خريجات الكورس الجاي شالوا مواعيدنا ؟؟ تعااالوا بليييز

[0(مـــســـ(مطير)ــــــك)0]

اي انا بعد سألت قالت يصير تعدلين ..

 

[الغدق]

بنــــــات سؤاااال حجز الموعد بس حق الخريجين
؟؟

 

[تووووووووووته]

ايه بس للخريجين ..

تعالوا صج بنات انا عندي ماده الساعه8 مارضت تعدل لي وقتها ابيها 12 .. اشرايكم اسحبها و اروح للتسجيل يضيفونها لي الساعه 12 .. اخاف اسحبها و اتوهق ..

شسوي .. تسجيلي بالنت يوم الجمعه !!

اشرايكم شسوي ؟ :s

 

[الغدق]

ونــاسة يعني انا اعتبر خريجة
لا يبه لا تسحبينها خلج عليها
واذا لقيتي مادة زياده سجليها
عشان اذا بدينا دوامات كلمي الدكتور يغير الشعبة
اذا مارضى اسحبيها أضمن جذي
انتي جم مادة مسجلة ؟؟

 

[تووووووووووته]

مسجله 3 و ناطره الاسبوع الياي اسجل الرابعه للحين ماتبطلت .. مو باقيلي غيرهم

بيني وبينج مااعررررف اكلم الدكاتره نهائي و خوفج مايرضى .. اتوهق يصير فراغي 4 ساعات بين 3 محاضرات تخيلي !!
عشان جذي ابي اسحبها و ارد اسجلها مع الماده الرابعه بس بوقت مختلف ..

و انا خريجه احس لازم يسجلوني .. ماادري حدي محتاره

رايج اروح اسأل التسجيل باجر احسن ؟

 

[الغدق]

اها مادام جذي سحبها ورورحي الباي فورس غصب عنهم يسجلونها لج
ايه اسحبيها الحين وباجر يسجلونها
لأن هذي حركاتهم مرات مايغيرون
ولما اتسجلها لج قولي ابي الساعه12 وخلج مصرة

 

[تووووووووووته]

معاج حق الغدق .. الله يستر حتى و احنا خريجين مانرتاح نهائي

عاد اشتغلت فيني شيصبرني ليوم الاحد

الله كريم

 

[الغدق]

إن شاءالله يارب اتسجيل المواد
اللي تبين والوقت اللي يناسبج
وبالتوفيــق

 

[0(مـــســـ(مطير)ــــــك)0]

لا توته مانصح تسحبينها شوفي تسجيلج اللي بنت وحطي تبديل الشعبه لييين تضبط معاج واذا ماضبطت

تعالي الاسبوع الجاي للجامعه وروحي اخذي ورقه من الدكتور ترى عادي .. قوليله خريجه وماضبطت معاي الماده

 

[قطوه وجذابه]

تسجيلي اليوم الساعه 10

الحين بلبس واطلع من البيت

حدي خآآآآآآآآآيفة وفيني البجية

ادعووولي بنات

 

[تووووووووووته]

مسك الورقه وين اوديها ؟ لا تقولين باي فورس !!

مستحيل تضبط بالنت .. و انا باروح الاحد الشويخ اسجل ورشه قالولي تعالي الاحد اهنيه لا تروحين كيفان

مفكره اسحبها الجمعه و اروح الشويخ يسجلون لي حاسوب وورشه

بنت خالتي تقول روحيلهم اليوم قولي باضيف ماده ومتعارضه مع وقت حاسوب .. راح يغيرونها لج و سحبي الماده الثانيه يوم الجمعه
بس ماادري تمشي عليهم هالسالفه ؟ و ماادري يسجلون لي والا مايستقبلوني اساسا اليوم ؟

اعتفسنا مع هالجدول كل ماقلت هانت واضبطت يرد يعتفس مره ثانيه تعقدت

 

[الشمريه]

قوه بنات انا 99 وحده هل اعتبر خريجه باقي6 مواد بس

ويطللع لي حجز موعد بشويخ عندي مواد ماسجلتهم بس سجلت ثنتين هل اروح لشويخ؟؟ولا كيفان

 

[طالبة1990]

اذا مادة مسبق ايه روحي ويبطلونها لج

انتي روحي شخاسرة


احجزي لج موعد


اعرف وايد خريجات كورس اول سجلوا لهم مواد بس مو كل المواد اللي يبونها

وعلى فكرة اهمه اساسا حاطين الحجز بالنت لكل اللي مجتازين 99 وحده

 

[الشمريه]

جزاج الله خيرياحياتي حتى انقليزي 110 يسجلونها لي >>>>>>>>>ماعندي واسطه اسجللها

مت من الهم بسب وسائل وانقليزي

 

[0(مـــســـ(مطير)ــــــك)0]

مسك الورقه وين اوديها ؟ لا تقولين باي فورس !!

مستحيل تضبط بالنت .. و انا باروح الاحد الشويخ اسجل ورشه قالولي تعالي الاحد اهنيه لا تروحين كيفان

مفكره اسحبها الجمعه و اروح الشويخ يسجلون لي حاسوب وورشه

بنت خالتي تقول روحيلهم اليوم قولي باضيف ماده ومتعارضه مع وقت حاسوب .. راح يغيرونها لج و سحبي الماده الثانيه يوم الجمعه
بس ماادري تمشي عليهم هالسالفه ؟ و ماادري يسجلون لي والا مايستقبلوني اساسا اليوم ؟

اعتفسنا مع هالجدول كل ماقلت هانت واضبطت يرد يعتفس مره ثانيه تعقدت

سوري توته عالتأخير توني اشوفه ..
لا الورقه تودينها الام تي سي ويسجلونج غصب عنهم ..

انا اذكر مره كنا اول يوم دوام وكنت احاول قبلها اسجل علم نفس فسيولوجي عند كامل وموضابط معاي .. تخيلي واحنا

مداومين مريت مكتب الدكتور قلت خنأسئله .. قلتله دكتور ممكن اسجل مقرر فسيولوجي ؟ قال اي ممكن تبين ورقه ؟ قلت اي ..

قال انتم جم وحده .. عاد انا طمعت قلت 2 سجلت اسمي واسم رفيجتي .. قالي وديها الام تي سي .. ويوم وديتها سجلوني غصب عنهم .. رديت البيت لقيتها موجوده بجدولي (

بس يكتبلج الدكتور لامانع من تسجيل الطالبه ... ولااااااااااازم يكتب اسمج .. اذا ماكتب اسمج يعني يقص عليج يمشيج .. واذا رحتي هناك يقولون لج لا .. خل يكتب اسمج .. وتنضاف لج ..

موفقه

 

[قطوه وجذابه]

اخر المستجدات ..

- بشرى سارة للي بيسجلون القراءات عندكم لي اول اسبوع دوام ..

- الموظفات حدهم نفسيه .. ما ياخذون ويعطون ! ومايهمهم اذا انتي ماتبين هالدكتور

اذا مناسب الجدول والشعبة مبطلة يسجلونج غصب .. انزين اذا في واحد عاجبني

وشعبته مسكره اكيد لهم صلاحيه يسجلونا.. بس الشكوى لله

 

[الغدق]

جزاج الله خيرياحياتي حتى انقليزي 110 يسجلونها لي >>>>>>>>>ماعندي واسطه اسجللها

مت من الهم بسب وسائل وانقليزي

ايه يسجلونلج 110 غصب لانج خريجة كورس اول
والصيفي مايعتبر كورس فغصب يسجلونه
انتي نفسي أنا سجلته بالصدفة وبعد معاناة الساعة
وتعارض مع حلقة بحث
قلت لو شيصير مااسحب الانقلش
ماصدقت على الله اسجله وبروحلهم ا
هما يتصرفون بحلقة البحث
بس الانقلش لاء مااسحبه

 

[مزآجيه!]

وآآآآي يحرووون ..!

 

[تووووووووووته]

حياتي مسك عادي .. ابشرج ضبطت الجدول الحمدلله

والله صراحه الموظفات بالشويخ طيوبات ساعدوني ضبطوا جدولي المعتفس لاني خريجه كورس ثاني .. والله لو رايحه لكيفان جان طلعوا روحي و ماعندهم مانع يخلوني آخذ صيفي بعد ..

الغدق طيعيني لما يبطلون حلقة بحث روحي الشويخ صدقيني بيضبطون جدولج مع الانجليزي .. بس بكيفان بيقولون لج غصب تسحبين و روحي لدكتور الماده و لامانع وهالسوالف مستحيل يريحونج لازم يغثونج قبل لا يضبط جدولج ! هذي نصيحتي لج ..

 

[0(مـــســـ(مطير)ــــــك)0]

توته اي موظفات العماده والا تسجيل الخريجين نفسه ؟

لان بقالي ماده وحده وبروح ان شاء الله الاسبوع الجاي الجامعه .. باخذ من الدكتور ورقه .. بس يمكن لاقدر الله ماحصله او مايرضى ..

فانتي وين سجلوج ؟