خريجات كلية العلوم الادارية-جامعة الكويت(قسم المحاسبة)

[Cavalli Girl]

رد : خريجات كلية العلوم الادارية-جامعة الكويت(قسم المحاسبة)

شوفي انا اقول لا تحرقين اعصابج على شي لي الحين ماصار خوفج مايصير شي عقب حرقة الاعصاب

بس ان صار ؟؟ انا وياج و كل المحاسبين عليهم لوووول


كلش ماعندي فكرة عن البنوك ولا جان فدتج :rerrerek:

 

[Om_Ksha]

Alah y3z jam3t elq8 wla fls g6ena


Fofo shwy shwy 3lena aked mara7 agdr b3d sna o n9 noom hheheehehhe

Wayd brd eljw 3jeeeb 7da mal noooom elyom r7t eljm3ya b9mt o r7t 7dy mzaaaj ​

 

[^^ROSE^^]

ام كشه انا دشيت على حسابي لان شهادتي قديمه يا اعيد الثنوي يا ادش على حسابي واحول بعثه
وبالعكس حبيت الجامعه بس زادوا علينا الرسوم الماده من 450 لي 525
بس حولت بعثه بعدين و افتكيت

 

[Cavalli Girl]

رد : خريجات كلية العلوم الادارية-جامعة الكويت(قسم المحاسبة)

روز و ام كشه انا قبل شوي كنت قاعدة اقرى موضوع ماستر جامعة الكويت

بس ابي ارد هني لووول دام يبنا طاري الفلوس

ام كشة صح جامعتنا ابلاش بس بعض دكاترتنا لععععععععععععععن يعني انا كرهت عمري يوم درست ان في منهم يدرسون
الماستر و هونت ..
العام شهر 7 كان عندي موعد بالAUM عشان ادفع و اسجل حق الMBA عندهم

نظاااامهم عجييييييييب ثلاث ايام بالاسبوع من ال6 لي التسع .. الخميس ماكو دوام
عكس جامعة الكويت دوام كل يوم و المحاضرات تبدي مبجر .. انا اصلن اطلع من دوامي 5 !!!

بس المشكلة ان احنا نبي الماستر و الدكتوراه عشان نصير دكاترة ..رحت جامعة الكويت جان يقولون لي ان ماياخذون اللي مكملين جذي على حسابهم ياخذون بس اللي دازينهم و ان الحين مايبون الMBA غيروا !!!! :rgewrg:
قالولي ان راح تقطين فلوسج عالفاضي! جان اهون و لا جان انا الحين مخلصة كورسين

زين مايصير اخذ ماستر على حسابي و اكمل دكتوراه بعثة بعدين اتوظف عندهم ؟؟؟

اخاف اخذ ماجستير بشي بعدين تقولي لا غيرنا !!! والله افجر فيهم :gr4uu:

 

[Cavalli Girl]

رد : خريجات كلية العلوم الادارية-جامعة الكويت(قسم المحاسبة)

اذا تبون معلومات عنهم .. الدراسة كلها تكلف تقريبا 6,650 دك
يصير اقساط .. مدة الدراسة سنتين ماكو كورس صيفي
السنة فيها ثلاث كورسات
مايبون درجة بالgmat انا رحت لعبت و يبت لهم الدرجة لووول درجتي تفشل كثر ما انا مو هامني علبو مو مهمة
الايلتز يبون اقل شي 5.5

جنه لازم يكون عندج خبرة

 

[Cavalli Girl]

رد : خريجات كلية العلوم الادارية-جامعة الكويت(قسم المحاسبة)

سوري الايلتز اقل شي 5 مو 5.5

ها شرايكم بنااات؟؟؟

انا جامعة الكويت مستحيل ادشها
اول شي طلباتهم مأساااااوية مستحيل اييبها مع اني شاطرة

و دوامهم لوعة كل يوم من العصر لي الليل!

و في من الدكاترة اللي يدرسون جم دكتور (سوري على اللي بقوله) متحرش فيني ومتهاوشة معاه ! :s141:
يعني اذا درسني بيقطني ورى الشمس !!!!

ودي بجامعة خاصة ..حتى بالCV يشوفون مخلصة بكالريوس محاسبة من جامعة الكويت بالمعدل الفلاني يعني انتي شطورة بعدين كملتي بجامعة خاصة مثل قست او غيرها يعني مستواج بالانجيليزي تمام و اسمها حلو لووول احس لها برستيج خخخ

 

[^^ROSE^^]

لاتاخذين بال AUM انا سالت رفيجتي عنهم لان رفيجتها الروح بالروح تخرجت منهم MBA
اللي صار ان تموا جم شهر عقب ماتخرجوا ماخذوا شهاداتهم لان مجلس الجامعات الخاصه مو معتمد البرنامج بكبره او شي جذي ان مجلس الجامعات الخاصه في بينه و بين AUM مشكله بخصوص ال MBA
والبنيه ماتت قهر عالفلوس اللي قطتها

ترى MBA قست اينن مستوى مستوى صج و الدكاتره يهبلون
وبيفتحون ماستر محاسبه و فايننس
انا لاني ماتوظفت ومادري متى بتوظف ومادري جم بيصير معاشي فمادري اذا بقدر عالتكاليف
بس دامج تبين بجامعه خاصه روحي قست
وترى الاكريديتيشن اللي ماخذينه الاداريه بتاخذه قست وقالولنا يا السنه اليايه او اللي بعدها بس متوقعين السنه اليايه
اللي قالولنا هم جماعه الاكريديتيشن مو اداره الجامعه
لان هم يطلبون يقابلون طلبه و جذي فلما سالتهم قالولي جذي

وعادي تقدرين تكملين دكتوراه عقب ال mba ماله شغل

وااااااااي تشوقت ابي جامعتي :jumpon: بس ياربي صلخ كافي اللي دفعته قبل
بس لو عندي فلوس جان دشيتها
الله كريم

 

[^^ROSE^^]

كافالي جامعه الكويت متى يبدون محاضرات الماستر؟ الساعه جم

بقست من 5 لي 8

 

[Cavalli Girl]

رد : خريجات كلية العلوم الادارية-جامعة الكويت(قسم المحاسبة)

نست والله جم بالضبط يبلشون بس انا اذكر ان ابجر من الجامعات الخاصة في محاضرات تبلش وانا بعدي بالدوام
:bbbiu:

 

[Cavalli Girl]

رد : خريجات كلية العلوم الادارية-جامعة الكويت(قسم المحاسبة)

والله ودي اكمل و مستعدة لأن السنين تركض و لما يمر الوقت تقولين شوف مرت سنتين لو دارسة جان الحين مخلصه

بس مابي ابلش اي شي و اتحسف مادري شنو اخذ ..

و الراتب طاير طاااااااااااااااير خل نسوي شي مفيد ! بدال مصاريف الخرابيط كل شهر :rerrerek:

 

[frawlah_83]

رد : خريجات كلية العلوم الادارية-جامعة الكويت(قسم المحاسبة)

اذا بشيلون الكادر الي كان ينزلهم ماراح يشيلونه بس حق التعيين اليديد ماراح ينزل بعديين هذا كله دراسه ماكو شي رسمي ..

ترى الكادر بس ينزل حق الاماكن الي مالها كادر يعني لو انتي تشتغلين بالماليه راح تختارين كادر الماليه او كادر الوزراه .. هذا الي اعرفه .. اتوقع الي ياخذون الكادر بس بالوزارات الداثره الي محد يبيها ... هذا الي اعرفه


رووز حق بنك بوبياان الدوام توحده الافرع لي 3.30 وجنه سوها 3 .. اي والله صار في فقر بالبونص بس التامين وهالسوالف مانشالت ...

عموما رواتب البنوك للجامعي بين 500 و 550 يختلف من بنك لي بنك ودعم العماله 410 ومن اطوف مجموع راتبج 1000 اصير دعم العماله 360 اشيلون ال 50 الزياده الاخيره ... اغلب البنوك يعطون بونص اخر السنه 15% من مجموع رواتب سنه كامله في ينوك خفضو النسبه بس ماسمعت احد كنسلها انا الي اعرفهم في البنوك اخذو بس ال special bouns الي بعد ماتنزل ارباح البنك خفضووها وفي بنوك ماقامت تعطي ..

المدره الي ياخذون بدل سكن ومدارس وبدل سياره اهما الي تاثروا واايد وانخفست رواتبهم ... بالبنك الي كنت اشتغل في كان يعطونا تذكره سفر مبلغ 200 كل سنتين قبل لا اطلع سووهاا 100 يعني جذي .


بس الموظفين الصغار ماتاثروا وايد ماتغيرت مميزاتهم الا حق البونص..

بالنسبه حق الممزات بوبيان ماعرفها شنو بالضبط بس التاميين هذا موجود عند الكل ..

نصيحه قدمي على كل مكااان وشوفي شنو الي ييج ترى حتى التوظيف بالقطاع الخاص صار شوي صعب مو نفس قبل يعني لازم تنطرين لما اتصير في شواغر بس عاده الي يبي فرووع بسرعه يتوظفين..


وحق الماستر الي تبي ادرس بجامعه الكويت فلاتاخذ شي على حسابه ترى ماياخذونه والي اعرفه لازم تاخذين بعثه بره عن طريقهم ومادري الي ياخذ ماستر عندهم بالكويت اشغلونه او لا ولا زم بعثه خارجيه.. بس تقدرين تاخذين على حسابج وتروحين جامعه خاص اتوقع تقبل بس رواتبهم مو وااو نفس الجامعه

 

[Cavalli Girl]

رد : خريجات كلية العلوم الادارية-جامعة الكويت(قسم المحاسبة)

صج والله ؟؟
مشكووووورة رووووز زين قلتيلي قبل لا اتخذ خطوة

:friends:

 

[Cavalli Girl]

رد : خريجات كلية العلوم الادارية-جامعة الكويت(قسم المحاسبة)

مشكوووووورة فرااااولة عالرد المفيد

انا قاعد ادرس الموضووووع :080402ask_prv:

 

[Om_Ksha]

Ana agdr a5th mba eb jam3t elq8 bs elgemat o eltofl m2sawy ( wayd 6lbat shd3waaa ! 7daaa wdy akml bs madry maly 5lg gemat o tofl :jumpon:

 

[frawlah_83]

رد : خريجات كلية العلوم الادارية-جامعة الكويت(قسم المحاسبة)

اهم شي قبل لا ادرسين وتعبين وتقطيين فلووسج لازم تشوفين اول هل هالفلوس والمصاريف الي بتقطيينه راح ترجع عليج بنتيجه .. بتحصليين زياده راتب او ترقيه شي يسوة ...

اذا بالحكومه بتحصلين زياده 50 دينار مادري 75 يعني كلش مايسوى تقطيين 7000 دينار على زياده 75 !!

انا اعرف وحده بالخاص توها خلصت MBA من AUM حتى فلس وااحد مازادووهااا :denya:

اما اذا جامعه الكويت فاهي ابلاش ابلاش كل الي تخسريينه انج بتعبين ودرسين ماراح تقطيين مبالغ

قبل لاتاخذين قرار حسبي عدل .. وشوفي سالي تقدرين ادرسين بجامعه خاص او لاء

 

[frawlah_83]

رد : خريجات كلية العلوم الادارية-جامعة الكويت(قسم المحاسبة)

والله انا قاعده ادرس الموضوع اني اكمل بجامعه الكويت ماراح اخسر شي ... وان شاءالله بسوي الي جيمات والتوفل بالصيف .. بس ليلحيين مادري ماستر اكاونتغ او mba ...

شووشوو درسي توفل عدل واخذي دورات اذا تبين

 

[Om_Ksha]

Yarby shnswe b3mrna wya shro6 jam3t elq8 eelt3jezeya :eh_s(13):

 

[frawlah_83]

رد : خريجات كلية العلوم الادارية-جامعة الكويت(قسم المحاسبة)

ال cpa اتوقع جمعيه المحاسبين تسوي دوري مادري متاكده ... بس بدل لاتقطون كل هالفلوس جربوا درسوا بروحكم..

وترى مفعوول هالشهادات ماراح ابين اللحين راح ابين على المدى الطويل بعد ماتخذين خبره مو معناته اذا خذتي هالشهاده راتبج بصك ال 4000 مره واحده لااا يبيلها وقت طوووووويل على ماتاخذين الخبره المناسبه ...

ترى في جهات حكوميه بلشت تحط في وظايف اعلانتها انهم يبون CFA/CPA/MBA بس مادري شكثر يعطون زياده بس لو انه اثنين قدموا على وظييفه والاثنين كانو بيرفكت واهم يبون شخص وايد فراح ياخذون الشخص الي عنده هالشهادات


التامينات كانو حاطين هالاعلان يبون محلل مخاطر استثمار ويفضل احد عنده هالشهادات فدقيت سالت عن الراتب قالولي ماكو راتب معين على حسب الشخص المتقدم والموهلات فيعني شي زيين انهم بلشوو يبوون ناس جذي

 

[^^ROSE^^]

مشكوره فراوله عالمعلومات
قطيعه شهالنحاسه ليش يشيلون الخمسين من دعم العماله خو قاعد نكرف مو نفس دوام الحكومة
شهالحسد

انا مقدمه بالسايت مال بوبيان بس محد دق
دقوا شركه وربه
الجامعه دازين لهم اسامي الخريجين بس ماحددوا لامقابله ولا شي
ومابي شركه جذي ابي مكان سنع
واذا بنك لازم اسلامي

بشوف الاهلي المتحد والدولي
الاهلي المتحد سايتهم يغث لا عبيت كل البيانات يطلعلي ايرور اففففف

 

[Om_Ksha]

Ana gdmt 7g elahli elmt7d R7TLHM 3 mraaat gdmt wla dgo 3ly el .... :jumpon: