خريجات الكورس الجاي شالوا مواعيدنا ؟؟ تعااالوا بليييز

[تووووووووووته]

لا تسجيل الخريجين نفسه .. بدون ورقه يسجلونج .. بس انا سجلت عند اول وحده قمه بالمعامله لو عند غيرها ما اظن بتسجلني .. شوفي اول وحده من صوب البوابه جنه اسمها حصه تلبس بدل الله يوفقها سهلتها علي و على جم بنت معاي .. ما اظلم باقي الموظفات بس هذي اللي تعاملت معاها ..

انتي عاد إكسري خاطرها خلي عيونج بريئه يائسه ههههههههه :eh_s(2):

 

[0(مـــســـ(مطير)ــــــك)0]

بروحلهم باجر ان شاء الله(اليوم الصبح ) ...

وببجي وبصارخ وبنهار ههههههههه


ابــــــــــي حـــصـــــــــه تـــســـجـــلني !!!!

خخخخخخخ

الله يستر

 

[مزآجيه!]

^



اي صح أول وحدهـ تلبس بدل عسل عسل عسل..



عسى ربي يوفقهآ..


والسمرهـ بعد اللي تلبس عبآية رآس..



امآ البآجي انحآآآآآآآآآآآآآآآآآآآآآآآآآآآآآآآآآآآآشي منهم..



تخيلي انآ دفعة 2005 قلت لهآ إن أكثر من كورس أجي بسجل موآد يسجلون لرفيجآتي ومآيسجلوني جآن تقول لو جآيتني مسجله لج..


بس هالثنتين امآ البآقيآت اففففففف قشرآت..


جنج تطرين منهم

 

[الغدق]

بـــــــــناااااات
السلام عليكم ورحمة الله وبركاته
أنــــا بسوي قصة باجر
أبيها تسحبلي مادة واتسجلي مادتين
والمادتين متعارضين
قصة مو تسجلي
توقعووون يسلجلوني

واذا محد موجود يرد علي عشان اقوله قصتي

^^^^^
ادري اشكره داااشه بتحلطم
بس كلنا بهالهوا سوى

 

[0(مـــســـ(مطير)ــــــك)0]

مزاجيه .. عاد انا حظي نحس .. اللي تلبس بدل تقعد على اول مكتب صح ؟

والسمره تقعد برابع مكتب صووح

حححححححح انا الكورس اللي طاف طحت عند النسره ال2 خخخ الله يسامحها طلعت منها مثل مادخلت

والكورس هذا رحت عند ال3 ههههههه العن عالحظ الخايس ):

بس باجر ان شاء الله بحرص اروح للسمره او حصه ..

وادري راح اطيح بيا2 او ال3 انا اعرف حظي يكسر الصخر ((


الغدق

وعليكم السلام حبيبتي

شنو راح تسجلين ماتدتين متعارضات ؟؟ ريحي نفسج ماراح يسجلونج خخخخخخخخ وحده محبطه

بس والله مابيج تعنين عالفاضي

 

[تووووووووووته]

اي مسك ما اوصيج .. و هالله هالله بالادعيه لحصه ( الله يوفقج .. فرجي همي الله يفرج همج دنيا و آخره .. ربنا يخليــكــي ) خوفج تقول ماعندي خرده

و الغدق .. المادتين كلش موضابطين ؟ ماكو شعب ثانيه ؟ انزين مافكرتي تسجلين وحده منهم قراءات ؟ .. :eh_s(10):

انتي فكري بـ حل و خلج مصممه عليه .. شدراج يمكن الموظفة الطيوبه تغيب على حظكم باجر و تبتلشين بالنحيسات مالهم خلق لج .. لازم تكونين مضبطه امورج .. :rerrerek:

 

[الغدق]

انا بقولج القصة
الله يسلمكم انا مسجلة 110 الساعة 2
وحلقة بحث نازله يوم 1و3 الساعه 2<<وتوني جيكت عليها مغلقة
وشعبة ثاينة نازله يوم2و4 هم الساعة 2 ومفتوحه فيها كراسي وايد

فابيها تسحب الانقلش واتسجله الساعه1 لحد الان ماكو مشاكل
وانا ماخذه ميداني للساعه1 فالسستم عندي مايسجل

وأكو مادة أنطرها من دهر ماتنزلها الا دكتورة وحدها اي شي
ونحسية وبداية التسجيل جيكت على هالمادة ومنزلتها بس هالدكتورة
والحين لما جيكت والا منزلها دكتور انا احبه الساعه2 يومم 2و4
والشعبة هم مغلقة يعني شسوي ؟؟؟
بس اقدر اخذ حلقة بحث قراءات بس هالمادة ابيها فرصة ماتعوض

اشرايكم شسوي؟؟

 

[تووووووووووته]

مالج الا قراءات ..و شلون فرصه ماتعوض ؟ شنو تخصصج ؟

 

[الغدق]

عربي اسلامية
ياأختي هالمادة ماتنزلها الا نوال الابراهيم
ووووعت جبدي كل ماابي اسجلها والا اهي منزلتها
والا سعاد ماأبيهم بروحه المادة قثيثة ولووعه
وهالدكتور انا مجربته مرة كان منزل مادة
أول مرة ينزلها وكانت سهلة معااه حيل

 

[تووووووووووته]

أهـاا .. و الله ما ادري بس بالأول و التالي لازم تنازلين شتسوين مضطره عشان الجدول و تتخرجين !

حدها مقفله معاج السالفه شلون بتحلها لج الموظفه ..

شوفي شبيصير معاج باجر يمكن يبطلون شعبه ثانيه للدكتور اللي تبينه .. محد مرتاح انا ماخذه عند دكتور اقشـــر الكل يقول لا يحوشج بس شنسوي بنخلص ..

موفقه ان شاءالله ماعليج سهالات لا تشيلين هم

 

[0(مـــســـ(مطير)ــــــك)0]

اي توته الله يستر .. عاد انا قبس ..ومفعولي قوي .. خخخخخ يعني بخرب على غدق هههههه الله يستر

غدق

حبيبتي شوفي

اللي فهمته انج محتاره بثلاث مواد

حلقة بحث اخذيها قراءات

وانجلش خليها على وقتها دام الميداني مخرب عليج

والماده اللي منزلها دكتور وماتعوض

اخذيها قراءات .. عادي يحق للطالب انه ياخذ قراءات مادتين فقط وانتي اخذيهم بكورس واحد

كونج خريجه

هذا رايي واستخيري اولا واخيرا ..

وادعي انا نطيح عند موظفه حبوبه

 

[تووووووووووته]

انتي عندج مشكلتين .. الاولى الانجليزي و الثانيه مادة الدكتور اللي تحبينه

الانجليزي صعبه .. تعارض بالوقت مو مناسبج نهائي الا اذا تاخذين موافقة الدكتور و رئيس القسم .. يمكن تضبط لانها تتعارض مع الميداني مو حلقة بحث !
اذا ما مشى الحال خلي حلقة بحث قراءات .. مهما كانت مهمه المحاضره .. مستقبلج أهم ..تخرجي و افتكي لا يقطونج صيفي :eh_s(2):

الثانيه .. اخذي قراءات عند هالدكتور اللي تبينه وين المشكله ! والا شوفي يمكن يبطلون شعبه ثانيه له ..

موفقه ان شاءالله

 

[الغدق]

ثااانكس بس بــناااات
لا انا وراي كورس أول بس ماابي أخذ صيفي
راح يصادف كورس عرسي إن شاءالله والمواد اللي باقيه كلهم صعبين

بس انا اخلص ميداني الساعه 1 بالسستم والانقلش في محاضرة الساعه 1
توقعون ترضى اتسجلياه ؟؟
لأن اذكر في بنات يطيحون معاي بمحاضرات اتكون عندها محاضرة بيكفان
الساعه10 مثلا وعندها المحاضرة اللي وراها بالخالدية الساعه11 ؟؟
يقولون مسجلينها بالشويخ لان بالسستم اتصير تعارض

 

[0(مـــســـ(مطير)ــــــك)0]

اي ترضى ونص ياعروستنا

بس انا عبالي انتي خريجه هالكورس خخخخ بس طلع ليلج طووووويل >>>> وحده مومصدقه انها بتخرج

 

[0(مـــســـ(مطير)ــــــك)0]

لحظه انتي الانجلش بكيفان والميداني بشويخ ؟؟

جيكي بسستم عدل

اذا اي

لازم يكون بينهم اقل شي نص ساعه

 

[الغدق]

مشكووووريــن بنــات
مسكــ وتووووتــه
ازعجتكم معااااي

بس شكله باخذ الحلقة قراءات
والثانية بسجلها عند الدكتور

انزين ورقة القراءات أخذها من العمادة
والا الم تي سي؟؟
واقول للموظفة اني اخذ قراءات أو لاء؟؟

 

[0(مـــســـ(مطير)ــــــك)0]

القراءات باجر يبدا تسجيلهم اسئلي الموظفه وتبعي معاها ..

واسئلي اكثر من وحده ترى مو ثقات

 

[الغدق]

هلا مسك لا انا ميداني بالصباحية
انا بالتربية
ايه حداا ليلي طويل توالناس

 

[تووووووووووته]

يه يه عروسه :sfg:

الله يوفقج .. :nbvppw:

شطيتينا على بالي هالكورس تخرجين .. يلا مابقالج شي هانت

و خلاص اذا اخذتي الحلقه قراءات مايكون الانجليزي مشكله لج .. خليه بوقته

و الماده الثالثه اخذيها عند الدكتور الطيوب قراءات .. و بس

 

[0(مـــســـ(مطير)ــــــك)0]

شكو الصباحيه خخخخخ

لا بالسستم يكتبونلج ميداني وجنبه منطقه ( ياكيفان ياشويخ )

حتى لوكنتي اداومين بالصباحيه

بس السستم شنو مسجلج اذا مسجلج كيفان عادي يسجلونج انجلش عرفتي ..

انا كنت ماخذه ميداني بالعدان وكان مكتوب بسستم شويخ وسجلت وراها مقرر 2 عادي

موفقه حبيبتي