خريجات كلية العلوم الادارية-جامعة الكويت(قسم المحاسبة)

[^^ROSE^^]

والله كيوتا شغل عدل طلال العلي
مو مصدقه عمري كل شوي اجيس ويهي لوووووووول
سويت اشتراك تقشير كريستال 3 في 1 على قولتهم كريستال و كولاجين و شي
الخميس الياي اول جلسه ان شاء الله
لان عندي اثار حبوب فقالتلي هذا يخففهم

 

[leolady31]

والله كيوتا شغل عدل طلال العلي
مو مصدقه عمري كل شوي اجيس ويهي لوووووووول
سويت اشتراك تقشير كريستال 3 في 1 على قولتهم كريستال و كولاجين و شي
الخميس الياي اول جلسه ان شاء الله
لان عندي اثار حبوب فقالتلي هذا يخففهم

روز سألي اذا عنده شي يصغر المسامات لان انا صوب خشمي كبار يطلون دهن وايد (ويع لاعت جبدي وانا اكتب لوووووول)

 

[frawlah_83]

روز جربي واذا راحوا الاثار قوليلي عشان اسوي

لانه انا سويت تقشير كرستال من سنتين سويت 4 جلسات وماراح شيء

فالودا. رديت على سوالج شفتيه ؟

 

[leolady31]

روز جربي واذا راحوا الاثار قوليلي عشان اسوي

لانه انا سويت تقشير كرستال من سنتين سويت 4 جلسات وماراح شيء

فالودا. رديت على سوالج شفتيه ؟

اي شفته مشكوره فراوله راح احط بالي انا بحل الموك بعد اسبوع يعني اسبوع كامل حق الموك فقط و التدريب على الوقت انا الحين قاعده احاول اسرع بالحل و قاعده اتحسن

 

[frawlah_83]

حلي بيوم وراجعي بيوم ثاني انا اقول حلي السبت الي قبل الامتحان اذا يبتي فوق ال 70 فالحمدلله وايد زين بس ها اهم شيء الاثكس حاوي تيبين في فوق ال 70 او 60 على الاقل تحت ال 50 تسقطين بالامتحان بكبره حتى لو مسويه بالباجي زين .. شوفي شنو تحسين تبين تراجعين راجعي وانا اقول اخذي موك ثاني بعد من فن كوز ... او حلي السامبل كوسجن من سايت ال سي اف اي ...

 

[nonosha]

موفقييين

 

[leolady31]

حلي بيوم وراجعي بيوم ثاني انا اقول حلي السبت الي قبل الامتحان اذا يبتي فوق ال 70 فالحمدلله وايد زين بس ها اهم شيء الاثكس حاوي تيبين في فوق ال 70 او 60 على الاقل تحت ال 50 تسقطين بالامتحان بكبره حتى لو مسويه بالباجي زين .. شوفي شنو تحسين تبين تراجعين راجعي وانا اقول اخذي موك ثاني بعد من فن كوز ... او حلي السامبل كوسجن من سايت ال سي اف اي ...

اي منصجج اهم شي الاثكس راح اراجعه مليون مره ادري اغلب اللي اعرفهم سقطوا في السي اف اي من الاثكس

 

[Om_Ksha]

هاااي بناات

انا ملاحظه يا تسولفون عن رجيم و عيادات بشره و اكل

يا فوفو و ليو ليدي يدرسون مساكيين

يا عن الدوامات و الماستر


انا ودي اسأل شنو احسن مكان اسوي فيه تنظيف بشره

 

[frawlah_83]

هههه شوشو كاهي روز تمدح طلال العلي جربي سوي .. انا ودي اجرب رويال حياه بس جني بروح حق طلال العلي

نونوش مشكوره اجمعين ان شاءالله


ها بنات بشروا النفط ماكو حس ولاخبر ؟!

 

[^^ROSE^^]

طلال العلي شحليلهم ب 35
بس لازم تدفعون عشان تحطون موعد

انا اللي سوتلي الفيشال قالتلي سوي الكريستال بو كولاجين عشان يسكر المسام عندي يم خشمي قظوظ مو مسام لوووووووول
وعندي على jaw line حبوب بس هالناحيه
فاليوم تمت عملية تبطيط الحبوب وطبعا تعذبت بس تحملت
اهم شي في حبه الظاهر عوده تقولي: لايك فولكانو لووووووووووول

وخشمي فيه نقط عنونات راحوا بس بيض مو سود هم فقصتهم وشالتهم

وبعدين حطتلي ماسك وكريم وبس

سالتها عن الكولاجين حق اي سن قالت من 25 تقول هذا يغذي و ينور الويه و يبني خلايا ومادري شخربطت
وحق حالتي لان بشرتي مختلطه بس اضطر استعمل اشياء للبشره الدهنيه حق الحبوب فينشف ويهي باماكن و الباجي دهن
من جذي قالت هذا يسوي توازن و يرطب الاماكن الناشفه
مم 6 جلسات 210 بس الجلسه بروحها 40 فالباكج ارخص

 

[^^ROSE^^]

صبح ظهر و بعد شوي عصر p;

 

[q8ia_cutaa]

لوووول فوفو مادري اخاف يعور :$

تصدقون طالعلي عقب الليزر باسبوعين حبووب صغار صوب الخدود وخشن صار ويهي

تهقون من الليزر؟؟ يروح او لا ؟؟؟

 

[q8ia_cutaa]

شوشو شلونج من زمان عنج

لووووول شفتي شلون خلصت المواضيع

بالنسبة حق تنظيف البشرة انا ارتحت حق رويال حياة يمكن اسوي هناك ..

 

[^^ROSE^^]

كيوتا عادي انا كله عقب الليزر تطلعلي هالحبوب
ودخلت عالدكتور قالي عادي هذا مو حب شباب هذا ردة فعل البشره من الليزر
ناس يطلعلهم ناس لأ

انا استخدم غسول اسمه bio clin ب 5 وخرده بالصيدليه
عجيب وايد زين حق الحبوب مو الا حب شباب حتى لو من الليزر او بكتيريا
يوخرهم بسرعه
وفي معاه كريم تريتمنت نفس الاسم هم هذا زين
ساعات احطه بس فوق الحبوب
عشان لاينشف باقي ويهي

 

[leolady31]

امبيه فشله فشله فشله
اخبار جوجل حاطه عن مجلس الامة مكتوب بالانجليزي عن الهوشه فشلههههههههههههه يدام العالم

 

[^^ROSE^^]

لوووووووووول عادي

 

[بنت حمووله]

انا يايه بعلق على هوشه النواب و بطلع >>>حددددي محتره
مراح اطب بالنواب الشيعه من اللي كانو بالهوشه عشان محد يقول طائفيه بس السنه فشلوووونا و الشره على اللي مصوتلهم والله
عيل نائب امه و حالتك حاله اخر شي قاط عقالك و شاقح الستيج عشان تلسب ريال طول بعرض؟؟؟؟
يفشلون والله يفشلووون (( انا شوي و ابجي لما شفت نيوويورك تايمز و واااايد جرايد عالميه حاطين الصور
المهم انتوا شلوووونكم؟؟!!! ))))

 

[leolady31]

اهو قانونيا بالمجلس كل واحد يحقله يقول اللي يقوله و ممنوع احد ايي عند الثاني (يعني ما يصير ينزلون اللي انزلو ) هذا قانون المجلس للكل

بس الصراحة الطرفين عيب عيب عيب عيب عليهم ريايل شطولهم شعرضهم يتطاققون جنهم يهال شالسالفة المفروض الاطراف يمنعون من دخول المجلس منعا باتا و ما يسمحونلهم يرشحون عمرهم مرة ثانية لان امصخت

 

[^^ROSE^^]

ياخوفي يحلون المجلس بس ياخوفي
ياااااارب اتوظف قبلها يارب يارب يارب انا وكل البنات اللي ناطرين واييون اخرتها النواب يخربون علينا

 

[nonosha]

هلوو
بنات امس راجعت الديوان عشان اال على الربط
قالولي ان رقمي 2

وقالتلي ان من اول ما ربطتي وانتي رقمج 2
يعني من شهر 11

مااقدر اسوي شي لاززم يكون رقمي 1 يالله احاول بكتاب ترشيح صح ؟؟
لان مو قاعد يتحرك :s