خريجات شلون لوبنزل ماده صيفي؟؟

[أبله^زوزو]

السلام عليكم ..

شلونكم ان شاءالله بخيرر ؟؟

بنات ياليت الي تعرف منكم وخصوصا الخريجات الي جربت من قبل تنزل ماده بالصيف تقولي شنو الاجراءات؟؟

وجم بالميه احتمال تنزل واذا كانت هذي اخر ماده لي تنسحب اذا ماكملت المقاعد نص العدد ولاشنوو؟؟؟؟

ووين نزلتها من شويخ ولا من القسم نفسه؟؟؟ واذا القسم رفض شويخ يتصرفون ولاشلون؟؟؟؟؟

عفيه بنات محتااااااااجه مساعدكم الله يجزاكم الخير


ملاحظه: الجامعه جامعه الكويت

 

[أبله^زوزو]

يعني معقوله مافي خريجه بالمنتدى؟؟؟؟

ولاوحده عندهااااا خبره بمواد الصيفي؟

 

[مزآجيه!]

اممممم


شوفي شلون تنزلين المآدهـ مآعندي خلفيه فيهآ..


لآن المآدهـ بيد الدكتور ..


والصيفي فصل إختيآري مو إجبآري يعني مو شرط ينزلون العمآدهـ..

بس إذآ نزلت مآدهـ بالصيفي والطلبه المسجلين شويه تنسحب حتى لو كنتي خريجه..!


فـ الأفضل إنج تجمعين كم بنت عشآن تسجلون


أتوقع مآيقل عن 10 طآلبآت..

وبـــــــس

 

[EviL^^GirL]

ما ودي احبطج

بس الصيف الي طاف

ست خريجات انسحبت شعبتهم بعد اول سبوع دوام
وكتب عنهم فؤاد الهاشم

لانهم بس سته بالشعبه
وتاخر تخرجهم لي الكورس الاول
ووحده منهم رفيجتي خنت حيلي
وتوها تخرجت الكورس الي طاف ..

والماده اتوقع انتي ماتسوين شي
اهم يدرون عنج وراح ينزلونها عشانج دايركت
و بالتوفيق

 

[أم حمد =)]

ماعندي فكرة ..


موفقة ..

 

[أبله^زوزو]

الله يستر بستره مشكله لي سحبوها ماينزلونها اول لان الماده تنزل كل ثاني

ادعولي بناااات الله يسهلها

 

[فديتـ♥ترابـ♥الكويتـ]

الله يسهلج

بس والله رفيجتي من كورسين واعتقد صيفي
خذت عن المسيلم او شي جذي بالتربيه

وكانو 4 او 5 بناات بالشعبه :|

انصدمت شلون ..؟
وبالاخير كلهم قريداتهم حلوه

واذكر دكتوره ز.ج قالت للبنات انا بطلت شعبه وابي بنات يسجلون ..واللي تسجل تضمن الاي عندي !!؟


شوفي انتي حطي اسم الماده والدكتوره بموضوع بالمنتدى وشوفي منو يبيها هني بالمنتدى +شوفي رفيجاتج وبنات بره المنتدى و ان شاءالله تحصلين 10 بنات
وكلمو الدكاتره مبجر وان شاءالله يرضوون


والله يسهل لج وللجميع

 

[مزآجيه!]

^


الله يوفقج إن شآء الله ومآيسحبونهآ وتفتكين منهآ وتتخرجين ..

 

[C.S.S]

انشالله تحصلينها ..

بس الصيفي يبلش من تاريخ جم ؟؟

 

[فديتـ♥ترابـ♥الكويتـ]

انشالله تحصلينها ..

بس الصيفي يبلش من تاريخ جم ؟؟

يبتدي نهاية 6 !!؟
اذكر ما انعطل بعد امتحانات الكورس الثاني اكثر من اسبووع !؟ :23_asmilies-com:


​

 

[C.S.S]

انزين وتسجيل المواد يكون بالنت ؟

ولا لازم نروح الباي فورس ..؟ << لاني اول مره اخذ صيفي وموعارفه الطريقه ؟

 

[فديتـ♥ترابـ♥الكويتـ]

بالـــنت..يدزون موعد التسجيل مسج ويحطونه بموقع الجامعه بحسابج الجامعي

وطبعا اذا اخذتي مواد انتي مجبوره فيهم طول الصيفي يعني مافي سحب

والسحب والاضاافه بــــــــــــس اول يومين لما نداوم بالصيفي

واذا ماتبين وحده من المواد طبعا تاخذين اما اف او اف اي

عشان جذي تاكدي انج تبين الماده وقادره تكملينها

واعتقد اللي مايبي الصيفي له حريه يسحبه !!؟<<اسئلي فيها اكثر وتاكدي

زبن ..وشنو بعد !!!!!؟

اذكر ما في باي فورس للصيفي !!؟

ووووووو نصيحه اخذوو الصيفي

لانه خفيف غير الكورسات الثانيه
ويعدي بسرعه..انا اخذت كل الصيفي
حتى اذا قعدت على ماده

طبعا لج حق تاخذين ماده او 2 او 3

والخريجين والمتفوقين ياخذون 4 ..
..

اي سؤال انا حااضره

 

[C.S.S]

مشكووره ياقلبي ماقصرتي ..

الله يجزاج خير ..

 

[فديتـ♥ترابـ♥الكويتـ]

حياااج

ونصيحه دام اول مره تاخذين صيفي

اسئلي كل شخص تشوفينه ..عشان تحصلين معلومات كاافيه ..


بالتووفيق

 

[C.S.S]

ان شاء الله

 

[أبله^زوزو]

فديت تراب الكويت & مزاجيه :******

دعواتكم يالغاليات الله يسهل علينا وعليكم ان شاءالله

ماقصرتوا رفعتوو من معنوياتي الله يفرحكم ان شاءالله

 

[طالبة1990]

بس صج شلون اذا نبي نفتح مادة بالصيفي ماتنزل كل صيفي

يعني مفروض نراكض فيها من الحين ولا شلون يعني؟

وشنو الشروط والطلبات؟

 

[أبله^زوزو]

طالبه لازم تجمعين 15 توقيع وتكلمين الدكتور ورئيس القسم وتبلغينهم

وسلمي التواقيع للسكرتاريه ويفضل من الحين تشتغلين قبل لاتنزل الجدوال

وبالتوفيق لنا ولج ان شاءالله

 

[قطوووة]

مودايم تضبط مرة سكروا الشعبه لان 4 بنات ولما يبت لهم 7 بنات زيادة مارضوا

 

[أبله^زوزو]

اي لازم 15 طالبه لان على قولتهم ميزانيه ماكو

الله يسهل عليكم ان شاءالله

والي تبي ماده خل تشتغل من الحين وتجمع بنات ياخذونها معاها عشان ماتتصكر تالي الشعبه