خطه نهايه الاسبوع ( الويك اند ) كل وحده تقول برنامجها

[iLLuMinaTion]

هلا بنات شلونكم

ودنا نعرف بالموضوع هذا شلون تقضين العطله الاسبوعيه
يمكن نستفيد من بعض بافكار جديده

ابدي بنفسي عشان لا تقولون ههههه

- الخميس
ابوالشباب يكون راد من الدوام يعني ما يقدر علي اللويه وما يطلعنا
بالليل عندي زواره عماتي

- الجمعه
وقت الغدا : نطلع نتغدي كلنا كعايله في مطعم
وقت العشا : زواره بيت حمولتي


- السبت
وقت الغدا : زواره ببيت اهلي
وقت العشا : اطلع مع ابو العيال مطعم او سينما



المايك لكم

 

[iLLuMinaTion]

وينكم

 

[فانتا ستروبري]

الخميس

تزورني اختي

وبالليل مرات نروح السينما انا وريلي

واليمعة

بيت يدي الظهر او اقعد اغسل الملابس وارتب البيت لان ماكو خدامة

وبالليل سينما مرات

والسبت

بيت ابوي ومرات نطلع نتمشى بمجمع او نتعشى برا



وسلامتج

وحلو الموضوع =)


​

 

[faith1]

خميس وجمعه وسبت عند هلي وخواتي اما زوجي مقابلته باقي الاسبوع

 

[أم توتو]

احنا الويك اند يبدا الاربعاء اروح بيت اهلي من العصر الى الساعه 1
الخميس اذا صرت مو مرتبطه نطلع نتغدا برا او نطلع العصر ونتمشى بالمجمعات واسوي شوبنغ
الجمعه اذا ماطلعنا الخميس نتغداى برى طلعنا الجمعه تغدينا وتمشينا على الكورنيش

 

[ابلة لولوة]

هلا حبايبي بقولكم جدولي بس قبل لاقوله ابي انصح خواتي بالمنتدى
خصصي وقت لريلج بالويكند مو بس تجابلين اهلج

لانه لو ما طلعتي معاه وماخليتيه يقضي وقت معاج ترا راح يقضي عطلته مع غيرج ممكن ربع اصدقاء والا ممكن يرافج وحده
يعني لاتخلين زوارة اهلج وهم لا تخلينه ثلاث ايام مايقعد معاج وماتقضين وقت حلو معاه

سمعو كلامي لاتعودينه يعيش برووحه او يقعد برووحه فترة طويله عشاان لا تييله بنت ابليس تشغله عنج .

 

[ابلة لولوة]

ارد على سؤالكم

يوم الخميس ازور اختي

يوم اليمعه اطلع اعيالي واغديهم برة بمكان اهم يختارونه او ممكن ارووح مركز سلطان اللي بسوق شرق

عشان اتسوق للبيت

وعقب ماخلص اعشي العيال بمطاعم شرق

السبت زواره حمولتي

وميرسي على الموضوع ,

 

[اميره1980]

الخميس :
اطلع مع ريلي بعد صلاة المغرب نروح نتمشى باي مجمع تجاري و الاغلبية الافنيوز و ندش سينما و نتعشى مره وحدة بنفس المجمع
الجمعة :
غدا في بيت اهلي و نتعشا عندهم بعد انا وريلي و اهلنا كلنا نكون هناك في بيت العايلة الكبير

السبت :
غدا في بيت اهل ريلي و نقعد عندهم الى صلاة المغرب و بعدين نمشي نخلص بعض المشاوير الخاصة في بيتنا

 

[هيبة ملك]

الخميس نووووووووووم ماسويشئ ابد

الجمعة الغدا عند اخوه الكبير
وبعد المغرب اردللبيت انظف واغسل ملابسي
والعشاء باي مطعم او فبيتنا
السبت اتغدى عند اهلي
والعشاء نتعشى عند اهلي

 

[dalloah]

احنا الويك اند يبدا الاربعاء طبعا اروح بيت اهلي من بعد المغرب الي الساعه 1 الخميس اروح سوق اتمشى واتسوق الجمعه اجلس في البيت انظف وارتب واذا خلصت بدري اتعشى برا

 

[رفيقه الأمل]

هههههههههههههههه ماشاء الله عليكم

الله يهنيكم

والله انا عطلتي تعتمد على اهلي لأنه ظروفي زوجي مايكون معي يعني مسافر لظرووووف

الله يوفقكم

 

[iLLuMinaTion]

احنا الويك اند يبدا الاربعاء طبعا اروح بيت اهلي من بعد المغرب الي الساعه 1 الخميس اروح سوق اتمشى واتسوق الجمعه اجلس في البيت انظف وارتب واذا خلصت بدري اتعشى برا

الاربعااااااااء

 

[الشيخة@]

ع حسب
الخميس عند اهلي من العصر لي فاليل يتكون الجمعه عند امي لانها كبيرة العايله او نطلع السوق مع امي
الجمعه لاني بيت حمولتي الي هو بيت خالي جمعة الرجاجيل عندنايعني الظهر مقابله المطبخ العصر اقعد بالبيت او اروح اهلي
السبت بالبيت
لان ع حسب دوام زوجي دوامه شفتات يعني متى ماحصلنا طلعه طلعنا

 

[iLLuMinaTion]

ع حسب
الخميس عند اهلي من العصر لي فاليل يتكون الجمعه عند امي لانها كبيرة العايله او نطلع السوق مع امي
الجمعه لاني بيت حمولتي الي هو بيت خالي جمعة الرجاجيل عندنايعني الظهر مقابله المطبخ العصر اقعد بالبيت او اروح اهلي
السبت بالبيت
لان ع حسب دوام زوجي دوامه شفتات يعني متى ماحصلنا طلعه طلعنا

الله يتمم عليكم

لازم تستغلين السبت ابشع استغلال

 

[الشيخة@]

الله يتمم عليكم

لازم تستغلين السبت ابشع استغلال

ولايهمش جاري التنفيذ
ههههههههههه

 

[حلاتي غير]

انا نظامي يوم الخميس زواره اهلي والمغرب اطلع عيالي ويوم الجمعه مع زوجي سينما وعشا وتسوق يا بالافنيوز او 360 والسبت ببيت حمولتي

 

[شوق بدر]

الخميس اهلي الجمعه لعيالي السبت لحمولتي

 

[ام عثمانو]

الخميس:
وانا وياه نرد من الدوام ونوم لي المغرب بعدين نقعد نشوف فلم لان ماكو طلعه
الجمعه:
زواره بيت يدتي ..
السبت:
نطلع الصبح اذا عندنا مشاوير نقضيها .. ونتغدا بره .. يعني ريلي مايحب طلعات الليل كله الصبح .
الاحد:
دوام
الاثنين:
دوام
الثلاثا:
دوام
الاربعا:
دوام
لوووووووووووووووووووووووووووووووووووول

زهققققققققققققققققققققققت من الدوام ما احبه ما اااااااااااااحبه

 

[^أم يوسف^]

الخميس طبعاا مافي يعتبر بالنسبه لنا دوم عشان رجلي
الجمعه صلاة وغداا ف البيت ونوم << ماورانا شئ
والسبت نوم لي قبل العصر لان عطله مانام الا ع صلاة الفجر
وماغير باقي الاسبوع كل ماضاق خلقي
جريت @أم ضاري@
من برقعها واهي وبزرانها << كلهم 3
وتجي تهرج علي وتقص لنا قصت محسنن رخيص الروح

<< بيتوتيه

 

[مدام فراوله]

الاربعا في اليل طلعه لعيالي والخميس كشته والجمعه تنظيف وغسيل بما اني بعيده عن هلي