خلاص تعبت اليوم اخر يوم من شهري وباجر ادش العاشر!!!!

[Q6RYA]

مبروك ماياج فوشيا واهم شي سلامتج وسلامه البنوته الله يخليها لج وتفرحين فيها عروسه

ها عاد بتقولينلنا شسميتيها والا سر

 

[هذا مزاجي]

ياعمري انتي اخيرا رديتي :eh_s(16):
الف الف حمدلله ع سلامتج وسلامة البنوته
تتربى بعزكم ان شاءالله :yaaaaaarb:

 

[anooma_86]

الحمدلله على سلامتج ومبروك ماياج

 

[FuSheYa]

ياااااابعد قلبي انتوا
الله يبارك فيكم ويسلمكم ياااارب

والله أحبكم وحده وحده احبها لول


اليوم كان اول يوم استقبال ولوووووويه وكنت حدي دايخه
واحس من السدحه الخياط يندح يعووور
بس الحمدالله عقب ما اطلعوا الناس وكليتلي لقمه كنت ميته من اليوع
عطتني مسكن والحين شويه أهون

على كثر ما كنت دايخه كنت انطر بس الناس يطلعون وانااااااام
بس الحين ماكو طااااااارت


ودي ارد على وحده وحده بس عذروني متنحه لول

بالنسبه للكمام والله كنت حدييي خايفه وطبعا هم من كلام بعض البنات اهني اللي يقولون كمام السلام خربوطه وما يسوي شي
لا والله لاهو خربوطه ولا شي.... كاهو سطلني لوول


انا بالسلام بدسمان
وكاني الحين منسدحه ودي أنام بس مبطله التلفزيون واطالع بنوتي واهي نايمه الله يحفظها


بناات حياتي والله اشكركم وحده وحده صح ماقصرتوا وحسيتكم صج خواات وتنحطون على الجرح يبرا

ياحلاتكم الله يحفظكم ويخليكم لعيالكم ويخليهم لكم ياااارب
ويسهل علي كل حامل ويرزق كل محروم ياارب ماكو شي بعيد عليه سبحانه


اي سؤال انا موجوده مهما تأخرت بالرد.. اكييد راح ادش واشوف أسئلتكم ان شاءالله وارد عليكم باللي تبونه


الحين استأذن يحاول أنام وان شاءالله اقدر
تصبحون علي خير

وسوري علي البدليات لأني اكتب بالايفون

 

[ريوومتي حياتي]

حياااتي بناااات والله اخنقتني العبره من ردودكم


الحمدلله ولدت بالسلامه ويبت احلى بنووته الله يحفظها ويخليها

للأسف امس اول ماصحيت بليل كتبت رد بس حسافه ماحطيت إرسال من التناحه و راح

وحتى توني كتبت رد شكبررررررررره بالتفصيل بس حسافه مادري شفيه تلفوني وهم انمسح

المهم راح ارد اكتب لعيونكم يا احلي كويتيات


دخلوني العمليات علي الساعه 7 وشوي وريلي خذا كرت المرافق ويا معاي

كان الوضع عادي بس بدا يزييد العواار واايد يرووح ويرد فقالتلي النيرس اجرب الكمام

انا اشتطيت وشمييته وااايد هههه
أتذكر ريلي يقول جنج من أشرار بات مان ان ان ان ان
لووول احس جني ابجليب
عقبها هسترت ضحك قمت ابجي من الضحك لول بس كنت حاسه بعمري

المهم قعدنا شوي عقبها والا تقول النيرس بتحطلي بربيش حق البول مكرم السامع

وحطتلي الكمام وهذا اخر شي او اخر موقف كنت صاحيه فيه ومستوعبه شصار

تالي احس اني نمت وقاعده احلم

كان في عوارر وكنت اتالم بس كنت حاسه اني بحلم والحين بقعد
كنت اسمعهم واسمع النيرس وأحسها نرفزتني لول
تقولي نافاااااااس نااافااااس نااافااااس.. يعني نفس لوووول

سمعت صوت دكتورتي بس ماشفتها
اسمع صوت ريلي وكنت اقعد وافتح عيني ثانيه او ثانيتين واشوفه متصروع لوووول
وارد اخدر

كنت اشوف دائره كبييييره تلف تلف تلف واسمع اصوات
كنت اكلم نفسي والله بالضبط جني بعالم ثاني
كنت اسأل نفسي وارد علي روحي
اقول هذا حلم والحين بقعد... اقول شنو انا مت!!!!
شي خيااااااال كان الوضع


بس الحمدالله
والله يا بنات علي كثر ماقريت أهني وبره وكثر ما هولوا بالولاده كنت حدي خايفه ومتصرقعه
بس سبحان الله السهاله واليسر من ربي مهما كان الوضع صعب

تخيلوا الدكتوره تقول حق اهلي كنت شعره واحولها فتح بطن
لان انفتحت 10 سانتي وليلحين موقادره تطلع البيبي
بس الف حمد وشكر لك يارب ولدتها طبيعي
صج بعد تعب وطلق صناعي ولويه بس كل شي يهون عقب

بعد قلبي بنوتي الله يحفظها محتقنه صايره زرقه وامتفخه
ونفس الشي انا


ولدت 12 ونص تقريبا بس ماطلعوني الا 3 الا
كنت بالافاقه

الحمدالله امس كله كنت دايخه ومو حاسه بأحد
اسمع اصوات اهلي يسولفون واشوف وارد أنام
بالضبط صحيت عدل عال 8 ونص 9 بليل كنت ميته من اليووع وكنت محتاجه حمام مكرم السامع
واااي لما دشيت حسيت بالجرح حدددده يحر ويعور بس الحمدلله النيرس دشت معاي وغيرتلي

عقبها كليتلي جم لقمه وعطوني حبه مسكن ومضاد حيوي ونمت بعد
قعدت اليوم الفير




الحمدلله جنه حلم وخلص
انا الحين صاحيه بس الجرح يعور شوي بش بالقومه والقعده اكثر
الحمام مكرم السامع صعب ماقدر يحرني
يالله بالغصب بس الحمدلله كل شي يهون


الحين احس ظهري متفجج واعضام جسمي كلها تعورني


وأي بعد شوي بتيي النيرس علشان اتسبح ان شاءالله*

الحمدلله ع السلامه حبيبتي
ونصيحه مني لج ان شاالله لحملتي مره ثانيه وقربت ولادتج تبخري بالحنه وبسرعه يفتح الرحم صراحه مجرب

 

[بولندية]

عاد شابكة علشان اشوف ولدتي ولا لآ

والحمدالله على سلامتج و كلامج الحمدالله ما يخرع عن الولادة

 

[FuSheYa]

الحمدلله ع السلامه حبيبتي
ونصيحه مني لج ان شاالله لحملتي مره ثانيه وقربت ولادتج تبخري بالحنه وبسرعه يفتح الرحم صراحه مجرب

حبيبتي الله يسلمج ويخليج
الولاده البائع الله يحيينا ان شاءالله

عاد شابكة علشان اشوف ولدتي ولا لآ

والحمدالله على سلامتج و كلامج الحمدالله ما يخرع عن الولادة

وااي حبيبتي الله يسلمج :*****
والله السهاله من ربج وماقصر معاي الكمام لوول
مستحيل ماكو عوار بس مو مثل التهويل اللي نقراه اهني وبره
تقعدين وتنسينه