرته ويبي يبين لهااا انه الراي رااي وانتي بس تسمعين بس صدقيني مع الايام تلاقينه يطخ وكلامج انتي اللي يمشي لي كلمتي باحترام واقنعتي بوجهة نظرج
وانتي اي شي تبينه منه اتبعي معا اسلوب الاقناع وانشالله الله يسخره لج ويخف شوي

 

[cat-girlq8]

حبيبتي لو انك تحبيه رح يكون اوامره مثل العسل لكن انا بقولك استخيري وفكري زييييييييييين لان هذي حياه ابديه علا قول امي الي تتزوج لازم تحط براسنها من بيت زوجها للقبر وتفكرزين محد رح يفيدهاااااا قول ياارب وان شاء الله ربي ماراح يضرك الله يجعلنا من الي احسنو اختيار ازواجهم ياااااااااارب

==========

ماختلفنا انا احبه واعزه بس هذا مايمنع انه يكون لي كيان يعني بصراحه ماحب اسلوب الفرض
والامر

 

[cat-girlq8]

مادري كلامه ينرفز ويبط الجبد

واهو يبي يفرض نفسه من الحين

يبي يصير السي سيد بس مو عارف شلون

الا بالآوامر

وترى اكثر الرياييل جذيه مايعروفون يتكلمون

ولا عندهم اسلوب بس عندهم اوامر

عبالهم قاعدين بالجيش

واكثرهم يعني بيكحلون السالفة يعمونها

يكونون جافين بالكلام والتعامل نادر ماتلقين

الريال الي على كيفج نادر جدا وانتي بعد

كله قولي حاضر وان شاء الله على امرك بس

ماطلبت شي تلقينه يبي يختبرج بيشوف ردت فعلج

بكل موضوع يصير والبنت الشاطره اتعرف شلون تتصرف

مع الريال والله يوفقج ويسعدج يارب

==========

بالضبط يبي يفرض نفسه من اللحين ويبي يصير الكل بالكل من اولها جذي ولا فوق هذا كله يقولي اليوم اللي صج نرفزني وبغيت اوصل حق اعادة النظر
تخيلي يقولي اليوم احنا نقدر نستغني عن الشقه اللي بيتنا فوق اللي فيها صالة كبره وغرفتين ونقعد بغرفتي اللحين يعني انا وياج بغرفة وحده
قلت له نعم ؟ من صجك قاعد اتكلم ولا اتغشمر قالي لا انا ما اتغشمر وانتي اكثر وحده تعرفين طبعي
انا هني صج تبلعمت وسكت مادري شرد مادري شقووول
صج صج غثنييييييييييييي

 

[Lays BL.ketchup]

الظاهر كل كلامه دقه كبيره ! عيل غرفه وحده ؟؟ لا صاله لا مطبخ لا حمام عزج الله ؟ :eh_s(1):
كل البيت بيسمع سوالفكم وهوشاتكم لا قدر الله ؟ :eh_s(1):

الزوج المفروض يصرف على مرته ويحطلها بيت او عالاقل شقه - بس خطيبج احسه كل ماله ويخفف الحمل عن نفسه - اتمنى اكون غلطانه بهالنقطه

مادري شقولج بصراحه - انا كنت نوعا ما بصفه الموضوع اللي طاف
لكن هالمره امتنع عن التعليق - ان شاء الله الخبيرات يفيدونج :eh_s(7):

 

[cat-girlq8]

الظاهر كل كلامه دقه كبيره ! عيل غرفه وحده ؟؟ لا صاله لا مطبخ لا حمام عزج الله ؟ :eh_s(1):
كل البيت بيسمع سوالفكم وهوشاتكم لا قدر الله ؟ :eh_s(1):

الزوج المفروض يصرف على مرته ويحطلها بيت او عالاقل شقه - بس خطيبج احسه كل ماله ويخفف الحمل عن نفسه - اتمنى اكون غلطانه بهالنقطه

مادري شقولج بصراحه - انا كنت نوعا ما بصفه الموضوع اللي طاف
لكن هالمره امتنع عن التعليق - ان شاء الله الخبيرات يفيدونج :eh_s(7):

==================

لا كان جاد بكلامه والله صدمني يوم قالي هالكلام شدعوي انا ماقلت له هالكلام قلت له كلامنا وسوالفنا راح يسمعونها اهلك جان يقولي عادي تحملي
اللي تحب زوجها تسمع كلامه بكل شي قالي وبالنسبه للمطبخ عادي في مطبخ تحضيري شالمشكله
لالالا بصراحه مصخها والله هذا زواج ولا سجن

 

[((البرنسيسا))]

الله يعينج حبيبتي بجد زوجك يرفع الضغط

ليش ماتكلمين امج بالموضوع وتشوفين رايها لأن خبرتها بالحياة أكثر إن شاء الله تفيدج

ومنها تقررين مصيرج ، بعدين إنتي لازم أبوج يحط شروط حقج قبل الزواج إحنا نسوي جذي عجبة أهلا وسهلا

ماعجبه الحريم ترس الديرة ، القرار الأول والأخير بيدج فكري عدل وإستشيري أمج والله يوفقج يارب​

 

[سعاد الكويتيه]

ماادري جنكم بساحة حرب
كل هواشكم ونقاشاتكم على إفتراضات:bbbiu:
كل واحد يبي يفرض سيطرته على الثاني
أنتي كل ماقال شي قمتي تقولين لو ملجه رفيجتي واهلك لازم يستأذنون ومادري شنو !!!!
حبيبتي هالاشياء ماتنقال هالوقت بعدين تسوينها حزت الحزه
لاتخلينه يزهب أسلوب جايد بالتعامل معاج ويحاتي انج تفرضين سيطرتج عليه خلج قطيوة :eh_s(22):
ريلج من النوع الي تتصرفين معاه بالحيله يعني ماتبينن له أنج بتمشين كلمتج عليه عشان مايعاندج ويبط جبدج
وبعدين مااحس انكم فاهمين على بعض لازم تاخذين عليه وياخذ عليج
واهم شي نقاشاتكم تكون بإطار ودي :friends:

.
قالت كل اللي بقوله

والله يوفقكم ويهديكم


.

 

[ρeαrℓ]

شوفي اهو في اشياء بكلامه صح وفي غلط

يعني اسلوبه كلش مو حلو معاج .. الله يعينج عليه

 

[اللعبه]

كلامه ما فيه شئ

 

[اسم والسلام]

شكله شخصيته ضعيفه وماله كلمه ويبي يسوي شخصيه عليج

احساس بالنقص يعوضه الله يعينج

 

[™〓 تۈڷيـــטּ~»❀]

يالسه اقرا طلباته ولاعت جبدي
كلش مايترقع ذي
كانه يبي يطفرج بس بطريقة غير مباشر
ووواتوقع يالس يختبرج وهذي حركات الريايل
مادري شحسون فيه :ٍ

 

[حبك عذاب]

حبيبتي لاتعودينه انك تتنازلين في البدايه

هاذي مو بس حياته هو هاذي حياتك ومستقبلك ما اقولك لاتسمعين كلامه بالعكس هذا شي واجب عليك

بس بحدود المعقول مو يلغي كيانك وشخصيتك ويصير هو الامر والناهي وانتي مطلوب منك تسكتين

ولو ان الشغله مو عاجبتج

تفاهمي معاه من الحين وقبل الارتباط الرسمي

الحياه الزوجيه مشاركه وتفاهم بين الشخصين

وبعدين ماتسمعين المثل الي يقول زوجك على ماعودتيه << ترا ما يعجبني بس هذا الحاصل

والله ييسرها ويسعدك وويوفقك

 

[أماني عمري]

كوني له أمة يكن لك عبدا
​

 

[franshiska]

حبيبتي مبين ان صايره بينكم سوالف من قبل
واهو خايف
صح ؟

انتي معاندته من قبل ؟
وبعدين لا تييبين له طاري رفيجاتج وايد
رفيجاتي ورفيجاتي
ترى الرياييل يغارون
حسسيه انه اهم شي بحياتج
واذا بتطلعين قوليله بطلع معاهم ماراح يقولج لا

 

[Noor AlQ8]

انا ماعرف اذا بينكم شي من قبل بس من اللي قريته اشوف ماقال شي غلط وكل طلباته ممكن اي زوج يقولها

بعدين اسمحي لي بس احسج دلوعه حيل

يعني سالفة الخدامه زين منه رضا شكو تجيبين شغالتكم معاج وانتي ماعندج عيال ولا شي شنو بتسوي لج هههههههههههههههههه


اقولج شغلة زوجج شكله يجي بالحيلة والمساحل اما سالفة انج بتعاندينه وتحطين راسج براسه صدقينـي انتي الخسرانه

وعن انج تستأذنين منه قبل ما تطلعين ترا شرعـًا معاه حق قبل ما تطلعين المفروض تقولين له انا رايحه المكان الفلاني ولا بطلع مع رفيجاتي واذا رفض من حقه يمكن يشوف شي انتي ما تشوفينه برفيجاتج .. ونصيحة ترا رفيجاتج ماراح ينفعونج صدقيني انا ماقول اقطعي عنهم بس حياتج اولى

انتي حاولي ماتشدين معاه يعني مثل يوم يقولج زوارتنا كل يوم خميس وشي ضروري تجين المفروض انج مو مبينه انج بتعاندينه من الحين اول الوقت بيشد بس بعدين بيتغير الكلام

انا اقول انتي مو عارفتله ليما الحين والله يسخركم لبعض

 

[أو عبوش]

صراحه انا معاه بأشياء واجد
من ضمنها الاستئذان بكل مكان تطلعين له
انا حتى لو مستوصف استأذن
حتى وانا ابيت اهلي استاذن
وزين يخليج مع رفيجاتج تطلعين... والله احنا ممنوع

وصدقيني يمكن اهوه قاسي معاج ونظام تجنيد لووول عشان كاااش من رفيجاتج او من لبسهم او شاف حركات ماعجبته بس انا شايفته صريح حيل
وبالنسبه لخدامتج اهله يامرون عليها لا صراحه.......... خدامتج اهلج جايبينها لج مو اهوه

 

[βνĹĂĢŔĨ-Q8]

حبيبتتى احسة جنه قاعد يختبرج يبيشوف غلاته بقلبج .وبعدين( انكيدهن عظيم) مذكوره بالقران. تكدريين بعد العشرة تغيرنه بطريقة غير مباشرة . لا تقوله لا بطريقة مباشرة

 

[βνĹĂĢŔĨ-Q8]

حبيبتتى احسة جنه قاعد يختبرج يبيشوف غلاته بقلبج .وبعدين( ان كيدهن عظيم) مذكوره بالقران. تكدريين بعد العشرة تغيرنه بطريقة غير مباشرة . لا تقوله لا بطريقة مباشرة